هؤلاء ينتظرونك في الجنة ..!!

[*زهرة الفردوس*]

 

السلام عليكم ورحمة الله وبركاته

كلنا عايشين الدنيا بالطول والعرض بناكل أحسن أكل وبنلبس أحسن لبس
بنشوف بنقرا بنتعلم
بنختار بيوتنا وبنختار صحبتنا وبنختار طريقنا
إنت وإنتِ اخترتم تعيشوا إزاي ؟
دعاة كلنا هنبقى دعاة - بس -ولا فيه حاجات تانية مهمة
شاغلين حياتنا بالتليفزيون والكمبيوتر والمنتديات والدروس
شاغلين حياتنا بأهلنا وأصحابنا وولادنا
معلش يعني ( آسفة ) ماتملوش ولاتضايقوا كملوا الموضوع
وفي الآخرة ياترى مستنيين إيه ؟
أعمالنا من الدعوة جميل مش وحش
حفظنا لكتاب الله أجمل
صحبتنا الطيبة رائع
بس للأسف كل ده مش كفاية
أنا عن نفسي هقولكم أنا بتمنى يستناني مين ؟

كفيف
فقد بصره بيتعلم بس للأسف مش قادر أشياء كثيرة تعوقه
ليه ماتكونش عنيه اللي بيشوف بيها ؟ لماذا تتركه وحيدآ ؟
نقدر نساعده بحاجات كتير نسجله كتابه على شرائط
نجمع ونشتري ماكينة برايل التي لايقل ثمنها عن 30 ألف جنيه مصري .
نتبرع بكل شريط عليه معصية يسجل عليه .
نذهب لمكانه ونصاحبه نشوف عايز يروح فين .
ماتقولش هلاقيهم فين هتلاقيهم كتير ومحتاجينا

وهيستناك ياخد بإيديك للجنة

يتيم
فقد أبيه ومنهم من فقد الإثنين محتاجك تزوره بهدية محتاجك تكفله محتاج كلمة طيبة
محتاج رعاية تعوضه عما افتقد محتاج متابعة لدروسه محتاج ملابس للعيد وحاجات كتير
وهم أكثر مما تتخيل ومعاهم أطفال الشوارع اللي بيناموا من غير غطاء وإنت نايم بأحسن وأغلى غطاء كلهم في رقبتنا
وهيستناك ياخد بإيديك للجنة
مريض
أعيته كثرة المصاريف حتى يجد دواء ب30 أو 40 جنيه بالله عليكم لما بنتعب بنستحمل
مش لاقي حقنة السكر ولا دواء الكبد والأطفال بتموت علشان عملية ب5 آلاف جنيه
محتاج زيارة محتاج احتواء محتاج نظارة علشان يشوف بيها محتاج غطاء يدفيه محتاج كرسي عجل يحركه .
مش لاقيه دا كل بلادنا مريضة
وهيستناك ياخد بإيديك للجنة .
مسن
يعني أب أوأم اترموا في دار مسنين علشان عندهم ولاد حسبنا الله ونعم الوكيل
كبر الأب ملقاش مكان بين ولاده أخذوه بأيديهم لهذا القبر ( الدار ) التي فيها من الوحدة ماتكفي لقتل أنفسهم أمراضهم ودموعهم اللي اتحبست فلم يرحمهم أحد حتى فلذات أكبادهم لماذا لانمد إليهم أيدينا ؟
المسنين كتير وفي كل مكان
وهيستناك ياخد بإيديك لهناك( الجنة )
فقير
مش لاقي ياكل حتي الخبز سترنا الله وإياكم ليه مافكرتش تعمل صدقة شهرية أقلها عشرة جنيهات أنت وصحبة الخير الشنطة ب60 جنيه إيه يعني ؟ بنصرف كم جنيه كل يوم ؟ وماحدش يقول مش قادر لاتضعها في جمعيات خيرية اعمل بإيدك ووصل بإيدك مرة في الشهر اعتبرها نزهة
والفقراء ماأكثرهم
وأكيد هيستناك ياخد بإيدك للجنة

أنا ماخلصتش ولم أنتهِ فمازال الكثير منتظرين حتى يأخذوا بأيدينا للجنة
نحن أمة محمد عليه أفضل الصلاة والسلام
أمة إيجابية

فهيا للجنة

منقوووووووووول

[ابنة الشيخ سعيد السواح]

جزاكم الله خيرا