Untitled-2
 

 
 
 
العودة   منتديات الحور العين > .:: المجتمع المسلم ::. > رَوْضَــــةُ الأَخَــــوَاتِ > مَــعَ بعــض للجـــنَّة
 
 

 
 
أدوات الموضوع انواع عرض الموضوع
  #1  
قديم 03-27-2012, 10:36 AM
بسمة أمل بسمة أمل غير متواجد حالياً
ويبقى الأمل .. بشرط العمل
 




Icon15 احفظـى القرآن كاملا كحفظ سورة الفاتحـة بسهولة؟؟

 

نفسك فى طريقة وسهلة وسريعة تحفظـى بها القرآن بإتقان كحفظك لسورة الفاتحة ؟؟؟
*
*
*
*
*
*
*
*
*
عندك همـة واستعداد ولا مجرد بتقرأى ؟؟؟
*
*
*
*
*
*
*
*
شكلك مصـره وعندك حماس
*
*
بصـى ياستـى كل اللى محتاجاه هـذه الطـريقة 5 أمور :
الامر الاول :

ربع ساعة بعد كل صلاة " ربع ساعة بس مش اكتر " طيب هتقوليلى ليه هنعمل فيها ايه ؟؟ هقولك هنختم ختمة تلاوة عرفه ازاى بصى تقدرى تقرأى جزء فى الربع ساعة اللى بعد كل صلاة يعنى جزء فى خمس صلوات بخمس اجزاء فى اليوم متنخضيش كده ؟؟! مالك بس ؟؟! سهلة اوووى ومجربه من ناس زيك وزى كانوا بيقولوا صعب ومستحيل بس جربوها وقدروا وانا جربتها بنفسي " هنقرأ قراءة سريعة من الاتيان بالأحكام بما يتناسب وسرعتك " جربى وشوفى بنفسك بس حطى الساعة قدامك وحطـى نفسك بتحـدى اقرأى بسرعة مع الاحكام "قراءة الحدر "
الطريقة دى انا اخدتها من كتاب الحصون الخمسة للشيخ الدكتور/ سعيد حمزة والشيخ / محمد حسين يعقوب قال على طريقة القراءة دى والشيخ / محمد جبريل بيختم الجزء بربع ساعة قراءة الحدر .

عارفه ميزة الطريقة دى ايه :

** طلاقة اللسان فى قراءة الايات .
** بتنطبق الصورة الذهنية لكل صفحة بعقلك لانك بتختمى كل 6 ايام .
** ما حفظتينه من القران يمر عليكِ مرة كل اسبوع فلا يتفلت وان كان حفظك متفلت يسهل عليكِ استرجاعه .
** لو انك خاتمة سيساعدك ذلك فى ثبات القران ولو لسه ما ختمتيش فسيجعل الحفظ الجديد لكِ اسهل وايسر عليكِ لانك تقرايه كل 6 ايام.

الامر الثانى :
** تخصصين لنفسك ساعة تسمعى فيها القرآن من احد المشايخ " ختمة سماع " ونصيحتى لكِ إما تسمعـى الشيخ محمد صديق المنشاوى أو محمود على البنا لان سماعك لهذين الشيخين بتركيز سيساعدك ان كان عندك اخطاء بالتجويد هتتصلح بإذن الله ولكن اسمعى لشيخ واحد فقط ولا تتشتتى فى السماع بين اكثر من الشيخ لان الآذن بينطبع فيها صوت الشيخ وهذا يساعدك فى تصليح الاخطاء التى تنبهك عليها معلمتك بسهولة.

الامر الثالث :
** خصصـى ساعة لا يزعجك فيها احد تبدأى فيها بحفظ القران من البداية " عهد جديد مع القران "

الامر الرابع :

** معلمة متقنة تعرضى عليها ما حفظتيه فى ساعة حفظك وتشجعك وتزيد همتك .

الامر الخامس والاهم :
** رفيقة قرآنية تعينك وتساعدك او برنامج تسجيل تسجلى صوتك عليه لانك ستحتاجى لاحد تراجعى عليه فممكن تسمعى لنفسك وانا افضل رفيقة قرآنية .

وآخيـراً ..... ركزى معاى اوووووووى ماشي النقطة اللى جايه دى مهمـة جدااااااااااااا :

لما تخلصـى انتى ورفقتك القرآنية سورة البقرة على معلمتكم هتعملى ايه ؟؟؟ هتمشوا فى سورة ال عمران عادى مع معلمتكم لكن هتقعدوا تسمعوا لبعض سورة البقرة كل يوم لبعض سرد بحيث تأخد من كل واحدة 37 دقيقة تسميع يعنى هتقعدوا مع بعض ساعة وربع لمدة 5 ايام تسمعوها لازم توصلى لدرجة تحسي انك خلاص بقيتى حفظاها زى الفاتحة بمعنى يعدى عليك يومين متتالين تسمعيلها ولا تخطئ فيها دا لو عندك رفيقة لو معندكيش رفيقة هتسمعـى لنفسك على برنامج تسجيل وتسمعى صوتك وتصلحى اخطاءك لغاية ما توصلى لدرجة ان لا يوجد اخطاء بعد كده هتسمعيها لنفسك وانتى بتتطبخى او بتنظفى الشقة ما انتى خلاص بقيتى متقناها على فكرة ساعة وربع دى اطول مدة هتقعدوا فيها تسمعوا لبعض لان البقرة هى اطول سورة بالقران .
بعد ما تنهى ال عمران هتعملى فيها نفس اللى عملتيه بالبقرة مع رفقتك القرانية بعد كده هتقسمى الاسبوع بحيث يوم تسمعى لنفسك وانتى بتطبخى سورة البقرة ويوم ال عمران وهكذا وكل ما تخلصى سورة خصصلها يوم بالاسبوع تسمعيها لنفسك وانتى بتعملى شئون بيتك مثال لواحدة خلصت حتى سورة الانفال حتى تفهمى الخطة اكبر :

يوم السبت / البقرة ، يوم الاحد / ال عمران ، يوم الاثنين / النساء ، يوم الثلاثاء / المائدة ، يوم الاربعاء / الانعام ، الخميس / الاعراف ، الجمعة / الانفال .

مثال لواحدة خلصت حتى سورة يونس :

يوم السبت / البقرة والتوبة ، يوم الاحد / ال عمران ويونس ، يوم الاثنين / النساء ، يوم الثلاثاء / المائدة ، يوم الاربعاء / الانعام ، الخميس / الاعراف ، الجمعة / الانفال .

وهكذا حتى تختمى ستجدى نفسك تراجعى اربعة اجزاء ونصف يوميا لوحدك ومن ذاكرتك وانتى تنظفى البيت او بتتطبخـى ولن يأخذوا منك سوى ساعة و7 دقائق فقط لانك تسمعى لنفسك بسرعة فكم تنقضى منا ساعات بشغل البيت بدون فائدة ؟؟؟
عايزة رايك بصدق سهلة ولا صعبة بس لا تحكمـى الا لما تجربى


هـذا رابط لتحميل برنامج تسجيل يساعدك على تسجيل صوتك وسمعها
www.4shared.com/rar/tBLUmsZF/Gold_Wave_56.htm


منقول
رد مع اقتباس
 


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


منتديات الحور العين

↑ Grab this Headline Animator


الساعة الآن 03:28 PM.


Powered by vBulletin® Version 3.8.4
Copyright ©2000 - 2024, Jelsoft Enterprises Ltd.
.:: جميع الحقوق محفوظة لـ منتدى الحور العين ::.