[هنوود]

تبت من إيه النهاردة ؟!!
لسه قاعد بتتابع الأوضاع والأحوال ، لسه بتتفرج ، وقاعد تقول : ربنا يصلح حال البلد !!
طيب عملت إيه علشان الحال ينصلح !!
حتقول : وأنا حاعمل إيه ، أنا غلبان مليش في حاجة ، وكافي خيري شري ، وبتمنى الخير لمصر ولكل الناس .
وأنا أقول لك : لا بس لازم تعرف إنك لو قعدت محلك سر ، ومغيرتش من نفسك ، وعدت لربك عودة صادقة ، وابتعدت عن كل شيء بيغضب ربنا منك ، الحال مش حينصلح ولا حاجة !!
" إن الله لا يغير ما بقوم حتى يغيروا ما بأنفسهم "
علشان كده لازم تفكر تعمل شيء إيجابي مع نفسك ، تعال ناخذ بإيد بعض ، وكل يوم نفكر في حاجة غلط بنعملها ونحاول نصححها ونتوب لربنا منها . ...
انضم معنا ( حملة سأترك معصيتي ..) الواجب النهاردة :
كل واحد يقترح مشكلة عايزين نتوب منها باختصار