الدرس التانى
سهل و ينفع لايام البرد و ايام الشتا
و ينفع للمرضى و كبار السن و الاطفال و يحبه الكل و طريقته سهله و ممكن يكون طبق جانبى مع اللحوم و الخضروات و الدواجن ..............
البطاطس البوريه mashed potatoes - pure
يلا اكتبى :
حوالى 8 حبات بطاطس يتغسلو كويس جدا !
يتقشرو ( بالمقشره او السكين ) زى ما تحبى زى الصوره :
و بعدين تجيبى حله و فيها مياه تغمر الحبات و تضعى الحبات المقشره فيها زى الصوره
و تسيبيها تغلى لحد ما تتسلق و تكون طريه لو غرستى فيها الشوكه تكون مستويه مش جامده :
و لما تستوى تصفى الميه بتاعتها و تهرسيها بالمهرسه او حتى الشوكه لانو لازم تكون طريه و تتهرس معك بسهوله
سيبى البطاطس على جمب الان و فى طاسه تانيه :
بعدين تجيبى بصله خضراء تتقطع رفيع و 5 حبات ثوم تتقطع برضو ناعم جدا زى كده :
و بعدين تجيبى معلقه زبد و 2 ملعقه زيت صغيره ( علشان الزيت و الزبد مع بعض ما يتحرقوش بسرعه لو الزبده لوحدها تتحرق اسرع ) و بعدين تحطى الثوم و البصل اللى مقطعاهم فى الطاسه مع الزبد و الزيت كده :
و تسيبيها 5 دقايق تتغير لونها : شوفى :
تحطى بقى الخليط بتاع الزبد و الزيت و الثوم و البصل على البطاطس :
و حوالى كوبايه حليب:
و جبنه مبشوره ( اى نوع و الكميه اللى تحبيها حوالى نصف كوب )
ممكن تزودى عليها كريمه sour cream لو حبيتى قبل التقديم ( 3 ملاعق)
و تقلبى المكونات و تحطى الملح و الفلفل (حسب التذوق)
و اتفضلى :
أختى الحبيبة بسمة الفجر بالنسبة للبسبوسة انا بشتريها من السوبر ماركت كيس مكتوب عليه سميد ( من غير اضافات طبعا ) وبعمله بنفس الطريقة المذكورة وبتطلع البسبوسة جميلة ...
على فكره يا ام معاذ كيس البيكنج بودر لما بينفتح ما ينفعش نستخدمه تانى يعنى كفائته فى النفش لا تكون قويه مثلما تكون اولا لن يكون هناك شىءلو وضعتى الكيس كله انا اضعه كله ولا يحدث شيئا
أختى الحبيبة بسمة الفجر بالنسبة للبسبوسة اصلى مش عايشة فى مصر وانا بشتريها من السوبر ماركت كيس مكتوب عليه سميد ( من غير اضافات طبعا ) وبعمله بنفس الطريقة المذكورة وبتطلع البسبوسة تجنن ...
اقتباس
المشاركة الأصلية كتبت بواسطة راجية الجنة
أنا كنت واخدة الطريقة من واحدة صاحبتى وبعدين انتشرت بشكل جامد ...
وبالهنا والشفا ومستنيين النتيجة ...