كلمات خفيفة جدا .. باقي يوم واحد فقط .. استعدوا

[ذات الهمة]

 

اليوم زارتي صديقة عزيزة جدا
في وسط حديثنا قلت لها في هذه الأجازة حدث الكثير من حالات الوفاة
فقصت عليّ ما حدث معها يوم الجمعة عندما ذهبت للصلاة ..
بينما هي تستمع للخطبة إذا بصوت صدمة قوية (خبطة) فعندما نظر النساء وجدن أخت قد وقعت على الأرض .. (كانت جالسة فوقعت على ظهرها)
بينما جاءت النساء وأخذن بكوب الماء .. اشربي .. اشربي .. والأخت لا حركة ولا تستطيع الشرب !! .. خرج من فمها سائل أبيض ولم تنطق بكلمة واحدة ..
اتصلوا بالإسعاف .. وعندما جاءوا ودخلوا المسجد ومسكوا يدها وجدوا أنه لا يوجد نبض
وإذا بها فارقت الحياة !!!!!! تركوها ورحلوا ..
متى ؟؟؟
وقت الخطبة .. أى قبل أن تصلي الجمعة
هذا حالنا .. لا ندر أي وقت سنموت .. هل سندرك رمضان وهو باقي عليه ساعات معدودات أم لا ؟؟
وإذا أدركنا أول يوم وثاني يوم هل سندرك باقي الشهر ؟؟!!!!
الأخت كان ما أقرب صلاة الجمعة لها ؟ .. لحظات وتقام الصلاة ..
لكن لا حول لها ولا قوة .. لكل أجل كتاب .. انتهى الأمر .. الموقف محسوم ..

الأخت كانت داخلة المسجد على قدميها .. لم تكن تعلم أنها ستخرج محمولة على الأعناق !!!

وهنا وقفة ............ !!!!!!
فملابسك التى ارتديتها اليوم لا تعرف من سينزعها عنك هل ستنزعها أنت أم سينزعها عنك مغسلك ..

الحق نفســـــــــــــــــــك ....

لازم والآن اهم شئ هو التوبة علشان ربنا يعينك ..

طب نتوب ازاى؟؟

ب3 خطوات بسيطة جدا ومش كلام وبس لا... لا بد من فعل وإرادة قوية

1/ ندم على ما فات .. لازم نندم اشد الندم .. ازاى احنا كنا بنسمع اغانى .. وانا عارف انها حرام!!

ازاى كنت ببص على دي وهى ماشية واكلم دي واعرف دي .. ازاى ..أما استحييت من ربك وهو الذي وهبك السمع والبصر فاستخدمتهم في معصيته!!. يااااارب اغفر لى يارب سامحنى

ازاى كنت بلبس اللبس ده .. ياااااه انا لو مت دلوقتى هتحاسب على كل قطعة هدوم عندى في الدولاب!!

الحمد لله الذي امهلنى الحمد لله الذي سترنى .. الحمد لله الذي احيانى لأتووووووب

2/ اقعلاع عن الذنب بالكلية ..

اقلاع تااام .. ابتعدا تااااام عن كل ما يغضب الله وعن كل ذنب كنت تفعله وتصر عليه .. يعني لسان حالك يقول خلاص ياارب ماعدتش هبص على دي يااااارب ماعدتش هسمع اغانى من اليوم ياااارب تب عليا واغفر لى ما مضى وبدل سيئاتى حسنات ياااااارب

ياااااارب ما عدتش هلبس اللبس ده تانى .. كنت اظن اننى محجبة .. والحمد لله الذي امهلنى .. فاللهم اعف عنى واقبلنى في صفوف التاائبين ياااااارب ..

وكل واحد عارف كويس اوى ذنوبه .. فلنتوب الآن يااااااارب اهدنا وتب علينا واعف عنا واغفر لنا اللهم آمييين

3/ العزم على عدم العودة

اعزم عزما اكيداااااا على عدم العودة .. قبل ما تعمل اى ذنب تذكر .. الله ناظري الله شاهدى الله يرانى

وايااااكم ومحقرات الذنوب .. تقولى انا هلبس البنطلون ده اليوم ده بس اصل خارجة مع اصحابي

انا هلبس الفستان السواريه ده في الفرح دي هى ليلة واحدة بس ! وتقول انا هسمع الاغنية دي بس اصلها لسة جديدة هسمعها مرة واحدة وخلاص

اقولك واحنا موافقين بس على شرط تكتبلى إقرار ان ملك الموت لن يأتى لك إلا بعد ان تتوب وأن لا يأتى في وقت المعصية!!!!

واخيرا .. رد المظالم لأهلها .. يعني لو حضرتك اخدت حاجة من حد وهي مش من حقك رجعها له فورا

وان كنتى اتكلمتى على واحدة في غيابها ادعي ربنا ان يغفر لكى ولها.. والله هو الغفور الرحيم

معلش طولنا في الكلام عن التوبة وده لانها اهم حاجة ممكن نعملها .. نتناول النقاط التالية سريعا جدا

ثانيا : انوى على استغلال كل لحظة في الشهر وعلى ختم القرآن مرات ومرات فيه وانوى هتقوم الليل بكام جزء وانوى صيام الشهر كله ايمانا واحتسابا لله جل وعلا و ربنا يعيننا ويعينكم

ثالثا :اقرأ قرآن من اليوم لا تنتظر لغدا ابدا اليوم و حاول جاهدا ان تكون القراءة بتدبر

رابعا : لا تقوم بأقل من جزء .. ورونا الهمم العالية!

خامسا :حاول بقدر الامكان ان تستغفر الله في كل وقت وانت ماشي وانت رايح تنام وانت على السرير

وانت قاعد وانت .. وهكذا

قبل ما تتكلمى على واحدة وقبل ما تشتم في واحد .. استنى هنا .. اقف كفاااااااية عصيان أحد عشر شهرا مش قادر تسكت شهر واحد لله!!!

يالا وقف لسانك عن الخطأ واجعله رطبا بذكر الله

قال تعالى " الذين ءامنوا وتطمئن قلوبهم بذكر الله ألا بذكر الله تطمئن القلوب "

"والذاكرين الله كثيرا والذاكرات أعد الله لهم مغفرة وأجرا عظيما"

وقال صلى الله عليه وسلم " مثل الذي يذكر ربه والذي لا يذكره مثل الحي والميت "

وطبعا ندعى ربنا كتييييير اوى وبالذات في القيام وفي الثلث الاخير من الليل

الرسالة هدفها مش كلام واسلوب كويس نكتب بيه لاااا

انما هدفها ان نكون صحبة صالحة نعمل مع بعض نشتغل مع بعض .. نرى الله من انفسنا خير .. نعين بعض

نشتغل ونجتهد جاااامد للشوق للقاء على ابواب الجنان

يالا ورنا الهمة العالية والاجتهاد نلخص كل اللى قلنا في 5 نقط

1/ التوبة 2/ الاستعداد والتهيئة النفسية واخلاص النية 3/ قراءة قرآن 4/ القيام بجزء 5/الاستغفار والدعاء.

آخرحاجة .. اختار مسجد بيصلي على الأقل بجزء .. أوعى تصلي في مسجد بيصلي بأقل من جزء ..احنا همتنا اعلى من كدة بكتير .. والله انا اعرف مسجد خمس ادوار ما شاء الله في القاهرة بيصلوا في اليوم بعشرين جزء من العشاء وحتى الفجر من اول يوم وطبعا يتخلله راحة بسيطة والسحور

ومسجد تانى في السويس بيصلوا فيه بربع القرآن يوميا يعني بيعملوا كل اربع ايام ختمة!

ومسجد ايضا بيختم يوم ويوم الناس اللى فيه مجتهدة جدا والله ما شاء الله

ومسجد بيختم في التهجد وحده كل 10 أيام يعنى 3 اجزاء في اليوم غير التراويح التى بعد العشاء

ربنا يتقبل منا ومنكم

ويالا شوف انت كمان هتصلى فين وكمل في البيت أو دور على مسجد بيتهجد من أول يوم .. هيا يا صاحب الهمة العاااالية جدا

والسلام عليكم ورحمة الله وبركاته ..

[أم مُعاذ]

كلمات مؤثرة
جزاكم الله عنا خيرا

[ذات الهمة]

جزانا الله واياكم كل الخير أختي

[نصرة مسلمة]

بارك الله فيك و جزاكِ الله خيراً

[أم سُهَيْل]

بسم الله الرحمن الرحيم

السلام عليكم ورحمة الله وبركاته

جزاكِ الله خيراً يا حبيبة ونفع بكِ

[أم حبيبة السلفية]

الله المستعان

جزاكِ الله خيرا أختنا

[ذات الهمة]

جزيتم خيرا

ربنا يبارك فيكن
آميييين