حصريا اجمل انواع الشوربات

[راجيه عفو الله السلفيه]

 

بسم الله الرحمن الرحيم
جبتلكوا انهارده انواع مختلفه من الشوربات علشان التنوع مش لازم دائما يبقى لسان عصفور او نودلز ممكن نغير ونعمل افكار جديده ولذيذه وان شاء الله تعجبكوا
اولا
شوربة كريمة البروكلي

المقادير:

• 1/4 كيلو بروكلي
• ثمرة بطاطس مقشرة
• 2 كوب كريمة لباني أو قشطة
• 6 أكواب شوربة فراخ
• بصلة متوسطة مفرومة
• 1/4 كيلو كرفس مفروم
• ملح وفلفل وكمون

الطريقة:
1- نجيب البروكلي ونقطّعه لقطع صغيرة، ونقطّع البطاطس لمكعبات صغيرة ونضيفهم على الشوربة، ونضيف معاهم البصل المفروم والملح والفلفل ورشة الكمون، ونسيبهم على النار لغاية ما يغلوا، وبعد كده نقلل النار على الشوربة ونسيبهم لغاية ما يستووا.

2- بعد ما نتأكد إن البروكلي استوى، نضرب الشوربة في الخلاط لغاية ما كل مكوناتها تتجانس، ونضيف معاها كمية من الكريمة اللباني، وبعد كده نرجّع الشوربة على النار ونضيف عليها باقي كمية الكريمة اللباني والكمون.

3- بعد كده نصب الشوربة في أطباق التقديم، ونزيّنها بقطع البروكلي الأخضر.. وبالهنا والشفا

شوربة السمك والجندوفلى



شوربة الخضار والفراخ والمشروم
المقادير:

• 1/4 كيلو صدور فراخ مسلوقة مقطعة قطع كبيرة
• 3 بصلات مقطعة قطع صغيرة جداً
• كوب لبن
• 3 أكواب شوربة فراخ
• كوب دقيق
• 1/4 كيلو مشروم مقطع شرائح
• 3 ملاعق كبيرة زبدة
• عصير ليمونة
• 1/2 حزمة بقدونس مقطعة قطعاً صغيرة
• ملح وفلفل
• 3 أكواب خضار مشكل ومقطع مكعبات صغيرة

الطريقة:
1- سيحي الزبدة على النار، وبعد كده ضيفي إليها البصل مع استمرار التقليب لغاية ما لون البصل يبقى ذهبي.

2- لما تلاقي إن لون البصلة بقى ذهبي ضيفي إليها الدقيق مع استمرار التقليب لمدة خمس دقائق أو لغاية ما الدقيق يحمرّ.

3- بعد مرور الخمس دقائق ضيفي إليه اللبن تدريجياً مع التقليب المستمر علشان الدقيق ما يكلكعش.

4- بعد كده ضيفي شوربة الفراخ مع استمرار التقليب لغاية ما تلاقي إن العجينة بقت متجانسة وسمكية ومش مكلكعة، ضيفي إليها الخضار والمشروم.

5- سيبي الخليط على النار لمدة ربع ساعة، وبعد كده ضيفي إليه عصير الليمون والبهارات والملح، وسيبيه على النار لمدة ربع ساعة كمان، أو لغاية ما تلاقي الخضار والمشروم استوى، اطفي البوتاجاز وحطي الشوربة في أطباق التقديم، وزيني الأطباق بالبقدونس.


شوربة الكوسة
المقادير:
1/2 كيلو كوسة مبشورة
3 ثمرات جزر مبشورين
فلفل أحمر مقطع شرائح طولية
كوب شوربة فراخ أو لحمة
بصلة مبشورة
1/2 حزمة كزبرة خضراء مفرومة
ملعقة كبيرة زيت ذرة
ملح وفلفل

الطريقة:
1- حمري البصل في الزيت لغاية ما لونه يبقى ذهبي، وبعد كده ضيفي إليه الشوربة لغاية ما تغلي.

2- بعد ما تغلي ضيفي إليها الجزر والكوسة والفلفل وسيبيهم مع بعض لمدة 20 دقيقة أو لغاية ما تلاقي إن الخضار استوى.

3- بعد كده ضيفي عليهم الكزبرة الخضراء والملح والفلفل، وسيبيهم على النار لمدة عشر دقائق، وبعد كده اطفي البوتاجاز وحطي الشوربة في أطباق الشوربة.. وبالهنا والشفا.


شوربة القرنبيط بالكريمة
المقادير:
قرنبيط مقطع لقطع صغيرة
2 بصل أخضر مقطع حلقات
3 أكواب شوربة فراخ أو لحمة
كوب زبادي
4 ملاعق كبيرة كريمة لباني أو قشطة
ملعقة كبيرة زيت ذرة
ملح وفلفل وكمون
بقدونس "للتزيين"

الطريقة:
1- حمري البصل فى الزيت لغاية ما لونه يبقى ذهبي، وبعد كده ضيفي إليه القرنبيط وشوّحيه معاه على النار لمدة خمس دقائق.

2- بعد مرور الخمس دقائق ضيفي إليه الشوربة والملح والفلفل والكمون، وسيبيه على نار هادية لمدة ربع ساعة لغاية ما القرنبيط يستوي بعد ما تلاقي إن القرنبيط استوى اطفي البوتاجاز، وسيبيه علشان يبرد.

3- بعد ما يبرد اضربيه في الخلاط لغاية ما ينعم، وبعد كده ضيفي إليه الكريمة والزبادي، واضربيهم مع بعض مرة كمان.

4- بعد كده حطي الشوربة في حلة وحطيها علي النار لغاية ما تغلي، وضيفي إليها الملح والفلفل وشوية مية لو كانت الشوربة سميكة، وبعد كده حطيها في طبق الشوربة.




شوربة لسان العصفور بالجمبري
المقادير:
1/2 كيلو لسان عصفور
1/2 كوب زيت ذرة
بصلة مقطعة قطعا صغيرة جدا
3 فصوص ثوم مفروم
1/4 كيلو جمبري صغير مقشر
2 كوب مية
2 ورقة لاورا
عصير أربع ليمونات
6 أعواد كرفس مقطع قطعا صغيرة
بهارات سمك
ملح وفلفل وكمون
قرن فلفل أحمر مقطع قطعا صغيرة

الطريقة:
1- هاتي الثوم والفلفل الأحمر وحطيهم في الهون ومعاهم الملح والكمون والبهارات واطحنيهم كويس مع بعض، وبعد كده ضيفي إليهم الليمون وقلبيهم مع بعض.

2- هاتي الجمبري واغسليه كويس وبعد كده رشي عليه الخليط السابق وسيبيه لمدة نص ساعة علشان يتبّل كويس.

3- شوّحي لسان العصفور في الزيت لغاية ما لونه يبقى ذهبي، وبعد كده اطفي البوتاجاز.

4- حمّري البصلة والثوم فى الزيت، وبعد كده ضيفى إليهم الجمبري والمية المذاب فيها بهارات السمك.

5- اتركي الخليط في الحلة على النار مع إضافة ورق اللاورا وأعواد الكرفس وعصير الليمون لمدة ربع ساعة وبعد كده اطفي البوتاجاز.. وبالهنا والشفا

شوربة اللحمة المفرومة مع الشعيرية
المقادير:
كيس شعيرية سريعة التحضير
1/4 كيلو لحمة مفرومة
6 كوبايات شوربة فراخ او لحمة
بصلة مفرومة
ملح وفلفل

الطريقة:
1- اخلطي اللحمة المفرومة مع البصل والملح والفلفل وقلبيهم كلهم مع بعض كويس علشان اللحمة تتبل.

2- شكّلي اللحمة على شكل كرات صغيرة ورصيها في صينية، وبعد كده دخليها التلاجة لمدة نص ساعة.

3- هاتي حلة وحطي فيها الشوربة وسيبها لغاية ما تغلي، وبعد كده ضيفي إليها الملح والفلفل، وسيبيها على النار لمدة عشرة دقائق، بعد كده ضيفي إليها كرات اللحمة وسيبيهم على النار لمدة نص ساعة لغاية ما اللحمة تستوي، وقبل أذان المغرب بنص ساعة حطيها على النار للتسخين وعند الغليان ضيفي عليها عبوة الشعيرية سريعة التحضير وسيبيها تغلي لمدة 5 دقائق بس، واطفي عليها وسيبي الحلة مقفولة لمدة 5 دقايق كمان وبعدين اغرفي الشوربة في أطباق التقديم.. وبالهنا والشفا.

يتبع بأذن الله

[راجيه عفو الله السلفيه]

شوربة الجزر
النهارده هنستفيد من الجزر في عمل طبق شوربة في منتهى الجمال ودي الطريقة...

المقادير:
1/2 كيلو جزر
2 حبة بطاطس كبيرة
معلقة كبيرة بقدونس مفروم
معلقة كبيرة زبد
شوربة فراخ أو لحمة أو مرقة دجاج + كوب مية
بصلة مقطعة قطعاً صغيرة

الطريقة:
1- هاتي الجزر والبطاطس واغسيلهم كويس وقشريهم، وبعد كده قطعيهم إلى قطع صغيرة.

2- هاتي حلة وحطي فيها الزبدة، وحمّري فيه البصل والجزر والبطاطس على نار منخفضة لمدة 15 دقيقة مع التقليب المستمرّ.

3- بعد مرور الربع ساعة ضيفي إليهم الشوربة والملح والفلفل، وسيبيهم لغاية ما يغلوا وتلاقي الجزر والبطاطس بقت لينة. بعد كده اطفي البوتجاز، وسييبها لغاية ما تبرد، وبعد كده اضربيهم مع بعض في الخلاط.

4- بعد ما تضربيهم في الخلاط هاتي الحلة وحطيهم على النار، وسخنيهم مرة كمان، وبعد كده صبيهم في أطباق الشوربة، وزيني الطبق بالبقدونس المفروم، وعلى فكرة ممكن لو لاقتي قوام الشوربة سميك ممكن إنك تضيفي المية السخنة أثناء الغليان في المرة الثانية.





شوربة العدس على الطريقة السورية

المقادير:
كوب عدس أصفر مسلوق
كوب قمح مسلوق
جزرتين مقطعتين لقطع صغيرة
كرفس مفروم
ملح وقرفة وكمون
ثوم مفروم
عصير ليمون
نعناع أخضر مفروم
1/4 كوب زيت زيتون

الطريقة:
1- شوّحي البصل والثوم في زيت الزيتون لغاية ما تحسي إن لونهم بدأ يتغيّر.

2- بعد كده ضيفي العدس والكرفس والنعناع والجزر، وقلّبيهم مع بعض وضيفي عليهم الملح والقرفة، وحطي عليهم كمية من الماء، وسيبيهم على نار هادية لمدة 40 دقيقة أو لغاية ما تحسي إن كل المكوّنات اتسلقت كويس.

3- اضربي الخليط السابق في الخلاط كويس وصفّيه، وبعد كده خدي الخليط المصفّى وحطيه مرة تانية على النار، مع إضافة القمح المسلوق وسيبيهم على النار لمدة 5 دقائق، وبعد كده حطي عصير الليمون والكمون، واغرفي الشوربة في أطباق التقديم، وممكن تزيّني الأطباق بأوراق النعناع وقدّميها وهي سخنة.. وبالهنا والشفا.





شوربة ثوبا "Thupa"

المقادير:
كوب صلصة طماطم
معلقة كبيرة زنجبيل مطحون
معلقة كبيرة ثوم مفروم
كوب مكرونة أو شعيرية مسلوقة
ملح وفلفل
معلقة كبيرة سكر
4 معالق كبيرة فريش كريم
3 كوب ماء

الطريقة:
1- اخلطي صلصة الطماطم مع الثوم والزنجبيل والملح والسكر والفلفل الأسود والماء، وحطيهم على النار وسيبيهم لغاية ما يغلوا.

2- أول ما الشوربة تبدأ في الغليان، ضيفي المكرونة المسلوقة والكريمة، وسيبيهم يغلوا كلهم مع بعض من دقيقتين لثلاث دقائق، وممكن تضيفي كمية صغيرة من خليط الخل والصويا صوص علشان تديها طعم لاذع شوية، وبعد كده قدميها وبالهنا والشفا.








شوربة خضار على الطريقة الإيطالية

المقادير
2 كوب كرفس مقطع قطع صغيرة
1/4 كوب كرات مقطع لقطع صغيرة
1/2 كوب جزر مقطع قطع صغيرة
1/2 كوب كرنب مقطع قطع صغيرة
1/2 كوب بطاطس مقشرة ومقطعة لمكعبات
4 ثمرات طماطم ومقطعة مكعبات صغيرة
1/2 كوب كوسة مقطعة لمكعبات صغيرة
كوب فاصوليا بيضاء مسلوقة
1/2 كوب بصل مفروم
6 فصوص ثوم مفروم
2 معلقة كبيرة بقدونس مفروم
2 معلقة كبيرة زيت زيتون
8 أكواب شوربة لحمة
ملح وفلفل

الطريقة
1- ضعي زيت الزيتون في وعاء على نار متوسطة، وضيفي عليه البصل والكرفس والكرات والجزر والثوم والكرنب والبطاطس والطماطم، وقلبيهم كلهم مع بعض كويس جداً، بس خلي بالك إنك تحطي البطاطس في الأول؛ لأنها بتحتاج لوقت أطول شوية في السوى عن باقي الخضار، وبعد كده حطي باقي الخضار تدريجياً.

2- أول لما تحسي إن الخضار ابتدى يذبل، ضيفي الكوسة والفاصوليا المسلوقة، وبعد كده ضيفي الشوربة، وسيبيهم على النار لغاية ما الشوربة تغلي.

3- بعد كده تبّلي الشوربة بالملح والفلفل، وقدميها ساخنة وممكن كمان تضيفي لها شعيرية بحيث تبقى وجبة متكاملة فيها كل العناصر، وعند التقديم ممكن تزينيها بوضع أي نوع من الأعشاب على الوش زي الريحان أو الزعتر أو النعناع.. وبالهنا والشفا.



شوربة البازلاء


المكونات

٢ ملعقة كبيرة من الزبد أو زيت الزيتون
١ حبة متوسطة من البصل
٢ فص ثوم
٣٠ جم من جبن البارميزان
٢ حبة من الجزر
٤٠٠ جم من البازلاء المجمدة أو الطازجة
٣ كوب من مرق الدجاج
١ ملعقة صغيرة من الفلفل الأسود
١ ملعقة صغيرة من الملح
١ ملعقة صغيرة من الزنجبيل المطحون أو الطازج (لمن يرغب)
عصير الليمون

طريقة التحضير

يقلى البصل في الزبد في قدر على النار
يضاف إلى البصل الملح والثوم والفلفل الأسود والجزر
يترك الخليط على النار قليلاً ليقلّى
ثم يضاف الى القدر مرقة الدجاج
يترك الخليط على النار لمدة ٣٠ دقيقة أو حتى ينضج
يرفع الخليط من على النار ويطحن مع قطعة بارميزان ثم يصفى
ويقدم الطبق مزين بشرائح من الليمون أو ببعض من برش الليمون والقليل من الكريمة الحامضة أو الطازجة وجبن البارميزان حسب الرغبة

المكونات

٢ ملعقة كبيرة من الزبد أو زيت الزيتون
١ حبة متوسطة من البصل
٢ فص ثوم
٣٠ جم من جبن البارميزان
٢ حبة من الجزر
٤٠٠ جم من البازلاء المجمدة أو الطازجة
٣ كوب من مرق الدجاج
١ ملعقة صغيرة من الفلفل الأسود
١ ملعقة صغيرة من الملح
١ ملعقة صغيرة من الزنجبيل المطحون أو الطازج (لمن يرغب)
عصير الليمون

طريقة التحضير

يقلى البصل في الزبد في قدر على النار
يضاف إلى البصل الملح والثوم والفلفل الأسود والجزر
يترك الخليط على النار قليلاً ليقلّى
ثم يضاف الى القدر مرقة الدجاج
يترك الخليط على النار لمدة ٣٠ دقيقة أو حتى ينضج
يرفع الخليط من على النار ويطحن مع قطعة بارميزان ثم يصفى
ويقدم الطبق مزين بشرائح من الليمون أو ببعض من برش الليمون والقليل من الكريمة الحامضة أو الطازجة وجبن البارميزان حسب الرغبة

[راجيه عفو الله السلفيه]

شوربة الطماطم بالريحان





المكونات :

- 1 كوب ريحان ,أخضر(الورق فقط)
- 1 حبة بصلة ,كبيرة مفرومة
- 5 أكواب مرقة دجاج
- 4 حبات طماطم,مقطعة قطع صغيرة
- 2 ملعقة كبيرة زيت نباتي
- 1 ملعقة كبيرة زنجبيل.

طريقة الطهى :

1. يسخن الزيت في إناء و يضاف البصل والزنجبيل ويقلب حتي يصيرالمزيج بني اللون.
2. تضاف الطماطم وتطهى لمدة 10 دقائق وتقلب من حين لآخر. تضاف المرقة وتخفض النار وتترك لمدة 20 دقيقة. يضاف الريحان وترفع من النار وتترك لتبرد لمدة 15 دقيقة
3. تصب مكونات الإناء في الخلاط وتضرب على سرعة عالية حتى يصبح المزيج أملس. تصفى ثم تغلى مرة واحدة و تقدم فورا.




شوربة الذرة والكريمة على طريقة منال العالم

المقادير

علبة حبوب الذرة المسلوقة (425 غم)
3 كوب مرق دجاج
1/2 كوب حليب سائل مركز
1/2 كوب حليب
1 كوب دجاج صدور منزوع جلده ومسلوق ومقطع مكعبات
1 ملعقة طعام عصير ليمون
1 ملعقة طعام نشاء
1 ملعقة صغيرة صويا صوص
بيضة
3 ملاعق ماء

الطريقة:


تصفى علبة الذرة من الماء، وتوضع حبوب الذرة في القدر.
يقطع الدجاج المسلوق لمكعبات ويضاف للقدر، يصفى 3 أكواب مرق دجاج ويضاف أيضا. يضاف اليهم الحليب والحليب المركز والليمون ويتركوا ليسخنوا على نار حامية، ويراعى الا يصلو للغليان.
يذوب النشاء في الماء البارد ويضافوا للخليط مع التحريك في نفس الوقت بمضرب يدوي. يستمر التحريك لبضع دقائق حتى يقارب الخليط على الغليان.
يضاف الصويا صوص. تضرب البيضة وتضاف بالتدريج مع التحريك في نفس الوقت بمضرب يدوي. تترك لمدة دقيقتين على نار هادئة ثم تقدم.
سلق الدجاج:

يسلق صدرين من الدجاج المنزوع جلده في 4 أكواب ماء مضاف لها بضع أعواد من حصى البان والقليل من البهارات الأربع وبصلة مقطعة شرائح وملح لمدة ساعة، أو يستخدم دجاج سبق سلقه.


شوربة فريك بكرات اللحم ودى وصفة حوريه زنون


المكونات نصف كيلو لحم قطع
٣ ملاعق كبيره زيت زيتون
٢ حبة بصل مفروم
٢ فص ثوم
كوب حمص منقوع
نصف كوب كرفس (الورق اكثر)
ربطة كزبرة طازجة مفروم
ملعقه صغيره ملح
فلفل اسود
١ كوب مرق دجاج
١ ملعقة فلفل احمر حلو
٤ حبات طماطم مفرومه
ملعقة معجون طماطم
فلفل اخضر حار
من ٢ الى ٣ ملاعق فريك
١ ليتر ماء
كرات اللحم:
٣٠٠ جم لحمة مفرومة
بصلة مفرومة + فص ثوم
ملعقة بقدونس
ملعقة خبز مطحون (بقسماط)
١حبة بيض
ملح - فلفل اسود
نصف ملعقة قرفة
رشة جوزة الطيب
تخلط كل المكوّنات وتشكّل كويرات وتترك جانبا

طريقة التحضير

يوضع الزيت مع قطع اللحم، البصل والثوم ويقلى جيدا
ثمّ يضاف الحمص، ورق الكرفس، الكزبرة والبهارات وتضاف اليها الطماطم المفرومة وكرات اللحم
يضاف بعدها الماء ومعجون الطماطم ومرق الدجاج
تترك على النار لتنضج ثم يضاف الفريك ويطبخ لمدة ١٥ دقيقة
تضاف الكزبرة وحبات الفلفل الحار والنعناع اليابس (اختياري)
ويقدم

شوربة لسان عصفور بالشوفان وصفة حوريه زنزن



المكونات ٢ حبة بصل مفروم ناعم
٢ ملعقة كبيرة زيت زيتون
٥٠٠ ج دجاج قطع
قطعة كرفس مقطع
٣ ملاعق كبيرة بقدونس
نصف ملعقة صغيره قرفه
ملح حسب الرغبه
ملعقة صغيرة فلفل احمر حلو
٢ ملعقة كبيرة معجون طماطم
٣ ملعقة نعناع طازج مفروم
٢ لتر ماء
٣ ملاعق كبيرة لسان عصفور
نعناع يابس للتزيين
٤ملاعق كبيرة شوفان

طريقة التحضير

نضع الزيت مع الدجاج والبصل المفروم والملح والبهارات ويقلى
نضيف الكرفس والنعناع الطازج ويقلى الخليط ٢٠ دقيقة على نار هادئه جداً مع التحريك
يضاف الماء ومعجون الطماطم
عند الغليان نضيف لسان العصفور والشوفان
ويترك لينضج ١٠ دقائق أو أقلّ
نضيف نعناع يابس و عصير الليمون

[راجيه عفو الله السلفيه]

شوربة المعكرونة مع المحار والجمبري

المقادير:

* 50 جراماً معكرونة مسلوقة

* 100جرام جمبري مقشر ومنظف

* 120 جراماً من المحار

* حبتان بندورة معصورتان

* ملعقتان ثوم مطحون

* 3 ملاعق زيت

* بهارات «عود قرفة - ملح - كمون - فلفل أسود

* 4 ملاعق كريمة




طريقة التحضير:

* ضعي الزيت في قدر وضعي عليه ملاعق الثوم حتى يحمر

* اضيفي المحار والجمبري على الثوم وقلبي جيداً ثم اضيفي البندورة وقلبي

* اضيفي كوباً ونصف من الماء واتركي الشوربة حتى تغلي

* ضعي البهارات والمعكرونة المسلوقة على الشوربة

* اضيفي ملاعق الكريمة واتركيها حتى تغلي ثم قدميها وصحتين.



شوربة الدجاج على الطريقة التايلاندية

المقادير:
* ملعقتين زيت زيتون

* 4 قطع دجـاج مخلية

* ملعقتين زبدة

* ثمرتان جزر مفرومتان ناعما

* بصلة حمراء مفـرومـة نـاعمـاً

* حبة كراث مفرومة ناعما

* ملعقة من عصير الليمون

* ملعقة من زيت السمسم

* فلفلة حمراء حـارة مفرومة ناعماً

* كزبرة مفرومة ناعماً.




طريقة التحضير:
* سخني الزيت في المقلاة، ثم اقلي فيه الدجاج من الجهتين حتى يصبح لونه ذهبياً واحتفظي به جانباً

* أضيفي الزبد إلى الزيت، ثم اقلي فيهما الخضر حتى تصبح ناعمة

* أضيفي بعد ذلك عصير الليمون وقطع الدجاج ولترا ونصف اللتر من الماء

* وعنـدما تغـلي المقاديـر خـففي درجة حرارة الفرن، واستمري في الطبـخ لمـدة نصف سـاعة إضافية.

* اقلي الفلفل الحار في زيت السمسم لمدة دقيقة واحدة، ثم أضيفيه إلى الحلة مع البقدونس، وبعد دقيقة واحدة قدمي قطع الدجاج ساخنة مع النودل المطبوخ أو مع الأرز المسلوق وصحتين



شوربة الكوسا بالثوم

المقادير:
* نصف دجاجة مقطعة قطع متوسطة.

* 6حبات من الكوسا تقطع قطع متوسطة.

* زنجبيل طازج.

* 1حبة بصل مقطعة قطعاً صغيرة.

* 3فصوص ثوم مدقوقة جيداً.

* نصف كأس من أوراق البقدونس.

* ملح.

* قليل من زيت الذرة.





طريقة التحضير:

* يوضع الزيت في قدر ويضاف إليه قطع الزنجبيل وتقلب حتى تحمر.

* يضاف لها البصل والثوم ويقلب الجميع جيداً.

* تضاف قطع الدجاج ويقلب الجميع ويترك حتى يجف ماء الدجاج

* تضاف إليها ثلاث كاسات كبيرة من الماء وتترك حتى تغلي.

* تضاف أوراق البقدونس والملح وتترك لمدة دقيقتين، وتقدم الشوربة ساخنة وصحتين
يتبع ان شاء الله

[أم البراء]

ماشاء الله
موضوع رائع
خاصة مع قرب فصل الشتاء
جزاكِ الله خيراً اختى الحببية

[راجيه عفو الله السلفيه]

اقتباس المشاركة الأصلية كتبت بواسطة أم البراء ماشاء الله موضوع رائع خاصة مع قرب فصل الشتاء جزاكِ الله خيراً اختى الحببية

وخيرا جزاكى نورتى الموضوع اختى

[طالبة العفو والغفران]

السلام عليكم ورحمة الله وبركاته

اللهم بارك


جزاك الله خيراً
أختي على هذه الشوربات

[راجيه عفو الله السلفيه]

وعليكم السلام ورحمة الله وبركاته
وخيرا جزاكى حبيبتى نورتى الموضوع