كتير بنقابل احاديث وقصص مكذوبة للاسف القصص والاحاديث دى منتشرة فى المنتديات بكثرة للاسف وفى مواضيع فيها فتاوى لكل القصص دى لكن المشكلة ان مش كل الناس بتقرا الفتوى وما زالت القصص منتشرة للاسف ففكرت فى فكرة واتمنى التفاعل معها كل فترة هنختار حديث او قصة مكذوبة وساضع لكم الفتوى الخاصة بها والمطلوب منا هو نشر الفتوى فى كل المنتديات
ازاى ؟! اقولكم ازاى ادخلى على جوجل واكتبى عنوان القصة او الحديث اللى هناخده وبعدين اعمل بحث هيظهرلك كل المنتديات اللى فيها الحديث دة المطلوب منك ان تسجلى على اد ما تقدرى فى المنتديات دى وتخدى الفتوى كوبى وتحطيها داخل الموضوع باست شئ سهل جدا لكن اجره عظيم باذن الله كفاية انك بتحمى دينك و بتنقيه من مثل هذه الاكاذيب والاحاديث الموضوعة
ها ... من تقول انا لها ؟؟
يلا يا اخوات عازين همة وقبل ما انسى كل اخت تضع الفتوى فى احد المنتدى تكتبلى هنا اسم المنتدى (الاسم مش الرابط ) اتفقنا؟ يلا عايزين نبتدى فى اقرب وقت هختاركم حديث من الاحاديث المنتشرة وساضع الفتوى هنا داخل الموضوع باذن الله فى انتظار صاحبات الهمم العالية