|
|||||||
| كلام من القلب للقلب, متى سنتوب..؟! دعوة لترقيق القلب وتزكية النفس |
 |
|
|
أدوات الموضوع | انواع عرض الموضوع |
|
#1
05-11-2010, 10:32 PM
|
||||
|
||||
كنتوا هتقولوا : وماتــت الطامـعة في رضا ربهـا||~
بدون مقدمات .. راح أكلمكم عن موقف صار لي اليوم .. واعذروني على إني هتكلم بالعامّية .. مرتبكة ،، مضطربة ،، مذهولة من اللي حصل.. المهم... تعرفوا ياجماعة الخير .. بنسمع كتييير عن الموت .. بنسمع إنه هادم اللذات ومفرّق الجمـاعات .. بنسمع إن آخرنا قبر .. وإننا راحلين .. بنسمع ...... وأحياناً بتدمع عيوننا .. وأحياناً بنتأثر شوية وبنرجع تاني .. بنرجع نعمل ذنوب .. بنرجع نعصي ربنا على الملأ وفي الخفا .. بنرجع لدنيتنا : نذاكر .. نربي عيالنا .. نشتغل .. نحارب في الدنيا عشان أكل العيش .. مصاريف...الخ لكن لما نواقع الموت ونشوفه بعيننا .. هنقول إيه اللي إحنا بنعمله في الدنيا! طيب .. إيه اللي حصل خلاني أقول كده .. أو أفتكر .. أو أكتب عن الموت اليوم ( الثلاثاء ، 11-5-2010م) وإحنا رايحين أنا وصاحبتي (سايقة العربية ) لمدرّسة مادة الرياضيات ماشيين في أمان الله .. بنضحك .. وعااادي جداً .. والله العظيم مافكرناش للحظة إننا ممكن نموت! ده إحنا عاملين حسابنا لما نرجع هيشرح لنا مدرّس مادة الجافا ونحلّ الواجب ...الخ بعد شوية صاحبتي بترفع النقاب من على عنيها بتمسح حاجة مش عارفة حصل إيه!.. فجأة .. العربية سرّعت وفلتت منها ! وبعدين ... 7 7 7 7 7 العربية لفّت بينا لفت.. لفت .. وصاحبتي مش قادرة تمسكها طب وبعدين ! دي هي النهاية! خلاص كده! صاحبتي بدأت تقول ( لا إله إلا الله ) وتردد .. >>يعني النهاية ولاشكّ وأنا ربنا يهديني كنت مذهولة ! .. حاسة إني في حلم! العربية بتلف والرملة فوق إزاز العربية .. دخلنا في تيار رمل وأخيييييييييييييييييييييييييييييراً وقفت العربيّة .. بس تعرفوا بجد.. الحمد لله من أعماااااق قلبي الحمد لله .. تعرفوا إن كان جنبنا بمسافة خطوتين تقريباً جبل مرتفع شوية عليه صخور كبيرة أوي وحديد .. لو كانت العربية مشيت خطوتين خطوتييين بس .. كنا أبسط حاجة : إما كسور .. أو إرتجاج في المخ ده إذا ماكانش فيها موت .. لإنه كان هيقع فوقنا .. وساعتها ( وااحسرتااه ) .. الحاجة العجيبة التانية .. إنه مع إن العربية لفت بينا .. إلا إننا ماحصلناش ولا أي حاجة .. ولا أي خدش ( وربّ الكعبة ) وكمان طلعنا ع الرصيف .. لو كنا لفينا في الشارع ع الأسفلت .. كنا بلا شك هنعمل حادث في عربية تانية .. وساعتها إحتمال كبير كنا نخبط العربيات اللي حوالينا! أول ماوقفت العربية ... صاحبتي :يا ..... حصل لك حاجة ؟ كله تمام .. طلعنا نشوف البلوة اللي حصلت ف العربية .. غرّزت شوية .. أصحاب الخير ساعدونا .. والحمد لله رجعنا البيت ودلوقتي .. ياترى .. بنعمل إيه؟؟! أو خلينا نقول ناويين على إيه ؟؟ قعدنا نقول .. يااااه كنا هنموت! لو كنا متنا .. إحنا عملنا إيه يشفع لنا في آخرتنا ؟ خاتمتنا .. رايحين للمذاكرة .. حياتنا جامعة وهمّ الدراسة .. وآخرتنا؟! والله يا جماعة الخير صدقوني .. ماكتبتش كده إلا عشان أذكر نفسي وأذكركم ... خلينا نرجع بقى لربنا .. خلينا نتوب .. والله في لحظة .. هيتقال : ماتت الطامعة في رضا ربها .. هيتقال مات فلان .. وماتت فلانة .. تعالوا نرجع لربنا ونبدأ حياتنا في طاعة .. دعواتكم .. ربنا يوفقنا في الدنيا والآخرة .. والله المستعااان كتبته : الطامعة في رضا ربها
|
|
#2
05-11-2010, 10:51 PM
|
|||
|
|||
اسال الله ان يختم لنا بالباقيات الصالحات
فعلا امته حنرجع لربنا يارب توب الينا يارب حسن خواتيم اعمالنا اللهم آمين
|
|
#3
05-11-2010, 10:52 PM
|
|||
|
|||
|
نعم الموت يأتى بلحظة واحدة وبدون سابق انذار
الحمد لله الذى نجاك يالطامعه وصديقتك ولعلها بداية لحياة ملؤها الطاعات والكثير من الأعمال الصالحة ومعا لنقول لاللتسويف فالموت يأتى بغتة جزاك الله خيرا وحفظك الله من كل شر
|
|
#4
05-11-2010, 10:57 PM
|
|||
|
|||
|
صدقتِ أختاه
هي الغفلة ودائرة الحياة التي يدور فيها الجميع فينسى لحظة الموت إلا من رحم ربي ** حمداً لله على سلامتك أخيتي وأرجو لكِ ولي وللجميع خاتمة السعادة إن شاء الله في حفظ الله
|
|
#5
05-11-2010, 11:24 PM
|
|||
|
|||
|
نسأل الله أن يردنا إليه مردًّا جميلا، وأن يجعل خير أيامنا في طاعته خواتيمها!!
**************** اقتباس:
الأولَى أن تخصوا أنفسكم في أي دعاء وتعطفوا دعاءَكم لغيركم على دعائكم لأنفسكم، بارك الله فيكم.
|
|
#6
05-12-2010, 12:18 AM
|
|||
|
|||
|
اللهُ المُستعان!!!
نسألُ اللهَ أن يرُدّنا إليهِ مردًّا جميلاً، وأنْ يجعلَ خيرَ أيامنا في طاعتهِ خواتيمها.
|
|
#7
05-12-2010, 03:46 AM
|
|||
|
|||
|
وعليكم السلام ورحمة الله وبركاته
حمداً لله على سلامتك أخيتي اللهم توب الينا يارحمان ارزقني حسن الخاتمة وللاخت وللجميع اللهم آمين
|
|
#8
05-12-2010, 09:06 AM
|
|||
|
|||
|
الله المستعان
نسأل الله عز وجل ان يردنا اليه مرداً جميلاً وان يقبضنا وهو راضٍ عنا الحمد لله علي سلامتك اخيتي
|
|
#9
05-12-2010, 10:58 AM
|
|||||||||
|
|||||||||
|
اقتباس:
اقتباس:
اقتباس:
اقتباس:
اللهم آمين اقتباس:
اقتباس:
اقتباس:
والله المستعان
|
|
#10
05-13-2010, 07:46 PM
|
|||
|
|||
|
الله المستعان
أسال الله عز وجل أن يجعل ما كتبت يداكِ فى ميزان حسناتك اللهم آآآآمين اللهم ردنا إليك رداً جميلاً
|
|
| الكلمات الدلالية (Tags) |
| (, )~, مع, موقف, المــوت, رحلـتي, شخصــي |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض العادي
