16 تفسر نقاء الروح

[أم مُعاذ]

بارك الله فيكِ اخيتي
الشكر لله حبيبتي
حبذا لو كان الاربعاء
اكرمكِ ربي وبارك فيكِ
اكتبي يا حبيبة ما هو داخل المنهج وما يقوله الشيخ بعيد عن المنهج فلا تكتبيه اكرمكِ الله

[أم برآءة السلفية]

حبيبتى أم مغفرة
بفضلِ الله وكرمِه انتهيتُ من تفريغ المحاضرة
لكن أريد مراجعتها مرةً أخرى وسأضعها هنا بإذن الله
أعزكِ الله

[أم مُعاذ]

ماشاء الله بشركِ الله بالجنة اختنا في انتظار المحاضرة

[أم برآءة السلفية]

بسم ِالله ِالرحمن ِالرحيم
الحمدُ لله رب العالمين وصلى الله على سيدنا محمد وعلى آلهِ وصحبهِ أجمعين ، أمَّا بعد :
" القسَم فى القرآن "
(القسَم ) جمعُ إيه؟ أقسام .
لكن لما تلاقى العنوان (أقسام القرآن) يبقى انتبه إن أقسام جمع قَــَسَم وليست جمع قِسم .
أقسام القرآن ذى أمثال القرآن جمعُ(مثل) . ماشى .
_هل فى القرآن قـــَسَم؟ياااه دا باب مغلق تمامًا لم يُفتح بابُ الإعجازِ ِفيه ؛ ولذلك هذا الباب من أهم أبواب علوم القرآن .
" القسَم فى القرآن "
_(القسم)معناه إيه؟
له تعريف عِندَك .. هتقولى الحلف ، واليمين دا كلام مخاخى،حلو.
لكن له تعريف.
{القسم} : ربط ُ النفس ِ على فعل ِ شئ ٍ أو تركِه بمعظـَّم ٍ ولو اعتقادا ً .
هو قالك بالإمتناع ِ عن شئ ٍ أو الإقدام ِ عليه-هو نفس المعنى اللى قلناه- يعنى ربط ُ النفس ِبإيه؟.....
عندنا فى القـَسم-خلاص عرفنا أقسام القرآن جمع إيه؟جمع قـَسم - خلاص .
عَندَك تعريف لكل شئ فى اللغة ودا مش مشكلة،المشكلة فى التعريف عند أهل ِالإختصاص ؛ لإن القسم فى اللغة يقولك القسم بمعنى الحَلِف واليمين . ماشى
واللغة العربية من فضل ِالله أنها وضعت تعريفاً لكل ِكلمة ماعدا فواتح ِالسور عشان متقلش كل كلمة ، طب إيه معنى (حم) إيه معنى (طس) ولذلك لما بنتكلم فى المحكم والمتشابه ودا درس هنخده بعد ذلك .
نقول إن المتشابه يشملُ شيئين :
*صفات ِالله - جلَّ وعلا - اللى تحير َ فيها العلماء والسلف لهم فيها رأى والخَلَف لهم فيها رأى||يَدُ اللهِ فَوْقَ إيْدِهِم*اَلْرَّحْمَنُ عَلَى الْعَرْشِِ اْسْتَوَى*يَوْمَ يُكْشَفُ عَن سَاقٍ وَيَبْقَى وَجْهُ رَبِكَ || الأيات اللى ممكن الواحد منكم كده يجمع الآيات هيلاقيهم ثلاثين آيه فى القرآن ومعاهم كده ييجى عشر أحاديث بقو أربعين،عاوزين نكمل ياأخى لحد سبعين خد فواتحِ السور ، العلماء جميعا ً قالوا إن فواتح السور من متشابه الصفات . ليه؟ لأن العلماء تحيروا فى معناها .
واحد ذى جمال الرازى- دا فتِوة - جايب فيها واحد وعشرين رأى.
الرأى الأول إيه؟ الله أعلم بمراده ، هو ده الأصح ، لكن واحد ذيى كده مش واخد باله أوى- بلاش اقول ذيكوا عشان متزعلوش- يقولك ورد عن ابن عباس إن قال (الم) أنَّ الله أعلم ، (حم) الحاء بكذا والنون بكذا وورد عن ابن عباس الله أعلم بمراده ،أنا اقولك بقى المعلومة .
ابن عباس - احنا خدنا ابن عباس مش كده (طبقات المفسرين) وقولنا له تلت طرق يُروى عنه من ثلاثِ طرق ٍ صحيحة-
الرواية اللى وردت عن ابن عباس "لكل كتاب ٍ سرٌ وسرُ القرآنِ ِفواتح ِالسور الله اعلم بمراده
إذن عِندَنا من الكلام الصحيح أن فواتحَ السور من المتشابه الذى يجب أن يُفَوَّضَ العلمَ فيه إلى الله .. ليه ؟
لسببين :
*أن رسولَ اللهِ لم يُبينها
*وأن اللغة العربية لم يُحد فيها بيانا ًلواحدة ٍ منها
واحنا الطريق لمعرفة اى شئ إيه؟ إما علماء اللغة قالوا خرج يعنى خرج ولَّى يعنى مضى العين معناها العين الباصرة والعين الميه والعين بمعنى الجاسوس والعين الذهب ، كلمة (عين)لها ثلاثين معنى . ماشى
مين اللى عرفنا؟ العرب . استعمال العرب .
ففواتح السور لم يرد عنها تعريفا ً فى هذه الكلمات (الفواتح) ولم يسبق لنا عن نبينا - صلى الله عليه وسَلَمَ - تعريف ٌ لشئ ٍ منها ، يبقى التفويض لا غير لا غير .
طيب ، تعريف اللغة سهل ، القسم معناه إيه؟ حَلِف،يَمين وحتى كلمة يمين أيضا ً داخله كده فى الخط .. ليه ؟
قال لأن العرب سَمّت - كانت لما ييجو يحلفوا إذا حَلَف واحد قدام واحد يقوله هات إيدك فى إيدى كده ويحط يَدٌّه فى يَدُّه يقوله ( وعهدَ الله لأفعلَّن كذا ) (نقسمُ بالله لنفعلَّن كذا ) - ، فسُمى القسم يمينا ًلأنو كان بيضع يمينه فى يمين الآخر إنما هو القسم بمعنى الحَلِف ماشى بمعنى اليمين ماشى .
إيه التعريف الإصطلاحى؟ دا المهم ، واحيانا ً يقولك وتعريفه اصطلاحا ًعندَ أهل الفن - خد بالك من العبارة دى - عند اهل ِالفن يعنى عندَ أهل ِ العلم المختص الفن عند أهل العلم يعنى عند الفقهاء (تعريف الصلاة تعريف الزكاة تعريف الحج الحديث الصحيح المتوافر المنكر الضعيف المقطوع المنقطع عند أهل الفن،يبقى هنا علماء الحديث المحدثين ، المحكم والمتشابه عند أهل الفن يبقى الفن إيه؟علماء التفسير وهكذا .
تعالى بقى القسم معناه إيه؟ ربط ٌ النفس ِ على فعل ِ شئ ٍ أو تركِهِ(هو الكتاب يعنى خد العبارة كما نقلها) ربط ُ النفس ِ بالإمتناع ِ عن شئ ٍ أو الإقدام ِ عليه (هو نفس المعنى ) ، بالإمتناع ِ عن شئ ٍ يعنى مش هعمل شئ ، الإقدام على شئ يعنى هعمل شئ ، بربُط نفسى بإن أنا هعمل حاجة أو مش هعملها (نفس الكلام) بالإمتناع ِ عن شئ ٍ أو الإقدام ِ عليه .
بربُط نفسى بإيه؟بمعنا ً معظَّم ، هو لو قال ربط ُ النفس ِ بمعناً معظَّم ٍ كان المعنى بقى إيه؟سلس.
ربط ُ النفس ِ يعنى إيه؟إلزامُ النفس ِ،تقييدُ النفس ِ،حبسٌ النفس ِ(كل ده بمعنى قريب)ن من هنا الربط معناها الإرتباط أى الإلتزام ، بقول" والله لَأصِلَنَّ رَحِمِى"هروح أزرو قرايبى ، "والله لَأتْرٌكَنَّ الغَيْبَة" دا فعل والتانى ترك ، بتُقسم بالله فعل ِ شئ ٍ أو على تركِ شئ ٍ أو الإخبار بأى خبر، كل ده ماشى ، بس بتربُط نفسك بحاجة لها قيمة حاجة ذات ثِقَـَل ، يقولك " وحيات ربى اللى خلقنى هعمل كذا "خلاص يمين .. ليه؟لإن بربط كلامى وكلامك بالخالق-جل وعلا- ،" والكعبةِ الغراء" هذا بيت ربنا ممكن الحَلِِف به ،بتحلف بالقرآن لإنه كلام الله وطبعا ً عارفين الحلف"من كانَ حالفا ً فليحلف بالله أو ليصمت".
طالب يسأل الشيخ..........؟
أجاب الشيخ :يعنى كأنك تحلف بالله الحى ومن صفات الله(الحى) وهى عبارة دارجة بس الأفضل تقول(والله)بس ويبقى الحَلِف بذاتِ الله أشملُ من كل ِ شئ ، لكن الحياة الله له صفة اسمها الحياة والسمع والبصر والكلام والقدرة والإرادة ،ربنا له عشرون صفة ً على خلاف ِ المعتزلة .
تعالى بنا إلى اليمين(احفظ التعريف)اليمين معناه إيه؟حلفاٍن.بربُط نفسى على شئ معظَّم إنى أعمل أو معملش،بس.
وشئ معظَّم أنا بعظمه سواء هو معظَّم حقيقة ً أو أنا بعتقد أنه معظَّم،يعنى إنتَ بتعتقد فى الله خلاص ،غيرك بيعتقد فى أشياء تانيه ويحلف وصار حَلِف ،هو بيعتقد إن الحاجة الفلانية دى معظَّمه عِندُه ،فهو بيعتبر إن ده شئ معظم فلما يحلف يبقى حلفان بصرف النظر عن كون المعظم ده يستحق التعظيم أو لا يستحق .
الحلفان هنا التعريف بيقولك إيه؟ ربط ُ النفس ِ بالإمتناع ِ عن شئ ٍ أو الإقدامِ عليه بمعظَّمٍ أو بمعناً معظَّمٍ عندَالحالِفِ حقيقة ً أو اعتقادا ً.
هو مادام بيعتقد خلاص يبقى حلفان،لو شئ يستحق التعظيم يبقى حلفان أيضاً(التعريف ده يُحفظ)(التعريف يُحفظ)
أول خطوة من أسهل حاجة،تحفظ السطر ده تكتبه كده وتحفظه عن ظهر قلب عشان لما أقولك الحلفان إيه؟تقولى إن أنا بحلف،بعمل يمين،لاء،لا نريدُ كلاماً دارجا،نريدُ علماًً صحيحاً.
{الحَلِف}:ربط ُالنفس ِ أو إلزامُ النفس ِ ،، ربط ُ النفس ِ يعنى إيه؟تقييدُ النفس ِ،إلزامُ النفس ِ،معاهدةٌ النفس ِبإنه هيحلف على شئ معظَّم لعمل حاجة أو لترك حاجة.. ده معنى الحَلِف أو معنى القسم أو معنى اليَمين.
تانى حاجة إيه؟ ....... "أجـــــــزاء القســــم"
لو جالك قسم كده آيه قرآنية أو كلام من كلام العرب تعرف تخرج لى أجزاؤه؟
- القسم عبارة عن إيه؟
القسم عبارة عن(فعل) {أقسِمُ باللهِ لَأَقرَأَنَّ جزءاً منَ القرآن} أول حاجة عندك إيه؟ الفعل والأداة {أقسمُ باللهِ} أو {أقسمُ واللهِ} أو {أقسمُ تاللهِ} ، فواحد هيسألنى سؤال*يعنى القسم له حروف خاصة؟ طبعاً طبعاً مع الفعل له ثلاث حروف.
{حروف القسم}:الواو والباء والتاء ، وأكثر ما جاء فى القرآن الكريم(الواو والباء) ، التاء قليلة أوى ، يمكن واحد كده لو يطلَّع تلت أربع آيات فى القرآن بالتاء،إنما بالواو ما شاء الله متعدش.
طيب قبل ما نبين أجزاء القسم،إحنا قلنا إيه؟الفعل والأداه....أدى (1)
{أقسِمُ باللهِ} أول حاجة إيه؟ الفعل ومعاة الأداة ، والفعل والأداة ده نوع واحد ؟ آه ، وممكن تحذف الفعل ، ممكن متقلش (أقسم) تقول (باللهِ لَأَفْعَلَنًّ كذا)(تاللهِ لَأَفعَلَنَّ كذا)(واللهِ لَأَعمَلَنَّ كذا).
عِندَك فى القرآن[يَس]بعدها إيه؟[وَالْقُرْآنِ الْحَكِيِم]كأن الله يقول (أقسِمُ والقرآن) أو (أقسمُ بكذا)،(أقسمُ تاللهِ) ،، فبنقول إيه؟
أول حاجة فى القسم :
*الأداة مع الحرف... أدى(1) ... أدى أول جزئية فى الجملة.
(2) المُقسَم به. [وَالْقُرْآنِ الْحَكِيِم] فين المقسم به؟ ( والقرآن الحكيم ) .
[وَالْنَجْمِ إِذَا هَوَى] فين المقسم به؟ (النجم).
[وَالْفَجْر وَلَيَالٍ عَشْر] المقسم به (الفجر) ، [والضحى][والعصر][والتين][والعاديات][والذاريات].
كم سورة أفتتحت بالقسم؟ 17 سورة ، لما أقولك هات قسم هتجيبلى من فواتح السور.
عِندَك من فواتح السور العشرة ، كل سور القرآن أفتتحت بعشرة أنواع من الكلام ، مين النوع المُفتَتَح بالقسم؟نوع لوحده،سورة من سور القرآن الكريم البالغ عددها مائَة ً وأربعَ عشرة َ سورة ً فيها 14 سورة أفتُتِحَت بالقسم ، خد بقى عندك[والصافات صفا][والذاريات ذروا][والطور][والنجم][لا أقسم بيوم القيامة][والمرسلات عرفا][والنازعات غرقا][والسماء ذات البروج][والسماء والطارق][والفجر][لا أقسم بهذا البلد][والشمس][والليل][والضحى][والتين والزيتون][والعاديات][والعصر].
كم دول؟ 17، سبعَ عشرة َ سورة ، ممكن نقولك بقى اعمل عليها بحث ميدانى وخرَّج لى من كل فاتحة سورة أداة القسم(الفعل والحرف)أو إذا كان الحرف بس هو اللى موجود ،والمقسم به .
والمهم فين المقسم عليه؟ سيدنا عمر ماشى لقى رجل بيقول له[والطور] دا قسم أهه[والطور ِ] خد بالك إن المقسم به بيكون مجرور ؛ لإن الواو اسمها واو قسم مُجّر ، التاء تاء قسم مُجّر (تالله)(والله)(تالله) ، حروف القسم حروف قسم وجر ، يبقى المقسم به مجرور ، سمع سيدنا عمر [وَالطُّورِ*وَكِتَابٍ مَّسْطُورٍ*فِى رَقّ ٍ مَّنشٌورٍ*وَالْبَيْتِ الْمَعْمُورِ*وَالسَّقْفِ الْمَرْفُوعِ*وَالْبَحْرِ الْمَسْجُورِ*إِنَّ عَذَابَ رَبِّكَ لَوَاقِعٌ] فين الجواب؟[إِنَّ عَذَابَ رَبِّكَ لَوَاقِعٌ] .
المهم فى جملة القسم : الأداة والمقسم به وجواب المقسم(جواب القسم ده هو اللى عاوزك تصحصح له)جواب القسم أى المُقسم عليه ؛ لإن ممكن تلاقى جواب القسم ده متعدد،ممكن تلاقى متأخر خالص،ممكن تلاقى كذا قسم وجواب واحد،ممكن تلاقى قسم واحد وكذا جواب،ممكن تلاقى تعدد القسم وتعدد الجواب[فلا أقسم بالخنس*الجوار الكنس]..... أدى(1)
[والليل إذا عسعس]... أدى(2) .... [والصبح إذا تنفس] .... أدى(3)
- تعالى بقى الجوابات(عِد الجوابات)..[إنَّه لَقَولُ رَسُول ِكريم*ذِى قُوَّةٍ عِنْدَ ذِى العَرش مَكِين*مُطَاعٍ ثَمَّ أمِين*وَمَا صَاحِبكُم بمَجنُون*وَلَقدْ رَآه بالأفقِ المُبِين*وَمَا هُوَ عَلَى الغَيْبِ بِضَنِين*وَمَا هُوَ بِقَول شيطَانٍ رَجِيم] شوف كم جواب :خمسة.
وهذا يستلزم منك لما تدرس القسم تبقى آعد منتبه وتُحدد فين القسم(أين القسم المُعلَن فى الأداة نفسها أو المُقسم به وأين الجواب)الجواب ده هو اللى لازم ننتبه إليه وناخد بالنا منه(اللى هو المقسم عليه).
[وَالنَجْم إِذَا هَوَى*مَا ضَلَّ صَاحِبكُم ومَا غَوى] أدى جواب أهه،واحد واحد،وكتير تلاقى واحد واحد بس،قليلاً أن تجد تعدد القسم مع تعدد الجواب أو العكس.
- تعالى نكلم على السور ال 17[والصافات صفا*والذاجرات ذجرا*فالتاليات ذكرا*إن إلهكم لوحد] فين الجواب؟ [إن إلهكم لوحد] ، قضية التوحيد ، الجواب هنا هو التوحيد ، أقسم بالله - جل وعلا - بهذه الأقسام على أن الإله واحد لا شريك له.
[والذاريات ذروا* فالحاملات وقرا*فالجاريات يسرا*فالمقسمات أمرا*إنما توعدون لصادق]كل ده عشان الجواب ده،وبعدين[والطور*وكتاب مسطور]الجواب كنا قلناه من شوية[إن عذاب ربك لواقع].
[وَالنَّجْمِ إِذَا هَوَى*مَا ضَلَّ صَاحِبُكُمْ وَمَا غَوَى*وَمَا يَنطِقُ عَنِ الْهَوَى*إَنْ هُوَ إِلَّا وَحْىٌ يُوحَى*عَلَّمَهُ شَدِيدُ الْقُوَى] كل ده جاب قسم واحد وكذا جواب (انتبه لهذا) .
بعد كده هتجد بقى (لا أقسمُ) وبعض المفسرين بيقولك(لا أقسمُ) لا زائدة،لا إحنا مبنقلش كده،هو الرأى الموجود،الرأى الحلو أوى اللى يعلمك العمق فى اللغة العربية أن تقول إنَّ هذا نفىٌ من قسمِ لفظا ً لتأكيدِه معناً [ لا أقسمُ بهذا البلد] يعنى أؤكد ُ القسمَ..[لا أقسمُ بيوم القيامة] أؤكد القسم بيوم القيامة [ لا اقسمُ بالبلد وأنتَ حلٌ بهذا البلد] أؤكد القسم بهذا البلد [ وأنتَ حل بهذا البلد] يعنى ده نفى للقسم ولا إثبات؟ نقول نفى لفظا ً لتأكيده معنا ً.يبقى [ لا أقسمُ بهذا البلد ] نفى لفظا ً لتأكيده معنا ً.
- هل فى القرآن نظيرٌ لذلك؟ نعم ، إرجع إلى سورة الواقعة [ فلا أقسمُ بمواقعِ النجوم*وإنه لقسم] نفى أهه فى الأول ن لكن هذا النفى لتأكيده فى المعنى [ فلا أقسمُ بمواقعِ النجوم وإنه لقسمٌ لو تعلمون عظيم ] .
ودخل بقى فى إيه؟ فى القسم على طول
[إنه لقرآن كريم] ده بقى إيه؟ ده الجواب خد بالك ده الجواب ،، فكأن فى الاية الأولى [لا أقسمُ] أنا أقسمُ بمواقع النجوم ، أما قضية مواقع النجوم ومقلش النجوم دى قضية تانيه.
[فلا أقسم بمواقع النجوم] قسم أهه وجابلك بعد منه جواب وقبل ما يقولك الجواب قالك أدا قسم [فلا أقسم بمواقع النجوم وإنه لقسم لو تعلمون عظيم] وبعدين جاب الجواب بتاع القسم اللى فات [ إنه لقرآن كريم*فى كتاب مكنون*لا يمسه إلا المطهرون*تنزيل من رب العالمين] ،، كل دى أجوبة للقسم الذى كان فى أول الآيات.
تعالى بقى كده نعد فواتح السور [الصافات،الذاريات،والطور،والنجم،لا أقسم بيوم القيامة] وذيها إيه كمان؟[ لا أقسم بيوم القيامة][لا أقسم بهذا البلد] ومفيش غيرهم ،هما اتنين بس،هما اتنين يعنى فى فواتح السور ، ونفى ُ القسم ِِ فيهما لفظا ً لتأكيدِه معنا ً .
فى رأى تانى يقولك (لا) زائدة ،عاوز يوصل لنفس المعنى ، إن لو قلت لا زائدة يبقى سيل لا واقرأ بقى المعنى [أقسمُ بيوم القيامة][أقسمُ بهذا البلد] .
عندك [ والمرسلات عرفا] فين الجواب؟ [وَالْمُرْسَلَاتِ عُرْفاً*فَالْعَاصِفَاتِ عَصْفاً*وَالْنَاشِرَاتِ نَشْراً*فَالْفَارِقَاتِ فَرْقاً*فَالْمُلْقِيَاتِ ذِكْراً*عُذْراً أَوْنُذْراً*إِنَّمَا تُوعَدُونَ لَوَاقِعٌ] أدى جواب القسم ، [ والنازعات غرقا] هتدخل على (والنازعات غرقا )هتتلخبط ، هتدخل على (والفجر)هتتلخبط .. ليه؟ لأن القاعدة تقول لك : لا يلزم أن يذكر الجواب بل إن حذف الجواب أبلغ من ذكره.
العلماء يقولون إن حذف الجواب يجعلُ الفكرَ يذهبُ فيه كلّ مذهب(دى عبارة البلغاء) ، المهم حذف الجواب (خد بال من القاعدة) حذف الجواب أبلغ من ذكره ، سواء جواب القسم أو جواب الشرط .
حذف الجواب أبلغ من ذكره .. ليه؟ قالول لإن العقل أو الفكر يذهب فيه كل مذهب (يتجه فى كل اتجاه) ، طيب ، تعالى بقى نشوف نبحث باقى السور ، عندك مثلا إيه؟
[ والليل إذا يغشى ] طلَّع لى بقى الجواب موجود طبعاً موجود والله العظيم [وَالَّيْلِ إِذَا يَغْشَى*وَالنَّهَارِ إِذَا تَجَلَّى*وَمَا خَلَقَ الذَّكَرَ وَالْأُنثَى*إِنَّ سَعْيَكُمْ لَشَتَّى] جواب جواب ، وذى ما بتلاقي الجواب المهم ده تلاقى له كده كذا قسم ن ممكن الشرط يدييك شرط وشرط وشرط ، وممكن بقى تلاقى شرط واحد والجوابات متعددة ، ممكن تلاقى قسم واحد والجوابات متعددة ، تلاقى عدة أقسام والجواب واحد .
[والسماء ذات البروج] فين الجواب؟ قدام شوية [وَالسَّمَاءِ ذّاتِ الْبُرُوجِ*وَالْيَوْمِ الْمَوْعُودِ*وَشَاهِدٍ وَمَشْهُودٍ*قُتِلَ أَصْحَابُ الْأُخْدُودِ*الْنَارِ ذَاتِ الْوَقُودِ]إلى آخره.
[والسَّمَاءِ وَالطَّارِق*وَمَا أَدْرَاكَ مَا الطَارِقُ] ياسلام بعد ما يدييك الجواب يقولك انتبه إيش عرفك إنتَ بالطارق ، شئ مهم شئ خالص شئ عظيم [وَمَا أَدْرَاكَ مَا الطَارقُ*النَّجْمُ الثَّاقِبُ] ولاحظ بقى خدى معلومة على جنب ، كل ما جاء فى القرآن بلفظ (وما أدراك)جاء بيانه (وما يدريك)لم يجئ بيانُه .
طيب ، كل ما جاء بلفظ (وما أدراك) بماضى جاء بيانه يعنى يبقى تفسير قرآن بقرآن وكل ما جاء بلفظ ( وما يدريك ) لم يجئ بيانه [ وما يدريك لعل الساعة قريب ] لاء باب مغلق ، الباب فى معرفة الساعة خلاص .
[ يَسْأَلُونَكَ عَنِ السَّاعَةِ أَيَّانَ مُرْسَاهَا*فِيمَ أَنتَ مِن ذِكْرَاهَا] قل إنما علمها عند ربى ، خلاص المسألة (وما يدريك )مغلق الباب.
[وَمَا أَدْرَاكَ مَا لَيْلَةُ الْقَدْر*لَيْلَةُ الْقَدْرِ خَيْرٌ مِّنْ أَلْفِ شَهْر*تَنَزَّلُ الْمَلَائِكَةُ وَالرُّوحُ فِيهَا بِإِذْنِ رَبَّهِم مِّن كُلِّ أَمْر] ماشى كده تمام.
طيب [وَمَا أَدْرَاكَ مَا الطارقُ*النَّجْمُ الثَّاقِبُ] فين الجواب ؟ لسه مجاش [ إِن كُلُّ نَفْسٍ لَّمَّا عَلَيْهَا حَافِظٌ].
طيب [وَالشَّمْسِ وَضُحَاهَا]مفيهاش جواب ، تجد الجواب إنه محذوف غير موجود وحذفه أبلغ من ذكره إلا بقى البعض اعتبر[ قد افلح من ذكاها] ليست فى نص السورة ـ الرأى موجود .
[وَالَّيْلِ إِذَا يَغْشَى*وَالنَّهَارِ إِذا تَجَلَّى*وَمَا خَلَقَ الذَّكَرَ وَالْأُنثَى*إِنَّ سَعْيَكُم لَشَتَّى]
[وَالضُّحَى*وَالَّيْلِ إِذا سَجَى*مَا وَدَّعَكَ رَبُّكَ وَمَا قَلَى]
[وَالتِينِ وَالزَّيْتُونِ*وَطُورِ سِينِين*وَهَذا الْبَلَدِ الْأَمِينِ*لَقَدْ خَلَقْنَا الْإِنسَانَ فِى أَحْسَنِ تَقْوِيم]
[وَالْعَادِيَاتِ ضَبْحَا*فَالْمُوريَاتِ قَدْحَا*فَالْمُغِيرَاتِ صُبْحَا*فَأَثَرْنَ بِهِ نَقْعَا*فَوَسَطْنَ بِهِ جَمْعاً*إِنَّ الْإِنسَانَ]ده الجواب أهه ده الجواب.
[وَالْعَصْر] سهله خالص [ إِنَّ الْإِنسَانَ لَفِى خُسْر] ده الجواب..... كده الفواتح ال 17.
أما فى خلال السور فحَدِّث ولا حرج عندك بقى حاجات صريحة أوى [ وَأقْسَموا باللهِ جَهْدَ أيمَانِهم لَإِن أمَرتَهم لَيَخرجُن][وَأَقسَموا باللهِ جَهْدَ أيمَانِهم لا يَبْعَثُ الله من لوط] وعندك بقى فى الايات كتير [ والله لَأَكِيدَنَّ أَصْنَامَكُم] .
أنا عاوز انبه لشئ،ممكن تجد الفعل وممكن لا تجد الفعل،وأكثر القسم بدون الفعل .. ليه؟ لكثرة استعمال الفعل،تجد لغة العرب فيها لغة الحَلِف والإيجاز..يعنى إيه؟ممكن يقولك : (أقسمُ باللهِ لأفعلَنَّ كذا) ممكن أحذف أقسم دى خالص ,, وأقولك إيه؟(باللهِ لأفعلَنَّ كذا)،[تاللهِ لَأَكِيدَنَّ أَصْنَامَكُم بَعْدَ أَن تُوَلوا مُدْبِرين].
تعالى بقى"القسم فى القرآن"كثير جداً جداً ، وهنا هيقولك: من القسم أن الله - جل وعلا - أقسمَ بذاته فى سبع آيات[فَوَرَبِّكَ] أقسمَ اللهُ بنفسه فى سبعة مواضع[قُلْ بَلَى وَرَبِّى لَتُبْعَثُنَّ][قُلْ وَرَبِّى لَتَأتِيَنَّكُم][قُلْ إِى وَرَبَّى إِنَّهُ لَحَق]الشطارة إنك تعرف الجواب فين؟ عندك فى الكتاب،بس مش المشكلة إنك تحفظ،اللى تركز عليه إنك يجيلك القسم كده(تفصصه)أدى القسم وأدى الأداه وأدى لمقسم به وأدى المقسم عليه ،بس،هما تلاتة،وقد يُحذف الفعل،خد بالك وده كتير أوى وقد يُختصر عند العرب القسم إلى ما لا يخطر على بال (القسَم واليَمين) جمع يَمين إيه؟أيمَن وأيمُن وأيمان برضو صح ،العرب ممكن تقولك إيه؟(وايْمُنُ اللهِ) أو (وأيْمُن ِ اللهِ) ، يبقى(ايمن)هنا كأنه بيقولك إيه؟وحيات الحلفانات بربنا واليمانات بتاعة ربنا ، جميل.
والعرب ممكن تحذف نص الكلمة متقلش (وايمُن الله)(وايمُ الله)حذف إيه؟ النون ، وممكن يحذف النص الأول ، يقولك(مُنُ اللهِ)وممكن يحذف النون وتلاقى ميم لوحدها كده ، ذى ما حذف النون حاجة اسمها الترخيم أو حذف حرف من الكلمة ..ليه بيحذفه؟للتسهيل لإن الكلمات بتُستَعمَل كتير.
طالب يسأل الشيخ...........؟
أجاب الشيخ: هنا فى القسم(أيمُن)ممكن نحذف النون نقول(أيمُ اللهِ)ممكن نحذف الألف والياء والنون تجد الميم بس كده(مُ اللهِ)وده قسم عند العرب، حذفه من أوله و حذفه من آخره اختصاراً تسهيلاً حتى تكون اللغة سهلة فى التعامل .
القسم بيحذف منه الفعل كثيراً ولو عملت إحصائية فى القرآن هتجد 90% من آيات القسم فى القرآن محذوف منها الفعل،تجد [ وَالْنَّجْمِ إِذَا هَوَى]فين أقسم؟مفيش،جاب الواو بس.
[وَالَّيْل إِذَا يَغْشَى][وَالشَّمْسُ وَضُحَاهَا][وَالتِّينِ وَالزَّيتُون][وَالْعَصْر][وَالْعَادِيَات][وَالْمُرسَلَات][وَالنَّازِعَات][وَالصَّافَات][وَالذَّاريَات] كل ده معظم الفواتح مفيهاش أقسم ، إنما جايب فى خلال الآيات فيه.
تعالى بقى طلَّع معايا استخرج معايا جواب القسم فى السبع آيات دول.
[قُل بَلى وَرَبِّى لَتُبْعَثُن] ، (وربى) الواو بس هى اللى موجودة،الفعل غير موجود،المقسم به فين؟ ربى ، فين الجواب؟ لتبعثن.
[وَقَالَ الَّذِينَ كَفَروا لَا تَأتِينَا السَّاعة،قُل بَلَى وَرَبِّى لَتَأتِينَّكُم] فين الجواب؟لتأتينكم.
[وَيَسْتَنْبِؤنَكَ أَحَقٌ مِنه*قُل إِى وَرَبَّى إِنَّه لَحَق] جملة (إنه لحق).
[فَلَا وَرَبَّكَ لَنَحشُرَنَّهم وَالشَيَاطِينَ] (لنحشرنهم) ، وطبعاً الشياطين معطوفة على إيه؟على الضمير على هم (لنحشرنهم والشياطين).
[فَلَا وَرَبِّكَ لَنَسأَلَنَّهُم أجْمَعِين] لنسألنهم ده جواب القسم ، ممكن الجواب ييجى منسى ذى اللى جاى .
[فَلَا وَرَبِّكَ لَا يُؤمِنُون حَتَّى يُحَكِمُوكَ فِيمَا شَجَرَ بَيْنَهُم] جواب القسم نفى الإيمان(لا يؤمنون).
[فَلَا أقسِمُ بِرَبِّ الْمَشَارِق وَالْمَغَارِب*إِنَّا لَقَادِرونَ عَلَى أَن نُبَدِلَ خَيْراً مِنهم وَمَا نَحْنُ بِمَسْبُوقِين]الآية دى عاوزة نكملها عشان الجواب كتير.
[وَالشَّمْسِ وَضُحَاها*وَالْقَمَرِ إِذَا تَلَاهَا] وطبعاً إحنا قلنا سورة الشمس الجواب فيها محذوف.
[وَالَّيْلِ إِذَا يَغْشَى والنَّهَارِ إِذا تَجَلَّى*وَمَا خَلَقَ الذَّكَرَ وَالْأُنثَى*إِنَّ سَعْيَكُم لَشَتَّى] الجواب:إن سعيكم لشتى.
والفجر من السور اللى جواب القسم فيها غير موجود فى الكلام [فَلَا أُقسِمُ بِالْخُنَّس] وده من الأقسام النادرة وتلاقى المقسم به متعدد وجواب القسم متعدد ولازم ننتبه لهذا ، ممكن يأتى قسم واحد والأجوبة متعددة ، وممكن يأتى عدد من الأقسام(المقسم به متعدد والجواب واحد) ممكن يتعددان كما الآيات [فَلَا أُقْسِمُ بِالْخُنَّسِ*الْجَوَارِ الْكُنَّسِ]هى نفسها طبعاً ودى فيها إعجاز لوحدها.
[وَالَّيْلِ إِذَا عَسْعَس*وَالصُّبْحِ إِذا تَنَفَّسَ*إِنَّهُ لَقَوْلُ رَسُولٍ كَرِيمٍ*ذِى قُوَّةٍ ] ده متعدد يبقى إيه.متعدد أيضاً.
أدى السبع آيات اللى ذكرهم صاحب الكتاب،والقسم كثير جداً،انت ممكن تجيب من آيات القرآن ما شاء الله أقسام كثيرة جداً،لما تجيب آيه،هيجيبلك فى الإمتحان سؤال يقولك إيه؟
- اذكر آية أو ثلاث آيات مستخرج منها أجزاء القسم؟
أجزاء القسم إيه؟الفعل والأداه أو الأداه فقط ،هو ممكن القسم ييجى من غير فعل؟ كثير ، من غير أداه؟ آه .
هييجى يقولك قول الله - عز وجل - :
[لَتُبْلَونَّ فِى أَموَالِكُم وَأنفُسِكُم]ده قسم ،قسم إيه؟ده جواب القسم،فين القسم؟فين الأداه؟فين المُقسم به؟ كل ده بره مش موجود ، وده بقى عاوز اللى منتبه جداً.
اسمه قسم إيه؟ مضمر،خفى،مش واضح،ده بقى عاوز اللى ينتبه له علشان كده مش هيجيلك سؤال فيهمش عشان مش مقرر عليك ، لاء انت لازم تعرفه.
*{أنواع القسم}: الضامر والمُضمر.
الضامر سهل .. ليه؟هتجد فعل أو تجد الواو أو تجد المقسم به ، إنما لما يقولك :
[لَتُبْلَونَّ فِى أَمْوَالِكُم وَأَنْفُسِكُم]
[وَالْعَادِيَاتِ ضَبْحَا*فَالْمُورِيَاتِ قَدْحَا]
[وَيْلٌ لِّكُلِّ هُمَزَةٍ لُّمَزَة*الَّذِى جَمَعَ مَالاً وَعَدَّدَهُ*يَحْسَبُ أَنَّ مَالَهُ أَخْلَدَه*كَلَّا لَيُنبَذَنَّ]..(لينبذن)ده قسم،فين المقسم به؟مش موجود قدامك،فين الفعل والحرف؟مش موجود قدامك ، وده نوع من القسم اسمه(قسم مضمر).
عاوزين بقى أمثلة من الآيات،كثيرة جداً،تجد القسم ما شاء الله فى ثمانية سور
[لَتُسْأَلُنَّ يَوْمَئِذٍ عَنِ النَّعِيم]
[كَلَّا سَوْفَ تَعْلَمُون*ثُمَّ كَلَّا سَوْفَ تَعْلَمُونَ*كَلَّا لَوْ تَعْلَمُونَ عِلْمَ الْيَقِينِ*لَتَرَوُنَّ الْجَحِيمَ]ده قسم مضمرآخر.
[ثُمَّ لَتَرَوُنَّهَا عَيْنَ الْيَقِين*ثُمَّ لَتُسْأَلُنَّ]معطوفين على الأولنيين،بس ده قسم مضمر..ليه؟ إيه علامة القسم المضمر؟
أن تجد لام القسم وبعده الفعل مؤكد بنون التوكيد الثقيلة.
[لَيُنْبَذُن] كأنه قال [ واللهِ لَيُنْبَذُنَّ فِى الْحُطَمَة]
[لَإِنْ لَمْ تَنْتَهِ لَنَسْفَعَن بِالنَّاصِيَة] بس هنا اللام هنا موطِئَة للقسم.
[وَلَقَدْ أُوحِىَ إِلَيْكَ وَإِلَى الَّذِينَ مِن قَبْلِك لَإِن أشْرَكْتَ لَيَحْبِطَنَّ عَمَلُك] ليحبطن قسسم يعنى الجواب قسم،فين(والله)هنا؟ مش موجودة ،قسم مضمر ،هنا قسم مضمر،[ليحبطن عملك]امال اللام اللى فى الأول؟ قالوا عليها اللام الموطِئَة للفعل.
طالب يسأل الشيخ.............؟
الشيخ أجاب: القسم المُضمر أن ترى فيه اللام المؤكدَة والفعل مؤكد بنون التوكيد الثقيلة إذا كان مثبتاً.
هذا القسم فى القرآن آياته كثيرة.
[لَإِن أَشْرَكْتَ] اللام لاوم القسم اسمها لام مُمَهِدَة موطِئة للقسم يبقى الجملة اللى جاية تيجى للقسم.
فى بعد اللم شرط؟ أيوة فى شرط ودى مسألة تانية فى اللغة العربية،ممكن ييجى شرط وممكن ييجى قسم وده عاوز جواب وده عاوز جوابنوالقاعدة سهلة أوى،
"واحذف لَدَى اجتمَاع ِ شرطٍ وقسم جوابَ ما أخرت فهو ملتزم"
يعنى لو جه شرط وجه قسم يجيب جواب واحد بس ، واللى ييجى الأول هو اللى ياخد الجوابنفى البيت الشعر بتاع ألفية ابن مالك
"واحذف لدى اجتماع شرطٍ وقسم جوابَ ما أخرت فهو ملتزم"
نقول القاعدة أحسن سهلة شوية
إذا اجتمع شرط وقسم يُكتفَى بجوابٍ واحد ويكونُ لما سبق ، إن جه الشرط الأول هو اللى ياخد الجواب ، إن جه القسم الأول هو اللى ياخد الجواب.
وهو الجواب هيختلف؟ هيختلف ويختلف،جواب الشرط غير جواب القسم.
جواب القسم بيقولنا إيه؟(ليحبطن)مؤكد بنون التوكيد الثقيلة ، طب لو كان الشرط فى الأول [ إن أشركت والله لحبط] ييجى الجواب بإيه؟
بالشرط،الجواب ده غير الجواب ده.
إذا اجتمع شرط وقسم ذُكرَ جواب واحد لما تقدم" واحذف لدى اجتماع شرط وقسم جواب ما أخرت فهو ملتزم"
هنكتفى بهذا الباب
وصلى الله على سيدنا محمد وعلى آله وصحبه وسلم

[أم برآءة السلفية]

أعتذرُ منِ جداً ياحبيبة ، أعلمُ أنى تأخرتُ كثيراً كثيراً
سامحينى أختى
وباركَ الله فيكِ وأكرمكِ ورفع قدرك
أحبكِ فى الله ياغالية

[أم مُعاذ]

بارك الله فيكِ اخيتي ونفعنا الله بكِ
هل من محاضرة اخري

[أم برآءة السلفية]

إن شاء الله أختى فى انتظار محاضرة أخرى باركَ الله فيكِ

[أم مُعاذ]

http://www.hor3en.com/vb/showthread....599#post232599
تفضلي اختي نفع الله بكِ وبارك فيكِ

[أم برآءة السلفية]

وباركَ فيكِ أختى
الله المستعان

[أم مُعاذ]

اخيتي هل ستأخذين المحاضرة ان شاء الله؟