ليه كل حاجة مش عادى بقت عــــــــــــــــــــــــادى أرجو من الجميع الاجابه
اهلا بكم أخواتى وأخوانى فى خواطرى التى تجول فى ذهنى
النهاردة أنا هتكلم معاكم فى موضوع مهم اوى واتمنى مشاركاتكم ومعرفة ارائكم
عاوزين نصحح المفاهيم ونعدل المشقلب ونظبط المعووج ونعدل المقلوب
سؤال يتكرر فى ذهنى
بعد ان شاهدت برنامج للاستاذ مصطفى حسنى
ليه كل حاجة مش عادى بقت عادى !!
ليه يا شباب ليه يا بنات !!
ليه لما نقعد مع بعض فى مكان ونتكلم فى اعراض الناس بقت عااادى مع انه مش عاادى !!
ليه لما امشى فى الشارع والاقى شاب ولا بنت راكبين عربية ومشغلين الكاسيت على الاخر وعمالين يسقفوا ويهيصوا واقول عااادى مع انه مش عااادى !!
ليه لما اكون فى الجامعة والاقى البنات عاملين فى نفسهم البدع اللى حاطة كيلو بودرة على وشها واللى مغيره خلقتها واللى لابسة ضيق هيفرقع ولا حتى لا بسه حجاب على الموضة وابص واقول عاادى مع انه مش عااادى !!
ليه لما اروح مكان هادى والاقى ولد بنت ماسكين فى ايد بعضه وعمالين بيحبوا فى بعض واقول عااادى مع انه مش عااادى !!
ليه لما اروح عند حد والاقيه مشغل التليفزيون على فيلم ساقط ولا كليب ماجن ولما اجى اقوله مينفعش كده يقول عااادى مع انه مش عااادى !!
ليه لما الاقى بنت منتقبة ولا محجبة وقاعدة على كافيه وبتشرب شيشة وابصلها واقول عااادى وهو مش عااادى ابدااااا !!!
ليه لما الاقى اب وام ماشين فى الشارع وعماهم بناتهم لابسين لبس فاضح يكسف واقووول يااااه عادى جدا وهو مش عاادى خالص !!
ليه لما الاقى بنت ماشية فى الشارع بعد 12 بالليل لوحدها ولو سالتها مروحتش ليه تقول عااادى لسه بدرى وهو مش عااادى ابدا !!!
ليه لو اتعزمت فى فرح ولقيت العروسة بعد ما كانت محجبة قلعت حجابها وتقولها ليها تقولك عادى ما هى ليلة العمر وهو مش عادى !!
ليه لما تركب وسيلة مواصلات وتلاقى الشاب قاعد والعجوز واقف والشاب ولا اكنه شايف حاجة عااادى وهو مش عاادى ابدا فين النخوة والرجولة !!
ليه لما الاقى اب ولا ام هيموتوا من الحسرة لان اولادهم رموهم فى دار مسنين واقول عااادى اصل ولادهم مشغولين وده مش عاادى ابدا
وليه وليه وليه
لو هفضل اتكلم من هنا لبكرة مش هخلص من كلمة
عــــــــــــــــادى
يا ترى يا جماعة هو فعلا عاااادى !! عادى التبرج عادى السفور عادى الغيبة والنميمة والكذب عااادى عاادى سماع الاغانى عاادى اللبس الضيق عاادى الحب داخل الجامعات وفى الطرقات وخارجها !!
عــــــــــــــــــــــــــــــــــــــــــــــادى
يا نااااااااااس
طيب اززاى عااادى هو ده اللى امرنا به الله عزوجل ولا اللى علمهولنا النبى محمد صلى الله عليه وسلم
جزاكم الله خيرا اختي
وماشاء الله يعني مواضيعك معضمها مفيدة
والله هذا السؤال في ذهن كثييييييير من المسلمين
لدرجة الان الناس بداو يعبدو عادي يعني
ايه اسلم على اب خالتي لا مهو عادي
وعادي انها تقلع الحجاب في الافراح والمناسبات
وعادي انه يجلس مع فتاة
الله المستعان
اللهم يارب انا نسالك الستر
يا مسلمين
انتم ربنا اصطفاكم واكرمكم
بانكم مسلمين يعني انو مش عادي خليكو متميزين واللي يميزنا هو الاسلبام
" بدأ الإسلام غريباً وسيعود غريباً كما بدأ , فطوبى للغرباء, قيل ومن هم الغرباء يا رسول الله؟ ,قال: الذين يُصلحون إذا فسد الناس "
وطوبى : هى شجرة في الجنة .
فنسأل الله السلامة والمعافاة .
جزاكِ الله خيراً ونفع بكِ .
السلام عليكم اختي
موضوع اصبح بحق يسيطر على حياتنا كلها و حتى في ادق تفاصيلها
العادي الان للاسف اصبح اله يعبده
ويا ريت كل واحد فينا يكسر هذا العبد
و ينشغل مع ما قاله له الله عز و جل لمصلحته . .. اللهم آمييين
جزاك الله كل الخير و البركة
ليه كل حاجة مش عادى بقت عــــــــــــــــــــــــادى أرجو من الجميع الاجابه
العرض العادي
