السلام عليكم النهاردة عملت كيكة دسمة بطريقة اختى بس طلعت تحفة قلت ماأبخلش عليكم بطريقتها
المقادير:
1ونصف كوب دقيق ، 4بيضات، 1ونصف كوب سكر، فانيليا، باكو بكنج بودر، نصف كوب نشا
ثلاث ارباع كوب سمنة والربع الباقى زيت ذرة اوعباد ، واحد كوب لبن لوعايزاها بالبرتقال يبقى بدل كوب اللبن كوب عصير برتقال
الطريقة سهلة وسريعة بصوا :
نضرب البيض والسمن والزيت والسكر والفانيليا فى الخلاط أولو عندك مضرب كهربا ئى ماشي انا بس عاوزة الأسهل لكم
وبعدين نحط اللبن او عصير البرتقال ونكمل ضرب وبعدين نفضى الخليط في أى حاجة غويطة ثم نضيف له الدقيق والنشا وباكو البكنج بودر
ونقلب بمعلقة خشب حتى يمتزجو فى بعض ثم نجيب صينية اى مقاس ويفضل كبيرة وندهنها سمنة ونرشها بشوية دقيق صغيرين
ونصب فيها الخليط وندخلها الفرن بتقعد حوالى ساعة الا ربع وتطلعيها
*آه نسيت اقولكم لوعايزة بالكاكاو حوشى شوية من الخليط و حطى عليهم شوية كاكاو وقلبيهم ثم صبيهم على باقى الخليط اللى فى الصينية
******اللى تجربها تقولى رأيها ايه *******