يا تري مين هيكون أول من يقول هابي إيستر بمناسبة اللي قامت قيامته؟؟؟!!!‏

[سمير السكندرى]

 

يا تري مين هيكون أول من يقول هابي إيستر بمناسبة اللي قامت قيامته؟؟؟!!!‏

بعد كام يوم هيكون عند النصاري عيد إسمه ’’عيد القيامة’’ .. العيد دة مناسبته حسب اعتقادهم أن الرب أو ابن الرب أو الاتنين في واحد - هم نفسهم مش محددين بالظبط هو مين -

المهم ..
أنه نزل يفدي البشرية من خطيئة آدم اللي كان لازم يكون جزاءها الموت .. ولأن في مشكلة عند النصاري بين الرب العادل والرب التواب .. اخترعوا حكاية الفداء والصلب ومحبة الرب اللي نزل عشان يموت مكان الإنسان!!! .. وكانت النتيجة أنه ’’الرب’’ انضرب واتهان واتصلب و...... مــــــات !!! .. آآآه والله بيقولوا أنه مات .. ومش كدة وبس .. لأ .. دة كمان إندفن .. وبعد كدة طلع تاني للسما ... لآلآلآلآ .. يا جماعة دي مش حدوتة .. دي عقيدتهم ودة إيمانهم .. وعلي كل حال دة مش موضوعنا .. لأن دي ناس لغت عقلها وقبلت أنها تفكر في الرب الخالق جل وعلا بهذا الشكل .. لكن موضوعنا هنا بخصوصك أنت ..
أيوة أنت يا كل مسلم مؤمن برب واحد خالق ليس كمثله شيئ وقادر علي كل شيئ .. ومع ذلك ورغم دة كله .. نلاقي أخونا المسلم اللي مفروض أنه موحد بالله يروح بمنتهي البساطة ويهني النصاري بعيدهم !!! لأ .. مش كدة وبس .. وكمان يروح يحتفل معاهم بمناسبة ..!!!
طبعاً .. أنا "مش هأتكلم" عن فتاوي .. ولا عن اللي العلماء اللي أكدوا عدم جواز تهنئة بأعيادهم .. لأني متأكد أنك ممكن تطلع أقوال لناس بتقول أن التهنئة دي حلال ومفيهاش مشكلة .. ’’ما هو إحنا أصبحنا للأسف في زمان ممكن نلاقي فيه بسهولة الفتاوي زي سندويتشات التيك أوي’’ ..
عشان كدة مش هنتكلم في التحريم أو الإباحة .. لكن هأكلمك أنت يا كل مسلم .. من فضلك بس عايزين عقلك ثواني يفكر في الموضوع دة ..هل ممكن أنت كمسلم مؤمن بالله الأحد الصمد .. تلغي إيمانك دة وتروح تهني النصاري بمناسبة عيد بيتطاولوا فيه علي الخالق جل وعلا !!!.. تهنيهم بمناسبة بيقولوا فيها عن الخالق - سبحانه- أنه تجسد في صورة بشر وانضرب واتعذب ومات ..!!!؟
طبعاً هتقول .. أنا مش بألغي إيماني ولا حاجة أنا بس مضطر أجاملهم لأنهم ببساطة ناس ذوق ولطاف وظراف ومفيش مناسبة إلا لما يجاملوني فيها فمش معقول أطلع قليل الذوق معاهم في المناسبات بتاعتهم؟؟؟
يااااااااه يا مسلم .. للدرجة دي يهون عليك ربك ؟؟ .. تجاملهم يا مسلم علي حساب عقيدتك ودينك؟؟
ناس بتتطاول علي ربك .. وأنت ببساطة كدة تروح تقول لهم كل سنة وأنتوا طيبين تعيشوا وتفتكروا وكل سنة كدة تعملوا لنا مندبة علي الرب اللي مات ’’تعالي الله عما يقولون علوا كبيرا’’

طيب .. هل ممكن تجاوبنا علي السؤال دة .. لو عندك جار طيب ولطيف وذوق جداااا .. لكن .. شتم أبوك وقال عنه كلام قذر جدا وكل يوم يشتم ويقول نفس الكلام ومصمم ميتراجعش ولا يعتذر عن اللي بيقوله .. وبيعمل مناسبات يجمع فيها الناس ويشتم أبوك قدامهم .. فهل ممكن تقول والله دة راجل طيب وانا هأروح أهنيه بالمناسبة اللي عنده ومش مهم أبويا ولا الشتيمة اللي بيقولها عليه؟؟
طيب .. يا مسلم .. ليه ربك أهون عليك من أهلك ؟؟.. يا مسلم ياللي متستحملش حد يمس طرفك أو طرف حد من عيلتك .. إزاي تتهاون وتهني وتتودد للي بيتطاولوا علي ربك؟؟

طبعاً النصاري نجحوا يروجوا لأعيادهم ولأفكارهم بمنتهي القوة .. لدرجة إننا بنلاقي ناس تقول عنهم دة فلان النصراني أحسن من فلان المسلم .. لأننا للأسف أصبح تفكيرنا في ديننا آخر حاجة .. المهم التعاملات الشيك والكلام الظريف .. مش مهم بقي بيقولوا إيه عن ربنا أو نبينا ..؟؟..
زي ما نجحوا يروجوا للفظة ’’الأقباط’’ ويقولوا أنها تخصهم كنصاري وبس .. رغم أن الكلمة تخص كل أهل مصر سواء مسلمين أو نصاري .. لكن هم روجوا أن اللفظ دة يخصهم بس لأن معتقدهم أن مصر بلد محتلة من المسلمين وأن المسلمين مش سكانها الأصليين ..
زي ما نجحوا في أنهم يحولوا عيد يخصهم لمناسبة تحتفل بها مصر كلها تحت مسمي ’’شم النسيم’’ .. ونلاقي معظم الناس بتحتفل بالعيد دة بهمة عالية وترتب الرحلات والأكلات وكأنه عيد الفطر أو عيد الأضحي .. فيه إيه يا جماعة ؟؟.. دة بمناسبة شم النسيم .. طيب يا إخواننا مفكرتوش مين شم النسيم دة وبتشموه في الوقت دة بالذات ليه ؟؟..
مصيبة لو مكناش نعرف .. والمصيبة الأكبر لو كنا نعرف ..
وبعد كل الكلام دة .. محدش يفتكر إن دي دعوة للإساءة للنصاري أو لمقاطعتهم .. بالعكس .. أنا كل اللي بأدعوا له أننا نرجع لديننا عشان نحقق الموازنة الدقيقة اللي أمرنا بيها ديننا .. بين الإحسان لأهل الكتاب اللي أمرنا بيها قرأننا ونبينا .. وبين عدم تضييع عقيدتنا وإهانة عقيدتنا لصالح عقيدة الآخرين ..

ربنا أمرنا بالبر والقسط مع أهل الكتاب .. نحسن معاملتهم .. لكن بدون اندماج .. لأن الإندماج هيحول حسن المعاملة لمحبة ومودة وترابط ودة مينفعش .. حتي لو كان أبوك أو أمك منهم .. لأن مودتك ومحبتك بس لأهل العقيدة ..
{لَا تَجِدُ قَوْماً يُؤْمِنُونَ بِاللَّهِ وَالْيَوْمِ الْآخِرِ يُوَادُّونَ مَنْ حَادَّ اللَّهَ وَرَسُولَهُ وَلَوْ كَانُوا آبَاءهُمْ أَوْ أَبْنَاءهُمْ أَوْ إِخْوَانَهُمْ أَوْ عَشِيرَتَهُمْ أُوْلَئِكَ كَتَبَ فِي قُلُوبِهِمُ الْإِيمَانَ وَأَيَّدَهُم بِرُوحٍ مِّنْهُ وَيُدْخِلُهُمْ جَنَّاتٍ تَجْرِي مِن تَحْتِهَا الْأَنْهَارُ خَالِدِينَ فِيهَا رَضِيَ اللَّهُ عَنْهُمْ وَرَضُوا عَنْهُ أُوْلَئِكَ حِزْبُ اللَّهِ أَلَا إِنَّ حِزْبَ اللَّهِ هُمُ الْمُفْلِحُونَ }

يا تـــــري بعد دة كله .. ممكن تقول لهم في المناسبة دي .. كل سنة وأنتم طيبين؟؟؟

يا تـــــري بعد دة كله .. ممكن تحتفل بشم النسيم؟؟؟

[هجرة إلى الله السلفية]

جزاك الله خيرا كثييييرا
موضوع هام وتناولته باسلوب سلس
نفع الله بك
وفي انتظار موضوعات اخري لكم في قسم العقيدة

[سينا زغلول]

[أم مُعاذ]

جزاكم الله خيرا

[أحلى الكلام]

بارك الله فيكى
و جعلة فى ميزان حسناتك

[فخورة بنقابي]

جزاكم الله خيرا

[سمير السكندرى]

بارك الله فيكم جميعا

[أم عبد الله]

يااااااااه يا مسلم .. للدرجة دي يهون عليك ربك ؟؟ .. تجاملهم يا مسلم علي حساب عقيدتك ودينك؟؟

الله المستعان
جزاكم الله خيرا ونفع بكم .