ملكش حجة بعد كده بجد كفاية نووووم

[طالـب الجنة]

 

كلمني الفجر
حملة إيقاظ المليار مسلم لصلاة الفجر

محتاج لربنا ؟
نفسك تقرب منه ؟

أكيد نفسك ....... وكلنا نفسنا
طيب إيه رأيك نقرب لربنا أكتر ونقوم كلنا نصلي الفجر

والله كويس

احنا هنا بقا عايزين نساعدك وعايزين نقرب مع بعض لربنا

طيب جميل بس إزاي ؟

الفكرة ببساطة إننا بنرن عليك كل يوم علي موبايلك عشان نصحيك لصلاة الفجر

كل الي بتعمله بس إنك بتسجل معانا و خلال أيام بيوصلك الرقم الي حيتصل عليك

أول ما الخدمة تبدأ معاك والرقم يرنلك تكنسل عليه

طب صحيح انا يعني حاسس انه صعب اوي إني أصحا كده من أول مرة
مش متعود لسه وبعدين انا حاولت قبل كده وبطلت كذا مره؟

لا لا عيـــــــــــــــــــــــــــــــــب

ربنا حيكرمك وحتصحا بإذن الله
بس إنتا ابدأ و ربنا يعينك
و ما تقلقش إن شاء الله حتصحي

نام بدري شويه وخد بالأسباب
و إن شاء الله حتصحا وكمان بكره تتعود و تيجي تقول انا بقيت اصحي كل يوم و بقيت أصحي أصحابي معايا كمان