Untitled-2
 

 

إضافة رد
 
أدوات الموضوع انواع عرض الموضوع
  #1  
قديم 01-02-2011, 05:54 PM
الاسلام دينى الاسلام دينى غير متواجد حالياً
قـــلم نــابض
 




افتراضي الطحينة السائلة المنزلية الصنع وبأسرار نجاحها

 

السلام عليكم ورحمة الله وبركاته



مقدار وبديل


عنوان موضوع رائع نزل فى أركان المطبخ حبيت اشارك بوصفه هى بديل لمنتج موجود فى السوق وبنستخدمة كتير فى أطباقنا وهو الطحينه

أنا بعشق الطحينه جداً جداً وبدخلها فى كتير من الوصفات وبحب السلطات اللى داخل فيها الطحينه
زى الحمص وبابا غنوج وغيره وغيره

بحب الطحينه المصريه اللى بتصنع فى معامل تسمى ب (السرجه)

ودى معامل صغيره يصنع فيها المفتقه والطرشى والطحينه وخلافه

واى حد بيرجع من مصر بوصيه ببرطمان طحينه بس طبعاً بيخلص بسرعه

والطحينه هنا غاليه وناهيكم عن طعمها الغريب فقررت ألبس بدلة المعمل وأدخل معملى وأعمل الطحينه بنفسى وقد كاااااااااااااااااااان


الطحينه السائله
صنع فى منزل نور الهدى

المقادير بسيطه جداً جداً

الطريقه سهله لو التزمنا بها



المقادير
3 اكواب سمسم غير محمص

(ودى تكه مهمه أوووووووووووووووووووى)

كوب وربع طحين أبيض

كوب وربع زيت ذره


الطريقه
اهم شئ السمسم يكون نى وغير محمص وبلاش نستسهل ونجيبه محمص جاهز

لييييييييييييييييييييييييييييييييييييييييييييييييي ييييه؟؟؟؟؟

علشان عند التحميص حتلاحظى وجود لمعه فى السمسم ولو مسكناه بطرف الاصابع

حتلاحظى ان السمسم فيه ماده دهنيه وده زيت السمسم اللى كله فوائد كتير كتير لكن لو اشتريناه متحمص جاهز حيكون فقد الماده الدهنيه دى


نضع السمسم فى حله ونحمصه بس بلاش يتحمص ويكون غامق خلى لونه فاتح يعنى حوالى 10 دقائق على نار عاليه وتقليب مستمر



نتركة يهدأ وبعد كده نطحنه فى المطحنه او الكبة



نضيف الدقيق عليه هكذا




ونرجع تانى نطحن الخليط فى الكبه ليمتزجوا معاُ



ننزل بنصف كميه الزيت بهدوء مع التقليب بالمضرب اليدوى وممكن مضرب البيض الكهربائى بس يكون على اقل سرعه



نقلب بسرعه فائقه الى ان يتشرب الخليط من الزيت

نضيف باقى الكميه مع الاستمرار فى التقليب



حتجدى الخليط كالسائل ولكن متماسك

ضعيه فى برطمان نضيف وجاف فى التلاجه



ودى حتبقى طحينه مركزه زيها زى اللى بنشتريها جاهزه
نفس الطعم ويمكن أحلى وأجمل وأطعم وكمان انضف وأرخص وأضمن

وعند الاستخدام طلعى جزء فى طبق وخففيه وضعى اضافاتك وتوابلك لتحصلى على أحلى سلطه طحينه


ان شاء الله تكون الطحينه عجبتكم
وانتظرونى فى ملف متنوع لأطبق مصنوعه من الطحينه المنزلية

والسلام عليكم ورحمة الله وركاتة



منقول لحبيبات قلبى اخوات الحور العين


جزاها الله خير الجزاء الاخت صاحبة الموضوع
رد مع اقتباس
إضافة رد

الكلمات الدلالية (Tags)
المنزلية, السائلة, الصنع, الطحينة, وبأسرار, نجاحها


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


منتديات الحور العين

↑ Grab this Headline Animator


الساعة الآن 02:58 PM.


Powered by vBulletin® Version 3.8.4
Copyright ©2000 - 2024, Jelsoft Enterprises Ltd.
.:: جميع الحقوق محفوظة لـ منتدى الحور العين ::.