12 تفسير الفرقة الاولي

[أم مُعاذ]

 

بدأنا فى مناهج المفسرين ..

أقسام التفسير العشرة :

السؤال اللى جاى سؤال هايف قوى : ماذا لو كان القرآن متواتراً ؟

يعنى القرآن الكريم نزل على رسول الله وبلغه لكل أصحابه عدد كبير والصحابة بلغوه إلى عشرات أضعافهم والتابعين والتابعين إلى عشرات أضعافهم من تابعين التابعين إلى أن وصل إلينا الآن .. كم عدد امة الإسلام النهارده ؟؟ مليار ونصف مليار ، فمعنى التواتر أن القرآن أو الحديث المتواتر إنما نقله جماعة عن جماعة عن جماعة لايمكن أن يتفقوا على الكذب ، هل يوجد ما هو منسوخ تلاوته ؟؟ طبعاً

بس دا مختلف فيه ، قالوا الآية اللى بتقول الشيخ والشيخة إذا زنيا فارجموهما البته نكالاً من الله والله عزيز حكيم آية نسخت تلاوتها ومعمول بها ، لكن الأحسن من كدا حديث البخارى ومسلم .. كان فيما أنزل عشر رضعات معلومات يحرمن .. هو المفروض ما اغنش ولا امد بس بافهمك يعنى إن دا كان قرآناً ، ثابت فى حديث متفق عليه فى البخارى ومسلم ، كان فيما أنزل عشر رضعات معلومات يحرمن .. نص الحديث هكذ1 ، فنسخن بخمس معلومات ، وحتى الخمس المعلومات ايضاً نسخت تلاوتها وبقى حكمها ن والجملة الأولى نسخت تلاوتها وحكمها معاً وثابتة فى حديث فى البخارى ، نعم ، وأنواعه :

إذا قلنا أنواع وأقسام .. الأقسام أكبر ، قالوا أنواع السور فى القرآن كثيرة ، لكن أقسامها أربعة :

1- السبع الطوال :- اللى هى البقرة _ آل عمران - النساء - المائدة - ألأنعام - الأعراف - الأنفال مع التوبة أو التوبة

سواء قلت السبع الطول أو السبع الطوال .. إيه الفرق ؟؟

الطوال جمع طويلة ، والطول جمع طولى ، زى كبرى : كُبر ، صغرى : صُغر ، فالمهم عندك سبع سور طوال وبعدين

2- المئين وبعدين المثانى وبعدين المفصل ، المئين تنتهى بنهاية سورة القصص اللى هى آياتها100 مية وشوية ، ومن القصص أومن العنكبوت إلى الحجرات المثانى .. المكررات ، ومن الحجرات او ق إلى آخر القرآن بيسموه ايه .. المفصل ..

فالتقسيم كبير ينقسم إلى أربعة أقسام ، دايماً التقسيمات بتبقى حاجة كبيرة ، الأنواع دى أجزاء صغيرة تندرج تحت الأقسام ، فيه سور بأسماء الرسل ، فيه سور عندك يونس عندك هود عندك يوسف عندك إبراهيم دى كلها أنواع ، فالتقسيم أكبر من التنويع ، التنويع يعنى أجزاء صغيرة كثيرة ، التقسيم بيبقى أقسام كبيرة تحتوى فى داخلها أنواعاً أكثر .

وأقسام النسخ فعلاً نسخ قرآن بقرآن ، نسخ قرآن بسنة ، نسخ سنة بسنة ، نسخ سنة بقرآن ، أما الأنواع فأكثر منها فى المدلول بتاعها ، بالنسبة لسنة تانية إحنا كنا بدأنا فيما مضى أقسام التفسير عشرة ، ولا أتذكر احنا وصلنا فيها لحد فين ، الأربعة الأولى فقط ؟؟ طيب ، أقسام التفسير عشرة ، قال الإمام ابن عباس فى تقسيمه هو ( التفسير أربعة ، حلال وحرام ) آدى أول نوع ، واضح الدلالة لا يُعذرأحد بجهالته آدى واحد ، نمرة اتنين ( وتفسير تعرفه العرب بألسنتها ) نمرة تلاتة ( تفسير يعلمه العلماء ) ، نمرة أربعة ( تفسير يعلمه الله جل وعلا ) ..

النوع الأول ذكرنا له أمثلة آيات الأوامر والنواهى ، واضحة لا تحتاج إلى تفسير ، من يزعم أنه لايفهما نقوله زعمك دا مردود عليك لأن ابن عباس قال ( لا يُعذر أحد بجهالته ) لو واحد قالك أنا أجهل هذا التفسير نقوله انت كلامك دا لا يُقبل ولا تُعذر بهذا الجهل لأن قول الله جل وعلا { قُلْ هُوَ اللَّهُ أَحَدٌ } واضحة جداً ، فَاعْلَمْ أَنَّهُ لَا إِلَهَ إِلَّا اللَّهُ واضحة جداً ، الأوامر اللى فى سورة الأنعام قُلْ تَعَالَوْاْ أَتْلُ مَا حَرَّمَ رَبُّكُمْ عَلَيْكُمْ أَلاَّ تُشْرِكُواْ بِهِ شَيْئاً وَبِالْوَالِدَيْنِ إِحْسَاناً وَلاَ تَقْتُلُواْ أَوْلاَدَكُم مِّنْ إمْلاَقٍ ، الأوامر اللى فى سورة الإسراء اللى من أولها وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وبعد كداإِنَّ الْمُبَذِّرِينَ كَانُواْ إِخْوَانَ الشَّيَاطِينِ وبعد كدا بيقولك ايه وَلاَ تَجْعَلْ يَدَكَ مَغْلُولَةً إِلَى عُنُقِكَ (وَأَوْفُواْ بِالْعَهْدِ إِنَّ الْعَهْدَ كَانَ مَسْؤُولا) كل الأوامر والنواهى واضحة تدخل تحت البند الأول وهو التفسير الواضح .. حلال وحرام لا يُعذر أحد بجهالته ..

نمرة اتنين تفسير تعرفه العرب بألسنتها ، مين اللى كان معاه كلمات القرآن دلوقتى هنا ، كتاب كلمات القرآن كتاب عظيم ، دايماً يكون معاك على طول للشيخ حسنين مخلوف ، كلمات القرآن عبارة عن كل الكلمات التى تحتاج إلى بيان فى القاموس ، يادوبك أنت تحتاج إلى معرفة معناها عند العرب فقط .. فقط .. وييجى واحد منكو يوقل ايه يعنى ما انا عراف كل الآيات ؟؟ أيوه انت حافظ الآيات لكن تعرف كل المعانى .. لأ ، ولا انا كمان مع ان بقى لى من سنة 73 متخرج قبل ما يتولد منكو عدد كبير بسم الله ما شاء الله ربنا يبارك فى الشباب ، هناك بعض الآيات ما لم أرجع إلى معناه فى اللغة أبقى جاهل بها ، يعنى مثلاً أُوْلَـئِكَ الَّذِينَ أُبْسِلُواْ بِمَا كَسَبُوا أُبسلوا انت عمرك ما اتكلمتها فى كلامك ، لولا انها فى القرآن ( فمالكم فى المنافقين فئتين والله أركسهم بما كسبوا ) تقول أركسهم برضه كلمة صعبة ، لما ربنا قال لإبليس أنت مسلط على بنى آدم ففرح قوى ربنا قاله (وَأَجْلِبْ عَلَيْهِم بِخَيْلِكَ وَرَجِلِكَ وَشَارِكْهُمْ فِي الأَمْوَالِ وَالأَوْلادِ وَعِدْهُمْ) قاله يا سلام دا انا ح اشتغل شحن دائم على طول مش ح ابطل ، (وَلأُضِلَّنَّهُمْ وَلأُمَنِّيَنَّهُمْ وَلآمُرَنَّهُمْ فَلَيُبَتِّكُنّ) تعال بقى أسألك على معنى يبتكن ، ان ماكنتش ترجع إليها إلى لغة العرب تقولى معناها غبير واضح ، كدا وبس ؟ تعال انا وانت (اقْرَأْ بِاسْمِ رَبِّكَ الَّذِي خَلَقَ) أول سورة نزلت فى القرآن ، تقولى حافظها ، طب إيه رأيك فى قوله تعالى كَلَّا لَئِن لَّمْ يَنتَهِ لَنَسْفَعاً بِالنَّاصِيَةِ نسفعاً ، فعلها ايه .. ٍفع ، سين .. فاء .. عين .. وسفع غير صفع العرب عارفين معنى صفع قوى لأن بياخدوا على القفا جامد قوى ما تعدش ، صفع بالصاد الضرب على القفا ، لكن سفع مصيبتها أكبر وجاية الآية وعيد لمين ؟ لأبو جهل ، لما قغعد يقوله شفت النبى دا عند الكعبة ح اعمل واسوى ، ربنا على طول جاب له رد على طول من عنده { كَلَّا لَئِن لَّمْ يَنتَهِ لَنَسْفَعاً بِالنَّاصِيَةِ }

ح نسفع بناصيته ، ح نجيبه من ايه ؟ من وجهه ، من شوشته ، ساعات بعض النساء المفتريات لما تتكلم مع زوجها تقوله .. ها .. الراجل قعد يقول يا رب جوزنى .. يا رب جوزنى ، سمعته جاتله جرى ، بتقول ايه يا فلان ؟؟ قال انا يعنى بادعى ربنا إن فى الآخرة لما يبقى كدا يوم الصراط ما ينصب ، ينصب الصراط كدا على جهنم يوقل يا رب جوزنى يعنى أجوز وأمر على الصراط يوم تذل الأقدام ، أيوه كدا خليك خايف ، الكلمة بقى سفع لو لم نرجع إلى معناها فى اللغة يصعب معرفة معناها ، سفع معناه ايه { كَلَّا لَئِن لَّمْ يَنتَهِ لَنَسْفَعاً بِالنَّاصِيَةِ } لنسفعاً لنأخذن بناصيته مع حرقها مع تسويدها ، ففعلاً الفعل دا لولا أنا وانت بنرجع إليه فى اللغة العربية مان عرفش معناه ، سفع أخذ أخذاً بشدة مع التسويد مع الإحراق والإهلاك فى الأخرة ، الكتاب اللى معاكو دا بتاع الشيخ حسنين مخلوف ، اتفضل سؤالك ايه ؟؟

دا القرآن مليان حاجات كتير ، دا الكذب قالك الخلايا اللى فى المخ بتاعة الكذب بتبقى فى مقدمة ، القرآن يحتاج إلى بحوث كثيرة ، فعلاً بيقولوا إن نَاصِيَةٍ كَاذِبَةٍ خَاطِئَةٍ أشارت الآية إلى أن الكذب يبدو أن مكان المخ .. أنتو صايمين النهارده ؟ اه يوم 13 يا بختكو والله يا أخى باحسدكو لا انا باصومش ياجماعة السنن إلا بالعافية لأنى باسافر كتير وكان ينبغى ن الشيخ يكون قدوة لكن ربنا يعينى بقى يسامحنى ، اللى عدى الستين بيبقى له عند ربنا تخفيضات كدا فى بعض الحاجات يعنى ، لعل يعنى تحركى بالعلم والدروس ان شاء الله يعوض شوية من الصيام ، انما كنت باصوم والله لما كنت شباب زيكو كدا ن وكنت ساعات كان عندى عزيمة رجالة ، كنت اقول النهارده لازم أقرأ القرآن كله من رأسى ، أصلى الفجر واقعد أقرأ ما افتح المصحف اجيب الختمة كلها فى يوم واحد ، ما تجيش الختمة لكها العشا أو بعد العشا بساعتين تلاتة كدا الا أخلص الختمة ماك نت أحتاج غلى فتح المصحف ، دلوقتى بقى مسئوليات الحياة والمشال عكرت ، الشريط بدأ يسف كتير ....

اللغة العربية لغة عظيمة جداً ، كتاب كلمات القرآن .. ما انا مش صايم بقى كلو انتو ، لست صائماً اعطى إخوانك الصائمين ، كتاب كلمات القرآن للشيخ حسنين مخلوف كتاب عظيم جداً جامع لك كلمات عظيمة جداً ، كل كلمات القرآن التى تحتاج غلى بيان موجودة فى هذا الكتاب ، تقدر ترجع إليه وتخليه معاك على طول ن كل يوم كدا تاخد لك سنويتش صغير منه ، 10 .. 15 صفحة كدا بحيث يبقى انت استوعبت نوع من أنواع التفسير وهو تفسير القرآن باللغة .. بلغة العرب ..

ثالثاً ..أقسام التفسير عند ابن عباس .. تفسير يعرفه العلماء .. زى ايه ؟؟ علم الناسخ والمنسوخ ، علم المحكم والمتشابه ، علم أسباب النزول ، علم نزول القرآن على سبعة أحرف ، علم القراءات ، فيكو كام واحد بيدرس قراءات ؟ واحد .. اتنين .. ربنا يبارك ، انا عندى معهد الأرقم فى المعادى ماشاء الله فيه ما لا يقل عن 30 .. 40 طالب بيقرأوا بالسبعة وبالعشرة وماشاء الله عليهم ، علم القراءات من أعظم العلوم التى قلما تجد لها متقناً فى عالمنا هذا ، ولا يعلم القراءات لا العلماء .. فين ؟؟ فين العلماء بالقراءات ؟؟ دا يمكن دا من العلوم الا بتنقرض ن يموت العالم لا تجد له بديلاً ن عندنا فى الأزهر الليكرمه ويبارك فيه الشيخ اللى كان بيصلى بينا فى رمضان ، فى كلية الدعوة الشيخ عبد اللطيف ايه ؟احد علماء القراءات الكبار ، الشيخ عبد الحكيم عبد اللطيف ن عالم ... عالم ... عالم .. لما تعد فى مصر كلها ما تلاقيش 5.. 6 زيه ، وانا التقيت بالراجل الصالح الممتاز الدكتور أيمن سويد التقيت بيه فى دبلن العام الماضى ، فبيقول اذا تحدثت عن القراءات ، ف90% من علماء القراءات فى مصر ، الدكتور أيمن رشدى سويد حضرت معه شهر كامل فى دبلن ما شاء الله عليه علم قراءات ، بييجى طبعاً فى قناة اقرأ ، عالم محترم قوى ، وخاصة إنه يتقن اللغة العربية ، قلما تجد عالماً يتقن مع القراءات اللغة العربية ، الشيخ عبد الحكيم عبد اللطيف من العلماء العظماء ، نتمنى إن منكم عدد يتفرغ ليتلقى على يديه علم القراءات ، عندنا الشيخ المعصراوى ما شاء الله عليه موجود ، الشيخ عبد الحكيم عبد اللطيف ، وكان الله يرحمه الشيخ عامر عثمان أنا قرأت عليه حفص الله يرحمه من العلماء العظماء ، دكتور ايمن يقول أنا سافرت إلى مصر وسافرت إلى مختلف المحافظات ، أتمنى أن أتلقى على علماءها القراءات تلقيناً ، فاللى بيدرس قراءات له منى جايزة ومكافأة ان شاء الله سخية غذا أتم حفظ القراءات السبع سواء كان رجلاً او امرأة نوصلها أيضاً هديتها إن شاء الله ، لأن علم القراءات من أعظم العلوم التى يهبها الله لمن يشاء من خلقه ، يعنى علم اسباب النزول ، انا وانت نقدر نخلصه ، نقراه ، 4 .. 5ساعات نقدر نخلص علم أسباب النزول فى القرآن كله ، المحكم والمتشابه محاضرة ، سمينة شوية 3 .. 4 ساعات ، نخلص المحكم والمتشابه فى القرآن كله ، وناخذ فيه متابه الصفات وفواتح السور ، وناخد رأى السلف والخلف ويبقى الموضوع استكمل ن كل دا إلا علم القراءات ، علم القراءات علم عظيم عظيم ، ويستلزم أن يكون هناك من الأمة من يفرغ نفسه لهذا العلم ..

طيب .ز هذا النوع ثالث انواع التفسير عند ابن عباس ، النوع الرابع .. علم لا يعلمه إلا الله جل وعلا ، زى ايه ؟؟ كعلمه بيوم الساعة ، لا احد يعلمها إلا الله ، كعلمه بما يكون فى الآخرة .. الحشر .. البعث .. النفخة الأولى تتم ازاى ؟ النفخة التانية .. اللى هى حاجات ايه علامات الآخرة أو بدايات يوم الآخرة ، الصراط .. الميزان .. كل هذه الأمور لا يعلمها إلا الله جل وعلا اِنَّ اللَّهَ عِندَهُ عِلْمُ السَّاعَةِ وعلم المستقبل لا يعمله إلا الله جل وعلا ، ولذلك فى آخر الآية يقولَ ومَا تَدْرِي نَفْسٌ مَّاذَا تَكْسِبُ غَداً وَمَا تَدْرِي نَفْسٌ بِأَيِّ أَرْضٍ تَمُوتُ كل دا من العلم الذى استأثر الله بعلمه ، كل علم الغيب استأثر الله تعالى بعلمه ، هل يمكن للرسول ان يعلم شيئاً ما من الغيب ؟؟ من يجيب ، نعم .. نعم .. نعم .. عَالِمُ الْغَيْبِ فَلَا يُظْهِرُ عَلَى غَيْبِهِ أَحَداً

إِلَّا مَنِ ارْتَضَى الراء مفخمة والا مرققة ؟؟ مفخمة لأن الكسر ليس أصلاً ، مش بيقولك ورقق الراء إذا ما كُسرت كذاك بعد الكسر حيث سكنت ، إن لم تكن من قبل حرفاستعلا او كانت الكسرو ليست أصلا ، أصلها إلا من ، وجت الكسرة على النون .. منِ .. لأن بعدها سكون كسر عارض يبقى الراء مفخمة ، إِلَّا مَنِ ارْتَضَى واوعى الراء تكر منك تبقى 15 راء فى بعض ، برضه ما احنا معظمنا بنغلط فيها ديت ، مابيعرفش يجيبها صح الا اللى يكتمها شوية ، (إِلَّا مَنِ ارْتَضَى) ما تقولش اررر... دى بقت عاملة زى استاد القاهرة ، مفتوحة كدا على الآخر ، إِلَّا مَنِ ارْتَضَى مِن رَّسُولٍ إذن الرسول ممكن يعلم الغيب لكن بإيه .. بإعلام الله له ، ما الصحيح فى معنى أن القرآن نزل على سبعة أحرف ؟؟ دا درس كامل ح نوصله ان شاء الله فى محاضرة كاملة ، لكن باختصار شديد ، السبعة أحرف هى سبع لغات مشهورة من لغات العرب نزل القرآن الكريم عليها أول ألأمر تيسيراً على الأمة ولإقامة الحُجة على كل القبائل ، ولما لم يكن الأحرف السبعة فرضاً على الأمة استبعدها سيدنا عثمان فى جمعه للقرآن على الرأى الراجح إن عثمان حذف سبعة أحرف واستبقى حرفاً واحداً جمعاً لكلمة الأمة ، ان شاء الله لما نوصل لها ح نعرف إنا لمراد بسبعة أحرف وصل إلى أربعين قولاً ، كل دول ح ندرسهم ؟؟ لا ، كفاية عليك الرأى الأول ن ورأيين تلاتة معاه ، وبعدين الآراء الضعيفة ح نستبعدها ، ما تستعجلش ، كدا عرفنا اقسام القرآن اللى عند ابن عباس ، خدنا الأربعة .. ح نكمل العشرة بس ونصلى المغرب ..

عندك ايضاً من أقسام التفسير .. التفسير التحليلى .. فيه تفسير تحليلى .. عد كدا ... نمرة خمسة تفسير تحليلى ..

نمرة ستة .. تفسير موضوعى ..

نمرة سبعة .. تفسير مقارن ..

نمرة تمانية .. تفسير بالمأثور .ودا أصح أنواع التفسير ، التفاسير العشرة دول كلهم فيهم المقبول وفيهم غير المقبول ، إنما رقم واحد فى التفسير هو التفسير بالمأثور وهو ما جاء تفسير قرآن بقرآن ، ح نعرف بقى كل نوع بعدين ...

نمرة تسعة .. تفسير بالرأى ..

نمرة عشرة .. تفسير إشارى ..

آدى الأنواع العشرة للتفسير ، الأربعة الولى خلصنا منها خلاص ، التفسير التحليلى يعنى ايه ؟؟ التفسير التحليلى أن تفسر الآية تفسيراً كاملاً يشمل كل ما تتضمنه من الهدايات والاستنباطات واللغة والإعراب والبلاغة والقواعد وأصول الفقه ، دا اسمه تفسير تحليلى وهو دا اللى يعلم طالب العلم ، وهو دا اللى احنا نتمنى ان احنا كلنا بعد مانتخرج من المعهد نستطيع أن نفسر اى سورة أو أى آية تفسير تحليلى ، الشيخ شعراوى شوية منه ، بس الشعراوى ركز على إنه أخذ من الرازى ، حاقولك انا على حاجة افضل من الرازى ن حاجيب لك انا كتاب وهو كتاب الألوسى جامع الرازى والبيضاوى والزمخشرى والبحر المحيط والبيضاوى ، أعظم تفسير تحليلى وجامع بين التفسير التحليلى والتفسير الإشارى والتفسير الموضوعى والتفسير بالمأثور جامع كله هو الألوسى ، وجامع خمس التفاسير هى من أمهات التفسير ، كشاف الزمخشرى وماحدش يقولى دا الزمخشرى معتزلى ، أيوه عارفين ، وهو اللى حينقل من الكشاف ح ينقل الاعتزاليات ... لا .. دا ح يفرزها ويفصلها ويبينها ويقولك احذر .. قوله كذا وكذا ففيها اعتزال ، فالتفاسير ما شاء الله كثيرة جداً ، تفسير الشيخ الشعراوى عليه رحمة الله ، يعتبر تفسير تفسير تحليلى بس مختصر ، الشيخ الشعراوى لو توسع فى التفسير الإمام الرازى لو حد منكو له تقل على العلم يقرا الرازى ، قال العلماء ( إن تفسير الرازى فيه كل شىء إلا التفسير ) من قائل هذه العباره ؟؟ أبو حيان فى البحر المحيط ، ومعنى هذه الكلمة أن الإمام الرازى جمع فى تفسيره كل انواع العلوم ، علوم عقيدة .. علوم فقه واستنباطات ، علوم هدايات ، علوم لغة عربية وبلاغة ، علوم قرآن .. أسباب نزول ومحكم ومتشابه ، ومكى ومدنى وجمع علوم اسمها علوم الهيئة ، الكلمة دى فى لغة الأمس كلمة كبيرة قوى ، علوم الهيئة يعنى ايه ؟ علوم الفضاء ن علوم الكواكب والنجوم ، علوم السموات والأفلاك ، وعلوم الأرض طبقات الأرض .. الأنهار .. المحيطات .. المعادن ، اللى بنسميه النهارده علم الجيولوجيا ، علم طبقات الأرض وخد مسمى صغير اسمه الجيولوجيا ، وعلم الفضاء دا علم الكواكب لوحده وعلم الأفلاك لوحده وعلم غزو الفضاء لوحده وعلم أبعاد الكواكب والنجوم .. كل دا الإمام الرازى ملأ به كتابه وظلت القوانين أو النظريات التى قالها الإمام الرازى ظلت ستة قرون تدرس فى أوربا على أنها حقائق قبل ما يكتشفوا بقى بالميكروسكوب والآلات الحديثة بعض التعديلات ، وأنا لازلت أحفظ من كتابه الجملة دى اللى دايما أقولها ( زحل شرى مريخه من شمسه فتزهرت وعطارد الأقمار ) القمر أصغر واحد فى دول ، زحل والمشترى اكبر اتنين فى دول ، العلم بقى قالك ايه المشترى أكبر من زحل شزية ، العلم بقى اللى عمل ايه أقمار صناعية لفت حوالين كل واحد لفة كاملة ، تفسير الإمام الرازى اسمه ( مفاتح الغيب ) بس كل الناس بيغلطوا ويسموه مفاتيح الغيب ، لا هو اسمه مفاتح ، آخذاً من قوله جل وعلا (وَعِندَهُ مَفَاتِحُ الْغَيْبِ لاَ يَعْلَمُهَا إِلاَّ هُوَ) مفاتح الغيب للإمام الرازى / وكثيراً ما يطلق عليه اسم ( التفسير الكبير ) كبير فعلاً ، الراجل من علمه قال : وسأكتب فى فاتحة الكتاب عشرة آلاف مسألة ) وفعلاً كتب عشر آلاف مسألة ، المجلد الأول فى الفاتحة لوحده ، نقعدأنا وانت نقرا فيه سنة ، دا لو استوعبنا كل الكلام اللى قاله ، فيه كلام كدا انا باجى عنده اقول ما احناش قادرين نستوعبه ، كلام عن الأفلاك والفضائيات والكواكب والنجوم عاوزه علماء متخصصين يفسروا لنا هذا الكلام ، والا بقى اما يدخل بقى فى النفس البشرية ، يا سلام لما يقولك بقى سَنُرِيهِمْ آيَاتِنَا فِي الْآفَاقِ وَفِي أَنفُسِهِمْ النهارده بنتكلم على ان الانسان عنده ايه ؟ بصمة الصباع الكبير دا ، العلم اكتشف ان الشفتين لهم بصمة ، والصوت النهارده من احدث البصمات تتكلم بس كدا كلام يحصل ذبذبة على جهاز معين يبقى فيه بصمة صوت ، لا يتشابه صوتك مع صوت أى بنى آدم آخر ، ومين قالك ان القلب من جوا ما عليهش بصمة تفرق بين جميع المخلوقات التى خلقها الله جل وعلا ؟

جالك منين ان المعدة اللى عندك من جوا عليها تيكيت كدا عليها ايه ؟؟ عليها صنع فى اليابان ؟ عليها (صُنْعَ اللَّهِ الَّذِي أَتْقَنَ كُلَّ شَيْءٍ) ، لسه ما حدش كشف لأن ما حدش بيفتح البطن والقلب وبيكشف ، انما زى ما اكتشفوا ان بصمة اليد وبصمة الشفتين وبصمة العين .. النهارده لما بنعمل عمرة بيدونا ورقة كدا اانى مستعد ان اجرى فحوصات بصمة العين وما اعرفش بصنة ايه وبصمة ايه ؟؟ العلم المتقدم ،

ومين قالك ان القلب من جوا مافيهش بصمة ؟ والا الكلى والا .. والا .. والا .. ، كل دا من أسرار خلق الله التى انفرد الله سبحانه وتعالى بها ، سبحان الخلاق العليم ...

ح نعود إلى إن الإمام الرازى عالم علامة ، والألوسى له لغة لو عاوز تقرا الألوسى ، لما توصلوا سنة رابعة ان شاء الله احاول معاكم ناخد فى الألوسى ربعين بس ، لو درسنا فى العلامة الألوسى ربعين ولا سيما من البقرة بقى ، اشمعنى من البقرة ؟؟ ما تخليها جزء عم يتساءلون ؟؟ لا .. المفسر دايماً فى أول القرآن بيسرد ، بيرمى .. فيدى الربع ممكن فى 60 .. 70 صفحة ، لكن على ما يوصل إلى عم يتساءلون بيكون همد ، ومش كدا وبس ن بيكون كل الكلام اللى ح يقوله فى عم يتساءلون سبق له مراجع فيه ، مختلف الآيات ، حتلاقى مثلاً (أَلَمْ نَجْعَلِ الْأَرْضَ مِهَاداً) مش ح يتكلم مثلاً عن الاستفاه التقريرى .. ليه .. لانه اتكلم عليه فى (أَلَسْتَ بِرَبِّكُمْ) ، كل الكلمات بقى فى قد سمع وتبارك وعم تلاقى المفسر عمال يجرى وبيطوى المعانى طى لأنه عمال يقولك .. ارجع إليها فى معانى كذا .. ارجع إليها فى سورة كذا .. ارجع إليها فى جزء كذا ، فلو تاخد ربعين من البقرة أو آل عمران أو النساء فى الألوسى ح تقدر تقرأ 100 كتاب تفسير آخر بدون جهد ودون عناء ، ليه .. لأن الألوسى كدا... يعنى كتب تفسيره بعد ما بلغ أشده واستوى ، بعد 10 دقايق كدا نكمل بس أقسام التفسير العشرة ونخلص بقى من هذه الجزءية وبعد المغرب نبدأ تالتة ورابعة وجزاكم الله عنا خيراً ..

الألوسى أعظم من الرازى ، لأن الألوسى أخذ الرازى وأربعة تانيين معاه ، الرازى عندى 7 مجلدات أظن بره 15 ، دى الطبعة الواضحة لأن النسخة اللى عندى قديمة ، الألوسى الطبعة الكبيرة 15 مجلد بأربعمائة جنيه ، انا لاأطالب احد يشتريه ، يا ريت بس نقرأ فيه ولو ربعين مع بعضنا ، الميزة ان احنا نقرا مع بعض ، يعنى انا اقرا معاكو عشان نشرح أسلوبه وفلسفته ، راجل كبير ، وراجل كان فاهم الواقع بتاع الأمة الإسلامية ، يعنى هو مات سنة كام ؟ 1270 هجرية من 160 سنة ، الألوسى رغم انه من هذه المدة كان كاتب كلام عن واقع الأمة كأنه واقع النهارده بالظبط ، الله يرحمه عالم تجد كتابه موسوعة فى اللغة ، موسوعة فى العقيدة ، وسلفى طبعاً ، وموسوعة فى أصول الفقه ، ودا أضعف جانب عند طلابنا فى التفسير ، أضعف جانبين عندكم ن مش انتو بس كل اولادنا لأن فعلاً ما سبقش لكم دراسة موسعة ، أضعف جانبين جانب اللغة العربية وجانب أصول الفقه ، ولذلك اذا تمكن الإنسان فيهما بيكون أكثر فهماً للقرآن ، واجب تقرا .. واجب تحفظ .. واجب تفهم .. ودا بداية العلم .. وواجب أن تعمل لأن طبعاً العمل بالعلم هو دا الثمرة ، التفسير من أعظم العلوم التى تجمع لك كل العلوم ، محتاج فيه لغة ، محتاج فيه عقيدة ، محتاج فيه أصول فقه ، محتاج فيه استنباطات فقهية ، محتاج فيه هدايات قلبية ، كل ما تحتاجه أمة الإسلام موجود فى القرآن ، يعنى أسباب بقاء الأمم والحضارات موجود ، أسباب ظواهر الجماعة النصابين اللى عمالين يدمروا فى أمة الإسلام ، كل الأسباب موجودة ، شوف لما تقرا قول الله عز وجل { أَلَمْ يَرَوْاْ كَمْ أَهْلَكْنَا مِن قَبْلِهِم مِّن قَرْنٍ مَّكَّنَّاهُمْ فِي الأَرْضِ مَا لَمْ نُمَكِّن لَّكُمْ وَأَرْسَلْنَا السَّمَاء عَلَيْهِم مِّدْرَاراً وَجَعَلْنَا الأَنْهَارَ تَجْرِي مِن تَحْتِهِمْ فَأَهْلَكْنَاهُم بِذُنُوبِهِمْ) ، أفضل طريقة لتعلم التفسير ، الأول خذ جرعة لغة عربية قوية شوية ، لأن ما فى مفسر إلا وستقف فيه على اللغويات والبلاغيات ، حتى ابن كثير ، لأن ابن كثير على المزاج بيتكلم فى اللغة العربية نصف كلمة ، وبعدين بيركز على الهدايات القلبية والمعانى للآيات وهو سلفى الاعتقاد ما شاء الله ربنا يرحمه رحمة واسعة ، وفيه بركة فى تفسيره لا يقرأه عالم الا ويستفيد منه ، فالتفسير فى ابن كثير هداية ، تفسير الصابونى تعليم ، يعلمك اللغويات ، يفتح ذهنك للبلاغيات بأبسط أسلوب ، أسلوب بسيط وقليل ، بيشرح الآيات شرح موجز جامع مانع ، وبيجيب لك أسباب النزول وبيجيب لك المناسبات يعنى كويس ، عاوز تفسير بقى يعطيك الفلسفة يبقى الرازى ، عاوز تفسير يجمع لك كل اللى فات يبقى الألوسى ، جامع كل اللى انت عاوزه .. لغة .. عقيدة .. بلاغة .. أصول فقه .. أصول دعوة .. آيات قرآنية مثلاً النظائر والأشباه ، علوم قرآن ، كل دا فى الألوسى ، ابدأ بابن كثير اشحن منه كمية كبيرة ..يعنى واحد واحد عاوز يجيب موبايل يجيب حاجة كدا فى الأول سهلة الاستعمال لحد ما يبقى ياخد الحاجات الأجهزة المعقدة ، إنما تبدأ بالألوسى ؟؟ يبقى طبعاً صعب عليكو خاصة ان انتم فى اللغة العربية ما شاء الله لسه فى المستوى الكويس ، لسه ما خدتوش جرعة كاملة فى اللغة العربية ،

المقصود باللغة العربية علوم كتير لكن اصعبها وأجهلنا نحن فيها بالنحو والصرف ، لأن علم الفقه .. فقه اللغة سهل ن حاقولك مثلاً كلمة شُح ومرادفتها .. سهلة خالص ، حتجيب لسان العرب ح تلاقى الشُح .. البُخل .. الضن ، مثلاً أى كلمة من الكلمات مترادفتها .. فقه اللغة ، متن اللغة ، يعنى مثلاً علم الإملاء ، علم الخط دى كلها حاجات سهلة ، إنما أصعب مادتين أو تلات مواد النحو والصرف والبلاغة ، البلاغة حاجتكم إليها مش كبيرة قوى ، لأن مش كل الكلام ح تجد فيه الاستعارة والمجاز المرسل والمجاز العقلى والكناية والتشبيه والفصل والوصل .. حبة موضوعات قلما تمر عليك ، حتى فى القرآن تجد احنا لما بنتكلم فى البلاغة قليلاً أو نادراً لو تعرضنا لحاجة فى البلاغة ، إنما النحو والصرف دا هو دا كل اللغة ، دا كل كلمة عاوزه ترفع الفاعل .. وتنصب المفعول .. وتنصب الحال .. وتقدم المبتدأ .. وتقدم الخبر .ز الكلام كله نحو وصرف ، وبعدين النحو بيعمل فى آخر حرف ، والصرف بيعمل فى كل تركيب الكلمة ، يعنى مثلاً أقولك ( وصل ) المضارع منها ايه ( يصل ) طيب ما انا باقول ( ضرب ) .. ( يضرب ) اشمعنى وصل - يصل ؟ علم الصرف بيقولك كدا ، اذا كان أول الفعل واواً يجب حذفها فى المضارع المكسور العين ، وصل .. ما تقولش يوصل .. غلط ، يصل ، وقف - يقف ، وزن - يزن ، طيب حذف اوسط ، حذف الأولانى .. كل دى قواعد صرفية فى تركيب الكلمة .. الكلام فيه أفعال ناقصة التصرف وأفعال ليس منها الا المضارع والأمر زى ( يذر ) و ( يدعُ ) ، هات الماضى منها لو انت دارس تقولى مالهاش فعل ماضى ، يذر ويدعُ وذر ودع .. فين الماضى ؟؟ ليس لها ماضى ..

لايزال . ومازال وما انفك .. وما فتىْ ... ومابرح لها ماضى ومضارع ... مالهاش امر ، ليس ونعم وبئس أفعال ليس لها إلا الماضى وبس وهو دا علم الصرف ، أقولك بقى الأولى اسم آخره ألف .. هات المثنى منه ... آآآه دخلنا فى الشغل الصعب ، فتى .. هات المثنى منه .. تقوى .. هات المثنى .. هات الجمع .. اجمع مصطفى .. هو دا شغل الصرف وَإِنَّهُمْ عِندَنَا لَمِنَ الْمُصْطَفَيْنَ الْأَخْيَارِ.. طب ولو مافيش كلمة من .. ح تقول ايه ( إنهم عندنا المصطفون ) ليه ؟ دا كل دا شغل صرف ، ليه ؟ المرفوع والمنصوب والمجرور والمثنى والمنقوص والمقصور .. انت يتخيل لك ان دا معقد .ز أبداً .. كل دا عندى انا سهل .. ليه ؟ لأنى جمعتهم كدا فى سنتين تلاتة فى المعهد الأزهرى وأتقنت فهمهم وخلاص ، اللى خدناه فى إعدادى هو اللى خدناه فى ثانوى هو اللى خدناه فى الجامعة بس محتاج تركيز ، لو انت بتكتب وبتدون قواعد النحو وقواعد الصرف .. ممكن معايا أنا فى التفسير خلال سنة واحدة تجمع كل قواعد النحو والصرف فى كراس صغير معاك أو أجندة صغيرة ، وانا باحاول اعطيك القاعدة مش قاعدة جافة ، باحاول ادخلها لك فى وسط الكلام وفى وسط الآيات بحيث لا تشعر بالغرابة اولصعوبة لها ، لأن النحو والصرف مادة سهلة ..هى قواعد ما وجدناش اللى يشجعنا عليها .. لكن علوم اللغة العربية كتير جمعتهم مرة فى بيتين من الشعر للإمام السيوطى ..

نحو وصرف عروض بعده لغة *** ثم اشتقاق قريض الشعر انشاء

كذا المعاني بيان الخط قافية *** تاريخ هذا لعلم العرب احصاء

12 علم لكن ما يغركش الكثرة .. تلات ارباعهم انت عارفهم من غير ما تحس

سؤال آخر نختم بيه ان شاء الله ..

نريد منهاج المفسرين الفرقة الأولى ..

مناهج المفسرين للفرقة الثانية ، الفرقة الأولى عندها علوم القرآن كتاب دكتور مناع القطان مع تفسير جزء قد سمع ، سنة تانية عندنا مناهج المفسرين وان شاء الله عندهم تفسير سورتى النور والأحزاب ، سنة تالتة ان شاء الله بعد المغرب معاهم فى سورة النساء ن وسنة رابعة معاهم فى هذا الكتاب روائع البيان فى تفسير آيات الأحكام ح ناخد من هذا الكتاب هو فيه حوالى 70 محاضرة .ز ناخد قد عشرين كفايه قوى لسنة رابعة واما سنة تالتة ح ناخد سورة النساء ..

وصلى على سيدنا محمد وعلى آله وصحبه وسلم وجزاكم الله خيراً ...