اردت حبيبتى اضافة هذه المعلومات لخدمة الموضوع :
يوجد لدى السيدات آائنات طبيعية دقيقة غير ضارة على المهبل زى بكتيريا المعدة
.وبتكون مهمة جدا للسيدة وجودها ,
وهناك وسط المثالى لبقاء هذه الكائنات الطبيعية الدقيقة غير ضارة على المهبل
دون اختلال وفى هذا الوسط نمو اى ميكروب بيبقى فرصة شبة منعدمة انما اى اختلال فى هذا الوسط بيسبب الالتهابات المهبلية وإهمال علاج الالتهابات
المهبلية يودى إلى مضاعفات تصيب عنق الرحم والمهبل بالقرحة
.
اولا:الالتهاب المهبلى البكتيرى :
الالتهاب المهبلى البكتيرى غالبا يصيب الحوامل و السيدات اللى بيتسخدموا اللولب
افرازات لونها رمادى وتميل للاصفر.
•
افرازات ريحتها سيئة جدا ومتناسقة القوام مش مكلكعة .
•
لا يوجد الآم فى المهبل علشان كدة مفيش فى الحالة دى حرقان فى البول.
•
ألم تحت السرة وفى مؤخرة الظهر.
ثانيا :الالتهاب المهبلى الفطرى (فطر الكانديدا):
هذه الفطريات بتكون موجودة وعايشة فى امان ووجودها طبيعى
جدا عند السيدات ولكن لو زاد نموها عن المعدلات الطبيعية بتسبب إلتهابات التى غالبا تصيب السيدات التى بتستخدم
حبوب منع الحمل و السيدات التى بيتسخدموا اللولب وحديثى الزواج بعد المرات الاولى فى ممارسة الجنس والحوامل
ومريضات السكر والايدز والسيدات التى بتستخدم المضادات الحيوية كتير وبكثافة
هرش جامد جدا ودا اهم الاعراض واكتر حاجة مميزة .
•
التهابات ولون احمر وممكن تورم خفيف .
•
إفرازات بيضاء لزجة بتكون عاملة زى اللبن المجبن والمفروض انها تكون بدون رائحة لكن ممكن التراكم
للافرازات يسبب ظهور روائح
حرقان بوجة عام فى الفرج وحرقان فى البول .
•
صعوبة فى ممارسة الجنس .
ثالثا :الالتهاب المهبلى الطفيلى :
الالتهاب المهبلى الطفيلى غالبا يصيب السيدات المدخنات و السيدات اللى بيتسخدموا
اللولب وحديثى الزواج وتكثر هذه الالتهابات عقب حدوث الدورة الشهرية
يظهر الفرج ملتهب ومتورم .
•
الافرازات بتكون ضعيفة ومتناسقة القوام ولونها بيكون اصفر او اخضر.
•
أحيانا يوجد هرش بسيط.
نصائح للوقاية من الالتهابات المهبلية :
•
إستخدام التشطيف المهبلى كل مساء وخصوصا بعد الجماع.
•
الحد من كثرة إستخدام المضادات الحيوية ومحاولة تجنب الكورتيزون.
• الاهتمام بنظافة الملابس الداخلية جيدا وعدم إستخدام ملابس الغير.