خلى عيون بوتجازك بتلمع زى الدهب

[راجيه عفو الله السلفيه]

 

السلام عليكم ورحمة الله وبركاته
انا جربت طريقة هايلة لتنظيف عيون البتوجاز كلنا عارفين ان لونها بيبقى اسمر جد1 من كثرة الاستخدام وبتدوخنا فى التنظيف هقولكم انا عملت ايه.
جبت زجاجة خل كبيرة ومعلقتين ملح وعليهم عصير ليمون باى كمية ولو مفيش ليمون ممكن ملح ليمون انا عموما حطيت الاتنين ودوبتهم كويس ونقعت فيهم عيون البتوجاز من بالليل ماشاء الله لقيتها الصبح بتلمع زى الدهب يا دوب شطفتها بالميه نزل كل اللى فيها ودى صور ليها بعد ما نظفتها بس يا خسارة مكنتش اعرف انت النتيجة هتبقى حلوة كنت صورتها قبل التنظيف علشان تشوفوا الفرق ولما الفكرة عجبيتنى عملت نفس الحكايه مع المعالق والشوك وبقوا بيلمعوا اوى .



يارب الفكرة تعجبكم وتستفيدوا منها دعواتكم ليا ان ربنا يرزقنى بالذرية الصالحه
منقووووووووووول