اول مره فى حياتى فعلا اعرف معنى الفرح
لو حد سالنى ايه احلى يوم فى حياتك هيكون هوا اليوم اللى هقول لكم عليه ده بس مش هعرف اقوله لحد تانى يعرف شخصيتى
نفسى اعرف اكتب كويس علشان اوصل لكم ايه اللى حاسه بيه
الاول انا وصاحبتى اتفقنا نعاهد ربنا ان اللى العمل ده سر مبينا ومفيش مخلوق هيعرف عنه
قعدنا ندور على حمام لمسجد مش نظيف والحمد لله لقينا واحد كلمه بشع قليله عليه وجبنا منظفات وفلاش وجونتيات و ........................................... وبداءنا ننظفه
مش هقول لكم الموضوع كان سهل فى اوقات كنا هنرجع من الريحه واوقات تانيه كنا هنموت من كتر الضحك من منظرنا لابسين اكياس من المشمع وجونتيات وكل اللى يدخل يقول لنا انتم لتشتغلو هنا نقول له اه
وناس يقولو انتم جايين منين ويبصلنا باستغراب واشمئزاز وناس تانيه تدعلنا ادعيه حلوه اوى
الحمام كان ملهوش سقف كنا شايفين السما
عارفين لما تحسو ان ربنا راضى عنكم وقلبكم فرحان اوى
عارفين حكايه الثلاثه اللى انقفل عليهم الصخره ودعو بعمل صالح فنفتح الغار عليهم
كنت حاسه ان ده العمل الصالح
كنت حاسه ان ربنا بيباهى بينا ملائكته
فى موقف من ايام السلف الصالح كانو رايحيين يصلو صلاه الاستسقاء علشان المطر ينزل لان كان فى جفاف شديد واحد فيهم اخذ معاه مظله مع ان مفيييييييييييييش ولااى بشاره ان الدنيا هتمطر سالوه ؟؟؟؟ قال لهم انا ظنى خير بربنا
انا حكيت الموقف ده لان صحبتى كان ظنها بربنا زى الراجل ده
جه على ايديها فلاش قالت هلبس الدبله ازاى دلوقتى وايدى شكلها كده
كانت بتقولها وعندها يقيين ان ربنا هيرزقها والله ياجماعه اقل من شهر صحبتى لبست الدبله مع ان مكنش فى اى موضوع قبلها
نفسى كلكم تجربو تعملو عمل صالح محدش يعرف عنه حاجه وسعتها هتحسو يعنى ايه سعاده
الحمد لله الذى هدانا لهذا وماكنا نهتدى لولا ان هدانا الله
منقووووووووووووول