|
|||||||
| الملتقى الشرعي العام ما لا يندرج تحت الأقسام الشرعية الأخرى |
 |
|
|
أدوات الموضوع | انواع عرض الموضوع |
|
#31
06-27-2010, 05:40 PM
|
|||
|
|||
جزاك الله خيرا
في انتظار التتمة 
|
|
#32
06-30-2010, 10:47 PM
|
|||
|
|||
|
بارك الله فيكم و جزاكم خيراً
متابعين إن شاء الله .
|
|
#33
07-01-2010, 11:04 AM
|
|||
|
|||
|
جزاكم الله خيرا على كلماتكم وإهتمامكم وارجو معذرتي عالتأخير بسبب الإنشغال الشديد
محمد
|
|
#34
07-01-2010, 11:09 AM
|
|||
|
|||
|
عاد محمد وعائلته إلى القاهرة فجر اليوم التالي بعد أن اتفقوا فجأة على العودة قبل إتمام الإسبوع للنظر في مستقبل محمد والكلية التي سيدخلها
وفي نفس اليوم ليلاً حضر الأقارب والمعارف والجيران مهنئين الإبن الناجح المتفوق و00000 تابعونا أفضل! ! يتبع000000 محمد
|
|
#35
07-01-2010, 11:24 AM
|
|||
|
|||
|
بعد إنصراف المهنئين من الجيران والأصحاب والأقارب جلس كل من فتحي وعائلته مع سعاد (شقيقته)وبنتها يتحدثون عن مستقبل محمد أم محمود: ها يا محمد0000ونويت تدخل إيه؟ صيدلة ولا هندسة؟! محمد:والله يا عمتي أنا لسة بفكر 0000لكن إشمعنى صيدلة وهندسة؟! أم محمود: وهو فيه غيرهم يابني يناسبوا مجموعك الحلو دة؟ محمد(وهو ينظر لوالده بخبث): في كليات بتناسب جسمي! نهى(بسخرية): طب حاسب حاسب000إلي يسمعك كدة يفتكر إنه عندك عضلات! محمد: إمال يعني انتي الي عندك؟! الأم: مش مهم عضلات يا نهى المهم إنه جسمه مناسب! أم محمود: أنا مش فاهمة حاجة! جسمه يناسب إيه؟! عبير:صحيح يا مرات خالي 0000هو محمد مش هيخش هندسة؟! أنا شايفة إنه مناسب ليها جداً وتناسب طموحه الأم:أهو عندك أهو اسأليه أم محمود: ما تتكلم يا فتحي0000ابنك هيخش إيه؟! فتحي: هو بيفكر يخش كلية الشرطة! أم محمود(بدهشة): شرطة؟!0000000صحيح يا محمد إنت بتفكر في الشرطة؟! محمد: بصراحة يا عمتي أنا مكنتش بفكر لكن مجبر إني أفكر! عبير: معقولة يا محمد تسيب هندسة وصيدلة وتخش شرطة؟! طب ليه؟! هو الضابط أهم من الصيدلي والمهندس؟! حتى لو أهم000000ليه انت تخش شرطة؟! أم محمود: وبعدين يابني من حلاوة الشرطة قوي!0000انت مش بتسمع عن تدني أخلاقهم وقلة أدبهم؟! كان محمد يستمع وهو سعيد ولكنه لم يشأ أن يرد وإنما ترك والده هو الذي يرد قائلاً فتحي: جرا إيه يا سعاد إنتي وبنتك؟!0000مالنا إحنا ومال الناس دي؟! مافي ضباط كتير محترمين وبيحموا البلد من المجرمين ومركزهم مرموق أم محمود: ممم0000كدة أنا فهمت0000يظهر إنه محمد مجبر فعلاً إنه يفكر في كلية الشرطة!000بس 00000 قاطعها فتحي(الأب) وهو يقول مافيش بس000000أهي مجرد محاولة ولو نجح في الإختبارات يبقى خير وبركة لوما نجحشي يبقى يختار الي هو عاوزه دة الي إتفقنا عليه إن شاء الله 000وبكرة الصبح هيروح يقدم عبير: بس يا خالي الشرطة دي موضوع تاني خالص 000ومحمد ممكن يتفوق في الهندسة لأنه بيحب المجال دة أما الشرطة فمش تناسبه خالص! محمد: طب ممكن تسمحولي أتكلم بإعتباري صاحب الليلة دي؟! أم محمود: ياريتك يا محمد تتكلم وإحنا سامعينك أهو هم محمد بالكلام بالفعل ولكن جرس الباب قاطعه وقامت نهى لتفتح الباب والكل مستغرب من هذا الضيف المتأخر وجميع العيون معلقة بالباب فتحت نهى الباب واندهشت كما اندهش الجميع عندما نظروا إلى الضيف إنه محمود! يتبع(إن شاء الله)0000
|
|
#36
07-05-2010, 10:14 AM
|
|||
|
|||
|
فتحت نهى الباب لتفاجأ بمحمود أمامها ناظراً إلى الأرض وفي يده كيس ومبتسماً يلقي السلام!! محمود: السلام عليكم 0000ازيك يا نهى؟! ظلت نهى للحظات تحدق فيه قبل أن تنتبه لنفسها وهي تقول أهلاً يا محمود 000أنا آسفة اتفضل! ثم أفسحت له ليدخل ملقياً السلام على الحاضرين وقام محمد لمقابلة محمود الذي أخذه بالأحضان مهنئاً لهثم سلم على خاله والحاضرين قبل أن يتخذ مكانه بجانب أخته! تباينت مشاعر وتعبيرات الحاضرين من حضور محمود غير المتوقعفبينما ظلت نهى تنظر إليه في دهشة من مظهره السُني إلا من القميص كانت أمه وأخته يشعران بالسعادة لحضوره بينما كان محمد أشد فرحاً منهما في حين قامت والدته لتأتي لمحمود بواجب الضيافة أما الأب فكانت تعبيراته لا توحي بشيء ولكنه كان ينظر لمحمود بتفحص وتفكير! بعد كلمات الترحيب والتهاني قدم محمود الكيس الذي بيده إلى محمد قائلاً محمود:خد يا عم هديتك قبل ما أنسى وأروّح بيها!! ضحك الجميع ما عدا الأب ونهى التي ماتزال مندهشة من منظر محمود وكأنه من كوكب آخر! محمد(ضاحكاً):ياعم عادي اعتبرها وصلت! كفاية مجيتك الحلوة دي! محمود: إيه يا جماعة انتوا كان عندكم شك إني آجي أبارك لمحمد؟! محمد:لا أبداً بس مش توقعت بصراحة! محمود:عيب عليك 000دة أنا محمود وانت محمد! محمد:ربنا يخليك نظر محمود إلى خاله قائلاً محمود:إزيك يا خالي؟! الأب:الحمد لله ازيك انت محمود:الحمد لله 000أهي ماشية! الأب:هي إيه الي ماشية؟ شعر الجميع بقرب حدوث مالايحمد عقباه وما ليس وقته ولا مكانه بما فيهم محمود نفسه الذي تخوف قبل مجيئه من خاله بسبب ما قالته أمه له ولكنه حسم موقفه وجاء مهنئاً طالما العون من الله عز وجل فبمجرد كلمة الخال الأخيرة شعر بالقلق وهو يقول محمود:أقصد الحمد لله الحالة ماشية!! هم الأب بالرد ولكنه فضل السكوت بحكمته حتى لا يفسد المناسبة السعيدة وكان هناك أمر يشغله أصلا منذ دخول محمود فالتفت محمود إلى محمد وهم بسؤاله عن شيء ما إلا أنه والجميع فوجيء بنهى تقول نهى:محمود ممكن أسألك سؤال؟! محمود: أكيد! نهى:هو إيه الي انت عامله في نفسك دة؟! كان محمود يفهم ما تقصده نهى إلا أنه أجاب ببساطة محمود:عامل إيه؟ نهى:أقصد يعني ذقنك سايبها كتير كدة ليه؟!!! وليه عامل في البنطلون كدة من تحت؟! وإيه الطاقية دي ؟!! أنا بصراحة مستغرباك جداً خصوصاً إني مش شفتك من شهور 000مش دة محمود الي أعرفه ومتربيين سوا مع بعض! معلشي في الكلمة يعني لكن انت كان ناقص تلبس جلابية بيضا وتبقى زي الإرهابيين الي بنشوفهم في التليفزيون! ليه نقلد الناس المش كويسة دي؟! رفع محمود نظره إليها قائلاً بهدوء محمود:هو الرسول عليه الصلاة والسلام كان مش كويس والعياذ بالله؟! ردد الجميع عليه الصلاة والسلام بينما قالت نهى نهى: ليه بتقول كدة؟ محمود: طيب صلي عالنبي الأول! نهى: عليه الصلاة والسلام محمود: أصل دة لبس ومظهر النبي عليه الصلاة والسلام وكان ناقص زي ما قلتي الجلابية وأبقى بنفس مظهره نهى: أيوة بس دة كان زمان من 14 قرن!! محمود(ضاحكاً):ولو كان من 140 قرن! نهى(بدهشة): على إيه دة كله؟! محمود (بدهشة أيضاً!): دي سُنة عن النبي صلى الله عليه وسلم!0000انتي بتقولي إنه الي بيعمل كدة ناس مش كويس؟ طيب حكمتي عليهم كيف بأنهم ناس مش كويسة؟ طيب أنا قدامك أهو هل أنا مش كويس؟!تعرفي عني حاجة وحشة لا سامح الله؟! نهى:أنا آسفة مش أقصدك انت لكن 000 قاطعها محمود: عارف إنك هتقوليلي التليفزيون والتمثيليات والأفلام والكلام دة كله!!بس دة مش مقياس للحكم يا نهى! محمد: أكيد! عبير:لو كانت التليفزيونات هي الي هتعرّفنا الصح من الغلط يبقى عليه العوض فينا!! أم عبير:بس نهى عندها حق برضه في إستغراب مظهرك يا محمود! محمود:طبعاً!! ماهو مين يشهد للعروسة؟! ضحك الجميع قبل أن تقول نهى نهى: أنا آسفة يا محمود أنا بس كنت بسأل سؤال عادي وانت عارفني كويس! محمود:لأ عادي مافيش حاجة! نهى: بس أنا برضه مش مقتنعة لكن هقول إيه؟ ربنا يهديك!!!! محمود(ضاحكاً): يهديني؟!! طيب ربنا يهدينا جميعاً! الأم: آمين يارب! محمد: احمد ربنا إنها جت على قد كدة! دي نهى! محمود(مبتسماً): انت هتقولي؟!دي عشرة سنين! ها يا محمد000ونويت تدخل إيه؟! ضحك جميع الحاضرين مما أثار دهشة محمود الأم: أصلي إحنا كنا لسة بنتكلم في الموضوع دة قبل ما تيجي على طول! محمود: آه! 0000وياترى إيه الكلية المحظوظة الي محمد ناوي إن شاء الله يدخلها؟! نهى: هو بصراحة لسة في مفاوضات وكدة يعني! عبير:أنا لغاية دلوقتي مستغربة! أم عبير(وهي تنظر بخبث لفتحي أخيها):وأنا كمان كنت مستغربة بس مش بقيت مستغربة! ظل فتحي ينظر لمحمود ويتابع ما يحدث بصمت وكأنه في وادي تان خالص! بينما قال محمود موجهاً كلامه إلى محمد محمود:إيه ياعم المتفوق؟! هو فيه إيه؟! محمد(بحيرة): والله يا حودة هو زي ما قالت نهى لسة في مفاوضات 000بس أنا حسمت أمري وبكرة إن شاء الله رايح أقدم ورقي في كلية الشرطة! اندهش محمود وظهرت على وجهه علامات الصدمة بوضوح وهو يردد! الشرطة؟!! محمد(وكأنما توقع دهشة محمود): أيوة! محمود: بس انت يابني مش جبتلي سيرتها خالص قبل كدة؟! إيه الي حطها في دماغك؟ دة انت ليل نهار بتحلم بهندسة إيه الي حصل؟ لم يعلق محمد بينما ألقى الأب مفاجأة غير متوقعة أثارت إندهاش الجميع بقوله الأب(وهو ينظر بتركيز إلى محمود): للأسف يا محمد مش هتنفع كلية الشرطة معاك! الأم(بدهشة كبيرة): انت بتقول إيه يا فتحي؟! أم عبير:ليه مش هينفع؟ دة انت كنت لسة بتقول هيقدم في الشرطة والي فهمته إن دي رغبتك انت أصلا! بدأت عبير تفهم ما يقصده خالها خاصة مع تركيز نظراته على محمود في حين تحدثت نهى بدهشة نهى(بدهشة):أنا مش فاهمة حاجة! كان محمود قد فهم ما يقصده الأب بمجرد قوله ولم يرد أن يعلق أو يثير الأمر ولكنه اضطر إلي ذلك فتحدث! محمود:أنا عارف خالي يقصد إيه! يا جماعة خالي يقصد إنه محمد مش هيتقبل في كلية الشرطة بسببي أنا! نهى(بإندفاع): بسببك؟ وانت مالك أصلاً ومال دة كله؟! نظر إليها الجميع نظرة إستنكار ما عدا محمود فشعرت بالحرج واستدركت نفسها نهى: أنا آسفة مش أقصد بس كنت أقصد ما علاقتك بدخول محمد للشرطة؟ محمود(وهو يسند ظهره على الكرسي!):ببساطة كدة بيتحروا عن أي متقدم للجيش أو للشرطة وأكيد هيتحروا عن محمد وأقاربه من الدرجة الأولى والثانية وهيعرفوا إنه أنا إبن عمته وليا ملف عند الجماعة إياهم ففي الغالب هيكون دة سبب للرفض! ظهرت على الجميع علامات التفهم والحيرة في نفس الوقت الأب(وقد وضحت علامات الضيق بملامحه وفي صوته):أهو دة فعلاً الي مش كنت عامل حسابه ونسيته خالص لغاية ما شفتك النهاردة!0000ومن وقتها عمال أقالبها يمين شمال مش راكبة! اعتدل محمود في جلسته وهو يحدث خاله قائلاً محمود:أنا آسف00000ياريت لو بإيدي حاجة أعملها نهى(بمرح): شفت بقى مظهرك السني دة عمل إيه؟! أهو طارت كلية الشرطة! محمود(مبتسماً): وعسى أن تحبوا شيئا وهو شر لكم!! الأب: لا حول ولا قوة إلا بالله! محمد(موجهاً كلامه لأبيه):برضه هروح أقدم بكرة في كلية الشرطة والي هقدر عليه هعمله ومش هتأخر! طالما دي رغبتك يا بابا فأنا يشرفني إني أنفذهالك حتى لو كنت أنا مش مقتنع بيها! الأم(بسعادة): الله عليك يا محمد! ربنا يكملك بعقلك! أم عبير: ربنا يحميك يابني! نهى: الله الله! إيه ياعم الكلام الكبير دة كله؟! ولا يعني عشان صاحبك هنا يعني؟! محمد: لا والله مش عشان محمود 0000أنا قبل ما ييجي قلتلكم إني هقول رأيي ودة الي كنت ناوي أقوله حتى قبل ما أعرف إنه في مشكلة في التحريات دي! بابا00000صحيح أنا مازلت غير مقتنع بكلية الشرطة وصحيح الهندسة هي الي كنت بعمل لها وبحلم بيها ليل نهار عشان أطلع فني إلكترونيات زي ما حضرتك عارف 0000لكن ثق إنه رغبتك هي الي هسعي لتحقيقها وفي النهاية الي ربنا كاتبه هو الي هيكون! بصورة عفوية قام الأب ومحمد واحتضنا بشدة وقبل الأب رأس الإبن في ظل تصفيق الباقين ماعدا محمود! نهى:أيوة كدة يا محمد!!خليني أفخر إنك أخويا! عبير:هههههههههه000شوف البت؟! قال يعني مش كانت بتفخر بيه؟! الأم: محدش يتكلم عالفخر وأنا موجودة أنا أحق الناس بالفخر دة! ثم قامت بدورها بحضن إبنها الذي قال هو يعني يا جماعة أنا هجيبه من برة؟! مش دي تربيتكم برضه؟! أم عبير: ونعم التربية نهى: مالك يا محمود مش صفقت زينا ليه؟ محمد: بس يا نهى يحسن يفتي لنا إنه التصفيق حرام! ضحك الجميع بما فيهم محمود الذي ضحك بصوت عالي وهو يقول محمود(ضاحكاً):مين قالك عالمعلومة المهمة دي يا أبو حميد! محمد(بدهشة): معلومة؟! ومهمة؟!!!! دة أنا بمزح! محمود:وماله! برضه معلومة مهمة إنه بعض العلماء قال إنه التصفيق للنساء فقط ووارد فيها حديث! وبعدين انت وخالي كنتم حاضنين بعض وانا مش صفقت يبقى مافيش مشاكل ياعم انت هتمشكلها ليه؟! بطّلوا عُقد بقى! محمد(ضاحكاً وبسخرية):لأ حاسب حاسب!0000عندك الأخ نهى صفقت! ضحك الجميع بشدة ونهى ترد بغيظ! ماشي ماشي! لك يوم يا ظالم! يتبع(إن شاء الله)0000000
|
|
#39
07-23-2010, 10:16 PM
|
|||
|
|||
|
السلام عليكم ورحمة الله وبركاته
جزاكم الله خيرا ان شاء الله في انتظار البقية
|
|
#40
07-29-2010, 05:18 AM
|
|||
|
|||
|
قصه رائعة اسأل الله لنا ولكم الثبات
جزاكم الله خيرا في انتظار المزيد
|
|
| الكلمات الدلالية (Tags) |
| !!, 000(قصة), غرباء |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض العادي
