البنات والولاد اللي خلصوا امتحانات يدخلوا هنا بسرعة

[أم سمية الأثرية]

 

أطفالنا الحلوين

الحمد لله الإمتحانات خلصت

وأكيد كلنا فاضيين دلوقتى وعندنا وقت فراغ كبير جداً

ايه رأيكم نستغله في حاجة مفيدة


















ايه رأيكم نحفظ قرآن

وأحاديث

ونلعب ونرسم ونلون

وكمان نطلع رحلات



يلا بسرعة البنوته اللى تحب تشترك معانا


والولد اللي يحب يشترك معانا


يقول لوالده أو والدته تحجز له في مسجد عمر بن الخطاب بمساكن العبور... بالمنصورة


المسجد عامل دورة لتحفيظ القرآن

من سن حضانة وحتى الجامعة

يلا بسرعة اشتركوا عشان تاخدوا أجر حفظ القرآن

وكمان في ألعاب وقصص جميلة

وفي نهاية الأجارة هيتعمل حفلة جميلة أوي للمتميزين في الحفظ
وهدايا ولعب كتير أوي












يلا بسرعة احجزوا في المسجد

قيمة الإستمارة 20 جنية فقط


في انتظار أطفالنا الحلوين

[*جويرية*]

اللهمَّ بارك..بارك يارب بارك

فين أشبال المنتدي..هيا يا أشبال الحور

[رحمتك يارب]

ماشاء الله
اين انتم يا اشيال الاسلام
منتظرينكم

[أم سمية الأثرية]

جزاكما الله خيراً يا حبيبات
فين أطفالنا الحلوين ؟؟؟
مين يحب يفوز معانا بهدايا وجوائز جميلة أوى ؟؟

[(ايمان)]

جزاكى الله خيرا يا خالتو
انا خلصت امتحاناتى من اسبوعين تقريبا
ونفسى اشترك معكم بس انا من بنها

كيف اشترك معكم؟

[أم سمية الأثرية]

حبيبتي إيمان أهلاً بيكِ يا حبيبتي في منتداكِ وبين أخواتك
والحمد لله إن الإمتحانات خلصت بسلام
حبيبتي هذه الدورة في مسجد بالمنصورة ولا أعرف مسجد ببنها للتحفيظ
لكن هسأل وإن شاء الله هرد عليكِ
وانتِ يا حبيبتي قولي لبابا او لماما انك عايزة تحفظي قرآن وانهم يدوروا على مسجد قريب من البيت تشتركي فيه

وطمنيني عليكِ دايما يا ايمان :)