السلام عليكم يا جماعة
انا ححاول الخص الموضوع على أد ما اقدر..انا واحده بدأت طريق الالتزام من فترة وفعلا غيرت حاجات كتييييييييير فيا وفى حياتى سواء بقى البعد عن الاغانى والافلام وانا اصلا ماليش علاقات بالشباب وكان فى عندى على الايميل شابين كأصدقاء بس كمان مسحتهم والحمد لله بدأت فعلا اتغير
المشكله انى بالصدفة على الانترنت اتعرفت على شاب واتكلمت معاه حوالى مرتين وماكنش فى اى خروج عن الاحترام والادب فى الكلام وبعد فتره حب ياخد رأيى فى مشكله وقع فيها مع اصحابه وحاجات حرام هم بيحولوا يدخلوه فيها وانا قلتله رأيى وبعدين قلتله انى اتعرفت عليه عن طريق الصدفة ومش حينفع نتكلم تانى وانا مش بحب انواع العلاقات دة وبس ولاكن بعد فترة لقيته بيقولى انى بسبب نصيحتى خليته يرجع لنفسة وفعلا انقذته من شئ كان حيغضب ربنا فية وانه فعلا بدأ يلتزم بس هو عاوز يقرب منى وانا رفضت بس صمم وبعد فتره قالى انه عاوز يرتبط بيا وانه كل مره بتكلم فيها معايا وعلى الرغم من انى برفض الكلام وبحاول افهمه ليه بذوق هو مصمم على الارتباط وبعتلى صور ومعلومات كتير عن نفسة ولما قلتله انى حتى لو وافقت فأنا ادامى فتره على الارتباط ..وافق وقالى حتى ممكن اكلم والدتك واقولها وده بعد ماقلتله انى حكيت لولدتى عنه وانا لاحظت فية حاجات كتير كويسه وانه فعلا محترم بس كل اللى مخوفنى المفروض انا ارد ازاى او اعمل اه وهو طلع ساكن قريب جدا من بيتى وفعلا هو مصمم على الارتباط حتى لو حيستنانى السنة او اكتر شويه مش عارفة اه اللى المفروض اعمله
الاجابة
وعليكم السلام ورحمة الله وبركاته
اقتباس:
المشكله انى بالصدفة على الانترنت اتعرفت على شاب واتكلمت معاه حوالى مرتين وماكنش فى اى خروج عن الاحترام والادب فى الكلام
المعيار اللى بنقيس به أمور حياتنا هو الشرع
يعنى الفعل ده يجوز أو لا يجوز ؟؟
يرضى الله أم يغضبه ؟؟
فى ميزان حسناتى أم سيئاتى ؟؟ فليس لنا خيار ثالث
وليس المعيار هو المقبول عرفاً
والمتقبل بين الناس !!
فربما تواصلك مع شباب بإحترام فى أمور عامة متقبل عند بعض الناس
ولكن ديننا يغلق علينا أبواب الذنوب ويحرم المقدمات وهذا من رحمة ربنا بنا
ولن
نذهب بعيداً فلو تصفحت مواضيع القسم سترى عدد كبير من المشاكل كلها بدأت بكلام بمنتهى الإحترام وفى حدود الأدب ثم تحولت إلى مشاكل وكوارث حقيقية
نسأل الله أن يعافيكى وبنات المسلمين من كل سوء
اقتباس:
وبعد فتره حب ياخد رأيى فى مشكله وقع فيها مع اصحابه وحاجات حرام هم بيحولوا يدخلوه فيها وانا قلتله رأيى وبعدين قلتله انى اتعرفت عليه عن طريق الصدفة ومش حينفع نتكلم تانى وانا مش بحب انواع العلاقات دة وبس ولاكن بعد فترة لقيته بيقولى انى بسبب نصيحتى خليته يرجع لنفسة وفعلا انقذته من شئ كان حيغضب ربنا فية وانه فعلا بدأ يلتزم بس هو عاوز يقرب منى وانا رفضت بس صمم وبعد فتره قالى انه عاوز يرتبط بيا وانه كل مره بتكلم فيها معايا وعلى الرغم من انى برفض الكلام وبحاول افهمه ليه بذوق هو مصمم على الارتباط وبعتلى صور ومعلومات كتير عن نفسة ولما قلتله انى حتى لو وافقت فأنا ادامى فتره على الارتباط ..وافق وقالى حتى ممكن اكلم والدتك واقولها وده بعد ماقلتله انى حكيت لولدتى عنه وانا لاحظت فية حاجات كتير كويسه وانه فعلا محترم بس كل اللى مخوفنى المفروض انا ارد ازاى او اعمل اه وهو طلع ساكن قريب جدا من بيتى وفعلا هو مصمم على الارتباط حتى لو حيستنانى السنة او اكتر شويه مش عارفة اه اللى المفروض اعمله
طيب نفكر بهدوء
بفرض إنك هتوافقي
1) البداية غلط وحرام
يعني مش هتقدري تقولي للناس إنك عرفتيه عن طريق النت ، وهتبقى إيه نظرة أهله ليكي لو عرفوا إنكم معرفة نت !
ولو هتكذبوا وتصححوا الخطأ بخطأ تاني !!
2) شخص لا تعرفينه إزاي تفكري ترتبطي بيه؟
الزواج قد يكون نعمة وقد يكون نقمة والأمثلة كثير
أنتي بتختاري شخص تكملي معاه حياتك وهيكون له القوامة عليكي فلازم يكون على دين وخلق وعلى قدر كبير من تحمل المسئولية
مينفعش تكوني أنتي الي بتوجهي وتنصحي وتعلمي !!
مينفعش إنه يكون لسة مش ملتزم وأنتي الي هتحاولي معاه (إنك لا تهدي من أحببت )
إيه اللي يضمنك لك إنه يهتدي ؟؟ هل تضمني الهداية لنفسك لتضمنيها لغيرك ؟
و مش ممكن هو اللي يأثر عليكي و يخليكي تبتعدي عن طاعة الله ؟؟
ده غير شخصيته وأخلاقه وتفكيره وحاجات كثير فلازم تكون مقتنعة بهذا الشخص و تجدي فيه ما تتمنيه حتى لا تنظري له يوماً بعين الانتقاص !
3) أنتي بتقولي قدامك سنة ونصف فعلى أي أساس هتستمري ؟
نصيحة لا تفتحي على نفسك بابا للفتنة ، فتح وتعليق مواضيع إرتباط مدة طويلة بيعمل مشاكل كثييييييييير وذنوب أكثر !
و للأسف دايماً الشيطان بيبدأ مع الإنسان بخطوات بطيئة ويفتح باب للذنب
و ويهون عليه بإنه ذنب صغيرو يبدأ ذنب يكبر شوية بشوية من غير ما الواحد يحس
و لذلك ربنا سبحانه و تعالي من الشيطان و قال :
"و لا تتبعوا خطوات الشيطان"
و لم يقل سبحانه :
"و لا تتبعوا الشيطان"
لإن الشيطان بيدخل للإنسان و بيوسوس له بالمعصية خطوة خطوة
فإنتبهي
اقتباس:
مش عارفة اه اللى المفروض اعمله
تأملي هذة القصة
رُوِي عن علي رضي الله عنه كان راكباً دابة فمر من باب المسجد وأحب أن يصلي ركعتين من النافلة فأعطى غلامًا دابته حتى يصلي ، فلما فرغ من صلاته أخرج دينارًا ليعطيه الغلام ، فوجده قد أخذ خطام الدابة وانصرف ، فأرسل رجلاً ليشتري له خطامًا بدينار ، فاشترى له الخطام، ثم أتى فلما رآه علي رضي الله عنه، قال سبحان الله! إنه خطام دابتي، فقال الرجل: اشتريته من غلام بدينار، فقال علي رضي الله عنه
سبحان الله! أردت أن أعطه إياه حلالاً ، فأبى إلا أن يأخذه حراماً !
فاطمأني لن يأخذ رزقك غيرك
فإن كان نصيبك
فخذيه برضا الله ليبارك لكي فيه ولا تأخذيه بسخطه فيكون عليكي نقمة
وإن لم يكن فلماذا تعصي الله وتقعي في مستنقع ذنوب يعلم الله إلي أين ستصلين فيه ثم لن يكون في النهاية إلا ما أراد الله !
القلوب المتعلقة بالشهوات محجوبة عن الله بقدر تعلقها بها
قلبك محجوب عن ربك وخالقك وإلهك ومولاكِ بنفس قدر تعلقك بهذا الشخص !
أختنا إن كنت تظنين إن الأمر بسيط وإنه سيتقدم لكي وتتزوجوا وينتهي الأمر
لا .. فشؤم المعصية يفسد الكثير والكثير
فحالات كثيرة ينتهي الموضوع على أخر لحظة ...عقوبة من الله أو يعاقبهم الله فى حياتهم بعد ذلك
قال الله
{ وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِين} [الأنفال : 30]
{فَكُلًّا أَخَذْنَا بِذَنْبِهِ فَمِنْهُمْ مَنْ أَرْسَلْنَا عَلَيْهِ حَاصِبًا وَمِنْهُمْ مَنْ أَخَذَتْهُ الصَّيْحَةُ وَمِنْهُمْ مَنْ خَسَفْنَا بِهِ الْأَرْضَ وَمِنْهُمْ مَنْ أَغْرَقْنَا وَمَا كَانَ اللَّهُ لِيَظْلِمَهُمْ وَلَكِنْ كَانُوا أَنْفُسَهُمْ يَظْلِمُونَ} [العنكبوت : 40]
فعليه أختنا الكريمة
اقطعي علاقتك بهذا الشخص فلا يصح إلا الصحيح
ولا تفسدي قلبك في إنتظار وذنوب سنة
ولا تضيعي ما قلتيه في بداية موضوعك
اقتباس:
..انا واحده بدأت طريق الالتزام من فترة وفعلا غيرت حاجات كتييييييييير فيا وفى حياتى سواء بقى البعد عن الاغانى والافلام وانا اصلا ماليش علاقات بالشباب وكان فى عندى على الايميل شابين كأصدقاء بس كمان مسحتهم والحمد لله بدأت فعلا اتغير
القلب الذى عرف الله ليس كغيره
وليس من ذاق حلاوة القرب كمن لم يذق
ونحسب أن قلبك أحب ربه ...فلا تضيعي النعمة فهى أغلى مما تتخيلين
واعلمي أنه
من ترك شيئاً لله أبدله الله خيراً منه
وإذا احتجتى أي شىء
يمكنك عمل موضوع فى قسم
نسأل الله أن يسر لك أمرك كله وأن يوفقك إلى ما يحب ويرضى
و يجعل قلبك معلقاً بحب الله 
معرفة نت!!! اتجوزة؟
العرض العادي
