مكرونة حماتى

[ام عبد الرحمن وعمر]

 

السلام عليكم ورحمة الله وبركاته
اليوم هاوصف لكم المكرونة بطريقة حماتى هاتى كيس مكرونة وحمرية فى شوية سمنة بلدى بس خلى بالك ماتحمريهاش قوى يعنى يا دوب تاخد اللون البيج الغامق شوية وبعدين تكون عندك طماطم متعصجة او لو معندكيش حطى معلقتين كبار من برطمان الصلصة وحطيهم على المكرونة وقلبى شوية وبعدين حطيلها شوربة وسيبيها تغلى ولما تشرب الشوربة وطى النار عليها وسيبيها تستوى وبعد شوية لواحتاجت شوربة زوديلها رشة صغيرة وقلبيها وحطى لها الشياطة تحتها وسيبيها تستوى وطبعا وانتى بتحطيلها الشوربة اول مرة تكونى ظابطة الملح والفلفل بتاع الشوربة وبالهنا والشفا

[أم مُعاذ]

وعليكم السلام ورحمه الله وبركاته
ماشاء الله جزاكِ الله خيرا اخيتي

[ام عبد الرحمن وعمر]

وخيرا جزاكى ياحبيبتى أم معاذ

[أم البراء]

جزاكِ الله خيراً يا حبيبة
وبارك فيكِ

[ام جنات]

جميله ما شاء الله

انا بعمل مكرونة الشوربه من غير طماطم وبحبها جدا بس ان شاء الله اجربها بالصلصه كمان

بارك الله فيك

[ابنة الشيخ سعيد السواح]

جزاكي الله خيرا ياحبيبه