يوميات الطفل معاذ والطفلة جويرية(متجدد)

[تلميذة احمد جلال]

 

وصلنا المرة اللي فاتت لما سألت ماما معاذ :

ماما : انت نمت امبارح الساعة كام ؟

معاذ : قبل الفجر بشوية

ماما : ليه يا معاذ ؟؟ نمت متأخر كدة ليه ؟؟

معاذ : بصراحة يا ماما انا كنت سمعت قبل كدة درس عن قيام الليل ، وعاهدت ربنا إن انا أبدأ أصلي قيام الليل ف الأجازة

ماما : طيب يا معاذ لما تكون عايز تعمل سنة تضيع فرض بسبب سنة ؟؟
لما احنا نكون عايزين نداوم على حاجة سنة نكون احنا على يقين اننا مش هنفرط ف الفرض

بابا : لكن عشان نصلي قيام الليل ونضيع الفجر طبعاً دة مش ينفع خااالص

معاذ : طيب واعمل ايه ؟ ما انا عايز اداوم على صلاة قيام الليل

بابا : بص يا معاذ .. قيام الليل وقته مفتوح من بعد العشا لحد صلاااااة الفجر

معاذ : إيه دة ؟ يعني ممكن اصليه بعد العشا على طول ؟؟

ماما : اه ينفع .. ونصيحة مني مش تبدأ بـ11 ركعة على طول ، عشان بعد كدة عزيمتك هتقل ومش هتصليه خالص ، فإبدأ ركعتين ودنك عليهم فترة .. وافضل تدرج لغاية ما توصل 11 ركعة

بابا : طبعاً أوعى تنسي الشفع والوتر

معاذ : لا طبعاً انا متعود عليهم من صغري

جويرية : انا عايزة كمان اصلي معاه

ماما : صلي معاه يا جوري ، أهم حاجة انكوا مش تنقطعوا

معاذ : أسيبكوا انا بأى ..

وراح معاذ نام ف ساااااااااااااااابع نومة ..

ويصحيه بابا الصبح طبعاً كان الصحيان بصعوبة برده لكن صحي الحمد لله

فطروا وصلوا الظهر وراجع معاذ على الآيات اللي حفظها ، وجويرية برده

راجعت على الآيات اللي حفظتها ولما راحوا للشيخ ..

نعرف اللي حصل لكن المرة القادمة ان شاء الله تعالى ...

فـــ☺ــ☺ـي أمـ♦ـــ♦ـان اللـ♥ـــ♥ــه

[نصرة مسلمة]

ما شاء الله بوركتِ صغيرتي
يسر الله لك أمرك ووفقك
ولا تغيبي عنَّا طويلاً .......فنحن نفتقدك و نشتاق إليك و نحب أن نطمئن عليكِ مرة ومرة
وطبعًا مستنيين تكملة يوميات جويرية و معاذ ، الصراحة أنا حبتهم أوي ....... و يا ريت كل الأطفال يتعلموا منهم
جزاك الله خيرًا بنيتي الحبيبة
هل لك اسم آخر تُحبين أن أناديك به .......أم أختار لك اسمًا لطيفًا رقيقًا مثلك ......ما رأيك

[تلميذة احمد جلال]

المشاركة الأصلية كتبت بواسطة نصرة مسلمة

ما شاء الله بوركتِ صغيرتي
يسر الله لك أمرك ووفقك
ولا تغيبي عنَّا طويلاً .......فنحن نفتقدك و نشتاق إليك و نحب أن نطمئن عليكِ مرة ومرة
وطبعًا مستنيين تكملة يوميات جويرية و معاذ ، الصراحة أنا حبتهم أوي ....... و يا ريت كل الأطفال يتعلموا منهم
جزاك الله خيرًا بنيتي الحبيبة
هل لك اسم آخر تُحبين أن أناديك به .......أم أختار لك اسمًا لطيفًا رقيقًا مثلك ......ما رأيك

جزاكِ الله خيراً أمي وبإذن الله سأكملها ..

أنا في البيت عندنا بينادوني بلوأة او لولو ..

وأصدقائي طالما ما يقولون لي يا جوري ..

لأنهم بيشبهونني بالورد الأحمر ..

وأنا متأسفة على طيلة غيابي ، لكن والله ظروف طارئة جداً

أسألكم الدعاء