السلام عليكم ورحمة الله وبركاتة
انا جبت طريقة للبامية ماشاء الله جميلة اوي احلي بكتيررررر من البامية العادية اللي بنعملها لو كنتوا بتعملوها زي في الاول
1-بتحمري بصلاية كبيرة في معلقتين سمنه
2-بتحطي عليهم عصير 4 طماطم
3-اما يتسبكوا تزودي شوربه اللحمة او الفراخ اللي فيها توابل السلق البهارات وورق اللورا والملح والفلفل
4-اما يتسبكوا تحطي البامية مجمده او طازة انا بعملها مجمده
5 اول ما تخد غلوة تروحي عصرة لمونه عشان لزوجة البامية متنزلش في الشوربة وتبقي مسكة نفسها
6 وبعدها اما تدخل في السوا تروحي مقطعة نص قرن فلفل رومي ترنشات وتحطي معاها وشوفي لو نقصة ملح وتسبيهم شوية علي النار وتطفي
ممكن تدخليها في طاجن وعلي الفرن شوية تنشف مع قطع اللحمة
تقدم مع رز بالشعرية وبتنجان مخلل ويسلام لو ملوخية نشفة
وبالهنا والشفا
وطبعا لا تنسوني من دعائكم
البامية باللمون والفلفل من مطبخي
العرض العادي
