سامحنى يا ابنى ضيعت مستقبلك أمك فاشلة

[مع الله]

 

السلام عليكم ورحمة الله وبركاته


نقلت لكم تجربة هذه الأم للعبرة والعظة




اسمحولى افضفض معاكوا شويه .ايوة يا جماعه انا ام فاشله انا متزوجه من 5 سنين وعندى ولد تبارك الله فيما خلق ربنا يحميه يارب وعندى كمان بنت عندها سنه المهم اتجوزت بعد قصه حب طويله خلال المده دى مكنتش بشوف عيوب جوزى بغمض عينى عنها المهم من وقت الجواز واحنا فى صدام على طول الخط ولاسباب تفهه والله المهم ابنى حبيبى اول ما ربنا رزقنى به وحياتى اتغيرت خالص بحبه حب غير طبيعى نفسى اشيله من على الارض علشان ميتعبش رجليه وهو ماشى وللاسف حبى الشديد له ضيعه اولا فشلت انى ارضعه طبيعى هو رفض يرضع منى وغلبنى لمده شهر ولما ابتدى ياخد اللبن الصناعى انا استسهلت الموضوع واتربى على الصناعى .كان كل همى انو واكل ولابس نضيف وساكت مش بيعيط كنت بسيبه قدام التليفزيون وانا بئى بنضف الشقه يعيط اجرى اعمله الرضعه وارجع احطه تانى مكانه مكنتش بكلمه ولا الاغيه ولا اخلى حد يشيله ولا يلاعبه لو نروح حد حد افضل شيلاه ومحدش يخده منى لدرجه ان فى ناس كتيره كانت بتزعل منى بسبب الموضوع دا وابتدى يمصفى صباعه الابهام وانا فرحت قوى وكنت فاكره انو بيلعب ولاسف لحد الان مش عارفه امنعوا عن العاده دى واثرت شويه على فكه العلوى. حد يجيبله شيبسى او اعصير او اى حاجه اقول لالا علشان المواد الحافظه بالعافيه لما اقنعونى انو ياكل توينكيز . مع انى والله مش حرماه من حاجه المهم برضه اكل البيت كنت باكله حاجات معينه واقول علشان متبقاش تقيله على معدته المهم استمريت فى تدمير وابنى وانا فاكره انى بحافظ عليه لحد ما بئى عمره سنتين وكان وقتها بدلنا اللبن الصناعى باللبن الحليب وكان اكتر تركيزه على الرضاعه فقلت امنع عنه الرضاعه علشان ياكل وللاسف كره اللبن نهائياوبياكل بس حاجات معينه . قالولى نزليه حضانه اقولهم ايه ابدا دى كلها امراض وقرف بئى وللاسف عمره دلوقتى 5 سنين الا شهرين ولسه مبيتكلمش بس بيفهم كويس وعايش حياته بس من غير كلام روحنا لدكتور محمد بركه قال لازم ينزل حضانه وكلميه كتير انتى اللى قصرتى عليه ووقتها صحيت من الغيبوبه بصيت فى شريط حياه ابنى لقتنى ضيعته لا والاهم بئى بقيت بطلع حزنى عليه نزل الحضانه بيعيط ماهو مش متعود اقوله لا هتروح واضرب. خد دى كلها يا حبيبى مش عاوز ويعيط لا هتاكلها واضرب .متحطتش صباعك فى فمك يحط اتنرفز عليه واضرب. عاوز يصحى من النوميتفرج على التليفزيون زى ما اتعود اقوله لا مفيش تلفزيون يعيط اروح ضرباه لحد ما الولد بئى بيبوصلى نظرات غريبه اول مره اشوفها فى عنيه عاوز يقول انتى بئيتى بتعملى معايا كده ليه بئى بيخاف منى بعد ما كان متعلق بيا با بيقرب لباباه اكتر من الاول علشان ابوه عمره ما ضربه وفى نفس الوقت بيعرف يفاهم معاه اكتر منى ساعات بقعد اخليه يحاول يقراء واضرب فيه وهو بيبى مرعوب منى ولما افوق اخده فى حضنى يعيط وانا اعيط واقوله معلش يابنى حظك كده نصيبك انى ابئى امك وهو لما يلاقينى اعيط يفضل يحضنى ويبوس فيا ويقولى ماما ماما ويبص فى عينى ويضحك علشان انا كمان اضحك . بحاول دلوقتى اصلح الغلط واجمد قلبى ادعولى ربنا يوفقنى ودلوقتى اخته اللى عنده سنه بتحاول تتكلم وهو ياحبيبى بتعلم منها بدل ماهى اللى تتعلم منه دى غير بئى الكلام اللى بخده من جوزى علشان خاطر الولد بس انا استاهل اكتر من كده علشان انا فاشله. قلبى بيتقطع عليه بحس احيانا والله ان قلبى بيعيط مش عنيا انا خلاص مبقاش عندى دموع دموعى خلصت لما بشوف الاطفال اللى فى سنه بحس انو عنده لسه سنتين زى الدكتور ما قالى. انا قولت اكتبلكم حكايه ملاكى علشان كل ام بتخاف زياده عن اللزوم على ولادها وخصوصا الصبيان تعرف انها بدمر حياته مش بتخاف عليه وارجو من كل صديقه تدخل تدعى لحبيبى ربنا يفك لسانه امين يارب وبلاش الكارتون يا جماعه دا مصيبه لوحده وخصوصا توم وجيرى وشكرا على سعه صدركم ليا

[ام رفيدة]

الله المستعان اللهم يارب العالمين يشفيه ويفك عقدة لسانه يا حي قيوم

[نور الدرب]

الله يشفييه

[بنت خديجة]

الله المستعان اللهم يارب العالمين يشفيه ويفك عقدة لسانه يا حي قيوم

[ام الفرسان السلفية]

ربنا يعافيه ويشفيه من كل سوء ويبارك لك قيهم ويجعلهم قرة عينك اللهم اميييييييييييييييييييييييييييييييييييين