تشيز كيك

[نور الاسلام]

 

اليوم دعينى اختى الحبيبه اقدم لك طريقة تشيز كيك واتمنى ان تعجبك ....نفعنا الله واياكى




المقادير ...

كاس ونص بسكوت مطحون ويفضل داي جستف
2 ملعقه كبيره سكر
5ملاعق زبده كبيره
2علبة جبن فلاديفيا
كاس سكر
ملعقه صغيره فانيلا
3علب سور كريم
3بيضات
كاس وثلث حبات كاكاو هيرشي بطعم الدارسين
انا اخذت حبات الكاكاو الهيرشي وخلط معه ملعقة دارسين صغيره

الطريقه...

نخلط البسكوت مع الزبده وملعقتين السكر ونضغطه في الصينيه
ونرفعه علي جوانب الصينيه وندخله الفرن 8 دقائق
ونخلط الجبن مع السكر والسور كريم والبيض والفانيلا لمدة 5 دقائق
ثم نضع نص الخليط علي البسكوت ونضع عليع كاس من حبات الكاكاو الهيرشي الي بطعم الدارسين واذا مالقيتها حطي ملعقه صغيره منالدارسين مع ا لكاكاو ونحط عليه باقي الخليط وندخله الفرن لمدة تقريبا 45 دقيقه وخليه تبرد في حرارة الغرفه لما تذوبين ثلث الكاكاو الي الباقي مع ملعقة زبده وتزينين فيها الشيز كيك بطعم الدارسين وندخاها الثلاجه حتي تبرد.....


منقول...... طبعا احنا نشتغل بالانواع المتوفره فى السوق المصرى ....وما نقولش لا..الصنف ده موش موجود ..كل شىء محتاج لابداعك واضافاتك الخاصه

[بسمة أمل]

ما شاء الله

جزاكِ الله خيرا

[نور الاسلام]

جزانى واياكم والمسلمين ...على فكرة اسمك جميل يا بسمة امل ...وربنا يجعل ايام المسلمين سرور وافراح

[طالبة العفو والغفران]

جزاك الله خيرا

[نور الاسلام]

اسال الله العظيم ان يغفر لك ويعفو عنك.... ولنا مثله اللهم امين

[طالبة العفو والغفران]

بارك الله فيك اختي

[إشراقة نفس]

السلام عليكم و رحمة الله و بركاته
جزاك الله خيراً على هذة الوصفة و بمناسبة الأصناف اللى متوفرة فى مصر
جربت من فترة قصيرة طريقة تشيز كيك سهلة و غير مكلفة خاااالص
المقادير
2 باكو بسكوت جولى موجود فى أى سوبر ماركت
5 ملاعق سمنة سايحة
نصف كوب سكر عادى
كوب زبادى (200 مل)
2 علبة جبنة بريما cream cheese
2 بيضة كبيرة أو 3 صغيرين و فانيليا طبعاً
2\1 ملعقة صغيرة نشا
الطريقة :
أولاً لازم تكون كلللل المكونات بدرجة حرارة المطبخ
ثانياً
نضرب البسكوت فى الكبة لحد ما ينعم خااالص و بعدين نحط علية السمنه و نشوف ملمسة يكون زى الرمل بيلزق فى بعضة
نضعه فى صينية مقاس 24 سم مايزيدش عن كدة و ممكن 22 سم بردو عشان يكون ارتفاعها كويس
نحط الصينية بعد ما حطينا البسكوت فى الجوانب فى الفرن زى الوصفة اللى فوق بالضبط
و بعدين نيجى للخليط :
نضرب الكريم تشيز شوية
فى إناء آخر نحط السكر و النشا و الزبادى و نخلطهم
نحط الخليط على الكريمة و نضربهم
و بعدين نحط البيض و الفانيليا و نضرب ضربة خفيفة
أهم حاجة فى الوصفة ان الخليط مايكونش فيه هواء خالص عشان تكون مكبوسة
نضع الخليط فوق البسكوت و نحط الصينية فى حمام مائى لمدة نصف ساعة ممكن يزيد شوية
نختبر سواها اننا نلاقيها جمدت لما نهزها فى حمام الماية و ممكن الحته اللى فى النص تكون لسه حاجة بسيطة خالص
نطفى الفرن و نسيبها خمس دقايق عشان تكمل بباقى الحرارة و نضمن تماماً انها استوت
نطلعها تبرد خالص
و نحطها فى التلاجة لحد ما تبرد و تكون ساقعه و الأفضل انها بعد يوم كامل
و ممكن على وجهها نحط شيكولاتة سايحة او مربى أى نوع
و بالهنا و الشفا

[نور الاسلام]

هو ده الابداع المصرى الذى اتحدث عنه ...والله طريقه جميله جدا وسهله وكل مكوناتها متوفره ما شاء الله ..بارك الله فيكى

[إشراقة نفس]

و فيكِ