|
|||||||
| الملتقى الشرعي العام ما لا يندرج تحت الأقسام الشرعية الأخرى |
 |
|
|
أدوات الموضوع | انواع عرض الموضوع |
|
#1
03-19-2008, 10:41 PM
|
|||
|
|||
و بعدين فى اللى بيحصل ده ..؟؟ طب و انت عملت ..وانتى يا ختى عملتى ايه ..؟؟ حد يرد عليا
بسم الله ....
و الصلاه و السلام على الرسول الله ...الصلاه و السلام على الرسول الله ...الصلاه و السلام على الرسول الله و بعدين فى اللى بيحصل ده .....؟؟؟؟؟ و بعدين يا جماعه فى اللى بيحصل ده ... و لحد امتى هنفضل ساكتين على سب الرسول و ايذاءه ...؟؟؟؟ انا كنت حزين لما خرج نصف شباب مصر بعد فوز مصر بكاس الأمم الأفريقيه للشوارع و الطرقات ... و كأن الأمه فى حاله رخاء و الحياه تمام و لا كان فى ناس مسلمين مش لاقيه تاكل و لا كأن فى ناس عايشين فى ظلام و لا حول و لا قوه الا بالله .... جميل ان تحب و طنك و تنتمى اليه و ان تحبه بحلوه و مره و تخلص له و تسعى للأرتقاء ببلدك ... هو مش النبى صلى الله عليه و سلم حينما طرده اهل مكه من بلده كان يقول (و الله انك لأحب البلاد الى قلبى .... الى اخر الحديث ) و ذلك رغم ما لاقاه من ايذاء و سب و قتال ... و جميل ان تحمل مشاعر ايجابيه لنصره وطنك و لكن بضوابط و نظام ... دلوقت انا بسألك انت يا اخى و انت يا اختى عملتوا ايه لما اتسب الرسول...؟؟؟؟ طبعا هيطلع واحد يرد عليا دلوقت ... و يقولى ؟؟؟؟ لأ معلش انا مسكتش ... انا قمت بمظاهره الجامعه كلها كانت بتحكى عنها .... و مش هقولك على الى عملتوا فيها ... من تقطيع و حرق و لا كأننا كنا فى حرب ... و هسأل اخى فى الله ... بالله عليك لو رآك الرسول و انت تصيح و تحرق و تدمر ...هل سيرضى عما تفعله .... و بالله عليك لما وكالات الأنباء الفضائيه تتداول هذه المظاهرات ...بالله عليك متوقع يكون ردهم ايه ...هيقولوا يعنى (وحوش ..رجاله ...لا بجد هما دول ولاد الأسلام ) .. لاو الله بل سيقولوا... امه همجيه --- دمويه --- متخلفه .... لاتعرف كيف تغير و لا تعبر عن غضبها و المصيبه اصلا انك بتلاقى اللى عمال يزعء و يصرخ و عامل ففيها الزعيم و قائد القافله (اقصد المظاهره) تجده اصلا مش ملتزم ... .لو مسكت موبايله تلاقيه فول ميمورى نمر بنات و العكس ...تمسك mp3 بتاعه تلاقيه متروس اغانى ..و غيره و غيره وغيره و انا و الله لا احتقر ابدا اى مسلم مهما ان كان ... و لكنى و الله اشفق عليه و اخشى عليه ... لأنى عشت فتره من عمرى (اسال الله ان يغفرها لى و الا اعود لها مرة اخرى) و كنت فى هذه الفتره اعيش فى نفس ما يعيش فيه هذا الأخ التائه الحائر الذى لبس عليه ابليس الحق و جعله يظن بنفسه الخير و انه بذلك ينصر الرسول ...و لكن اضله و رب الكعبه .... و بعدما من الله على بفضله و كرمه بالتوبه و العوده التى (أسال الله ان تكون خالصه له) عشت الحياه الصح ..الجميله حقا و و الله انا اتمنى ان يذوق كل اخ و اخت ما فى مناجاه الله و معيه الله من حب و مشاعر و الله لا توصف طب و العمل .... لو احنا فعلا عاوزين ننصر الرسول حقا ...؟ هسألك يا اخى الغالى و يا اختى الفاضله .... انت فعلا بتحب النبى ؟؟؟ انا عارف ان سؤال غريب ... و لكن عاوزين نرد صح و بفهم مش بعفويه و مش عاوز الرد المعروف نعم انت بتقول ايه طبعا طبعا طب نتكلم براحه شويه ... انا عاوزك يا اخى الكريم و يا اختى الكريمه ... نقف واقفه صح مع السنه احنا فين من كلام النبى و اوامره و سنته ؟ هل انت صليت الفجر اليوم فى جماعه ؟ هل انت تحافظ على الصلاه ؟ هل تقرآء القرآن يوميا .... و غيره من السئله الى الواحد لو فضل يسالها لنفسه لعلم انه على شفا حفره من الهلكه .... انت يا اخى هتفضل لحد امتى مبتصليش ...لسه لحد دلوقت مبتصليش ... لسه لحد دلوقت مش قادر تقوم تصلى الفجر فى جماعه ... لسه مش قادر تبطل تسمع اغانى .... لسه مش قادر تحفظ القرآن .... لسه عمال تتكلم و مبتعملش .... لازم نقف واقفه صادقه بجد شوف انت فين من السنه و تخيل لو النبى قابلك يوم القيامه و قال لك ماذا فعلت حينما سبنى و تطاول عليا السفهاء ....؟؟؟هترد تقول ايه .... انا نفسى الاقى الأخ اللى يقول و الله يا رسول الله ..... كان سبك على لسان هؤلاء السفهاء بمثابه الصاعقه اللى فعلا فوقتنى و الله يا رسول الله انا مكنتش بصلى و لما حدث ما حدث عاهدت الله على الا اترك الصلاه من بعدها و ان اصلى لله مادمت حيا ... و يا ترى هنلاقى الأخ اللى هيقول ... و الله يا رسول الله بعد ما حدث ما حدث و الله يارسول الله مسحت كل الأغانى اللى عندى على الهادر ديسك ..... و يا ترى هنلاقى الأخت اللى هتقول و الله يا رسول الله بعد ما حدث ما حدث من هؤلاء السفهاء و بعدما شتموك و سبوك ... .و بعد ما انا ماعرفت انك اتئذيت بسببنا و ضربك الكفار و المشركين فى مكه و مشيت على رجلك اكثر من 500 كيلو علشانى انا و اخواتى المسلمات و علشان توصلنا الدين الى احنا فعلا فرطنا فيه .... انا عاهدت الله من بعدها على ان ارتدى الحجاب و الا اخلعه الا فى اكفانى ...و الا اترك اى اخت ليا من بعد اليوم مش محجبه الا و هكلمها عن الحجاب و هديها شريط او كتاب و لازم اخليها تدوق حلاوه و طعم حبك و اتباع سنتك .... و انا اسفه يا رسول الله ... انا فرطت فى حقك كتير و انا فعلا اذيتك بلبسى و اخلاقى و صوتى العالى و انا بتكلم فى الشارع و فى كلامى مع الشباب و ضحكى معاهم ... و مكنتش اعرف انى ممكن اكون بئذيك ...انا من النهارده يا رسول الله هتشوف فعلا واحده استحقت فعلا التضحيه اللى انت ضحيتها علشان توصلها الدين ده ... و من النهارده مش هكون غير فعلا مسلمه تستحق الأحترام .... و زى ما انت يا رسول الله قولت اشتقت لأحبابى ... و كنت بتقصدنا احنا .. فأنا و الله يا رسول الله اشتقت الى رؤيتك و ملاقتك و ان اشرب من يدك الطاهره على الحوض يوم القيامه و ساعتها ان شاء الله ستسعد يا رسول الله انى حقا بنت الأسلام .... و هتفرح بيا و مش هكون غير صوره للأسلام الجميل المتسامح الرحيم الذىيحمل من معانى العفو و الأدب و الرحمه ما يحمل و ان احنا مش بتوع كلام و تكسير ... لأ احنا فعلا قائدنا هو انت يا رسول الله ... انا اسفه فعلا و عذرا رسول الله معلش يا جماعه انا طولت عليكم و لكن ده و الله لأنى بحبكم ... و مش عاوز نيجى يوم القيامه و نشوف الناس اللى فعلا نصرت الرسول بجد و من غير ما نسمع صوتهم او نشوفهم او يطلعوا فى مظاهرات و يكونوا احق بالرسول منا ... و يفرح بيهم الرسول و احنا نقف ساعتها نتفرج عليهم و نقول يا ريتنا كنا معاكم و يارتنا كنا زيكم .... احساس صعب لما ترى اعمالك ضاعت و انت تظن انها اعمال تفرح النبى .. انا آسف انى كنت منفعل شىء ما فى هذه الرساله و لكن ده فعلا لأنى بحبكم ... بحلم باليوم اللى ادخل فيه المنتدى و الاقى الأخوات منزلين موضوع خاص بيهم عن حفظ السنه و احاديث النبى و يكون فى تفاعل و رسايل و مشاركات و تجديد دائم للموضوع .... و بحلم باليوم اللى ادخل فيه المنتدى و الاقى الأخوه اللى منزلين موضوع لدراسه سير النبى و متابعين الناس و كل فتره بيعملوا مسابقات و اسئله لتثبيت سيره النبى فى اذهان الناس و كأنهم يقولوا بلسانهم للأخوات ( معلش مش بس اللى بتحبوا النبى و مش انتوا اللى هتخادوا النبى مننا ... لأ احنا كمان بنحب النبى و هنبقى معاه ان شاء الله و ان شاء الله لما نقابله هيقولنا انتم انتم ... انتوا فعلا اللى عرفتوا الناس بيا ... اتنوا فعلا اللى خليتوا الأخوات غارت من مجهودكم وعملوا موضوع تانى لحفظ القرآن و كنتم سبب فى اشعال روح الحماس فى المنتدى و بذلتوا اوقاتكم علشانى ).... شايفين يا جماعه الفرق بين النصره الحق و النصره اللى .....!!! أما انا فقد عاهدت الله على ان اقتطع وقتى امام المنتدى لنشر سيره الرسول فى كل المنتديات و هعملها على هيئه سؤال و جواب علشان تبقى سهله على الناس تفهمها و تحفظها .... و هشترك فى المنتديات و من هنا و رايح هفضل استغل النت و المنتدى لله و الرسول .... عسى ان يكون هذا المنتدى حجه لى اما الرسول يوم القيامه .... و أسال الله ان القاه و هو راضى عنى و انا منتظر من الرسول لما يسألنى و انت عملت ايه ؟ اقوله انا حاولت افكر الناس بيك و انصرك و اعرف الناس بيك و ان شاء الله ساعتها هيقولى جزاك الله خير .... و هحضنه و اقوله انه واحشنى اوى و انى بحبه جدا و و الله انا من غيره و بسببه كنت هضيع .... و يلا يا جماعه انا عاوزكم معايا و عاوز مجهوداتكم و عاوز اللى يقولى انا معاك و انا هتولى تنزيل المواضيع معاك و مش هسيبك لوحدك ... و مستنى يا اخى انت كمان تقولى انا هفضل لبحث عن الدروس و الخطب و الصوتيات اللى تعرف الناس بالرسول ... و مستنى الأخت اللى هتقول انا مهمتى البنات و هنزل مواضيع تتكلم عن فقه المرآه و عن الرسول .... يلا يا جماعه بالله عليكم .... عاوزين نكون مسلمين بجد ... عاوزين نفرح الرسول بينا دى كانت تذكره و رساله بسيطه عن احب الناس الى قلبى .. حبيبى رسول الله... والى احب الناس الى قلبى فسذكرون ما اقول و افوض امرى الى الله و الله بصير بالعباد مواقع و شرايط هتفيدكم ان شاء الله فى نصره الرسول الا رسول الله / محمد حسان انصر نبيك / محمد صالح المنجد موقع خاص لنصره الرسول نصره الرسول الا رسول الله --- صيد الفوائد و غيره من المواقع الطيبه المباركه ... كل ما عليك وضع كلمه (انصر نبيك - الا رسول الله - محمد نبى الرحمه .... ) و هكذا من العبارات فى صفحه جوجل و هيطلعلك مواقع كثيره ... تستطيع الأستعانه بها ان شاء الله 
|
|
#2
03-19-2008, 11:38 PM
|
|||
|
|||
|
جزاكم الله خيرا
|
|
#3
05-24-2008, 12:37 AM
|
|||
|
|||
|
جزاكم الله خيراً على الكلمات الطيبة التى تثير المشاعر للإحساس بالغيرة على ديينا القيم ...وإنى لأشهد والله إنها هزت قلبى وأكيد قلب كل من يقرئها ...
وأسأل الله العلى العظيم أن يعيننا ويثبتنا على أداء الطاعات وإتباع سنة الحبيب المصطفى حتى نلقاه عند الحوض مع الصحابة والأحبه الكرام ...اللهم آآمين
|
|
#4
05-24-2008, 12:47 AM
|
|||
|
|||
جزاكم الله خيرا
عندك حق ماد نتوقع من شباب" ستار اكادمي" " و الكورة " " والكليبات" حسبنا الله ونعم الوكيل
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض العادي
