|
#1
08-14-2008, 10:01 PM
|
|||
|
|||
راس سعاتك تورتية ـ مراسلنا ف ماسبيرو ـ
راس سعاتك تورتية
والكل عايز منها حتة  ازيك يا سيدى ايوة ياعم انت ـ طبعا انا عارف انك خلاص زهقت منى ـ منا مش بعملك موضوع غير لازم تلاقينى اعترض على حاجة بس مش مهم ـ لو زهقتك استحمنى حبتين ـ علشان والله بحبك هتقولى بتحبنى اذاى وانت متعرفنيش ـ اقولك بحبك وخلاص وخايف عليك علشان كده كتبتلك الموضوع ده طبعا حضرتك كنت متابع الفترة الأخيرة اللى حصل على الساحة هتقولى ايه الجديد اللى حصل  هقولك الأهلى عمل قناة ـ هتقولى منا عارف وايه المشكلة ـ هقولك ان الإذاعة المتشات هتبقى حصريا عليه ـ بس بينى وبينك كلام مش نهائى ـ وهقولك ليه الغريب بقى مش قناة الأهلى ولا الحوار ده الغريب إنى لقيت فجاة أن راس سعاتك ذى التوتة والكل عايز ياخد منها حتة  مش علشان راسك كلها سكر ولا طعمها حلو ـ لا ياسيدى ومتزعلش منى ـ لكنى بصراحة انا اتغظت من كل القنوات اللى عمالة تدافع عن حقوقها فقط وانت يا غلبان يالى بتابعهم ومضيع وقتك مش فى دماغهم هتقولى اذاى حذ حتة تورتة الأول ـ بس متقلقش مش من دماغك المرادى ـ  كل قناة بتدور على حقوقها وعلى الإعلانات اللى هتجلها من راسك ساعتك ـ ومتفتكرش هما بيدفعوا عن القيم والأخلاق ـ لا والله ولكن بيدافعوا على السبوبة اللى هتيجى من وراك وكل همهم انك تتابعهم علشان هما يستفيدوا فقط وانت بقى صرف نفسك على وقتك اللى ضيعته ومذاكرتك اللى سبتها وصلاتك اللى ضيعتها وعزى نفسك بعيد عنهم بقى الواحد منهم بياخد الملايين ولا انت ولا البلد فى دماغه اصلا وبكرة لما السبوبة اللى هنا هتخلص وراس ساعتك هتكون خلصت هيروح حتة تانية يلقط رزقة والرزق يحب الخفية برده  فبالله عليك بعد كل ده لسة هتبعهم وضيع حياتك علشانهم هقولك حاجة تانية انا عن نفسى نفسى تكون المباريات حصرية ـ هتقولى ليه هقولك علشان القنوات دى بقى تتلم وتريحنا بقى ويبقى استدويو واحد ووجع دماغ واحد ونرتاح مش عرض متواصل دانا عارف ان فى إعلامى شهير عاملى برنامج بيقطلع لوحده فيه 6 ساعات فى اليوم ـ يكلم فى الرياضة ـ والله انا زهقتله سلف من اللى عامله فى نفسه كلام كلام كلام ايه ده يا ناس مش كده براحة على دمغنا شوية  ولا الناس أصحاب المبادئ اللى عملوا نفسهم جدعان وهاجموا إمبراطورية الأهلى ـ علشان افرحك شوية اهو ـ وقعدوا يقولوا كلام كبير اوى ولا هما فاهمينه واحنا فهمناه ـ المهم تعرف انه هجوم وخلاص تانى يوم أصحاب المبادئ سحبوا كلمهم واحنا منقصدش الإساءة والكيان واللى مكنش ـ طيب بدال مش عارف تاخد موقف وتحترم المشاهد بتاعك ليه عملت عنتر ودخلت فى الغويط وانت مش بتعرف تعوم ولا معاك عوامات انا عن نفسى اكسفتلهم سلف برده ـ مانا شغال تسليف بقى ـ وتلاقى بقى الكلام متكرر بالكربون كل واحد يطلع يقول بقوقين والفيفا ومتفتفتش تلاقى اللى بيتقال هنا بيتقال هنا كل ده مش علشانك ولا علشان يجبولك المباريات مهى هتتذاع ارضى وفضائى وأهلى وكل حاجة لا همهم السبوبة فميضحكوش عليك خدلك حتة تورتة كمان ـ طعمها حلو ـ  فانا كلامى ليك ايوة انت يا سيدى يا اللى مجرينى وراك من ماتش للتانى ومن قناة للتانية ناوى تعمل ايه هتسلملهم دماغك لسة وياكلوا منها وفى الاخر يدوهالك ـ طبعا لو ادوهالك وهى لسة فيها باقى ـ ومظنش هيعملوا كده علشان انت عارف الجشع بقى ده لو قدروا ياكلوا نفسهم هيكلوا ـ وهما بياكلوا نفسهم أصلا ـ ولا هيكون ليك موقف بس متبقاش ذى أصحبنا إلياهم اللى بيرجعوا فى مواقفهم علشان انا معتش هكسف لحد سلف اختار طريقك بس ياريت بسرعة وطبعا انا مش عايز اكلمك فى مسلسلات رمضان الحصرية اللى كل قناة برده بتدور على دماغ معاليك وانت شكلك هتسلملهم دماغك ذى كل سنة ولا اكن القنوات دى ذى صلونات الحلاقة كل واحد يدخل يديهم دماغه فياريت تهتم بنفسك شوية وكفاية حلاقة شوية واهتم باسرتك وشغلك ودينك وبلدك انا مشوفتش ناس عايزة كل حاجة اجازة ذينا الناس برة فى وقت للشغل ووقت للراحة احنا كلنا راحة ونايمين فى بيوتنا او نايمين فى الشوارع والنواصى اجازتك قدامتك فياريت تلحق تغتنمها وخلى بالك من دماغك واتمنى مكتبلكش موضوع تانى ـ علشان عارف انك ناوى تتغير ـ  دى صورة سابقة لدماغ ناس سلموها للقنوات ناوى تبقى ذيهم 
|
|
#3
09-03-2008, 07:24 AM
|
|||
|
|||
بارك الله فيك اخى الحبيب
احبك فى الله
|
|
#4
09-03-2008, 08:05 AM
|
|||
|
|||
|
جزاكم الله خيرا جميعا
اقتباس:
احبك الذى احببتنى فيه واسال الله ان يبارك فيكم جميعا
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض العادي
