[أ جنة الرحمن]

دا تعليق احد زملاءنا بالمركز على الخبر في جريدة اليوم السابع


بسم الله الرحمن الرحيم

تيتى تيتى زى ما رحتى زى ما جيتى

محدش يستغرب من الجملة المكتوبة فى العنوان لأنها المثل الأعلى لمدير مركز جامعة القاهرة للتعليم المفتوح
تخيلوا رجل هذا مثله فكيف تكون أخلاقه؟؟؟؟؟؟؟؟؟؟؟؟؟

وأنا أكتب هنا لأقف بجوار زملائى الذين طردوا ولا حول ولا قوة إلا بالله بلا عذر ولا سبب إلا لأنهم مسلمين يظهر عليهم شكل الدين.

بداية أقول لزملائى : سوف ينصركم الله لأنكم مظلومين وكلنا نعرف ذلك كبيرنا وصغيرنا ، حتى مدير المركز نفسه عارف إنكم مظلومبن.

حسبنا الله ونعم الوكيل

هذه القصة التى نسجها هذا الكاذب المسمى عوض عباس ليس لها أصل من الصحة لأن هؤلاء الناس الذين تم فصلهم فصلا تعسفيا من أكفأ الناس فى العمل وتشهد لهم تقاريرهم السنوية بذلك ، ونشهد لهم كلنا بذلك ، لأنهم كانوا يعملون بضمير ويراعون الأمانة فى العمل.

أما هذا الـ عوض الذى كتب حديث نبوي شريف ووزعه على الإدارات فإنه لا يعمل بشىء منه لأننى سمعت منه ألفاظا يحرج أى أنسان ملتزم أن يقولها ودائما يقول جملته المشهورة (تيتى تيتى زى ما رحتى زى ما جيتى) وبيرر اللى عمله ويقول أنا والدى كان ملتحى وشغال فى الجمعية الشرعية طب ليه أنت بتكره الملتحين والمنتقبات ، انت عاوزها كلها تبقى عريانة

هذا الرجل يا جماعة اجتمع بالمديرين يوم 1 أغسطس 2010 لما عرف أن المفصولين عملوا محضر فى قسم الجيزة وطلب من المديرين يعملوا تقارير جديدة عن الناس اللى مشيت يكتبوا فيها أنهم كانوا مقصرين فى عملهم وكانوا بيتأخروا فى الصلاة علشان لما يتسأل يقول أنهم مشيوا بسبب التقارير السيئة عنهم ، مع أن أحد المفصولين دخل للدكتور وسأله عن السبب هل هو أمنى فقال لا فقال هل هو إدارى بسبب التقصير فقال لا فقال هذا الشاب الذى أسأل الله أن يرزقه رزقا واسعا وجميع زملائه طب إيه السبب ؟ فرد هذا الـ عوض رئيس الجامعة طلب تخفيف العمالة فى المركز

وهنا أنا أسأل سؤال مهم جدا

لو انت عاوز تخفف العمالة تطرد الناس اللى بتشتغل بضمير والناس تشهد لها بذلك ولا تطرد الناس اللى ملهاش عامل مهم فى المكان وهو عارف كويس أنا بتكلم عن مين وهل كل الناس اللى مقصرة فى عملها من الملتحين والمنتقبات والباقى مجتهد فى عمله

ولما الناس دى مقصرة فى عملها لى جددت لها العقد مرة بعد مرة

ويعدين المقصر فى عمله يطرد مرة واحدة ولا فى إنذارات يمكن تخليه إنسان كويس

وبعدين انت عامل إدارة مسميها الشئون القانونية ليه عياقة ولا منظرة ولا علشان المقصر فى عمله يتحول شئون قانونية وهى اللى تحدد حجم الضرر اللى ممكن يجى على المركز من هذا الموظف وهي اللى تحدد العقاب المناسب ليه.

كلنا عارفين أنك كاذب ومدعى وان الناس دى مظلومة

هؤلاء الناس كباقى الزملاء ينزلون للصلاة فى المسجد ويرجعوا بعد الصلاة مباشرة لأداء أعمالهم ولا ينامون فى المسجد كما يقول هذا الـ عوض

فى النهاية أقول له اتق الله لأنك سوف تقف أمام الله وسيسألك ويقول لك لماذا طردت هؤلاء الناس ؟ قول لى كيف ستجيب عن هذا السؤال
ولا هترد وتقول ( ها ها تيتى تيتى زى ما رحتى زى ما جيتى )

لو ابنك ملتحى وشغال معانا كنت هتطرده

واقول لزملائى اصبروا فإن الله لن يضيعكم ونحن معكم

والله الذى لا إله غيره كافة الناس فى المركز كانت بتبكى عليكم وبيتمنوا انكم ترجعوا أماكنكم مرة ثانية

الله معكم وينصركم على هذا الـ عوض