انا لله وانا اليه راجعون... نسألكم الدعاء بالرحمة والمغفرة لوالد ووالدة المشرف العام ( أبو سيف ) لوفاتهما رحمهما الله ... نسأل الله تعالى أن يتغمدهما بواسع رحمته . اللهم آمـــين


( القسم الرمضاني ) { يَا أَيُّهَا الَّذِينَ آمَنُواْ كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ }

إضافة رد
 
أدوات الموضوع انواع عرض الموضوع
  #1  
قديم 07-05-2011, 01:19 PM
كنزي ايماني كنزي ايماني غير متواجد حالياً
قـــلم نــابض
 




New روشتة علاج قبل رمضان

 


السلام عليكم ورحمة الله وبركاته


:





كل سنة بيجي رجب ويمر بسرعة ولا نشعر به ، وييجي شعبان ويمر أسرع من رجب

ونفاجأ بدخول رمضان واحنا لسه لم نستعد له !

بندخل رمضان محملين بذنوب السنة كلها ، وده بيجعل جهدنا في رمضان أقل من ناس كتير

تلاقي اللي بيختم القرآن خمس مرات وعشر مرات وانت لسه في الختمه الأولى

تلاقي اللي عينه بتدمع مجرد ما يسمع القرآن وانت قلبك قسي مش عاوز يتحرك !

ده كله لأنك لم تستعد لرمضان !

خليك دايما فاكر الآية دي

( ولو أرادوا الخروج لأعدوا له عده)

إذا ، ولو أرادوا رمضان لأعدوا له عده .

طيب أعد العده دي ازاي ؟

لازم أبدأ استعد من دلوقتي لرمضان

لازم من الآن يكون شعارنا ( إلى رمضان نحن عباد للرحمن )

لازم يسيطر علينا حلم العتق من النيران ، حلم الغفران

بالله عليك مفيش ذنب عملته أو بتعمله ولسه متوبتش منه

وهتدخل بيه رمضان زي كل سنه !!

مفيش ذنب تستحيي إن ربنا يراك وانت مقيم عليه ؟

طيب لو في ذنب عندك لسه لم تعقد النية على إن حلمك في رمضان يكون الغفران والعتق من النيران ؟

لو ده بقى حلمك يبقى لازم تبدأ الاستعداد لرمضان من الآن

أقوى دافع يخليك تتحرك وتستعد إن يسيطر على تفكيرك إنك ممكن تموت قبل ما تبلغ رمضان !

ياما ناس كانوا بيخططوا هيعملوا إيه في رمضان والعيد والموت فاجأهم !

خاف اوي من الموت إنه يفاجأك قبل رمضان ويحرمك من شهر لو أدركته هيبقى سبب في غسل ذنوبك كلها بإذن اله



عشان كده هنتكلم في 3 محاور يبعثوا الهمه بداخلك على الاستعداد لرمضان

أول حاجة:خــــوف مــــزعــــج

ألا تبلغ رمضان!

يستفزك عشان كده تبقى قاعد محافظ على نفسك قوي وخايف قوي إنك تُحرم

الأمر الثاني :الـــشـــوق

اللي يستفزك الشوق يا جماعة مش ممكن نقارن أحوالنا في غير رمضان بأحاولنا في رمضان

فاكر أنت ؟!

لما تيجي كده تلاقي نفسك ما شاء الله نشيط في وقت الصيام

وتيجي عليك بالليل عايز تروح تصلي قيام ورا الإمام فلاني وتصلي بجزء وتختم القرآن

وتيجي تمسك المصحف تلاقي ما شاء الله الأمور متيسرة

رحمات رمضان نازلة فأنت قادر تشتغل وتلاقي الناس ما شاء الله على قلب رجل واحد

وتلاقي التعاطف وتلاقي التراحم والموائد وإطعام الطعام والبر والصلة وووو...

تلاقي معاني مبتحصلش إلا في رمضان !!

فاكر أنت وأنت واقف في العشر الأواخر وأنت واقف وبتسمع الآيات تلاقيها بترج قلبك

فاكر أنت وأنت واقف والدموع بدأت تنزل على خدودك خشية لله تبارك وتعالى

فاكر أنت وأنت قاعد بتدعي خلف الإمام والناس من حواليك خاشيعين منيبين فاكر اللحظات دي ؟!

فاكر أنت وأنت ساجد وبتحس بقرب الرحمن منك

فاكر ده ؟!

منفسكش تدوق طعم وحلاوة الإيمان أحلى مما كان في رمضان هذا العام

لو نفسك لو قلبك هفا للمعاني الحلوة والجميلة دي يبقى من دلوقتي الاستعداد

متزعلوش مني اللي مش حيستعد حيبقى صعب لسه قايلين الآية

" وَلَوْ أَرَادُوا الْخُرُوجَ لَأَعَدُّوا لَهُ عُدَّةً "




طيب إيه كمان يحفزني ؟!



الحافز التالت : إنك تُحفظ شوفوا النبي صلى الله عليه وسلم قال " احفظ الله يحفظك "


أنت لو بدأت يبقى ليك رصيد عند ربنا سبحانه وتعالى لما يبقى ليك قدر وده يكون بإيه ؟!


الإيمان يزيد وينقص

يزيد بالطاعة وينقص بالمعصية


قدرك حيزيد بإيه ؟!


كلما زدت الخطوات ، كلما تقربت أكثر ، الشبر وذراع ومشيت إلى الرحمن


ربنا سبحانه وتعالى يُقبل عليك والمسافات تتقرب الرصيد يعلى فتُحفظ


فيبقى الفتن اللي حواليك ياللي بتشتكي وتقول طيب اعمل إيه ؟



يا شيخ خليك واقعي !

أنت شايف الفتن اللي في كل مكان !!


في البيت فتن ، في الشوارع فتن ، في الشغل فتن !


اعـــمـــل ايـــــــه ؟!


أنا أقول لك لو لُذت واستعنت برب حفيظ



" فَاللَّـهُ خَيْرٌ حَافِظًا " ( يوسف : 64 )


حيحفظك ..



طيب أعمل ايه تاني !!

:

هذا ماسنجيبكم عليه في الحلقات القادمة


تابعونا و سلسلة روشتة علاج قبل رمضان


:: إعداد فريق عمل أحلى حياة ::

رد مع اقتباس
  #2  
قديم 07-05-2011, 01:20 PM
كنزي ايماني كنزي ايماني غير متواجد حالياً
قـــلم نــابض
 




Icon15 ذنوب متخطرش ع البال



السلام عليكم ورحمة الله وبركاته


:


روشته علاج قبل رمضان - 2-





:

ذنوب مابتخطرش على البال !

اليوم هاقولك على الذنوب اللى مبتخطرش على بالك محتاجين نجدد توبتنا الآن منها

عارف هابتديلك منين ؟


مش هابتديلك من البصه

ومش هابتديلك من الكلمة

و مش هابتديلك بالذنب الفلانى الكبير اللى وقعت فيه

مش هابتديلك من الغش

مش هابتديلك من الغيبة

مش هابتديلك من النميمة

على ان ده كله محتاجين نجدد توبتنا منه لكن انا هابتديلك من شئ تانى خالص

انا هبتديلك انك محتاج تتوب من الكسل و البطء فى الطريق


الكسل ده ذنب ؟

آه لما ربنا يقول "وإن منكم لمن ليبطأن" فى ناس بتتقاعص و بتتكاسل

فالكسل يفتح عليها ابواب المعاصى

كسل فمصلاش الصلاة فى وقتها

كسل فكان نفسه يصوم النهاردة فكسل فقام مخليه يوم تانى

كسل كان نفسه يروح يحضر الدرس الفلانى فقال خليها بعدين

كسل كانت نفسها انها تلتزم بالحجاب الشرعى وكان نفسها إنها السنة دى بأذن الله تختم القرآن كان نفسها كسلت

الكسل ده باعث على كل شر فأنا و انت محتاجين نتوب من الكسل

أصل صفة الكسل دى ربنا جعلها من صفات المنافقين

وماينفعش نقبل على الرحمن فى رمضان و فينا ذره من نفاق

اه علشان كده محتاجين ان احنا نجدد التوبة من هذا


1-لا كسل

طب اعمل ايه ؟

ادعى ربنا بدايه زى ما النبى صلى الله عليه وسلم كان يستعيذ بالله فى اذكار الصباح و المساء

" اللهم انى اعوذ بك من العجز والكسل"

ادعوا ربنا ان ربنا سبحانه و تعالى يحفظنى من العجز والكسل


تانى حاجه مسبش نفسى لنفسى مش اللى هو ياعم اصلى لسه و مفيش متسبش نفسك

كان ابن عباس يكره ان يقول العبد انى كسلان

متقولش مكسل المؤمن ماينفعش يبقى مكسل المؤمن لازم تبقى عنده همه عاليه

ف عشان كده تاخد القرار من اللحظه دى ماتسبش نفسك لنفسك

ماتسبش نفسك لدواعى الكسل ماتسبش نفسك للتثاؤب من اللحظه دى امنع عنك اسباب الكسل


تخفف فى طعامك و شرابك

اكثر من الصيام ده وقت الصيام صيام رجب و صيام شعبان و
صيام الاشهر الحرم

النبي صلى الله عليه وسلم كان يصوم في شعبان ما لا يصومه في غيره من الأشهر (غير رمضان)

يعني كان يصوم شعبان كله إلا يوم أو يومين!




احنا قولنا اننا محتاجين نجدد توبتنا وكان اول حاجه اتكلمنا عنها كانت التوبه عن الكسل .

ايه كمان محتاجين نجدد توبتنا منه؟؟

نجدد توبتنا من قلة الذكر

نجدد التوبه من قلة الذكر للرحمن لانها صفه من صفات المنافقين

طيب خلينا ناخد الصفات دى الاول خدنا منها التكاسل


وخدنا منها التكاسل عن الصلاه

وانتوا عارفين ان من اثقل الصلاه على المنافقين صلاة العشاء وصلاة الفجرتقيله عليه بيتكاسل عليه ..


تانى حاجه قلة الذكر قال الله عز وجل

{ وَلا يَذْكُرُونَ اللَّهَ إِلَّا قَلِيلاً}

وقال ابن قتاده {إنما قل ذكر المنافق لان الله لم يقبله}

بيذكر وربنا مش متقبل هذا الذكر منه فلما بيجى بيذكر ولم يقبل ما بيتوفقش فى ذكر كمان وعشان كده ذكره قليل

ينفع حد مننا يكون على هذا الوصف ؟؟؟

يبقى احنا محتاجين اننا نجدد

2- التوبه من قلة الذكر للرحمن



3-محتاجين اننا نجدد التوبه من اخلاف الوعد

وانا اقصد بالوعد هنا الوعود بالذات مش الى بينك وبين الناس

لا!

الوعود الى بينك وبين الرحمن !

ياما خدت الوعد انك تتوب ورجعت...


ياما خدت العهد والوعد انك تتغير وما اتغيرتش

مش عايز تخلف الوعد مع الرحمن ونبداء نجدد التوبه من اختلاف الوعود مع الحبيب الرحمن .



4- نجدد التوبه من الكذب

مش عايزين نبقى مناظر مش عايزين نبقى اشكال

ظاهر شكله حلو والباطن الله اعلم بيه ..


فاخطر الكذب ان احنا نكون كذابين بظواهرنا

انا مش بتكلم بس عن الكدب الى فى اللسان الى ما فيش اكتر منه فى زمن الكذب والغش و...و...


لكن بتكلم عن غش البواطن غش القلوب فمحتاجين نجدد توبتنا من صفه خطيره اوى من صفات المنافقين صفة الكذب .



عايزين نجدد توبتنا من خيانة الأمانات كل واحد ربنا مؤتمنه على أمانة و أعظم أمانة ( أمانة الإيمان )

نَزَلَتْ الأمانة فِي جَذْرِ قُلُوبِ الرِّجَال يعني نزلت أمانة الإيمان

ربنا
ائتمنك وائتمنكِ على الإسلام

فورًا تكونوا مش على قد الأمانة دي .. !!

قغشان كده محتاجين نجدد توبتنا من ( خُلْف و من خيانة الأمانات )

و أنا عايز أقول هنا للشباب :

جسمك أمانة :

ربنا سبحانه و تعالى أستودعك هذه الأمانة فبلآش تنفقها في الحرام

بلاش في موسم الصيف ده معاصي الشهوات اللي أنتوا عارفينها و بالــذات

( ذنـوب السر و العادات السيئه و مشاهدة الأشياء اللي ربنا لا يرضى عنها أبدًا )

متــخونش الأمـانة

(إِنَّ اللَّـهَ لَا يُحِبُّ كُلَّ خَوَّانٍ كَفُورٍ‌ )

:


اللهم ارزقنا التوبه التى ترضيك عنا .

:

تابعونا في روشتة علاج 3 بإذن الله

:: إعداد فريق عمل أحلى حياة ::



رد مع اقتباس
  #3  
قديم 07-05-2011, 01:22 PM
كنزي ايماني كنزي ايماني غير متواجد حالياً
قـــلم نــابض
 




Icon15 ذنوب الخلوات (روشتة 3)


السلام عليكم ورحمة الله وبركاته


:

روشتة علاج قبل رمضان -3-





:

التوبة من ذنوب الخلوات !

محتاجين نجدد توبتنا من ذنوب السر و من ذنوب الخلوات

محتاجين عشان نقدر نكمل إن قلوبنا تستقيم

لانه كما يقول العلماء : السير إلى الله -عز وجل - لا يُقْطع بالـأقدام .

الطريق لربنا مابيمشيش الواحد فيه برجليه [ إنما يخطوا فيه بقلبه ]

و أحفظوا الحديث ده علشان هو مهم أوي و احنا نشتغل عليه من هنا لغاية رمضان و يبقى شعار لينا في رجب و شعبان

عن النبي صلّ الله عليه وَ سلم :

( لا يستقيم إيمان عبد حتى يستقيم قلبه ، ولا يستقيم قلبه حتى يستقيم لسانه )

عشان ميجيش واحد كمان شوية و يقول لي أنا نفذت الخطة و أشتغلت يومين تلاته بس ما كملتش

عــارف ليه .. ؟

- لأن قلبك مش مستقيم ..

هو ده معني الزيف ، ( ربنا لا تُزِغْ قلوبنا بعد إذ هديتنا )

يا رب قلوبنا ما تزوغ

طيب تعمل إيه عشان القلوب دي ما تزوغش ؟

قال : لا يستقيم إيمان عبد حتى يستقيم قلبه ، ولا يستقيم قلبه حتى يستقيم لسانه ..

يبقى اللســـان ده ( محتاجين إن احنا نخـفف الكـــــــلام ،عايزين نتوب من كثرة الكلام و الثرثرة و اللغو)

من اللحظة دي ( عَنِ اللَّغْوِ مُعْرِضُونَ )

مكالمات تيلفون بالساعات و كلام و هذار و و ..

في شئ مواروش طائل و لا منه فايدة نـخفــف ، نقلل

علشان خاطر الكلمة اللي تطلع من لسانك و أنت لا تدري بها ممكن تكون صعبة أوي !

يقول النبي : صلّ الله عليه و سلم

( إن الرجل ليتكلم بالكلمة و وما يرى أنها تبلغ حيث بلغت يهوي بها في النار سبعين خريفا )

و الله العظيم لعلها نية ، و كلنا محتاجين تجديد النية و تجديد التوبة ،

ويا ربّ أن تُبلغ هذه الكلمات الآفاق فتُثَقل الموازين .. لينا كلنا

يا رب أرزقنا الإخلاص في القول و العمل ..

نجدد توبتنا يا جماعة من [ آفات اللسان ] نقلل من كلامنا و المزاح الزائد

و النبي صلّ الله عليه و سلم يقول في حديث :

( لا تكثروا الضحك ، فإن كثرة الضحك تميت القلب)

مبـنقولش ما تضحكش لأ .. عايزك تبتسم

كان صلّ الله عليه و سلم يقول : ( تبسمك في وجه أخيك صدقة )

وَ كان صلّ الله عليه و سلم يتلقى أصحابه بالإبتسام والبشارة ،
لــكــن
مش [ عمال على بطال ]


واخدينها ضحك و هذار و مفيش شغل و مفيش جد !

نجد و نلعب و نمزح و نضحك قليلًا علشان القلب ميبقاش طول الوقت غــافل .

:
رد مع اقتباس
  #4  
قديم 07-05-2011, 01:24 PM
كنزي ايماني كنزي ايماني غير متواجد حالياً
قـــلم نــابض
 




افتراضي هنعمل ايه (روشتة 4)


السلام عليكم ورحمة الله وبركاته



:


روشتة علاج قبل رمضان -4-


:




:



هنعمل إيه ؟

احنا اتفقنا في روشتات العلاج السابقة على اول خطوة فى طريق الاستعداد اللى هى


التوبة

و النهاردة هناخد القرارات انه هانعمل ايه

انا عايز اقوله خطه يومية وخطط الشهر

خطه يومية انا عايز من النهاردة تبتدى تغير ساعه

هانبتدى بساعه مثلا بين الضهر والعصر اى ساعه نحاول نغيرها

يعنى ايه ؟

الساعه دى كنت بضيعها فى كذا كنت بعمل فيها كذا عايز تتقرب لله سبحانه و تعالى بساعه

تعمل فيها طاعه ماكنتش بتعملها

عايزين الحاجات الاساسيات :

1- قرآنك

عايزين قرآن القرآن اقرأ ما استطيع من الورد انا مش عايز احددلكم حاجات كل واحد على حسب نظامه

لكن اللى متفرغ يختم كل اسبوع ..

2- الصيام

تبتدى تتدرج اتنين وخميس

يبقى كلنا صايمين هذه الايام نصوم بنية جديدة نيه مجاهده الهوى

المغرب الساعه 8 هايبقى فيها مشقة انت هتلاقى الموضوع فى البداية مش سهل عليك

لكن تجاهد هواك علشان والذين جاهدوا فينا لنهديهم سبلنا و علشان عنوان دخول الجنه و نهى النفس عن الهوى

3-كثرة الذكر فى مقابل اللغو

فعايزين على الاقل كل يوم تستغفر ربنا 100 مرة و تصلى على النبى صلى الله عليه و سلم 100 مرة

وتقول لا اله الا الله وحده لا شريك له له الملك وله الحمد وهو على كل شئ قدير 100 مرة

و عليك بالحبيبتان علشان تتحبب للودود الرحمن سبحان الله وبحمده سبحان الله العظيم

اتفقنا على فكرة الصدقه الصدقه اللى هى ان احنا نعمل اظرف كده ونحط فيها ما يتيسر و نتصدق بصدقه يوميا

مش هايتيسر يبقى صدقه اسبوعيه الاعمال دى اللى هانتقرب بيها للرحمن عشان ولو ارداوا الخروج لأعدوا له عده

و منبقاش ممن قال الله فيهم (ولكن كره الله انبعاثهم فثبطهم و قيل اقعدوا مع القاعدين )

اسأل الله تبارك وتعالى ان يتقبل منا و منكم و ان ياخذ بأيدينا و ايديكم اليه اخذ الكرام عليه

انه سبحانه و تعالى ولى ذلك والقادر عليه

سبحانك اللهم ربنا و بحمدك اشهد ان لا اله الا انت استغفرك و اتوب اليك

وصل اللهم على نبينا محمد وعلى آله و صحبه وسلم


:: إعداد فريق عمل أحلى حياة ::



رد مع اقتباس
إضافة رد

الكلمات الدلالية (Tags)
رمضان, روشتة, علاج, قبل


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 

منتديات الحور العين

↑ Grab this Headline Animator

الساعة الآن 04:43 AM.

 


Powered by vBulletin® Version 3.8.4
Copyright ©2000 - 2024, Jelsoft Enterprises Ltd.
.:: جميع الحقوق محفوظة لـ منتدى الحور العين ::.