[الشافعى الصغير]

 

راضى بقليلى

كتب هيثم دبور
بقيت أصحى حاسس بإنى قصرت
وقامتى يجيلها يدوب نص متر..
ويمكن أقل
وحلمى انضغط من حدود السحاب
وصار ارتفاعه يجوز عقب باب..
ويمكن أقل
وحبى لبلدى معدلوش لزوم
بشوفه فى حُمايا كعرق الهدوم..
ويمكن أقل
ووقت أما تحضن إيديها كيانى
قياسُه لا يمكن يكون بالثوانى..
ويمكن أقل
برغم اللى فاصل ما بينها وبينى
مسافة ما بين صدرها وبين جبينى..
ويمكن أقل
أنا طول حياتى حاسس إنى عايش
يدوبك مواطن..
ويمكن أقل