انـــا مـش ورقـــــــــة !!!

[بسمة أمل]

الحلقة التاسعة والثلاثون(كلا ان معي ربي سيهدين)

عبدالرحمن :بتقول ايه طب يلا نمشي بسرعه

محمد:ماظنش اننا هنلحق

سها:عبدالرحمن استني مش هتمشي الا لما تسمعني

ويحاول عبدالرحمن يمشي هوومحمد لكن مش هيقدروا

سها:انت فين ياعبدالرحمن كل ده انت اتغيرت كتير

معقوله كل ده ماتسالش عليه هو انا موحشتكش

انا مكنتش اعرف انك معايا في نفس الكليه انت كنت فين كل ده

وايه اللي غيرك كده معقوله وفاة ابن خالتك تعمل فيك كده

انا اول ماشوفتك وانت بتتكلم مصدقتش نفسي قولت دا حد شبهك بس

صوتك اكدلي ان انت

يااااه اربع سنين ماتسالش عليه

ويحاول عبدالرحمن يمشي لكن

سها بصوت عالي بقولك مش هتمشي الا لما تسمعني للاخر

انا مصدقت شوفتك

صحيح انا اتخطبت بس انا مستعده اتنازل عن كل حاجه عشانك

بس انت قولي اعمل ايه وانا اعمل

لوعايزني التزم عشان خاطرك هلتزم بس انت ترضي عني وترجع تحبني

زي الاول

انا واثقه انك لسه بتحبني

مش معقول تنساني بالسهوله دي انا متاكده من حبك ليه

فاكر لما كنت بتقول انا محبتش قبلك ولا هحب بعدك

فاكر وللا لا ياعبدالرحمن

فاكر لما كنت بتقول انا اعمل اي حاجه عشان بس ترضي عني

انا بقولك اهو انهارده اعمل ايه عشان تحبني وترضي عني

انا سمعت كل كلامك دلوقتي ......

اكيد حبنا كان حرام وغلط صح بس ده كان غصب عننا

بس انا لسه بحبك ياعبدالرحمن

ساعدني اني اقرب من ربنا زيك

صدقني هعمل اي حاجه انت عايزها

انت عارف اني عايشه حاله ضياع

مد ليه ايدك ياعبدالرحمن

ماتسبنيش ضايعه

انا حاسه انك اتغيرت كتير

لوعايزني اتغير زيك هتغير قول بس اعمل ايه

انت لسه بتحبني صح

رد عليه ياعبدالرحمن

لسه بتحبني صح انا متاكده من كده

ومتاكده ان الهدايا والجوابات بتاعتي لسه عندك

ياعبدالرحمن انا لسه بحبك زي الاول واكتر

رد عليه انت كمان لسه بتحبني

انت مش كنت بتقولي اني محفوره جوه قلبك

كل الكلام ده نسيته

انا عملتلك ايه عشان تعمل فيه كده انت بتعذبني ليه ياعبدالرحمن

انا طول الفتره اللي فاتت دي مقدرتش انساك

رد عليه

انت عمرك ماهتنساني

انت كنت بتقولي كده

مستحيل تكون نسيت حبنا وكل حاجه كانت بينا

رد عليه قول اي حاجه

نظر عبدالرحمن الي السماء قائلا كلا ان معي ربي سيهدين

وانطلق مسرعا

سها :استني انت رايح فين

[بسمة أمل]

الحلقة الاخيرة(انا مش ورقة)

بعد خروج عبدالرحمن من الكليه

عبدالرحمن :انا امد لها ايدي عشان تقرب من ربنا مااكيد هنغرق سوا

هو احنا هنقرب لربنا بالمعاصي

اللي عايز يقرب من ربنا يختار الطريق الصح

مش يمشي في طريق ضلمه ويقول اكيد هوصل دا يبقي كده بيضحك علي
نفسه


انا بعد القرب ده ارجع تاني اعصي ربنا

وحب ايه اللي لسه بحبه لها

انا خلاص عرفت حب الرحمن

قلبي بقي للرحمن وبس

هي ضايعه اه انا عارف ربنا يهديها للخير

بس انا مش ممكن امد لها ايدي هي هتغرقني تاني لو رجعت اتكلم معاها

اه اكيد الحاج حسين قالي كده ماتقربش من النار وتقول انا مش هتحرق

وماتقربش من المعاصي وتقول غرضي طاعه ربنا لا مفيش حاجه اسمها كده

ياااااااه انا صعبان عليه اوي كل واحد بعيد عن ربنا

ربنا يعيني اني اخد بايديهم واقولهم الطريق من هنا

وسها ربنا يسخر لها الاخوات اللي يقربوها من ربنا وينوروا طريقها

ربنا بعت لكل واحد فينا رسايل كتير زي ماالحاج حسين قال

بس احنا اللي بنترجم غلط او مبنفتحش الرساله اصلا

ياااه كام واحد كلمنا عن الالتزام واحنا بنسد ودانا عنه

كام داعي قال الطريق من هنا واحنا بعدنا عنه


ايه ده الهدايا والجوابات انا لسه فعلا متخلصتش منهم

ياه دول لسه في بيت الحاج حسين

ويذهب عبدالرحمن لمنزل الحاج حسين

عبدالرحمن:السلام عليكم ورحمه الله وبركاته ازيك ياامي ايه اخبارك

زوجه الحاج حسين:وعليكم السلام ورحمه الله وبركاته

الحمد لله يابني ازيك عامل ايه

عبدالرحمن :الحمد لله بخير

انا عارف ان الوقت مش مناسب بس انا محتاج الشنطه اللي كنت جايبها للحاج حسين قبل كده

زوجه الحاج حسين:لا يابني ابدا مفيش حاجه ثواني وتكون عندك

اتفضل يابني الشنطه اهي لو كنت اعرف بيتك كنت وصلتهالك من زمان

عبدالرحمن:لا ابدا ياامي ماتتعبيش نفسك

حضرتك مش محتاجه اي حاجه

زوجه الحاج حسين:جزاك الله كل خير يابني

عبدالرحمن:السلام عليكم ورحمه الله وبركاته

زوجه الحاج حسين:وعليكم السلام ورحمه الله وبركاته الله يرضي عنك يابني

وياخد عبدالرحمن الشنطه وينزل

عبدالرحمن:ياتري اعمل ايه دلوقتي في الحاجات دي

اروح بها فين واتصرف فيها ازاي

اعمل ايه دلوقتي

الله اكبر الله اكبر

ويروح عبدالرحمن لاول مره بعد وفاة الحاج حسين المسجد اللي كانوا

بيصلوا فيه مع بعض

وبعد انتهاءه من اداء الصلاة ينظر في كل جوانب المسجد

ويفتكر كل كلام الحاج حسين معاه واد ايه كان بيحبه

ياااااه انا كنت تايه انا كنت ميت وانا بعيد عنك يارب

ياااااه فعلا اي الفريقين احق بالامن

مين اللي يستحق قلبي ومين يستحق حبي غيرك يارب

من غيرك يارب نورلي طريقي وبعتلي الحاج حسين يقولي الطريق من هنا

انا لو مش هخاف وانا بعصيك يارب هخاف من ايه تاني

انا اكلم سها تاني وارمي نفسي في بحر المعصيه ليه

وعشان ايه

ازاي ابدل نعم ربنا بالمعاصي دي

اللهم اني اعوذ بك من الزلل

يامقلب القلوب ثبت قلبي علي دينك

ويخرج عبدالرحمن من المسجد ويروح لمكان يحرق فيه كل الهدايا وكل الجوابات

يحرقها قبل مايتحرق بالذنوب والمعاصي دي يوم القيامه

انا خلاص بقي قلبي كله لله

انا مش ورقه.....ايوه انا مش ورقه وعمري ماهكون في يوم ورقه

ويروح عبدالرحمن لقبر الحاج حسين

السلام عليكم أهل الديار من المؤمنين والمسلمين ، وإنا إن شاء

الله بكم لاحقون نسأل الله لنا ولكم العافية

انا مش ورقه زي ماانت كنت بتوصينا بعد كل درس وتقول


الملتزمين كتير بس عند الفتن في ملتزم بيبقي جبل ثابت اي

حاجه

متأثرش فيه

جبل ثابت ولو كل اللي حواليه اتهز ووقع هو ثابت بالايمان

وفيه ملتزم يبقي ورقه اي حاجه ولو بسيطه تطيره وتوقعه علي الارض

ووقتها هيداس عليه

ملتزم ورقه اي حاجه تقطعه وتدمره

اي فتنه ولو بسيطه توقع قلبه وتجيبه الارض

سهل انك تقول انا ملتزم

بس الصعب انك تبقي جبل

انت ربيت فيه ازاي اكون جبل ثابت

وانا مش هضيع تعبك ابدا

انا خلاص كل حاجه هتبعدني عن ربنا هسيبها وهحرقها

كل حاجه هتفكرني بذنوب زمان هبعد عنها

ايوه انا مش ورقه

انا مش ورقه ياحاج حسين

انا مش ورقه يا سها

انا مش ورقه لاي حاجه هتبعدني عن طريق ربنا

ويخرج عبدالرحمن من المقابر

ويروح البيت

عبدالرحمن:السلام عليكم ورحمه الله وبركاته


والده عبدالرحمن:وعليكم السلام ورحمه الله وبركاته مبارك ياحبيبي انت كنت فين

محمد اتصل بيك كان قلقان عليك انت قافل موبايلك ليه

عبدالرحمن:الله يبارك فيكي انا هتصل به دلوقتي اطمنه عليه

عبدالرحمن:السلام عليكم ورحمه الله وبركاته

محمد:وعليكم السلام ورحمه الله وبركاته

انت كنت فين يابني كل ده وعملت ايه مع سها

عبدالرحمن:هحكيلك بعدين المهم انا عايز افرحك بحاجه

عايزين الفرحه تبقي فرحتين

محمد:هتخطب سها؟

عبدالرحمن:يابني شيل سها من دماغك الله يهديك ويهدينا

محمد:ليه كده يابني ممكن تلتزم انا عايز افرح بيك بقي



عبدالرحمن: خليك في نفسك

محمد:الحق عليه

عبدالرحمن:انا عايز اعزمك علي خطوبه اسماء

محمد:نعم وهي دي الفرحه اللي هتبقي فرحتين لا بجد ادخلت علي قلبي

السرور
عبدالرحمن:يابني الفرح مش هينفع من غيرك

محمد:ليه انا الكهربا وللا الشربات اللي هتوزعوه

عبدالرحمن: لا انت اللي امك داعيه لك

محمد:خفه يلاياعم مبارك عليكوا

عبدالرحمن:يابني استني بس انا مش بقولك امك داعيه لك معناها ايه

دي
محمد:معناها ايه

عبدالرحمن:معناها ان انت العريس

محمد:انت بتتكلم بجد ياعمي

عبدالرحمن:عمك ..يلا انا هستناكوا

محمد:انت بتتكلم بجد

عبدالرحمن:انا ههزر معاك ياولد

محمد:طب هي موافقه

عبدالرحمن:ياسيدي هخليها تعصر علي نفسها كيلو لمون

محمد: ليه هي تطول

عبدالرحمن:هتخليني ارجع في كلامي

محمد:لا خلاص انا هكلم ابويا وامي وثواني ونكون عندكوا

وتمر السنين وتنتهي الكليه ويصبح عبدالرحمن الطبيب الداعيه وكذلك محمد

ويتزوج محمد من اسماء ويرزق منها بعبدالرحمن

محمد:انت يابني مش ناوي تتزوج بقي

عبدالرحمن:يابني متشغلش نفسك بيه خليك في نفسك وبطل لماضه شويه

محمد:الحق عليه بفكر فيك خايف تبقي عانس

هو ينفع لفظ عانس يطلق علي الرجال ؟

عبدالرحمن:عانس في عينك

انا يعني لما افكر في الزواج هستشيرك ليه

محمد:انا هقول لاختك اسماء تدورلك علي عروسه

عبدالرحمن:ابعد عني بس انت واسماء وانا هبقي كويس سيبوني في حالي ربنا هيبعتلي زوجه في الوقت المناسب

اهم حاجه يابني خليك جبل وماتكونش ورقه ياابو عبدالرحمن

محمد:حلوه ياابو عبداالرحمن دي

ورقه .. ماشي ياسي كشكول

وقريب اقولك ياابو محمد

عبدالرحمن:ابو محمد


الله المستعان

[بسمة أمل]

هذه كلمات أخيرة من كاتبة القصة

السلام عليكم ورحمه الله وبركاته
الحمد لله الذي بنعمته تتم الصالحات
الحمد لله ان اعانني واعطاني العمر علي اكمال القصه اللهم اتمم علي نعمك في الدنيا والاخره
وآسفة لتاخري كثيرا عنكم اسال الله لنا ولكم التوفيق والسداد
وان ينفعني وينفعكم بهذه القصه وارجو من الله ان تكون نهايه القصه نهايه موفقه
وسامحوني علي تقصيري
اسال الله العظيم ان يجعل عملي كله خالصا لوجهه
وجزاكم الله خيرا علي المتابعه
ان هذه القصه ليست حقيقيه ولكنها ليست خياليه ايضا
فالحاج حسين يمثل في القصه كل داعيه وكل رساله وكل حاجه بتقول الطريق لربنا من هنا
فالحاج حسين هو حادي الطريق
وعبدالرحمن انا وانت وانتي
ومحمد هو الرفيق والاخ المؤمن
فالطريق الي الله يحتاج الي حادي ورفيق
فلابد من الصحبه الصالحه التي تعين علي طاعه الله بعد معرفه الطريق
وسها هي كل معصيه وكل حاجه بتبعدنا عن ربنا يعني سها في القصه مش بتمثل بس الحب المحرم لا هي بتمثل كل المعاصي اللي بتبعدنا عن ربنا

اسالكم الدعاء بظهر الغيب
اللهم لاتحرمنا لذة النظر الي وجهك الكريم

أتمنى أن تعم الفائدة من هذه القصة

بارك الله فيكم على المتابعة

[أم حمزه السلفية]

جزاكِ الله كل الخير

[حجابى هو عفافى]

المشاركة الأصلية كتبت بواسطة بسمة أمل

جزاكِ الله خيرا

بارك الله فيكم

[بسمة أمل]

المشاركة الأصلية كتبت بواسطة أم حمزه السلفية

جزاكِ الله كل الخير

آميــــــن وإيــــاكِ

بارك الله فيكِ

[بسمة أمل]

المشاركة الأصلية كتبت بواسطة حجابى هو عفافى

بارك الله فيكم

آمين وإياكِ

جزاكِ الله خيرا على المتابعة

[أم حُذيفة السلفية]

ماشاء الله
بارك الله فيكِ ونفع بكِ
جزاكِ الله خيراً

[الفقيرة الى الله سمية]

قصة رااائعة في كل سطر موعظة ودرس

بارك الله فيكِ اختنا

وجزاك عنا خير الجزاء

[عاشقةالقران]

جزاك الله خيرا مستنيه التكملة