لسان عصفور بالكبد والقوانص

[ام عبد الرحمن وعمر]

 

السلام عليكم اليوم هاقولكم على طريقة لسان العصفور بالكبد والقوانص
هاتى حلة وحطى فيها شوية سمنة وحمرى لسان العصفور لما يحمر حطيله عياره من الشوربة ولما يغلى ويشرب الشوربة هدى النار عليه وسيبيه يستوى وطبعا ابقى دوقى الشوربة قبل مايشربها وشوفيه محتاج تزوديه ملح او فلفل وبعدين قطعى الكبدوالقوانص وابشرى بصلة
وحمريها فى شوية سمنة ولما تبدأ تصفر كده حطى عليها الكبد والقوانص وشوحيهم معاها وضيفلهم شوية ملح وفلفل صغيرين ولما الكبد والقوانص تنزل ميتها وطى النار عليها وسيبيها تستوى بس خلى فيها فى الاخر شوية صوص كده وبعد ما استوت ضيفيها على لسان العصفوروقلبيهم مع بعض
وسيبيهم على نار هادية شوية يستوو أكتر مع بعض وياخدو من طعم بعض وبعدين أغرفيهم فى سرفيس وقدمى جنبهم فراخ محمرة أو بنيهات
وبالهنا والشفا

[نور الاسلام]

بارك الله فيك يا ام عبد الرحمن وجزاك الله خيرا

[أم عبد الله]

وعليكِ السلام ورحمة الله وبركاته

ما شاء الله ربنا يبارك فيكِ يا أم عبد الرحمن وعمر

[ام جنات]

فكره جديده اللهم بارك

عشان انا ديما بعملها بالرز
جزاك الله خيرا