أهم العناوين ـ مراسلنا نشرة الأخبار ـ

[الشافعى الصغير]

 

أهم العناوين
كتب على سلامة

غزة..
استشهاد طفل
وجرح آخرين..

القاهرة..
خروج الأهلى م الكاس
ودخول الحاجة بطة
دار المسنين

دمشق..
الغضب على طريقة خالتى
أم فرغلى
منك لله يا مفترى
مش مسامحاك ليوم الدين

صنعاء..
الكفاح على طريقة
الشيخ سليمان البقال
والتبرع بسكر وزيت التموين

الرياض..
التعاطف على طريقة
خالى المرتاح
والتبرع بالهدوم الضيقة
اللى زحمت الدولاب من سنين

عمان..
تصريحات على طريقة
الأسطى سيد بتاع المفاتيح
على الطلاق ما أنا بايت فيها
تحرمى عليا زى أمى واختى
الخميس والجمعة الجايين

طرابلس..
عودة أفلام الأبيض وأسود
للراحل إسماعيل ياسين

الدوحة..
انتشار ظاهرة
الحب من بعيد لبعيد
تزيد من فرص المراهقين


بيروت..
فتوش ومناقيش
ومفيش غير الصبايا الحلوين
نتقابل بعد الفاصل
ع القهوة اللى جنب البيت الأبيض
تانى شارع يمين