ثورة الفلانتين 2012

[حيائي في نقابي]

 

السلام عليكم ورحمة الله وبركاته
نظرا لاقتراب عيد الحب الفلانتين يعني احب اقدم لكم هذا الموضوع الراااااائع ارجو قراااءته كاملا

Happy valantin day

(It`s valantin)


إنه الفلانتين يا شباب
اليوم هو احتفالنا بالفلانتين
الصراحة كنا المفروض نحتفل به ونستعد له من فترة ولكن نعمل ايه بقي في
ثورة الشباب المصري
وحالتنا في الفترة اللي فاتت من حرب ورعب وخوف وميدان التحرير وتنحي الريس ووووو
ياااااااااا كانت ايام يا شيخ
18 يوم هيكتبهم التاريخ المصري
بس النصر حلو وطعمه جميل جدااا
خلينا بقي نحتفل بالفلانتين علي رواقة وراحة بال
آآآآآآآه ..ربنا ينصرنا دايماً يارب
طيب اسيبك مع الاحتفالية دلوقت وارجعلك تاني
يلا يا عم عيش مع الفلانتين في الاحتفالات اللي جاية قصدي في المشاركات اللي جاية .

بس استناني بقي بعد الاحتفالات عشان ليك عندي هدية
بمناسبة الفلانتين
وعشان افكلك الشفرة دي :
valantin day + ثورة الشعب المصري = فرحة اوباما فينا







wait me
(it`s valantin)



.
.
.
.
وعذراً للمقدمة المصرية هذه
نظراً لانشغال العالم أجمع بها هذه الفترة
وكيف لا ! وهي ام الدنيا

احبكم في الله

[أم عبد الله]

جزاكِ الله خيرا
موضوع قيم ؛أكملي النقل بارك الله فيكِ.

[حيائي في نقابي]

فالنتين اون لاين

بشرى سارة
تعلن ادارة الفالنتين عن مفاجآت هائلة
و مثيرة
يالا يا شباب
منتظرينكم
"لا لا منتظرينكم دا ايه؟؟
دا انت فكر و أشر بس
هتلاقينا قدامك


** حضرتك مرتبط؟؟؟حضرتك مرتبطة؟؟؟
** خدمات خاصة لل cooples
** مشروبات مجانية
** مسابقة "يا حلاوتك باللون الاحمر " لأشيك couple
مش مرتبط؟؟ متزعلش
النهاردة الفالنتين
ولازم نعيش اللحظة
عندنا اللى مش عند حد
** قسم خاص لتعريفك على شريكك المناسب ليك 100%
و غير كدة كتيييييييييير
** جميع انواع الحظاظات بأسم حبيبك
** مج-قلب نصين-دبدوب
واكبر المفاجآت على الاطلاق
حصرياً عندنا

** خبيرنا الفلكى الدكتوووووورh.star
من برجك و بنظرة واحدة هتعرف مستقبلك
** و تناسبك مع الgirl friendبتاعتك
** وحجاب المحبة هدية لأول عشره couples يتصلوا
كل المتعة عندنا
الاسعار مفاجأة بالخلف

مع تحيات الادارة
المدير العام:
mr.ebles khabes

تابعونا

[حيائي في نقابي]

اخوتى و اخواتى
ما سبق كان عبارة عن كوكتيل من الاعلانات الكتيييييييييير اللى بنقابلها فى كل حتة و الغرض الاساسى منها "يعنى السعر الstanderd chargeشامل ضريبة المبيعات هو "ضياع دينك !!!!!!!!!!!!!
آه و الله ضياع دينك ...بيستدرجوك ...خلى بالك.. شوية بشوية ...تعالوا مع بعض نشوف سعر كل بند من بنود الاعلان و سعرها بالتفصيل عشان تتأكدوا من كلامى
قائمة الاسعار
1-حضرتك مرتبط؟؟؟حضرتك مرتبطة؟؟
حضرتك :هتتجوزها؟؟؟ولا هتقول :لا لا انا لما اتجوز هتجوز واحدة محترمة مبتمشيش مع حد
"ودا الغالب مع الشاب الشرقى"
طيب ماشى معاها ليه من ورا اهلها ؟؟؟
سامع واحد بيقول : لا ...انا بحبها ...و هاتجوزها لما اخلص كلية....
طيب اسمع معايا كده:
لقد حرم الله تعالى هذا الامر تحريماً واضح في القران الكريم عندما قال في كتابة العزيز :
{ ولا جناح عليكم فيما عرضتم به من خطبه النساء او اكننتم في انفسكم علم
الله انكم ستذكرونهن ولكن لا تواعدوهن سرا الا ان تقولوا قولا معروفا ولا تعزموا
عقده النكاح حتى يبلغ الكتاب اجله واعلموا ان الله يعلم ما في انفسكم فاحذروه
واعلموا ان الله غفور حليم } البقرة 235

وقال على بن أبي طلحة عن عباس "ولكن لا تواعدهن سراً" أي لا تقل إني عاشق وعاهديني أن لا تتزوجي غيري ونحو هذا .
وكذا روى عن سعيد بن جبير والشعب وعكرمة وأبي اضحى والضحاك والزخري وجاهد والثوري هو أن ياخذ ميثاقها وأن لا تتزوج غيره .
يعنى من الآخر : حتى لو بتحبها و فى نيتك تتجوزها حافظ عليها و اتقى الله فيها
اللى بتعمله دا حرام
"كل نظرة و كل كلمة و كل date حرااااام "سيئات عمالة تعد عليك "
حضرتك مرتبطة؟؟؟
معلش ركزى فى الكلمتين دول:
يقول المولى عز وجل {ولا متخذات أخدان}النساء 25 ، ومعنى قوله عز وجل {متخذات أخدان}أى متخذات أخلاء ومن هذا فلا يجوز للفتاة أن تتخذ رفيق لها أو صاحب لها وعدم الإجازة نص كريم صريح وفي هذا حكمة من الله عز وجل فإن المرأة عاطفية بطبيعتها ولو دخلت فى علاقة مع شاب وتوسمت فيه زوجاً صالحاً لها وإرتضته لنفسها وقام الشاب بخداعها ، لأثر ذلك فى نفسها تأثيراً سلبياً وترك فى نفسها جرحاً لا يندمل أبداً ، والله أحرص علينا من أنفسنا لذلك علينا أن نتمسك بتعاليمه وأوامره وابتغاء مرضاته
فيا اختى :
السعر هنا مش سيئات و بس لأ..دا كمان نفسيتك و مشاعرك هتتدمر
وفّرى مشاعرك لزوجك يا اختى
"بلاش تدفعى مشاعرك مقدما ثمن لعلاقة مالهاش لازمة "


2-مسابقة "يا حلاوتك باللون الاحمر "لأشيك couple

نفسك الناس تشاور عليك: واااااااو stylesh...تحفة ؟؟؟
للاشتراك فى المسابقة :
هتلبس نار يوم القيامة ...تمام كدة؟؟؟
تقدر تستحمل ؟؟؟ تقدرى تستحملى ؟؟؟؟
معانا الدليل :
وقد ورد في خصوص لباس الشهرة أحاديث منها حديث ابْنِ عُمَرَ رضي الله عنهما ، قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَنْ لَبِسَ ثَوْبَ شُهْرَةٍ فِي الدُّنْيَا أَلْبَسَهُ اللَّهُ ثَوْبَ مَذَلَّةٍ يَوْمَ الْقِيَامَةِ ) . رواه أبو داود (4029) والنسائي في "السنن الكبرى" (5/460) وابن ماجه (3606) وأحمد في "المسند" (2/92) وغيرهم ، وحسنه الألباني والأرناؤوط .
قال ابن عمر رضي الله عنهما :
" من لبس رداء شهرة أو ثوب شهرة ألبسه الله نارا يوم القيامة "
واضح السعر جدا ...مش كدة؟؟

3- مش مرتبط؟؟ متزعلش
النهاردة الفالنتين ولازم نعيش اللحظة
حضرتك متضايق قوى عشان الفالنتين جه وانت ماعندكش girlfriend او العكس
تعرف اصلا ا ن دى مصيبة !!!!!!!!!!
ندمك على فوات المعصية !!!!!!!!!
يعنى زعلك و قهرتك انك قاعد مع نفسك كده ده من "الندم المذموم"مش هيفيدك دنيا و آخرة و تكون من المفرطين ...تعرفهم؟

المفرطون من يندمون يوم القيامة على تفريطهم ويعضون على ايديهم من كثرة الندم وهذا الندم لن يفيدهم في هذا الموقف لذلك هو ندم مذموم

"وَيَوْمَ يَعَضُّ الظَّالِمُ عَلَى يَدَيْهِ يَقُولُ يَا لَيْتَنِي اتَّخَذْتُ مَعَ الرَّسُولِ سبيلا"

يعنى السعر هنا : ندم و حسرة يوم القيامة
احمد ربنا على اللى انت فيه .

4-الخبير الفلكى..حجاب المحبة..
السعر هنا بيتراوح بقى :
رحت وماصدقتوش؟؟؟
السعر: مفيش صلاة مقبولة اربعين يوم يا باشا
رحت و صدقت؟؟؟
السعر:كسبت الكفر و العياذ بالله!!!!!!!!!!
مش مصدقنى؟؟
اسمع الدليل:
>من أتى عرافاً فسأله عن شيء فصدقه لم تقبل له صلاة أربعين يوماً) ، رواه مسلم في صحيحه
>من أتى كاهناً فصدقه بما يقول فقد كفر بما أنزل على محمد) ، رواه أبو داود
وتفسير الاحاديث:.
(من أتى عرافاً أو كاهناً فصدقه فقد كفر بما أنزل على محمد) يراد منه: أن من سأل الكاهن معتقداً صدقه وأنه يعلم الغيب فإنه يكفر؛ لأنه خالف القرآن في قوله تعالى: (قُلْ لَا يَعْلَمُ مَنْ فِي السَّمَاوَاتِ وَالْأَرْضِ الْغَيْبَ إِلَّا اللَّهُ) النمل/65 .
وأما الحديث الآخر: (من أتى عرافاً فسأله عن شيء لم تقبل له صلاة أربعين ليلة) رواه مسلم وليس فيه (فصدقه).
فبهذا يُعلم أن من أتى عرافا فسأله لم تقبل له صلاة أربعين ليلة ، فإن صدقه فقد كفر..
اللجنة الدائمة للبحوث العلمية والإفتاء
الشيخ عبد العزيز بن عبد الله بن باز ، الشيخ عبد الرزاق عفيفي ، الشيخ عبد الله بن غديان .
"فتاوى اللجنة الدائمة" (2/48) .
ماشى كده؟؟؟؟ يا ريت نبعد خاااااالص عن المواضيع دى عشان سعرها غاااااالى قوى علينا

وفى النهاية
هذه كلمة "للادارة"
يعنى لكل مروج و مشجع و متكسب من وراء كل ما سبق
يا صاحب كل محل مصبوغ احمر ..
يا صاحب كل فضائية عليها اعلانات الحب و الفلك ..
يا فنان يا مبتكر تقاليع الحظاظة ونص القلب و الدباديب
اقول...

الْقَوْل فِي تَأْوِيل قَوْله تعالى}
"إِنَّ الَّذِينَ يُحِبُّونَ أَنْ تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ

وَاللَّهُ يَعْلَمُ وَأَنْتُمْ لَا تَعْلَمُونَ"


وهذافى تفسير الطبري رحمه الله تعالى :
يَقُول تَعَالَى ذِكْره : إِنَّ الَّذِينَ يُحِبُّونَ أَنْ يَذِيع الزِّنَا فِي الَّذِينَ صَدَّقُوا بِاللَّهِ وَرَسُوله وَيَظْهَر ذَلِكَ فِيهِمْ ,

{ لَهُمْ عَذَاب أَلِيم } يَقُول :
لَهُمْ عَذَاب وَجِيع فِي الدُّنْيَا , بِالْحَدِّ الَّذِي جَعَلَهُ اللَّه حَدًّا لِرَامِي الْمُحْصَنَات وَالْمُحْصَنِينَ إِذَا رَمَوْهُمْ بِذَلِكَ , وَفِي الْآخِرَة عَذَاب جَهَنَّم إِنْ مَاتَ مُصِرًّا .

فتوبوووووووووووووووا يا عباد الله قبل ان لا تنفع توبة ولا ندم

تابعوووووووووونا
لسه الحتفال متواصل .

[حيائي في نقابي]

والآن
مع حوارات الشباب والبنات الحبّيبة



ابقوا معنا


ومع أول حوار :

( بيبو فرقع جى جى)

فى البداية أحب اعرفكم ( ببيبو) و(جى جى) اتنين حبيبة اتعرفوا على بعض فى الجامعة ونشأت بينهم قصة حب تقطع القلب زى قيس وهبلة احم قصدى عبلة وعنتر وليلة , وياما اتمشوا عالكورنيش وراحوا سان وبلازا وماك وكنتاكى ولفوا كفيهات اسكندرية كلها...
المهم..
حكايتنا بتبدأ قبل الفلانتين بيوم , وعادة أبطالنا ليهم طقوس خاصة أو مش خاصة أوى تقريبا كل ( بيبو ) و( جى جى ) ليهم نفس الطقوس.

جى جى : مش عارفة يا بنات حجيب ايه السنة دى لبيبو حبيبى محتارة أوى.
دودى : هاتى أى دبدوب كيوت كدة أكيد حيعجبه .
جى جى : يوووووو اتهرينا دباديب هههههه.
نانا : بصى يا ستى ايه رأيك فى البوكس اللى هناك ده تعالى نروح نشوفه.
دودى: لا لا ده مش حلو.
نانا : مالك يا جى جى مش فالمود النهاردة.
جى جى : أصلى خايفة أتأخر عالكوافير وزهقت من الهدايا المتكررة .

بعد معاناه طويييييييييلة ولف ودوران هنا وهناك استقرت (جى جى ) على هدية وطبعا منسيتش البوكس الأحمر والذى منه, بس المشكلة بتبدأ من هنا
(جى جى) فاكرة نفسها لوحدها اللى حتجيب لبيبو هدية لكن فى حد تانى النهاردة برده جايب بهدية لبيبو, يا عينى عليكى يا (جى جى ).
المهم..
طلعت جى جى من المول جرى على الكوافير عشان معادها مع مسيو ( سونة ) اللى حيضربلها شعرها فى الخلاط ..

اقتباس:ذهاب المرأة إلى رجل أجنبي ليزينها، فهو حرام قطعا، لأن غير الزوج والمحرم لا يجوز له أن يمس امرأة مسلمة ولا جسدها، ولا يجوز لها أن تمكنه من ذلك.
وفي الحديث: "لأن يطعن في رأس أحدكم بمخيط من حديد خير له من يمس امرأة لا تحل له" والمخيط: آلة الخياطة كالإبرة والمسلة ونحوهما.. رواه الطبراني، ورجاله ثقات، رجال الصحيح -كما قال المنذري- ورواه البيهقي أيضا.
وكثيرا ما يحدث أن تبقى المرأة وحدها في محل "الكوافير" فترتكب حراما آخر، وهو الخلوة بأجنبي. وما أدى إلى هذا كله إلا الشرود عن نهج الفطرة والاستقامة والاعتدال الذي هو منهج الإسلام، وحسب المسلمة الحريصة على دينها وإرضاء ربها أن تتجمل في بيتها

نانا: حتعملى ايه بقى السنة دى .
جى جى : ناوية على نيو لوك تحفة, حعمل هايليتس أحمر .

وبعد الكوافير روحت البيت وطبعا الهدية زى كل سنة سيباها مع صحبتها دودى عشان الرقابة.
روحت البيت وأول فرصة سانحة والجو خالى من الإزعاج إتصال رومانسى مع( بيبو).

بيبو: حبيبتى هابى فلانتين .
جى جى : هابى فلانتين يا حبيبي ,حتودينى فين بقى بكرة .
بيبو : زى متحبى اختارى انتى يا كتكوتى.

وبعد مكالمة عاطفية طويلة اتفقوا على المكان وخلاص وطبعا الحياة بقى لونها أحمر,, وفى اليوم التالى قبل الموعد ....

مودى: ايه التظبيط ده يا مان حلو الجل الجديد ده سبايكى على الآخر.
بيبو : البنطلون متسقط كويس؟؟
مودى : متسقط يا مان.
بيبو: طب كدة تمام.

وفى الموعد قعدوا قعدة شاعرية جدااااااااااا ( حاجة تنقط وتقهر ) وتبادلوا الهدايا
وهنا بدأت المشكلة فى عز الرومانسية والحب و.....
يا خبر حد جاى يجرى مسك (بيبو) متلبس مع (جى جى ) ومعاه هدية
وبالعافية اداها لبيبو,
بيبو بيفرفس مش عارف يعمل ايه ومجبر على استلام الهدية مفيش مفر , مين ده يا ترى اللى اداه الهدية حاجة غريبة ؟

والأغرب من كدة إن الهدية مش زى هدايا الفلانتين .. مفيهاش قلوب... ولا ورود... ولا حتى لونها أحمر... دى ...دى لونها أبيض..

جى جى : مالك يا بيبو وشك مخطوف ليه أنت تعبان؟؟
بيبو...يا بيبو....

غريبة دى جى جى مش شايفة حاجة .....لكن بيبو شايف حجات كتيييير..شريط ذكريات بيمر أدامه..صورة صاحبه اللى مات وهو فى عربيته رايح شارم...وصحبته اللى ماتت وهى فى النايت كلاب...وصاحبه اللى مات واتدفن من غير ميتغسل عشان مات بفضيحة وأهله خافوا من كلام الناس ..و..و..
ومات بيبو وهو ماسك ايد حبيبته..
طبعا ممكن واحدة بسكوتة تقولى يااااه عالرومنسية ..لكن جى جى كان ليها رأى تانى..

جى جى : بيبو...ايدك سقعت ليه...بيبو فى ايه ...أنت ..أنت..لااااااااااااااا.

جريت جى جى وقلبها مرعوب مش عارفة تعمل ايه...سابيته وجرييت وهى بتبكى مش حاسة بالدنيا اللى حوليها مش سمعة غير صوت خطواتها وبس مش شايفة حد غير صورة إيدها اللى مات وهو ماسكها...
جريت لكن ندمانة على كل اللى فات ..وشافت فى موته حياة ليها ....
شافت رسالة وعرفت تقراها وتفهمها صح.
جى جى : يارب سامحنى.. يارب ليه نسيتك ..ليه يارب ..لو كنت مكانه كنت حعمل ايه.. كنت ممكن اكون أنا كنت حقولك ايه ...يارب أنا رجعت سامحنى ..يارب اقبلنى... يارب.

ويا ترى هو حيقول ايه...

أيوة (بيبو) فرقع (جى جى),, لا هى اللى فرقعته .. وانتهت حكايتنا ..
بس نفسى تنتهى حكاية كل بيبو وجى جى للأبد....




فاصل ونواصل
ابقوا معنا
.
.

[حيائي في نقابي]

ومع الفاصل الرومانسي
ثم نعود لحوارات الحبّيبة


بحبك مش هقول تانى
خلاص زهقت منك
مافيش جديد معاكى
قررت ابعد عنك
اصحابى قالوا عنك
لما جيت اقول ياجواز
مش هى دى بتاعتك
مش دى اللى تصونك
فى قربك او فى بعدك
مش دى اللى تحفظ عرضك
مش هى دى اللى تدافع عنك
دى همها المظاهر
هتنشغل بالمشاغل
باالبس والمسائل
وحوار مع حد غيرك
مش هى دى بتاعتك
فى واحده تانية هناك
قالولى عنها كلام
هى دى ياسلام
ايوه بتاعة الاسلام
ملتزمة وأدبها عالى
بنت مش زى البنات
جميلة اوى بالحجاب
مش بالشكل ده بالاخلاق
هى دى اللى تناسبك
هى دى اللى ولادها يشيلوا اسمك
هى دى اللى تصونك
عارف ليه مش راح تخونك
وعمرها راح يبقى ليك
علشان بيقول رسولك
اظفروا بذات الدين


تابعونا ..
هذه تسالي قاعدتنا

[حيائي في نقابي]

يلا نكمل حوارات الحبّبية
ومع الحوار الثاني :
"شلة حب" تيجي تحب في عيد الحب؟!


تعريف بالشلة :
هم شلة جامعة مكونة من :
بنات وشباب
البنات : فوفو وسوسو وشيري

والشباب : هيما وابوحميد وموري

شيري انتيمة ابو حميد

معلومات هامة :
شيري انتيمة ابوحميد
سوسو انتيمة هيما
فوفو انتيمها في جامعة تانية
موري بقاله فترة مختفي من الشلة



الشلة دي مشتركة في اسرة من اسر الجامعات
فمسئولي الأسرة عاملين اجتماع هاااااااااااااام جدا وعااااااااااااااجل جدا وخطيييييييير جدااااااا لاعضاء الاسرة كلهم في يوم 1من فبراير
يا تري خيــــــــر ؟
في ايه ؟
ندوة دينية ؟! -----> لا
طيب ندوة ثقافية ؟! -----> لا
طيب اجتماع دراسي يفيد الطلبة ؟! ----> لا
طب الجامعة هتتهد علي دماغنا ؟! ----> بعد الشر يا شيخ
امال ايــــــــه ؟
الناس كلها عايزة تعرف في ايه ؟!
؟؟؟؟؟؟؟؟؟؟؟؟
هقولك يا سيدي
اجتماع التحضير لليوم العالمي
اليوم الأحمر
اليوم الوردي
اليوم الدبدوبي
اليوم اللي الدنيا كلها بتبقي لونها احمر فيه
اليوم اللي الدنيا بتبقي 2 :2:2 :2 ----> ايه دي معادلة رياضية ولا ايه ؟! لا يا استاذي دول ( الحَبّيبة جمع حبيب وحبيبة ) متصحصح معايا امال احنا هنام من اولها ؟
اليوم اللي الشيطان بيبقي مزئطط فيه اخر زئططة
وهو


عيـــــــد الحب
14 فبراير

فالشلة واقفة بتسمع
ودار الحوار الآتي :

سوسو : ههههههه اه صح اتصوروا الواحد كان ناسي اليوم الجميل دا
الاسرة دي روشة اوي بتفكرنا علطول بالمعاصي هههههه .
فيرد عليها هيما انتيمها المُقرب : كدة يا سوسو تنسي يوم زي دا امال حبنا لبعض دا ايه ؟
فترد فوفو : انا عن نفسي لسه البوي فيرند بتاعي مفكرني في التليفون واتفقنا هنتقابل فين يومها .
فشيري تقول : ايه يابوحميد ساكت ليه ؟ متقول حاجة يابني _ اصله انتيمها فلازم تهتم به _
ابو حميد : لا اصلي سرحت هجيبلك ايه يومها دانا لازم احوش بقي .
سوسو : طيب يا جماعة بجد هنتقابل فين يومها عايزين مكان شاعري كدة
هيما : هنفكر كدة ونقولكوا ع مكان محصلش يا حلوين ,

وكله يروح علي بيته يفكر في
اليوم الاحمر
والمكان الاحمر
والهدية الحمرا
وابوحميد مستواه المادي بسيط وعلي قد الحال اليومي ع عكس باقي الشلة وابوه رجل بيشقي عشان يجيب لقمة العيش
فيدوب معاه فلوس المواصلات والكتب بالعافية بس لازم يظهر واد جنتل قدام انتيمته شيري
فيدخل احد المحلات الحُمر اللي بدأت تحمّر قبلها بشهر _ استغلال الفرص بقي _ فيسأل صاحب المحل علي اقل دبدوب بكام ؟
بـ50 ج يا فندم
طبعا وشه جاب نص الوان الطيف , طيب اقل بوكيه ورد بكام ؟
عشان خاطرك انت بس بـ 40 ج
دا اقل واحد ؟؟؟
اه يا فندم
وشه جاب النص التاني من الوان الطيف ...
وزعلان ابوحميد ومش عارف يعمل ايه ؟ فيفتكر الجنتلة
ويطلب ابوحميد من ابوه مبلغ 50 ج ,
ابوه يسمع المبلغ كااااااااااااااام ؟ قصدك 50 قرش طيب ماشي هشوفلك ولو اني كنت نازل اجيب بيها عيش دلوقت .
ابوحميد واخر ضيق : 50 قرش ايه يا بابا وعيش ايه ؟ انا عايز 50 جنيــــــــــــــه
ابوه : ايه ؟ انت اتجننت يا واد دانا بوديك الجامعة دي بالعافية عشان اشوفك راجل قد الدنيا وتشتغل وتشيل عني شوية يا احمد انا تعبت وانت سندي بعد ربنا ,
احمد " ابوحميد ": اشمعنا احنا اللي فقرا علطول , اشمعنا كل اصحابي معاهم فلوس كتير وابوهم مهنيهم جدا واي حاجة بيطلبوها مُجابة اشمعنااااااااااااا؟
ابوه : انت ناقصك ايه ؟ منتا كل حاجة بتطلبها بموّت نفسي وبجبهالك قولي ايه ناقصك ! , متجلدنيش يابني حرام عليك ويدمع الاب .
احمد يمشي ويسيبه
_ هداك الله يا احمد _

ويأتي موعد تجمع الاسرة 1\2
وتتقابل الشلة ويدور الحوار الاتي :
سووسو : ايش اخباركوا فكرتوا ولا ايه في المكان والهدايا ؟
يرد هيما : بالنسبة للهدية متقليقش عاملك حتة مفاجأة بس خليها في اليوم الموعود 14\2 وبالنسبة للمكان لمّا انا بقي فكرتلكوا في حتة مكاااااان ! تحففففففففففة عشان نهيس يا سوسو .
سوسو تتكسف وتقول : ايه هو يا عبقري ؟
هيما : طبعا الجناين كلها والحدائق وقصر النيل وطبعا الجامعات بتبقي كومبليت كلها بالاتنيمات فانا بقي قلت نروح رحلة ع البحر , اينعم احنا في الشتا بس يا احساس حلو اوي البحر في عز السقعة وكمان هيبقي ف ناس قليلة فهنخد راحتنا ايه رأيكوا بقي ؟
شيري : ابوحميد ايه رأيك ؟ مالك يا بني في ايه ؟
ابو حميد عمال يفكر ف كلام ابوه له امبارح وغِني اصحابه ومحتار : انا انا كويس متشغليش بالك بيا يا شيري
فمين يجي ويقطع الحوار " موري "
ابوحميد كان بيحبه اوي فيخده بالاحضان : ايه يا عم الغيبة دي واحشني اوي فينك ؟
موري : ازيكم يا جماعة اخباركوا ايه ؟ طيب بعد إذنكوا يا بنات عايز الرجالة في كلمتين ممكن ؟
فترد شيري وفوفو في نفَس واحد : ايه دا مش تسلّم الاول ؟
موري : يا اخوات السلام حرام بين الجنسين .
البنات في منتهي الاستغراب : اخوات ! - حرام !- جنسين ! هو في ايه ؟ انت جرالك حاجة يا اخ هههههههههههه ؟.
هيما : ايه يا عم اسلوبك الجاف دا داحنا حتي داخلين ع عيد الحب !
موري : حب ايه بس ! يعني انتوا شايفين الحب مقطع بعضه بين الناس عشان تقولولي حب! دا للاسف الاخ دلوقت مش بيطيق اخوه وشوفوا علاقات أغلب الناس برا عاملة ازاي خناقات × شتايم ×خلافات ×قضايا ومحاكم × وقتل كمان , صح ؟
سوسو : والله عندك حق
موري _ ووجهه ملتفت ناحية الشباب مش البنات_:قال حب قال وبعدين يا جماعة احنا عندنا عيدين بس في الاسلام وهم عيد الفطر وعيد الأضحي صح ؟
ابوحميد : اه صح بس دا مش عيد بمعني الكلمة يا موري دا تفاريح بس .
موري : تفاريح !!! " وتحسبونه هيّنا وهو عند الله عظيم " يا جماعة انتوا عارفين اصلا مين اللي اخترع البتاع دا ؟
شيري : مين يا شيخ موري ؟
موري : واحد نصراني اسمه فالنتين ومش عايز اتكلم عن شخصية زي دي انما انا هجيبلكوا رأي الدين في حكم الاحتفال بالاعياد دي "

- سئل الشيخ ابن عثيمين رحمه الله ما نصه :
اقتباس:" انتشر في الآونة الأخيرة الاحتفال بعيد الحب خاصة بين الطالبات وهو عيد من أعياد النصارى ، ويكون الزي كاملا باللون الأحمر ، الملبس والحذاء ، ويتبادلن الزهور الحمراء ، نأمل من فضيلتكم بيان حكم الاحتفال بمثل هذا العيد ، وما توجيهكم للمسلمين في مثل هذه الأمور والله يحفظكم ويرعاكم ؟

اقتباس:

فأجاب : الاحتفال بعيد الحب لا يجوز لوجوه :

الأول : أنه عيد بدعي لا أساس له في الشريعة .

الثاني : أنه يدعو إلى العشق والغرام .

الثالث : أنه يدعو إلى اشتغال القلب بمثل هذه الأمور التافهة المخالفة لهدي السلف الصالح رضي الله عنهم .

فلا يحل أن يحدث في هذا اليوم شيء من شعائر العيد سواء كان في المآكل ، أو المشارب ، أو الملابس ، أو التهادي ، أو غير ذلك .

وعلى المسلم أن يكون عزيزا بدينه وأن لا يكون إمعة يتبع كل ناعق . أسأل الله تعالى أن يعيذ المسلمين من كل الفتن ما ظهر منها وما بطن ، وأن يتولانا بتوليه وتوفيقه " انتهى من "مجموع فتاوى الشيخ ابن عثيمين" (16/199).

اقتباس:و"قال شيخ الإسلام ابن تيمية رحمه الله : " الأعياد من جملة الشرع والمنهاج والمناسك التي قال الله سبحانه ( عنها ) : ( لكل جعلنا منكم شرعة ومنهاجا ) وقال : ( لكل أمة جعلنا منسكا هم ناسكوه ) كالقبلة والصلاة والصيام ، فلا فرق بين مشاركتهم في العيد ، وبين مشاركتهم في سائر المناهج ؛ فإن الموافقة في جميع العيد موافقة في الكفر ، والموافقة في بعض فروعه موافقة في بعض شعب الكفر ، بل الأعياد هي من أخص ما تتميز به الشرائع ، ومن أظهر ما لها من الشعائر ، فالموافقة فيها موافقة في أخص شرائع الكفر وأظهر شعائره ، ولا ريب أن الموافقة في هذا قد تنتهي إلى الكفر في الجملة .


وانا مش عايز اطول عليكوا بس صدقوني انا خايف عليكوا اوي .
هيما : يا عم الشيخ ايه الكلام الجامد دا احنا مش قده , انت مأفور الدنيا ليه كدة ؟!
ابو حميد : يااااه يا عمرو كُفر مرة واحدة !
شيري : لالالا مش ناقصين عقدك دي يا موري خلينا نفرح وننبسط .
سوسو : سبحان الله , اتصور يا موري كلامك دا كنت غايبة عنه خالص ولا عمر حد فكرني به , احكيلنا بقي ايه اللي غيرك كدة ؟
موري : انا اسف يا جماعة مش هقدر اتكلم معاكوا اكثر من كدة بس كل اللي هقدر اقدموا لكوا لانكوا اخواتي في الإسلام هي السلسلة دي :
رســـــائل إليكِ اختنا
طيب يا جماعة يلا بينا احنا _ هيما وابوحميد _ وياريت الاخوات يمسحوا نمرتي وينسوني خاااااااااااالص .

فتمشي سوسو وشيري وهما مستغربين جدااا ومعاهم السلسلة الدينية
ومش عارفين يعملوا ايه ؟

وعمرو " موري " يأخذ صحابه ع الكفتيريا ويعزمهم ع الفطار
هيما وابوحميد : ايه يا عم في ايه ؟ براحة شوية علي البنات اكيد زعلوا من طريقتك دي .
عمرو : انا خايف عليهم ومش عايزهم يضيعوا فلازم كنت اشد كدة .
هيما : تشد ؟! وخايف عليهم ؟ من ايه يا عم المُنقذ ؟
عمرو : هههههههه بتتريق يا عم هيما ماشي هفوتهالك عشان انت واحشني بس , بصوا البنات دول غلابة مش فاهمين ان بمشيهم معانا دا بيقللهم جدا من نظرنا احنا كرجالة وعمرنا مهنفكر فيهم كزوجات لنا وغير كدة طبعا حرام جدااا اننا نمشي معاهم بالله عليكوا مش صح ؟
هيما : ايه يا عم العُقَد دي احنا بنفرح وننبسط معاهم انت باين عليك عايز تترفمت وترجع موري بتاع زمان .
عمرو : ههههههه لا موري بتاع دا مش عايزه انا عايز موري المترفمت الجديد اللي نفسه ينقل فرمته لاصحابه اللي بيحبهم هيما وابوحميد .
هيما : لا يا عم انت شكلك فيرس خطير .
ابو حميد : هههههه والله انتو عثل اوي
عمرو : طيب اسألكوا سؤال : ايه رايك لو اختك دي اللي الشباب معاها وبيتمشوا وهايسين معاها برده هتوافق !؟
ابو حميد : اختي ! دانا اقطع رقبتها
هيما : اه عادي هوافق طالما بيحبوا بعض وناوين يتجوزوا بعد الكلية .
عمرو رداً علي ابو حميد : طيب اشمعنا بقي ترضي لباقي اخواتك في الاسلام ؟
ورداً علي هيما : يا عم هيما صدقني الحب قبل الجواز بيجيب مشاكل بشعة وانك بتفرغ كل طاقتك العاطفية قبل الجواز وبعد الجواز مش هتلاقيها واسأل المجربين وحالات الطلاق اللي كثرت جداا من بعد الجواز بكام شهر تلاقيهم اطلقوا بسبب انهم كانوا بيحبوا بعض حب غلط قبل الجواز , وبعدين اصلا انت ايش ضمنك ان دي نصيبك اللي ربنا كاتبهولك ؟؟! دا ياااما ناس حبوا بعض بالـ4 و5 سنين وبعدين كله فركش لان نصيبهم مش مع بعض , وبعدين خلي بالك لحاجة خطيرة جداا ان اللي بتعمله انت دلوقت مراتك المستقبلية بتعمله بالظبط يعني ماشي مع بنت , هي ماشية مع ولد , انت بتاع ربنا وماشي سليم , هي بتاعة ربنا وماشية سليم فخلي بالك اوي .
هيما والكلام خوفه واقتنع به بس حب يدخل هزار : احم احم طب لو انا مكتوبلي اني متجوزش خخخخخ .
عمرو : تبقي اختك يا خفيف هي اللي زيك , يجي في الهايفة ويصّدر فيها يارب ارحمني .

عمرو :

طمنوني بس يا جماعة انتوا اقتنعتوابكلامي وبحكم عيد الحب دا ولا انا بدن في مالطة؟


ابوحميد وهيما : : اه طبعا يا موري كلامك مقنع بالنسبة لعيد الحب دا نعوذ بالله من الكفر ومشاركة الكفار أعيادهم الكفرية , دا انت جيت نجدتنا يا بني داحنا كنا لسه بنحضر لليوم دا وناوين نوايا سودة , الحمد لله .
عمرو : مش انا يا هيما دا ربنا سبحانه بيحبكوا فبعث لكم رسالة في الوقت المناسب , طيب يارجالة نرجع لسؤال ابوحميد الطيب , بص يا احمد انت وهيما والله انا بحبكوا جداا ولولا حبي لكم مكنتش جيت النهاردة , انا بفضل الله التزمت واستنعت بالله وعاهدت ربنا اني هتوب من كل المعاصي واولها العلاقات المحرمة مع البنات لان دي بتفتح أبواب معاصي كتير جدا
زي : " بعد عن الله - رفقة الشيطان - ترك الصلاة بالتدريج - أغاني محرمة - البعد عن الأهل - الفشل الدراسي - .......ممكن توصل لكبائر الكبائر زنا او كفر بالله " والعياذ بالله

احمد ومتأثر جداا من كلام عمرو من اول ما جه : طيب انا نفسي اتوب لربنا اوي , انا حاسس اني وحش اوي وبعيد اوي من ربنا وان ربنا غضبان عليا اعمل ايه ؟

عمرو : بص يا احمد الاية الجميلة دي :

{أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ وَلا يَكُونُوا كَالَّذِينَ أُوتُوا الْكِتَابَ مِن قَبْلُ فَطَالَ عَلَيْهِمُ الأَمَدُ فَقَسَتْ قُلُوبُهُمْ وَكَثِيرٌ مِّنْهُمْ فَاسِقُونَ}
[الحديد: 16]

احمد : ما أجمل عتاب ربنا , يااا ربنا بيخاطبنا علي اننا من الذين ءامنوا رغم كل معاصينا دي !! سبحانه الرؤوف الرحيم تبنا إليك يارب .
عمرو : فلنعاهد ربنا من الآن
احمد قرر التوبة
اما هيما فما زال مهزوز
ويلاقي اتصال من شيري : ايه يابني انتوا خلصتوا الفيلم دا ولا لسه احنا واقفين عند الكافتيريا .
هيما بيبص لموري واحمد : اه طيب احنا جايينلكوا اهو .
احمد : جايين ايه يا عم لا خلاص نويت اقطع العلاقة دي إن شاء الله .
وهم ماشيين لاقوا البنات في وشهم
فموري قال لاحمد ف ودنه تعالي نسحب احنا ونروح نصلي الظهر
فاحمد يقولهم احنا رايحين نصلي الظهر سلام
شيري تنادي ع احمد : احمد في ايه انت بقيت مع موري ولا ايه وهتسيبني ؟
هيما يتحرج منهم : ايه العالم الندلة دي متخدوني معاكوا
سوسو : انتوا اتجننتوا باين عليكوا موري دا جه جننكوا خالص
هيما : طيب بصوا تعالوا كلنا نروح نصلي ونتقابل بعدها .
سوسو وشيري : لا احنا ماشين خلاص بااي .
هيما : يا بنات استنوا بس عشان خاطري احنا هنجيلكوا تاني .
والصلاة تخلص
هيما يقول لاحمد وموري : وبعدين في البنات صعبانين عليا اوي انا رايحلهم
فموري واحمد يظبطوا حوار كدة مع بعض , ويروحوا كلهم للبنات
فاحمد بدأ يكلم موري بصوت عالي : تعرف يا موري البنات دول غلابة اوي
فترد شيري باستنكار : غلابة ! ازاي يعني ؟؟
هيما يغمز لاحمد : ايه يا عم متسكت احسن
سوسو : هو في ايه بالظبط انتوا النهاردة حاجة بشعة !
موري باصص في الارض : هسألكم سؤال وتجاوبوني عليه بصراحة يا رجالة ؟ ايه نظرة الولد في البنت اللي بتمشي معاه ؟
احمد : انا اسف في الكلام اللي هقوله بس هي دي الحقيقة , نظرة الولد انها بنت مش محترمة وانه لا يمكن يفكر يتجوزها بعد كدة , لانها لو كانت اخته مكانش يسمحلها بكدة ابداااا .
شيري مصدومة والدمعة في عينيها : ايــــه ؟ هو دا رأيك يا احمد ؟ وهات يا عياط .
سوسو تتنرفز من الحوار دا كله وتشد شيري وتمشي بها بسررعة

ويدور الحوار بين سوسو وشيري :
شيري بعياط : شوفتي يا سوسو رايهم فينا ؟ انا مش قادرة اصدق اللي سمعته
سوسو : بس اتصوري يا شيري فعلا انا سمعت كدة قبل كدة وانا نفسي بحس وانا مع هيما او غيره بحس اني رخيصة اوي وان في حاجة غلط وان ضميري بيأنبني دايما بس انا اللي كنت بخرصه , للاسف يا شيري احنا السبب مش هم لان البنت هي الحاكمة ترخص نفسها او تعلي قيمتها وسمعتها , شيري احنا لازم نقطع علاقتنا بيهم .

احمد : طار جرررررري علي رجل أبوه يقبلها ويطلب منه السماح والرضا : سامحني يا ابويا انا هذاكر وهشتغل وارفع راسك واشيل عنك .


هيما : معاهم حق لازم امشي صح عشان زوجتي واختي يمشوا صح ولازم اذاكر كويس واشتغل عشان اقدر افتح بيت واتجوز واعف نفسي .


شيرين " شيري" وفاطمة " فوفو " وسندس" سوسو " دخلن السلسلة التي اعطاها لهن عمرو وقلن : سامحنا يارب علي تهاونا وتقصيرنا وتجرأنا عليك وفتنة عبادك وإضلالهم سامحنا ياااااارب .

عمرو: سعيد جدا بهداية شلته الحمد لله الحمد لله يارب ثبتنا يارب .

وختاماً إليكم هذا الفلاش



وإليكم ملف شامل عن عيد الحب

[حيائي في نقابي]

ايه زهئتوا ولا ايه ؟؟

اعتقد وازعم واتخيل واتصور ان الكلام في
Love
مش بيزهق خالص نهائي اطلاقا
عامة عندنا فاصل رائع

ومع هذا الفاصل الخطير

اعتراف في يوم خطير...~بحبـِــــــك ~


بحبـِـــك من زمان ومن بعيد


بحبِك من أول مرة شفتِك


من أول مرة ..تحرك قلبي نحوِك


بس معرفتش آجي وابوح بحبِك



حاولت مرة واتنين..


ورتبت ف دماغي كلام كتير


وتخيلت لو مرة كلمتِك


وقلت اللي ف نفسي اقولهولك


....


...


..



أعتذر لو قاطعتك ياللي بتقري الكلام ده


بس عايزة أعرف فكرتي بالكلمات دي؟


وبسألك عرفتي مين اللي بيقول لمين؟


يمكن تقولي عاشق بيعترف لأول مرة بحبه لحبيبته


لو كده ..يبقى سامحيني ..المرة دي انتي غلطانة





خليني أقولك القصة.ده بقى كلام وجهته هاجر لـ فاطمة..



- هاجر ؟ فاطمة ؟ مين دول؟



طيب متصلي على حبيبك الأول؟


صلى الله عليه وسلم


هاجر و فاطمة منذ ذلك اليوم وإلى الان


يعيشان أسعد اللحظات


ويتبادلان اطيب الكلمات



هاجر كانت بتشوف فاطمة ف الجامعة


وشافتها مرة في حفل اقامته أحدى صاحباتها بمناسبة عقد قرانها


هاجر ..كل متشوف فاطمة..تشعر براحة غريبة


وتتمنى لو تكلمها..


بس كانت بتخجل ..لأنها مكانتش تعرف تبدي منين


هاجر..أحبت فاطمة لبريق نور في وجهها


وجاء ذلك اليوم ..


اليوم اللي فيه تشجعت هاجر للبوح بمشاعر لم تعرف حقيقتها



عارفة اليوم ده كان ايه؟


لا لا لا ..اوعى يروح فكرك لبعيد


اليوم ده مكنش 14 فبراير


ومكنش اللقاء في محل للورود الحمراء والدببة البيضاء



لااااا


الوقت كان احدى ليالي رمضان


والمكان كان احدى المساجد


ونشأت من ذلك اليوم ..علاقة ربطت الفتاتين


علاقة حب..


صافية نقية طاهرة


حــــــــــــــب في الله


وما أحلاه من حب !!




يا فتاة نسبت للاسلام ..


لم تبحثين عن لؤلؤة مزيفة ..وعندك محار من اعماق البحار؟


فالحب في الله ..لؤلؤة غاليــــة وجوهرة ثمينة


والحب المزعوم ..سراب خادع , و وهم كاذب


فلماذا نبيع الغالي بالرخيص؟؟



لقد بقي لذلك اليوم ذكرى في القلب


فقد كان يوم اعلان الحب


واستمرت هاجر و فاطمة يحتفلان بحبهما كل يوم


وتهدي احداهن للأخرى دعوة بظهر الغيب كل يوم



أختـــــــــــــــــاه


لماذا نضحي بحب يدوم..


لأجل حب يحتفل به في يوم!!



wait me
There will be prizes in the coming posts if ALLAH willing

[حيائي في نقابي]

نتابع الحوارات الشبابية
ومع الحوار الثالث :

(اشتريت القلب الاحمر♥ياميدوit`s valantin)


تيمو:(جبت القلب ولا لسه ده الفالنتين..عيد الحب ..اه ياقلبى..
,قولى بئه هتهديه لمين,مين سعيدة الحظ,قول ياعم سرك فى بير,
ميدو:هههه لاياعم انت بير مخروم,
تيمو:ليه بس كده مافيش حد معانا ولا شايفنا غير ربنا اللى بحلفلك بيه انى مش هقول لحد,
ميدو:ايه ده انتى بتقول محدش شايفنا ولا سمعنا غير ربنا الجملة حركت جوايا حاجة غريبة ,
تيمو:ياعم سيبك من الكلام الكبير ده وقولى علشان اقولك انا كمان مين جابلى هدية,
ميدو:استنى بجد الجمله دى فيها حاجه انا مش عارف ايه اللى جرالى لما سمعتها..يعنى دلوقتى ربنا معانا,
تيمو:طيب ماهو ربنا معانا على طول من زمان من ساعة ماتولدنا ايه الجديد,
ميدو:ايه ؟انت بتقول ايه يعنى ربنا كان معايا وانا بقول للبنت(...) انا بحبك,
تيمو:وايه يعنى ياعم عادى
ميدو:,لأ مش عادى
تيمو:,أزاى؟مش فاهم
ميدو:مش عارف ليه انا افتكرت حديث كنا خدناه واحنا صغيرين فى المدرسه فيما معناه انه لايؤمن احدكم حتى اكون احب اليه من نفسه..
تيمو : اه ماشى وبعدين؟ايه يعنى اللى فيه الحديث
ميدو : ايه اللى فيه ؟ فيه كتير فيه انى بحب البنت دى اكتر من نفسى بدل مااحب الرسول..تقدر تقولى البنت اللى انا بحبها فادت الدنيا بإيه؟
تيمو:يعنى ايه؟ايه الكلام الكبير ده
ميدو:اقصد الرسول صلى الله عليه وسلم معلم الناس الخير هو اللى علمنا كل حاجه حلوه فى حياتنا ودخل معارك كتير اوى وضحى بنفسه والصحابه علشان يوصلوا لينا الاسلام ويعلمونا التعاليم...انما البنت دى كل اللى بتعمله وكل اهتمامها فى الحياه اللبس والمكياج ولفة الطرحه والموضه
تيمو:..ايه ياعم ماتكبرهاش ده لولاهم القعده كانت هتبقى ممله والوقت كئيب
.ميدو:.يعنى البنات بالنسبالك تسليه زى اللب صح..طيب لو دخلت فى حوارات الجواز والذى منه
تيمو:..هتلاقينى راكب اول طيارة طناش..جواز مين ياعم ومين دى اللى انا ابصلها دى اخرها كام يوم وبعدين هلاقى غيرها لحد اما ايام الجامعه تخلص وبعدين ندور بئه على بنت الحلال...نسيتنى مش انا من فتره اتصاحبت على بنت من الفيس بوك بس ايه..تصدق فيها شبه منك لما شوفتها على الكاميرا..
ميدو:..فين دى ياعم؟وريهانى
تيمو:اهيه ايه رايك فى زوقى؟
..وهنا كاااااانت المصيبه البنت طلعت اخته
ميدو: ايه ده؟ نهارك ابيض دى اختى..
تيمو:اختك مين ياعم هو انا علشان قولتلك انك شبهها تبقى خلاص اختك..
ميدو:انا مابهزرش دى اختى ياعم هات الموبايل ده واحذف الصور...
تيمو:خلاص ياميدو ما تزعلش ما انت برضه بتعرف بنات وكده...
كما تدين تدان ولو بعد حين..

(ليه نزعل ربنا مننا بحبنا لغيره ونتبع اهواءنا وكل اللى نفسنا فيه بنعمله..ليه نلعب ببنات الناس ..وليه نسمح للناس تلعب باخواتنا..هى دى الرجولة ؟ الرجولة يعنى اخلاق وادب واحترام وشهامه وغيره على العِرض..
استرجل شويه وبلاش تتذل لاى واحده علشان تكلمها وبلا تزيد الطينه بله وتقولها بحبك انت بكده مسحت اخر صفه من صفات الرجوله يعنى..خلاص مبروك حضرتك بقيت زيها مفيش فرق كبير بينك وبينها غير فى المظهر ده لو ماكانتش هى التانيه مسترجله...
ماتذلش نفسك لواحده ماتستاهلش..وانتى ماترخصيش نفسك لواحد مايسواش...قدروا نفسكوا صح ياشباب ووجهوا طاقتكم لحب الله وحب الاب والام يعنى لو كلمة بحبك قلتها لمامتك او باباك الصبح ده مش هيبقى فى الدنيا دى سعيد زيك برضا امه وابوه وبدعواتهم...
اعلنها دلوقتى واسترجل..
لا للصحوبية

[حيائي في نقابي]

انشودة اكثر من روعة

مادروا إن الحب دوم خلو الحب الناس يوم

الحب في الله الرحيم فيه المحبة هي تدوم

الحب ما هو بس وعود ماهو هدايا أو ورود

الحب كلمة صادقة ترضي بها رب ودود

الحب ما هو بس هيام ماهو ملام أو غرام

الحب جنة بالحلال ونار لهيبة بالحرام



حب الأهل والوالدين حق على العاشق ودين

يرخص لهم كل الغلا وندعي لهم ونرفع يدين



حب الصحابة والرسول تجعلك قادر عالوصول

من غير حب واتباع لا لا تفكر بالقبول



انتظروا الحوار القادم