الكشرى الأصفر 2 كوب أرز مصرى 1 كوب عدس 3 كوب شوربة (ممكن ماء وباكو مرقة دجاج فورية أو مكعب ماجى) بصلة مفرومة ملحوظة: الأرز دائماً ضعف العدس اول شئ نخلط الأرز والعدس ونغسلهم كويس نضع ملعقة سمن فى حلة على النار (ممكن زيت) ونحمر البصلة ... عايزينها لونها غامق لما تبقى باللون ده نشيلها على ورق نشاف ونضيف الشوربة على السمن المتبقى من تحمير البصلة ونظبط الملح وأول ما تغلى الشوربة أضيف الأرز والعدس المغسولين وأسويه زى أى رز عادى يعنى اسيبه على نار عالية لغاية ما يتشرب الشوربة وبعدين أهدى النار على الآخر لغاية ما يستوى وعند التقديم جبت قالب الكيك الصغير وحطيت فيه شوية من البصل المتحمر وغرفت الكشرى عليه وبعدين قلبته فى طبق التقديم وقدمته ومع الليمون المخلل ما أحلاه و .. زوووووووم بالعافية على قلوبكم منقول
أنا لما بعمله بحمر شعريه وبصل وبعدين اضيف الرز والعدس وولدتى لما كانت بتعمله لينا كانت بتسلق مكرونه أسبجتى وتعمل صلصه وتحط المكرونه و الصلصه فوق طبق الكشرى ويسلام بئى لما يكون جمبيه بيض مسلوق ومتحمر فى الزيت وبطاطس محمره
ماشاء الله روعه وفعلا جمبه بيض مسلوق يبقي جميل جدا وحلوة اوي فكرة الاسباكتي ومعاها الصلصله جزاكِ الله خيرا
تسلمى يا قمرايه على مرورك
↑ Grab this Headline Animator