أختى نور الإسلام جزاك الله خيرا على القصة الرائعة التى انتظر معرفة نهايتها بفارغ الصبر
أما بالنسبة للتجربة الشخصية فلى تجربة منذ سنة كالتالى:
كانت آخر سنة لى بالجامعة علما بأنى والحمد لله لم اكن أختلط بالشباب وما إلى ذلك وكنت أرتدى الملحفة وأدعو الله ان ييسر لى النقاب ووقتها تقدم لى شاب كانت تظهر عليه سمات الصلاح وبالفعل تمت الخطبة ولكن بعدها...أخذت الأمور فى التغير شيئا فشيئا فقد حلق لحيته واتضح أنه يسمع الأغانى بل قد يضيع الفرض.....وأشياء لم اكن اتصورها ابدا فقد كان كل من حولنا يشكر فيه وفى اخلاقه"قصائد شعر فيه" وللأسف وقتها كنت قد نعلق قلبى به بشدة وخلعت الملحفة وبقيت اسمع أغانى....
وبعد فترة وفى أحد الأيام كنت جالسة فى البلكونة ليلا ووجدت نفسى أقول: هو فلان أحب عندى من الله عز وجل!!!!
أنا إيه ألى مشانى فى الطريق ده مش طريقى
انا عايزة أبقا مميزة عند ربنا...طيب هتجوز فلان طب وبعدين هكسب إيه يعنى مجرد لقب متزوجة وأسيب قلق فكرة عدم الزواج....وفلان مش هيدافع عنى أمام الله...وكمان الحب الحقيقي هو حب الله عز وجل و لو ربنا غضبان عليه فلان ده مش هيفضل يحبنى بل بالعكس ممكن ربنا يجعله عقاب ليه فالدنيا أعمل إيه يارب انجدنى من شر نفسى وشر الشيطان والدنيا
وفجاة شعرت وكان الله ينظر إلى لدرجة انى بكيت وشعرت بقشعريرة فى جسمى انتفضت منها وخشوع غريب وقلت بصوت اختلط به الإحساس بالرهبة والخجل من الله :أنا عيزاك يارب عايزة طريقك انا بحبك أنت ومش هسيبك متسبنيش ولو فلان ده هيبعدنى عنك أبعدنى عنه وكرهنى فيه...
كانت لحظة صدق مع الله جعلتنى ابكى لساعات وكانى خرجت من الدنيا وبعدها اغلقت تليفونى المحمول ومسحت كل الصور بتاعته وكل الأغانى وشعرت بنفور حتى من ان اسمع صوت هذا الشخص واحضرت الملحفة من دولابى وكأنى مكسوفة منها وتركت كل الملابس الضيقة ألى اشترتها وخلعت الدبلة من إيدى وأنا أشعر أن قلبى يتمزق....وحاول وقتها يكلمنى ويجيلى الكلية فقد كنت وقتها فى امتحانات آخر العام كنت بخلص الأمتحان وبجرى أروح على البيت عشان مشفهوش ومايلحقنيش وبقيت أقول بس انت ترضا يارب
وانفصلت عنه وهو حتى الآن يريد الرجوع إلى لكنى اخترت رضا الله
ومريت بأوقات صعبة كنت اجلس ابكى من خجلى من الله أنى اشركت احد معه فى المحبة لدرجة انى كنت اشعر وكأنى اعتصر من داخلى وكنت اجلس ليلا اناجى حبيبي"الله"عز وجل وأقوله سمحنى واغفرلى وارضا عنى أنا ماليش غيرك
والحمد لله بعد 3 شهور
من الله عليا بالنقاب وحفظت 20جزء واصبحت طالبة علم
ويرفض الكثير من حولنا الإرتباط بى لأنى منتقبة سبحان الله أو أنا ألى برفض عشان الشخص مش ملتزم
ومش هكدب عليكو نفسى أحب واتحب من زوج صالح وأكون زوجة وأم أولاد واعمل بيت مسلم صح والأحلام تداعبنى وكل من حولى يقولون"مش هتتجوزى إيه ألى انت عملتيه فى نفسك ده نقاب يامجنونة وكمان مسجد وقرآن طيب ياست الشيخة أبقى قبلينا لو اتجوزتى" أنا ساعات بخاف بس بقول المهم ترضا يارب وحب ربنا كبر فقلبى أوووى انت حبيبي يارب الأول وحب حياتى من على ياحبيبي بزوج ملتزم يعنى على طاعاتك
رب أنى لما انزلت إلى من خير فقير
وربنا يثبتنى ويهدينى وكل عاصى والله مافيش احلى من طاعة الله وحبه
العرض العادي
