لمنع البوفتيك من التقوس والتقشر

[الساره]

 

السلام عليكم ورحمة الله وبركاته

المشكله الاولى:
كتير منا بيتقوس منه البوفتيك بعد ما يحطه فالزيت والسمن للتحمير
الحل
1- حاولى مايكونش فى اى دهن او شغت فى قطعه البوفتيك (الللى بيكون لونه ابيض)
2- دقيها جيدا وكمان افتحى كده حوالايها شقوق على الاحرف

المشكله الثانيه:
قشرة البوفتيك اللى هى من البيض والبقسماط بتطلع
الحل
1- تجنب التقوس لان اللحم بيصغر والفشرة تخلع منه
2-نضع قطعه البوفتيك فى الدقيق ونضغط عليها جبدا قبل وضعها فى البيض والبقسماط
3- بعد وضعها فى البيض والبقسماط نضعها فى الثلاجه ربع ساعه او الفريز خمس دقائق( الخطوة دى كمان مش بتخلى البقسماط يقع فى الزيت والسمن ويتحرق وحتى لو نزل منه بيبقى مش كتير)

يارب اكون قلت معلومه مفيده

[حفيدة الحميراء]

أولا والأهم مش عارفة ايه البوفتيك
جزاكي الله خيرا

[الساره]

اختى فالله الشهيده
البوفتيك وهو ما يسميه البعض اسكالوب بانيه هو:
شرائح من اللحمه بتكون من العرق
بتكون حمراء خالص
والجزار بيوضبها(يعنى بيدقها لحد ما تبقى رفيعه) او انتى بتدقيها فالبيت بالهون او بالمدق الخاص بالبوفتيك
بعد كده بنتبلها بالملح والفلفل وعصير البصل وليمون او خل ( بس تتساب مده كافيه عشان نسيج اللحم يطرى وعشان تاخد طعم حلو)
وبعدين نعملها فى الدقيق ثم البيض ثم البقسماط ونحطها شويه فالتلاجه( المعلومات اللى فوق) وتحمر فى زيت وسمن مخلوطين سوا

وتقدم مع اى نوع مكرونه بالصلصه او بالباشاميل وممكن بطاطس محمرة ......... على حسب الزوق
بس

[أم مُعاذ]

جزاكِ الله خيرا اختي ولكن ليتنا نجد بوفتيك في البلاد التي نحن فيها

[أ جنة الرحمن]

جزاكم الله خيرا
ءامين
هجرب ان شاء الله

[حفيدة الحميراء]

في لحم خنزير يا أم مغفرة اوعو يختلط مع البوفتيك
بارك الله فيكي أختي السارة
على العموم ما بحب اللحم بانواعه

[أم البراء]

بارك الله فيكِ غاليتى السارة على المعلومة
نفع الله بكِ طباختنا الماهرة

[الساره]

بوركتى ام البراء
مش ماهرة اوى ولا حاجه الواحد بس بيجتهد


شكرا لمشاركتك الشهيده رغم عدم حبك للحم بأنواعة


حبيبتى ام مغفرة لحم البوفتيك موجود فى كل البلاد حتى اللى انتى فيها.... هشترى وابقى اجيب لك معايا

بارك الله فيكن اسعدتى جدا مشاركتكن فى الموضوع

[مع الله]

جزاكِ الله خيراً