يا عم يا بتاع البطاطين ـ مراسلنا بردان ـ

[الشافعى الصغير]

 

يا عم يا بتاع البطاطين

كتب على سلامة
بردانين..
ميتين م الخوف
والبرد بينا بيتسلى..
والشكوى لغير الله مذلة..
يا ترى لسه فيه بطانية من غزل المحلة..
تقدر تغطى جراحنا العريانين
مش شرط صوف
مش مهم الألوان..
ماعدش الشتا يومين ويعدوا..
مبقاش طيب زى زمان..
لا دفاية ستى..
ولا اللمة..
ولا الحواديت..
ولا الدفا اللى كان واصل لحد قفص الكتاكيت..
مفيش ف الشتا غير عفاريت
بتسرق الستر م البيوت
وتكسر علينا البيبان..
يا عم..
هو انت مش زينا بردان..
ولا أنت كمان
من أصحاب الجلد السميك..
عارف..
كل بطاطين العالم مش هتدفيك..
طول م الوطن بردان..