السلام عليكن ورحمة الله وبركاته كيف حالكم مع شغل البيت ؟؟؟ وخصوصا المتزوجات وخصوصا خصوصا الامهات :) الموضوع ده عجبني فقولت انقلو علشان يمكن حد يستفيد منه أنا موش باحرضك على الكسل أو الأهمال . بس أنا عايزه اساعدك بجد. أنا عايزه أكد على نقطة مهمه جدا لما نعمل اى حاجه أول بأول فعلا بيسهل علينا حاجات كتير أوى . أنا مش عايزه أرغى كتير ونبدأ فى المهم.ليه بنرتبك لما يجى لنا ضيوف أو نقرب على موسم معين رمضان عيد عزومه . كى لا يحدث ذلك علينا بالاتى:-خلينا نبدأ بأهم جزء فى المنزل ألا وهو الحمااااااااااااااااااام فى بيوت كتير يحصل فيها حالة طوارىء لو ضيف استأذن علشان يدخل الحمام تلاقى اللى جرى يميين واللي جرى شمال كل ده علشان احنا ماعندناش اسلوب ثابت لحياتنا . أولا ياريت نبدأمع بعض كل واحده تدخل حمامها وتسأل نفسها سؤال هل ممكن حد غريب فى هذه اللحظه يدخل الحمام وماكونش محرجه سواء من عدم النظافه او من الأشيااء الموضوعه فى الحمام على أساس أنه جزء مهمل فى البيت . ماعلينا خالينا نبدأ بالحل . النهارده برنامج اليوم الحمام فقط كل سم فيه لازم يكون زى الفل أنا عايزه أأكد على شىء مهم بلاش نربط بين النظافه والفخامه . بعد مانظفنا الحمام ياريت الحاجات اللى انا شيلتها وأنا بأنظف بلاش أرجعها تانى الحمام بلاش الشماعه اللى ورااء الباب عليها اشى حاجه تخص أبو العيال على حاجه تخص ام العيال على حاجه تخص العيال نفسهم المنظر مش حلو حتى للناس اللى عايشين فى البيت . باسكت الغسيل ياريت يكون شكله حلو ويوضع فى مكان لايراه اى شخص غريب . بلاش فوطه واحده البيت كله يستخدمها ونحطها على الحبل تنشف ونرجع نستخدمها تانى كل فرد من أفراد البيت له فوطه مستقله وكل يوم أغير الفوط . كل فرد يكون له ليفه لواحده وممكن توضع بشكل جميل يسمح يتهويتها علشان البكتيريا وكل فتره تتغير. نظفنا الحمام وشيلنا الكراكيب وأوعى تنسى شباك الحمام ياجماعة الشبك أهم حاجه ده من بره عنوان بيتك ومن جوه يمنع دخول الاتربه الموجوده عليها مع اى شوية هواء الى المكان مره أخرى. اوعوا تكونوا تعتبتوا ده احنا لسه يادوبك فى الحمام ولم ننتهى بعد . ياريت الشغلانه دى تعمليها كل شهرماتستغربيش لان كل يوم الحمام ده أساسى كل يوووووووووووووم شوفى الوقت اللي يناسبك بالليل لو كنتى موظفه أصبح بعد مايخرج جوزك يالسلامه الحوض والبانيو والتواليت لازم يتغسلوا كويس وتخصصى لهم سفنجه معينه وزى ماأنتى عايزه استعملى اى مواد تنظيف المهم كل يوم . استنى رايحه فين أنا لسه ماخلصتش لازم يكون فى الحمام زجاجه زى بتاعة الجلانس حطى فيها شوية كلو وشويه ديتول وشوية ميه بنسب متساويه وكل ماتدخلى الحمام وتلاقى حد استخدم الحمام *يتبــــــــــــع*
طيب ايه رأيكم نكمل ماهو البيت موش حمام بس . المطببببببببببببخ . وده بنفس درجة الأهميه بتاعة الحمام. ذات نفس الشىء آخر ومايكونش فى اليوم ده عندى أى حاجه تانيه أعملها فى البيت تفرغ تام للمطبخ ويكون عندى اكل يعنى نظافه بس. أمسك المطبخ سيراميك وخشب وشبابيك أنظفه من فوق لتحت يبقى زى الفل ... أريح كام يوم كده مش كتير واركز على الادراج درج درج أفضى اللى فيها واللى محتاجه أخليه والعكس على الزباله على طول من غير ماتفكرى . تراجعى الحللل والاوانى فيه حاجات والله استعمالها بيجيب أضرار لا حصر لها بدل ماتصرفى فلوس على الدكاتره والأدويه من غير لازمه وأنتى مش عارفه ان الطبخه الفلانيه الشهيه اللى اكلوا صوابعهم وراها عادت بمشاكل الله الغنى عنها كل ده بسبب الاوانى التى لاتصلح للأستخدام الآدمى الحلل الألومنيوم مثلا......... الأوانى التيفال بعد ان اتقشرت.........الحله الى بنقلى فيها البطاطس أنا مش عارفه ليه ستات كتيير متخيله ان الحله دى مش لازم تكون نظيفه يعنى تلاقى الحله زاد وزنها عن اليوم اللى اشتريتيها فيه أربع مرات من كتر الدهون المحروقه اللى لازقه فيها مش عارفه ان الابخره واعادة نزول هذا المواد مع الزيت والحراره بيسبب أمراض . وبعدين علشان اسرتك اللى امانه فى رقبتك ياريت الزيت كفايه عليه حرق ويتغير انا بأقولها وأنا مكسوفه بالكتير أوى تلات مرات. خلصتى ورصيتي الحاجه مكانها بعد التهوية وفرشتى ورق جميل فى الرف . حذذذذذذذذذذذذذذارى ثم حذارى من انك تضعى اى المواعين بدون تنشيف . لأن الأماكن الرتبه هى بيئة مناسبه أوى للحشرات كفانا وأياكم شرها. عايزه أقول حاجه بمناسبة الصراصير قرأت فى منتديات كتير ان فيه ستات بتصرخ وتقول الصرصار كيف أتخلص منه مش فاهمه أن وجود الصرصار يساوى عدم نظافه . بلاش نسيب مواعين فى الحوض بالليل وأنام بلاش كل واحد فى ايده سندوتش يفضل رايح جاى بيه فى البيت فى مكان للآكل زى ماقلت مش بنتكلم عن السفره والا غيره ياستى لو مافيش مكان معين وعندى أطفال أفرش ملاية نظبفه ونقعد نأكل عليها وبعدين تتشال تتنفض بس بلاش فوق غسيل الجيران .علشان دى سلوكيات سيئة للغاية . خلصتى خدى راحه يومين كمان أوعى تكونى بتأخدى راحه خاللى بالك انتى أصلا كل يوم فى ثوابت بتتعمل . أكيد عارفها احنا مش هانتكلم عليها دلوقتى . اخدتي راحه تعالى نكمل الثلاجه والفريزر ان وجد ده برضه مره فى الشهر. على فكرة هاأقولك على فكرة حلوة حتى لنفسك هذا الجدول فى مفكرة مع بداية كل شهر وكل اللى تنفذيه أشطبى عليه. نرجع مرجوعنا البوتاجاز ده حوار تانى خالص لازم يكون دايما زى القشطه . فاضل ايه خلاص ولا حاجه . تعالى للبرنامج اليومى بيتاع المطبخ اللى هو زى برنامج الحمام كل يوم الصبح أعانك الله بعد ماطيور البيت المغرده تروم لحالها هاتوقفى تشطبى المواعين وتخرجى حاجة الغداء من الفريز وتكونى فى هذا الاثناء فطرتى واخدتى الشاى بتاعك وعملتى دماغ . توقفى بعون الله تخلص الغداء وماتنسيش وانتى واقفه كل ماحاجه تتوسخ اغسلها أول بأول(وطبعا لا تنسي ذكر الله اثناء الشغل ). طفيت على الأكل أنظف البوتاجاز. وهأقولك على حاجه جميله أوى شويى ديتول مركزيين ملء الغطاا وأوزعهم على البوتاجاز وأمسح بفوطه صغيره هاتلاقيه زى البنور وريحته حلوة ولاأجدعها صرصار يقدر يهوب تاحيته . فى حاجه فوط المطبخ بلاش الحاجات الغريبه اللي احنا بنستخدمها وبتبقى ريحتها وحشه علشان احنا بنتعامل معها على انها فوطة مطبخ وبتكون مليانه بكتيريا وحاجات مش حلوه المفروض فوط مخصصه وماخليهاش من (سورى) الوساخه توصل لمرحلة الرمى أحسن لأ كل يوم ألم الفوط بتاعة المطبخ وشوية مسحوق ومايه دافيه واغسلهم بلاش ياستى لو ربنا كرمك شويه وعندك كم كل كام يوم جمعيهم وفى الغساله يبقوا زى الفل.خلصتى البوتاجاز شويه كلور صغننين وشويه ديتول صغننين وشويى ميه مش صغننين على البلاط وتجيبى فوطه البلاط النظييييييييييييفه دايما تحوطيها على الممسحه وتنشفى الارض . وكلمينى على أحساسك بالراحه والانتعاش وهو مطبخ بالنظافه دى. والى لقااء آخر ان شاء الله يتبـــــــــــــــع ان شاء الله
ماشاء الله جميل جدا جدا منتظرة الباقي
شكراً لكِ يا أم مغفرة يارب تكوني استفدتي منه
" أظن ريحنا بما فيه الكفايه يلا بلاش كسل. بصى ياستى باقى الشقه بنفس أهمية الحمام والمطبخ. بدل ماتقسمى الشقه حجرات وتقولى اللى باعمله النهارده بيرجع يتوسخ أو يتبهدل . ده لو اتعمل مظبوط مش هاتقولى كده . اللى بيرجع تانى ده الشغل اليومى ولازم تقتنعى ان كل حاجه فى الدنيا محتاجه متابعه علشان تفضل حلوة. فى نظافه بعمق وبضمير شويه ومره على مره هاتلاقى الموضوع سهل. بجددددددددددددددد بجددددددددددددد أنا عمرى ما جاء عليا رمضان ولا عيد ولا عزومة وأنا قالبه الدنيا زى باقى الستات . أنا بيكون يومى عادى جدا علشان الاسلوب اللى أنا ماشية عليه. المهههههههههههههههههم. قسمى الشقه بنود وليست حجرات وياريت يكون ده مكتوب فى ورقه . بند السقف والحوائط تنظف من عنكبوت إن وجد والحوائط مش لازم أبهدِل الدنيا يعنى كفايه بسفنجه بشوية مسحوق وأمُر على الأماكن المعرضه للأتساخ يعنى اذا كان عندنا أطفال فالحوائط المعرضه للإتساخ فقط. الأماكن اللى حوالين مفاتيح الكهربا بس خاللى بالك. وأنشف بعد كدة بفوطة معصوره أوى. أنا مش عاوزه أثقل عليكى أكتر من كده علشان زى ما اتفقنا انتى عندك حاجات كتير يوميه جنب الكلام ده . يوم تانى لفى على شبابيك البيت كله وياريت ياجماعه مانهملش موضوع الشبابيك دى انا باستغرب ازاى ممكن اشوف شباك وسخ وتبقى الشقه من جوه نظيفة ازاااااااااى انا موش عارفه المهم ماعلينا اذا أمكن تفكى الشباك وتغسليه فى الحمام يبقى جميل وأهم حاجه يتنشف كويس علشان الخشب مايبوظش ومع الشبابيك بالمره أبواب الأوض تتصبن وتتنشف كويس أوى وخصوص عند المقابض والحلوق من فوق . أنا علشان أختبر نفسى من وقت للتانى أشب كده علشان انا موش طويله وأشوف حلق الباب من فوق فيه تراب ولا لأ. أنا عايزه أأكد على حاجه كل اللى أنا باتكلم فيه ده انتى بتوزعيه على مدار الشهر علشان ماتتعبيش. تعالى نشوف الستاير حطى لنفسك سيستم فى موضوع الستاير ده عايزه تعملى كل موسم صيف أو شتاء . عايزه تعمليه على الأعياد . الوقت الى يناسبك المهم زى ماقلت مايجيش أى موسم علينا واحنا مخلعين علشان سيبنا كل اللى المفروض نعمله كل شهر ركزناها فى وقت واحد .حرام علينا نفسنا وأزواجنا اللى بيكون العيد عنده كركبه وميه وصابون وست بعد ده كله متكومه من كتر التعب. أشوفكم على خير. " يتبـــــــــع إن شاء الله
موضوع جميل جدا بارك الله فيكِ متابعة بإذن الله
اكملي
ماشاء الله جزاكِ الله خيراً موضوع هاااام ومفيد جدا جعله الله فى ميزانك مثبت
غراس الجنة: سبحان الله والحمد لله ولا إله إلا الله والله أكبر
جزاكي الله خيرا يا بسمة أمل , وربنا يكرمك في انتظار باقي الموضوع
اقتباس موضوع جميل جدا بارك الله فيكِ متابعة بإذن الله اللهم آمين بارك الله فيكِ
↑ Grab this Headline Animator
اوعـــــي تنظفي الشقة قبل العزومة
العرض العادي
