الى الحبيبة أم مغفرة االمحاضرة الثالثة ان شاء الله

[أم حُذيفة السلفية]

 

السلام عليكم ورحمة الله وبركاته
بسم الله الرحمن الرحيم

الحمد لله رب العالمين وصلى الله على سيدنا محمد وعلى اله وصحبه
أجمعين.
أما بعد...

أحنا كنا وصلنا لسورة المجادلة للأية رقم

(7) ولا(10) , (7)طيب عظيم

أتكلمنا عن أقسام التفسير بالنسبه لسنة أولى ان شاء الله هنقسم الوقت بالضبط
ساعه الا ربع وبعدين ننتقل الى سنة تانية ,احنا اخدنا أقسام التفسير العشره ما اخدناش طسي بسرعه كدا بسرعه علشان اللى هناخده هنبنى عليه ماياتى
ولن نعود اليه مرة أخرى ونحاول ناخد من سورة المجادله ايضاولو خمس ايات..

بالنسبه لأقسام التفسير,العلماء طبعاً لهم تقسيمات متعددة عبر القرون الماضية

, وقلنا ان ابن عباس رضى الله عنهما وارضاهما صحاب الجليل حبر الأمة وأعظم المفسرين من صحابة رسول الله صلى الله عليه وسلم,

هو أعظمهم أثراً وليس افضلهم علماً ولا مكانتا ,لا خلاف بيننا أن أبى بكرهو أفضل هذه الأمة بعد رسول الله صلى الله عليه وسلم ويليه عمر ثم عثمان ثم على,نعم وحتى ابن عباس لما مات رسول الله صلى الله عليه وسلم كان هو لسه عيل صغير, شاب صغير لان ولد قبل الهجره بثلاث سنين فلما مات رسول الله فى اول (11) هجرية كان عنده 14 سنه ولكنه كان عالماً لما نتعمق فى دراسة عبدالله ابن عباس فى علم هناخد منه مقتطفات أسمه ((طبقات المفسرين))
زى ما بنقول

((طبقات المحديثين)) هنقول أيضا

((طبقات المفسرين

))

صدقة المفسرين الأولى صحابة رسول الله ثم التابعين ثم تابعى التابعين الى اخرهم,صحابة رسول الله صلى الله عليه وسلم كثيرون لكن أفضلهم اثراً

اللى ترك لنا ثروة أعظم وأكبر هو ابن عباس رغم ان يوم ان ولد ابن عباس كان ابن مسعود يملأ جوف الكعبة ويملأجوف قريش ويملأ ويملأ ويملأ..
ابن مسعودماشاء الله من السابقين الى الاسلام وعبارته عبارة جيدة عندما يقول:أسلمت سادس ستة ما على الارض غيرهم, لما يقول انا نمره ستة من الذينأسلموا على وجه الأرض تعد كدا تحصل مين, تجد رسول الله صلى الله عليهوسلم وزوجه خديجة خلى بالك أنا بقول ايه (زوجه)ولو قولت زوجته صح
ان الافصح ايه زوج(( وأصلحنا له زوجه انهم كانوا يسارعون فى الخيرات))
اوعى حد يفكر زوجه يعنى زوجه لالا

((وذكريا اذ ناداه ربه ربى لا تذرنى فردا وانت خير الوارثين فاستجبنا له ووهبنا له يحيى وأصلحنا له زوجه))

انا

بصلها ليه لتعلم ان هذى (هاء)ضميروليست (تاء)تانيث لانك لو وقفت عليها

((

واصلحنا له زوجه))ربما واحد يفكر ان( زوجه أى زوجته)نقولوا لاء دا هى

(هاء)ضمير وليست (تاء) تأنيث,فسيدنا رسول الله كان اول من أسلم واولمن نزل عليه الوحى طبعا وهو اول المسلمين يليه السيدة خديجة زوجه يليهسيدنا على الصبى اللى كان فى بيته وصديقه صباه ابى بكر رضى عنه وارضاه
وخادمه سيدنا زيد ابن حارثه وابن مسعود, فكأن ابن مسعود اول جوله سيدنا ابى بكر خرج وجابوا على طول, حركة الدعوة حركات مستجابة حركات موفقاً, فما سيدنا عبدالله بن مسعود يقول :اسلمت سادس ستة ما على وجهالأرض غيرهم يبقى ماشاء الله من السابقين الى الأسلام ومكنش من السابقينالاطفال نقول ده كان صبى .....لا ده محسوب من الرجال يعنى اسلم وهو كان عنده قرابة عشرين يبقى ماشاء الله على ما تعدى كمان عشر سنوات فى عمر الدعوة يبقى عنده تلاتين سنة قبل الهجره بتلت سنين ساعة ما ولد ابن عباس كان ابن مسعود عنده قرابة تلاتين سنة وهو الذى اسمع قريش القران حول الكعبة وهوالذى وهو الذى وهو صاحب الجلسات الخاصه مع رسول الله, فاكرين النبى كانبيقوله ايه يا ابن مسعود اقرأ عليا قال يا رسول الله اقرأ عليك وعليك انزلقال انى احب ان اسمعه من غيرى كل ده رغم هذا كان ابن عباس اولا وافضلا واعظما اصحاب رسول الله صلى الله عليه وسلم فى التفسير هناك اسباب كثيرة منها ان الرسول خاصه فى دعوة مستجابه((اللهم فقهه فى الدينوعلمه التأويل)) فاعند ابن عباس قولنا التفسيرأربع وذكرنا الاربع
(حلال

وحرام)

,لا يعذر احدا بشهادتيه,وتفسيره تعريف العرب بالسنتيهم وتفسير يعلمه العلماء وتفسير يعلمه الله عز وجل,أدى اربعه خود بقه رقم خمسه

تفسير تحليلى

,رقم سته تفسير موضوعى,الاربعه دول عن ابن عباس وانتهى

كلامه بعد ذلك عبر القرون التاليه العلماء قسموا لنا التفسير من جهات اخرى

فبعضهم قال تفسير تحليلى وبعضهم قال تفسير موضوعى وبعضهم قال تفسير مقارن والتلاتة دول فى العصور المتاخرة يعنى العلماء العصور القرنين اللى فاتوا, لكن القرون المشهورةعبر تاخير الاسلام فهناك تقسيمعظيم جدا اسمه التفسير (بالمأثوروالتفسيربالرأىوالتفسير الاشارى)كداعشرة,هعدهم تانى الاربعه لابن عباس عرفناهم بعد كداالعصور المتأخرة فى التفسير(تفسير تحليلى وتفسير موضوعى وتفسير مقارن او مقارين صح
(مقارن)اسم مفعول مدام فتحت ما قبل الاخر مقارن زى مقرن, اذا كسرت
زى مقارين او مقرين يبقى ده اسم فاعل يبقى بننسب الى مثل هذا النوع انه بيقرن بينه وبين ايات وسور اخرى, كدا سبعه, خذ الاقسام المشهورة جدا
وده اللى احنا هناخد من كل نوع بعض الامثله لكن الاساس ان افضل هذه الانواع التفاسيرهو التفسير( بالمأثور)رقم كام تمنيه, ورقم تسعه هو التفسير(بالرأى و الاجتهاد)رقم عشرة(تفسير اشارى)الف شين ورا وياء مشددا ..
الاربعه الاولين تفسيره (حلال وحرام)كالايات الواضحات فأعلم انه لا اله الالله, اقم الصلاة ,اتى الزكاة, اتموا الحج والعمرة,احنا تكلمنا فيها بالتفاصيل من قبل ذلك بس من باب الاشارة, وتفسير(مردالى لغة العربفسره العرب بألنستها) وهذا تفسير للايات اللى فيها كلمات تحتاج الى بيانربى لغه عربية كلمات المفردات زى ما قولتلكم فى سورة أقرا(( كلا لان لم تنتهى لنسفعن))سفعا,يسفعو وفى منها كلمات كثيره جدا احنا مش هنستعرض كل كلمات القرأن كلهاوالا هنقعد فيها محاضرة كامله انما نحن أوصية بكتاب صغير للشيخ حسنين مخلوف(كلمات القرأن)جمع فيها كلمات كثيرا من الكلمات التى يرجع فى تفسيرها الى لغة العرب والكلمات من هذا كثير,
رقم تلاته تفسير(تعرفه العلماء)كعلم المحكم والمتشابه وعلم اسباب النزول وعلم الناسخ والمنسوخ وعلم التقديم والتأخير وعلم أدوات المفسر, دا انت علشان تقف قدام الخبر والانشاء تقعد سنه, باب الخبر والانشاء, وانا اشرط الى ان احسن كتابفى علم القران
كتاب (الشيخ السيوطى الاتقان) وبعضكم ماشاء الله اشتراه
من المعرض, وياريت لما نكبر كدا شويه فى علوم القران نفتح كدا باب الاتقانونشوف هنقدر نستوعب هذا العالم ولا لسه احنا بردوا ما كبرناش ونحاول..

الانواع الاربعه ذكرها ابن عباس وبعد كدا عندك تفسير (التحليلى)ايه

معنى التفسير التحليلى: ان تبدا بالاية تفسرها لغة وإعرابا, وهو شرح الايات شرحا كاملا ويتناول اللغة والاعراب والمفردات,ويتناول ما فيها من عقيدة وما فيهامن استنباط فقهى وما فيها من احكام شرعية وما يتعلق بها شرحاً كاملاً,

هنحاول بقى لان ده التفسير اللى بيعلم واللى يجعلك تعرف تقرأ كتاب تفسير وتستفاد منه, وأعظم كتاب فى هذا الجانب (روح المعانى للألوسى)
اعظمتفسيرتحليلى وفى نفسى الوقت تفسير(اشارى)وفى نفسى الوقت تفسير(بالمأثور)وفى نفسى الوقت تفسير( الاجتهاد)هذا العالم العراقى العظيم(( اّلوسى-نسبا الى بلديه بلد اسمهاايه اّلوس)الالف هنا فيها مد يعنى بنسميها فى
فى عرف التجويد (مد بدل)زى اّمنا وايمانا..(الكتاب روح المعانى فى تفسير القرأن
العظيم والسبع المثانى للعالم اّلوسى عالم عراقى بغداى لان اّلوس ضاحيه من ضواحى بغداد)..

ان شاء الله نحاول نقرا معكم جزء من هذا التفسير بس لما ناخد جرعه واسعه فى التفسير شويه , التفسير التحليلى عرفناه وهو انك تحلل اللفظ وكلماته ومفرداته والفاظه ومعانيه كل ده داخل فيه تفسير التحليل,تمسك الصورة او الايه يعنى اول شئ , يعنى لو قليل لك ما هو التفسير التحليلى هتقول : التفسيرالتحليل يشمل الأتى :
بيان المناسبه والربس, شرح المفردات ,اللغه والاعراب ,استخراج من الايه ما فيها من احكام او اسنباطات فقهيه او مسائل عقائديه ,ذكر

نظائر الايات واشباهها..


تقول الايه ديه اللى زيها قول الله كذا وكذا ويسميها العلماء(النظائر والاشباه)
نظائر/ جمع (نظير اونظيرة) بس مش اسم وحده ما تبقاش عامل زى الشيخ اللى بيقول انت عندك رجاء وعندك امل زوجته سمعت الكلمتين دول يا اخى النساء بيغيروا غيره ربنا يتوب عليهم منها مين امل ديه ومين رجاء ديه, يا جماعه بقول رجاء زى رجاؤنا املونا, كونا بنشرع (أفتطمعون انيؤمنوا لكم ) بقول عندكم رجاء عندكم امل بان اليهود يؤمنوا لكم, الرجاء والأمل بنقصد منها المعنى مش اسماء أشخاص .. خد بالك ان اللغه العربيه عاوزه لغة واسعه وان شاء الله تبقى خبير بفقه اللغه ومتن اللغه وكل ما تقرأ فى اللغه العربيه تزداد فيها علم..
عندنا دلوقتى التفسير التحليلى (مناسبات ,ذكر ما فى الايه من اسباب نزول,اللغه والاعراب والمفردات,نظائر الأية , أحكام الأية,استنباطات الأيه) كل ده يعتبرتفسير تحليلى , وهذا الباب مفتوح بقدر ما اوتيت من العلم بقدر ماتفهم الأية وبقدرمايشرح الله صدرك ويفتح عليك فتوح العارفين وتاخد من الأيةافادات ومعانى وأشياء كثيرة ..
التفسير الموضوعى

سهل قوى اسمه ايه موضوعى, بتجمع الايات اللى فيه

نفس الموضوع واحد بيتكلم عن التوحيد هيجيب كل الايات اللى متحدثه عن التوحيد, توحيد الروبوبيه,توحيد الاولوهيه,توحيد الأسماء والصفات,وزى ما هتتكلم عن التوحيد هتبين العكس, ايه ضد التوحيد شرك, وبتضديها تتميز الاشياء علشان تبيلى التوحيد بيلى الشرك, بيلى ان كفار قريش اللى كانوا معترفين بان الله هو ربهم وخالقهم وهو رازقهم وهو ناظرهم وهو ناصرهم وهو مدبرالأمر مع ذلك كانوا مشركين, ليه؟لانهم فهموا توحيد الروبوبيه وابعنوا له
لكن توحيد الاولوهيه لا,لم يوحدوا ربهم اله معبوداً , توحيد الروبوبيه قالوزى ما ربنا قال للنبى ((ولان سالتهم من خلق السموات والارض يقولون خلقهن العزيز العليم)القرأن بيقلوا هيقولوا كدا, وبعدين بيقولوا ايه( اسالهم من يرزقكم من السماءوالأرض أم منيملك السمع والأبصارومن يخرج الحى من الميت ومن يخرج الميت من الحى ومن يدبر الأمر فسيقولون الله)طالما القرأن قال سيقولون الله يبقى سيقولون الله , فسالهم النبى فقالوا الله, طيب انتم معترفين ان هو مالك الأمرومدبر الكون ورازق والى اخره ما تعبده لوحده الخيبه جت من هنا, قالوا نعبد الأصنام لتقربنا الى الله زولفاً هنا بقى توحيد الاولوهيه كان مغشوش عندهم يبقوا مشكرين , يعنى اللى يشرك فى الربوبيه يبقى مشرك , واللى يشرك فى
توحيد الاولوهيه يبقى مشرك,واللى يشرك فى الأسماء والصفات
يبقى مشرك
لان التوحيد لا يقبل التجزئه,لازم يبقى خالص يبقى صافى, ولذلك لم نصل الى بعض الايات اللى تكلمنا عليها مع سنة تانيه وقولنا أيات فيها نسخ ..
قالوا ان سورة اّل عمران مفيهاش الا أية واحده ليس فيها الا أية واحده
(

( ياأيها الذين اّمنوا أتقوا الله حق تقاته))بعض العلماء قالوا ان الايه ديه منسوخه بقول الله ((أتقوا الله ما أستطعتم فأسمعوا وأطيعوا وأنفقوا))الأية اللى فى سورة التغابن, الحقيقه مافيش نسخ الأية ديه فى مجال والأية ديه فى مجال((أتقوا الله حق تقاته)) فى العقائد لابد أن تسلم العقيده من أى زيغ ومنأى شبهات والا كدا العقيده خسرانه,

((أتقوا الله ماأستطعتم )) زى الاوامروالواجبات والنواهى والتكاليف الشرعيه الأخرى,اللى زى النبى ما قال:
((ما أمرتكم به فأتوا منه ما أستطعتم وما نهيتكم عنه))يعنى بين لهم هذاماشى..
نعود الى تفسير موضوعى / هو تفسير الأيات المتحدثه فى الموضوع الواحدبتكلم عن العلم أجيب كل أيات العلم والأحاديث كمان وأعمل منها موضوع,بأخد موضوع العلم فى القرأن بجيب الأيات اللى فى العلم ((فأعلم انه لا اله الا الله وشهد الله ان لا اله الا هو والملائكة وأولى العلم يرفع الله الذين أمنوا منكموالذين أوتوا العلم درجات)) كل الأيات المتحدثه فى موضوع واحد بتجمعها
وتسميه تفسير موضوعى, لا يوجود تفسير كامل انما الشيخ الغزالى حاول محاولة وسعيد حوى حاول محاولة وليس الكتابان على قدر علم الرجلين
الغزالى عملاق الدعوة لكن فى التفسير الموضوعى مكنش على مستوى,سعيد حوى رجل ماشاء الله فى الدعوه ممتاز وكتب الدعوه عظيمه لكن فى الأساس لم يعطى العطاء المنتظر, لكن نقولك الموضوعات كتير, تلاقى كتاب عن المرأه فى القراّن وعن العلم فى القراّن وعن التوحيد, والتوحيد ماشاء الله
الموضوعات منقدرش نحصرها كمان لكن كتفسير كامل للقراّن كله دى
عاوزه مجهود, لان كل أية تعطيك موضوع فى السور الكبيرة بالذات السورالقصيرة ماشى ((قل هو الله أحد)) طبعا توحيد ((اذا جاء نصر الله والفتح))
أسباب النصر( الكافرون) فيها بيان الشرك وأنواعه ,لكن القراّن ككل فيه كل بيدرس يعتبر تفسير موضوع.. باقى لنا التفسير المقارن..

التفسير المقارن

/ بتقرن لنا أية بأية, سورة بسورة..


تعالوا بينا الى انواع التلاته الاخيره..


التفسير بالمأثور/هو ده التفسير رقم واحد كل العلماء وابن تيميه ومشاخينا الكبار أفضل التفاسير
الفسير( بالمأثور

)

ايه بقى معناه, وايه أهم الكتب ومعناه هو: تفسير القراّن بما صح عن رسول

الله صلى الله عليه وسلم , تفسير القراّن بما ورد عن صحابة رسول الله. وقف هناطب واللى
عن التابعين يقولك لا.... التابعين أختلفوا التابعين لم يشهدوا نزول القراّن ولم يلقوا رسول الله صلى الله عليه وسلم فيحتمل أن أقولهم ليس منقوله من رسول الله ولم يشاهدوا التنزيل والوحى انما هم جوم بعد رسول الله, يبقى التفسير بامأثوى ثلاث أنواع(تفسير قرأن بقرأن,تفسير قرأن بأقوال الرسول لا بما صح عن رسول الله,تفسير قران بما نقل عن صحابة رسول الله )ولا بد ان نعرف امثلة وياريت لو ليكم تقل على العلم نحصر ونحصن تفسير قراّن بالقراّن,والقراّن قد ايه ما محفوظ لا زاد ولا نقص 6236 أية , والأيات التى جاء بيانها فى القراّن محصورة , ممكن تجمع تلاتين أية ما تزدتش عن كدا, وحتى كمان أقول رسول الله تفسيرا
للقراّن محصورة لان رسول الله لم يفسر جميع القراّن ده رأى جميع العلماء الا ابن تيميه ووقفاتى المعدودة على ابن تيميه قال ان رسول الله بين كل القراّن لم نجد ولم يحتج(يعنىيحتاجون)صحابة رسول الله الى تفسير كل القراّن فهما عرب, خولص,شهادة تنزيل وقفوا
عند كل الأيات اللى نزلت بقى الصحابى قاعد والقراّن ينزل فبقى فاهم سبب النزول والمعنىوالشرح والأيات , فالصحيح أن رسول الله صلى الله عليه وسلم ما فسر كل القراّن انما فسر
ما أحتاج صحابته,كتير من الايات كانت وأضحه , وهما عرب خولص على رأى واحد باكستانى كنت قاعد بتكلم كدا ياأخى هات القلم فزعل منى قوى كيف وأنتم عرب أقحاح (كلمة أقحاح جمع عربى قح يعنى لما تقول لى عربى انت عربى قوح يقولك ينهارك ما يعلم بيه الا ربنا أنت بتسبنى ولكن معناها الحقيقى عربى أصيل,
وصف مدح,فبيغلطنى طبعا انى بتكلم بالغه العربيه بتاعتنا اللغه الخيبانه هات القلم ايه قال هذا قلم أما ألم شئ أخر كلامه صحيح( القلم ما يكتب بيه ,أنما تقوله الألم يعنى الوجع والأثار التى يشعر بيها المريض)..
المهم ان اللغه العربيه تحتاج منا أن نعود الى اللغه الاصيله ..
الرسول صلى الله عليه وسلم فسر بعض الأيات فمره من المرات هبقى اجمعهم الأيات اللى انا
جامعها ( قراّن بالقراّن ,قراّن بسنه,قراّن بأقول صحابه اذا قولت بقول صحابه الباب مفتوح لأن ابن عباس ما ترك أية الا وله فيها رأى ومش ابن عباس لوحده فى غيره بس غيره لم يجمع ما جمعه ابن عباس ليه كان ابن عباس رقم واحد ليه؟ علشان ايه؟ لان ابن عباس حظى بدعوةرسول الله ,1- دعوة خاصه حاجة خدها لوحده
(

( اللهم فقهه فى الدين وعلمه التأويل)) 2-ابن عباس نشأ فى بيت النبوة وهو لسه طفل صغيركان بيتردد على باب بيت رسول الله يسمع منه ومن زوجاته

طب وايه اللى يخليه يتردد على بيت رسول الله ؟ لان زوجة رسول الله السيدة ميمونه بنت الحارث كانت خالته ده محرم ونص ماشى, كمان ابن عباس عاش طويلاً ولم يشغل بالمناسب السياسية وديه مهمه قوى , عاش طويلا مات سنة كام (68) قيل (67وقيل66) لكن خليك فى الراجح (68)هجرية يعنى عاش وتتلمذ على يد زيد ابن ثابت,وعلى يد عبدالله ابن مسعود, وعلى يد ابى هريرة,وابى موسى الأشعرى,وأخذ من أبى بكر وعمر وعلى واخذ واخذ واخذ واخذ فى وقت كان متفرغا للافتاء فى مكة المكرمة , كان مفتى الحرم ,ما تقولش بقى الشيخ ابن بازولا حفيد حفيد,ده ابن عباس نفسه بقى , ده شيخ الطائفه كلها(ابن عباس)طبعا
انا عثرت الشيخ ابن باز الله يرحمه وهو من خيرة العلماء, لا أنس انه ما حكم يوما ما فيه قضية للملك فهد ومكنش هو الملك كان نائب الملك كان ولى العهد أختلف مع واحد على بيتا فحكم ضد
الملك فهد وكان لم يخشى الا الله , ومن العلماء اللى بنعتبرهم احد المجددين لهذا الدين فى القرن الذىأنتهى اللى هو عام ايه عام(2000)يعتبر الشيخ الغزالى فى الدعوة والشيخ ابن باز فى الفقه والشيخ ابن عثمين الله يرحمه أيضا والشيخ جميل غازى بس الشيخ جميل مات مبكرا ,مات سنة كام حد فاكره؟ ما انتم مش بتذكروا
انا باجى المسجد ده وفاءافى حق شيخى الدكتور جميل غازى وبعدين بدات احبكم كشباب كدا ماشاء الله فقط , وبنشكر الأخوات ماشاء الله اللى هما حريصات على العلم, ماشاء الله المكان فيه بركات السعودية لأن المكان ده كان الدكتور جميل الله يرحمه كنت أنا أذهب معه الى السعودية يقولى تعال نجيب قرشين من فلان أقول قرشين يعنى هديك خمسة الأف او عشرة الأف,يقول يا فلان يقولوا نعم مسجد العزيز بالله عاوزين نكمل التالة أدوار, عاوز كام يا شيخ جميل يقولوا هات اللى تجيبه يقولوا خذ خمسة مليون ريال,ناس نفوسهم كانت سخية بالعطاء,وكانت الامول فيها بركة, ومسجد عبد العزيز يعتبر من المساجد المباركا على مستوى الدولة ..يارب تكونوا كلكم زى الدكتور جميل فى مشايخ الدعوه لان ديه طبعا أمانة فى أعناقنا جميعا ربنا يجعل منكم البركه والخير ان شاء الله..

شيخونا عبدالله ابن عباس حظى بدعوة رسول الله ,كان ملازما لبيت رسول الله ,عاش

طويلا فمات سنة(68)هجرية حاول تحفظ التواريخ,فتتلمذ على ايدى كل صحابة رسول الله وتلقى عنهم ما فاته

من رسول الله لان لما مات رسول الله سنة (11)هجريه كان هوم عنده 14 سنة,وهو صاحب الحديث اللى النبى قاله ايه: يا غلام ..

تتلمذ على ايدى زيد ابن ثاتب ,من زيد ان ثابت؟؟ هو الذى جمع القراّن أيام رسول الله وهو الذى كان على رأس الجماعه فى جمع القرأن أيام أبى بكر سنة

(12) هجرية, والذى كان على رأس الجماعه أيام عثمان سنة(25) هجرية, وزيد بن ثابت هو الصحابى الجليل فقط الذى حظى بحضور الجلسه الأخيرة أخر مرة فى رمضان مع رسول الله وجبريل وبنسميها العرضهالأخيره ,كان كل سنه سيدنا جبريل يأتى الى رسول الله يقرأ على رسول الله ويسمعه ترتيب الأيات فى أخر سنة والنبى فاهم منها قرب الأجل حضر جبريل وقرأورتب وأسمع رسول اللهوسيدنا زيد عمال يكتب ويرتب ويدون مع رسول الله , ورسول الله قرأ على جبريل, وأيضا زيد ابن ثابت هو الوحيد اللى حضر العرضه الأخيره ليسمع ويرتب ويكتب ويدون لان زيد ابن ثابتكان أحد كتاب الوحى العظاء,

فى سؤال؟ ....اتفضل
هو تتلمذ على ايدى زيد يأخذ ما فاتة من مش من القران وبس هو عبد الله ابن عباس لما مات رسول الله كان خاتم القران وحافظة لكن طبعا الترتيب واسباب النزول وتقديم وتاخير اعلم اصحاب رسول الله صلى الله عليه وسلم
زيد ابن ثابت ولذلك العلماء فى القراءات اللى دارس منكم قراءات يحفظ جيدا وحفصا وبالاتقان كان مفضلاً .....ليه؟؟؟ ليه قراءة حفص مفضلة على القراءات العشرة او ال14 او الاكثر من ذلك ...لان رواية سيدنا حفص عن عاصم جاية من طريق عبد اللاه ابن مسعود وزيد ابن ثابت عن رسول الله صلى الله عليه وسلم فهى من أصح الطرق عن رسول الله
طبعا ابن عباس تلقى ....كل اللى فاتوا من رسول الله اخذ عن ابن مسعود واخذ عن زيد ابن ثابت وعن ابى هريرة وعن معاذ ابن جبل وعن...ماشاء الله تتلمذ وشبع علم من كل اصحاب رسول الله صلى الله عليه وسلملكن اللى حضر العرضة الاخيرة زيد ابن ثابت فقط....خد بالك من ايه ؟ من الحيثية دى لان بعد كده حتجد المستشرقين يقولولك ازاى زيد ابن ثابت هو اللى يتولى جمع القران فى وجود عبد اللاه ابن مسعود اللى اكبر منه فى السن واللى اكبر منه فى العلم وصاحب المجالس الخاصة لرسول الله
نعم....كان ابن مسعود صاحب مجالس خاصة ..النبى كان يقوله اقرأ عليا يقوله اقرأ عليك عليك يقوله نعم اقرأ احب ان اسمعه من غيرى لكن اللى حضر الجلسة الاكاديمية ...مش جلسة دعوة..جلسة اكاديمية جبريل بيقرأ ورسول الله يسمع ورسول الله يقرأ وجبريل يسمع اللى حضر الجلسة الاخيرة دى زيد ابن ثابت وكان يدون ويكتب و... فده ما شاء الله خصوصية لسيدنا زيد ابن ثابت ولذلك هو الذى تم اختياره فى كل حالات جمع القران الكريم دون غيره لانه كان الاكفء والاقدر والأءمن والاكثر شباباً ....لما ترجعوا لحديث البخارى فى سبب جمع القران أيام ابى بكر سيدنا عمر بيقوله يا ابو بكر ارى ان تجمع القران فان القتل قد استحرى بالقراء فى موقعة اليمامة فالقراء ماتوا كتير وكده ...اجمع القران فسيدنا ابو بكر اقتنع بكلام سيدنا عمر فقال لسيدنا زيد ايه؟؟ انك شاب...لازم المسئلة عايزة قوة وجلد وشغل ...شاب وعاقل ولا نتهمك وقد كنت تكتب الوحى لرسول الله صلى الله عليه وسلم أرى ان تجمع القران ...الحديث فى البخارى ما شاء الله من الاحاديث العظيمة حتقرأوها فيه ان شاء الله ....نعود إلى اخر سببين لتفوق ابن عباس
ايه السببين الاخيرين بعد الاربعة اللى احنا قلناهم ...حظى بالدعوة , عاش طويلا , لازم رسول الله صلى الله عليه وسلم, كان فى علم اللغة العربية بلغ فيها اعلى درجة ....قال العلماء عنه انه كان يحفظ شعر العرب
النهاردة علشان تقول فلان قمة فى اللغة العربية تقول(( فلان شاعر))
اذا قيل فلان شاعر خلاص يكفى لأنه لا يصل الى مرتبة انه يألف شعر وينسج شعر وياخد علم الشعر الا اذا اتقن النحو والصرف والبلاغة والعروض وعلم اللغة وفقه اللغة ومتن اللغة كل ده اللى احنا مره حكناهم اثنى عشر علما...نحو, وصرف ,عروض ,بعده لغة ,ثم اشتقاق ,وقرض الشعر, انشاء, كذا المعانى, بيان الخط ,قافية ,تاريخ هذا لعلم العرب, احصاء
شاعر...يبقى على القمة بل فوق القمة on the top فوق خالص كمان
اهو ابن عباس بقى كان حافظ كل شعر العرب كمان مش فقط هو شاعر ويتقن اللغة.. لا.. ده كان يحفظ شعر قريش وشعر مثلا بنى ثقيف وشعر نجد وشعر سليم وشعر هزيل و...و فكان قمة فى اللغة العربية وبهذا بلغ مرتبة الاجتهاد فصار ابن عباس على أعلى قمة صحابة رسول الله صلى الله عليه وسلم فى علم التفسير
نعود الى تفسيرقران بقران ..يبدو ان احنا هناخد الاقسام دول وننتهى اليوم منها ..قران بقران وقران بقول رسول الله وقران باقوال الصحابة
قران بقران زى ايه؟؟

يا سلام عندنا ييجى عشرين مثال ولو حاولنا نجمع الامثلة حنجد كتير ...تفسير قران بقران المثال كما جاء فى قول الله جل وعلا

((فتلقى ادم من ربه كلمات فتاب عليه ))

هى الكلمات جاءت فى القران فسرتها الايه الاخرى (( قال ربنا ظلمنا انفسنا وان لم تغفر لنا وترحمنا لنكونن من الخاسرين )).... قران بقران

فى سورة المائدة (( يا ايها الذين امنوا واوفوا بالعقود احلت لكم بهيمة الانعامإلا أيــــــه؟؟ ...إلا ما يتلى عليكم)), هذا الاستثناء من الحل احل الله كل الانعام جمال وبقر وجاموس وغنم وماعز احلت لكم بهيمة الانعام إلا إلا ما يتلى عليكم ...قول الله جل وعلا إلا ما يتلى عليكم جاءت الاية التى بعدها
الاية رقم (3) حرمت عليكم الميتة أدى اهه اللى حيتلى عليكم اهه الميتة والدم ولحم الخنزير وما اهل لغير الله به والمنخنقة والموقوظة والمتردية والنطيحة وما اكل السبع الا ماذكيتة وما ذبح على النصب وان تستقسموا بالاذلام ذلكم فسق ....العشرة المذكورين فى الايه
هى تذكير لقوله الا ما يتلى عليكم ..قران بقران ايضا لما قال لبنى اسرائيل وبنى اسرائيل دول نفسى حد يعمل عنهم بحث اسوأ شريحة فى مجتمع البشرية كلها ...اقرأ بقى قول الله جل وعلا
((

قال الله لهم يابنى اسرائيل اذكروا نعمتى التى انعمت عليكم واوفوا بعهدى اوف بعهدكم)) ...مين يقولى اوف دى مجزومة ليه؟؟...صح كده حزف حرف العلة وهو الياء ..شاطر

واوفوا بعهدى اوف بعهدكم

...العهدان ذكرا فى قولة تعالى

((لإن اقمتم الصلاة واتيتم الذكاة وامنتم برسلى وعزرتموهم واقرضتم الله قرضا حسنا لاكفرن عنكم سيئاتكم ولادخلنكم جنات تجرى من تحتها الانهار)) ...ادى العهد وادى العهد وكتير بقى فى القران لو عاوز خد الكلمة الحلوة اللى قالها الشيخ الشعراوى وتانى لما لقيتها موجودة فى ابن كثير كل ماجاء فى كتاب الله وما ادراك جاء بيانة فى القران يبقى قران بقران وكل ماجاء وما يدريك لم يعرف بيانه ..ساعة..((يسألونك عن الساعة وما يدريك لعل الساعة قريب)) .. لا ...خلاص باب الساعة دا مغلق لا يعلمه احد (( ان الله عنده علم الساعة)) بإن ولفظ عنده ..يعنى جمله مغلقه لا يعلم الساعة على حقيقة وقتها الا الله ..كما فى الاية الاخرى ((يسالونك عن الساعة ايان مرساها قل انما علمها عند ربى لا يجليها لوقتها الا هو ثقلت فى السماوات والارض لا تاتيكم الا بغتة))

الايات ما شاء الله كثيرة فى هذا الامر ...كل ماجاء وما يدريك لم يعلم كل ما ورد فى القران وما ادراك جاء بيانه ,

((وما ادراك ما الطارق النجم الثاقب ))...الى اخر الايات

((

وما ادراك ما القارعة)) ..ايه القارعة دى؟؟ يوم يكون الناس كالفراش المبثوث وتكون الجبال كالعهن المنفوش ....الخ

كل ما جاء وما ادراك جاء بيانه فى القران يبقى تفسير قران بقران يبقى ده من النوع الاولانى
ان شاء الله هحاول اجمعلكم الايات اللى عندى كلها بس انتوا شايفكم مش بتشجعوا كده ومابتذاكروش
طيب تفسير قران باقوال رسول الله ما شاء الله ايضا موجودة موجودة ..النبى عليه الصلاة والسلام لما قال للامة الامة الحلوة مش الامة بتاعة النهاردة الامة الخيبانة اللى مضيعة غزة ...لا قال(( واعدوا لهم ما استطعتم من قوة ومن رباط الخيل)) ... قال الا إن القوة الرمى اذاً فسرت القوة بإية ؟... بالرمى
ولما نزل قول الله جل وعلا (( الذين امنوا ولم يلبثوا )) ....يلبثوا خد بالك من ايه لبث/ يلبث , بمعنى ايه خلط /يخلط , ولبس/ يلبس يبقى لبس الجلابية او لبس القميص او لبست الحجاب او النقاب
يبقى لبس/ يلبس ارتدى وتغطى بالشىء
لبث

/ يلبث

...خلط /يخلط وطبعا معنى عاوزين كده ما شاء الله يبقى عندنا رصيد كبير من اللغة لان بدقة اللغة تعينك على فهم القران الكريم

لما نزلت الايه ذكر صحابة رسول الله قالوا يا رسول الله اينا لم يخلط ايمانه بالظلم فقال عليه الصلاة والسلام (( ان الظلم هو الشرك )) يبقى مين اللى بين الظلم هنا؟؟ الرسول ..يبقى تفسير قران بايه؟؟ بالسنة
ايضاً نفس المثال النبى استدل بالاية قال (( ان الشرك لظلم عظيم)) يبقى هنا فى كمان تفسير قران بقران بس اللى قال النبى يبقى تفسير النبى للقران وبعدين استدل بتفسير قران بقران فكأن هذا المثال فيه مثالان مثال قران بقران وقران بسنة رسول الله صلى الله عليه وسلم وعندك بقى ((حافظوا على الصلاوات والصلاة الوسطى))..صلاة العصر وردت فى حديث
((

صلوا كما رأيتمونى اصلى)) ..فعل النبى يعتبر تفسير وبيان للقران

((

وخذوا عنى مناسككم , افعل ولا حرج......رميت أول , طفت أول , ذبحت... كل اعمال مناسك الحج ..افعل ولا حرج كل دى تفسير لقوله((واتموا الحج والعمره لله))

نعم؟؟؟ ..يعنى هم العلماء اكثرهم قال ان صحابة رسول الله فهموا قدرا كبيرا

....بحكم عربيتهم وصفاء ذهنهم وذكائهم لم يحتاجوا الى كل الى شرح كل الايات

فهو يعنى يريد يمكن من هذه العبارة ان رسول الله ما مات الا والامة تعلم القران كله بس يمكن هو المعنى ده الصح النبى لا قصر لان الله كلفه
(( وانزلنا اليك الذكر لتبين للناس ))

فاذا كان بعضه بيناً خلاص طيب ما ابن عباس قلك فى نوع معلوم

اول تفسير (حلال وحرام) لا يعذر احد بجهالته ...يعنى لما تقلى اقيموا الصلاة مش محتاجة النبى يفسرهالك ولا انا ولا انت خلاص واضحة جداًً
ففى قدر كبير من الايات واضحة لاتحتاج الى بيان فيعنى لم يحتاج صحابة رسول الله الى بيان انما الامة بقى بعد كده دخل العجم ودخل الفرس ودخل الروم ودخل ناس غير عرب فاحتاجوا الى بيان اكثر واكثر فالصحابة بينوا
طيب نعود الى تفسير قران باقوال الصحابة كتير جداً ما تعدش اى اية تجد ابن عباس له فيها رأى
خذ اية النساء علشان ايه يرضوا عنكم شوية ..يقولك ياسيدى ايه؟؟
((

وان خفتم الا تعدلوا فواحدة او ما ملكت ايمانكم ذلك ادنى الا تعولوا)) ....يعنى اقرب الا تميلوا , خلاص تعولوا= تميلواولو انى الامام الشافعى له رأى يقولك ادنى الا تعولوا ...لما تتجوز واحدة بس يبقى ادنى الا تكثر عيالكم بس ده رأى اللغة لا تساعده ..كلام ابن عباس كثير المهم ركز على تفسير قران بقران وقران باقوال رسول الله صلى الله عليه وسلم ..هذا افضل انواع التفسير على الاطلاق تفسير بالمأثور

قران بقران

لان الله اعلم بما انزل , ما صح عن رسول الله لانه مكلف بالبيان عن ربه والله تكفل له بالبيان خد بالك اياك احد يظن حزارى ان يظن احد ان رسول الله كان يعنى عليه االصلاة والسلام كان يعنى يفسر أو يشرح أو يبين من تلقاء نفسه غير مؤيد بالوحى لااا ده مؤيد بالوحى فى ان الله قال

(( والنجم اذا هوى ما أضل صاحبكم وما غوى وما ينطق عن الهوى ان هو الا وحى يوحى ))

فيعنى وبعدين قال انى اوتيت القران ومثله معه ربنا بيقيده بايه بالوحى نعم

تفسير قران بقران ده خلاص ده تفسير بالمأثور عرفناه
عندنا تفسير بالرأى والاجتهاد حنمر عليه بسرعة كده وناخد التفسير الاشارى ونختم بسنة اولى ان شاء الله
حنبدأ تانى اهه حاضر افضل تفسير اه خلاص خلينا مع التفسير بالمأثور شوية ونقف عليه ...تفسير بالمأثور اولاً فيه سؤال ذكاء ..مش ذكاء قوى يعنى ده ربع ذكاء - اكوراتر- كده حاجة صغيرة ليه التفسير بالمأثور قليل - قليل-؟؟
لا لانة محصور تفسير بالمأثور تفسير قران بقران حوالى 30 ,40 اية بس ..مين حيزود؟؟ مافيش تفسير قول رسول الله الى حوالى 30 اية
بردك محصور فالتفسير بالمأثور قليل وليس فيه باب للاجتهاد
لان الايات التى فسرت ايات محدودة والاحاديث التى فسرت ايات محدودة واقوال الصحابة ايضا هنجيب جيل صحابة تانى منين؟ خلاص
لكن التفسير بالرأى اللى بقى بيخضع للغة والقواعد والاستنباطات الفقهية والاستنباطات العقائدية والإعجاز العلمى وغيره وغيره ده مفتوح إلى يوم القيامة , ولذلك لو سألتك كم تفسير بالتفسير بالمأثور؟؟
حتقول 3 , 4 كلهم واخدين من بعض ...اقدمهم ابن جرير الطبرى ودة اعظم تفسير موجود فى حياة الامة كلها تفسير ابن جرير الطبرى , توفى سنة 310 القرن الرابع بعد منه اخذ عنه معالم التنزيل البغوى واخذ منه كمان الدر المنثور السيوطى وأخذ من كل لون ابن كثير ..اللى معانا ابن كثير وحنين وتاخره فى الزمن خلاه نقد الاحاديث الضعيفة اذا كان فى اقوال ضعيفة وميز ومحص فيعتبر ابن كثير افضل تفسير بالمأثور فى الساحة
فى ساحة التفاسير لانجد فى التفسير بالمأثور من يجدد أو يضيف لان ما جاء فى القران محصور وما جاء فى حديث رسول الله محدود وما جاء عن اقوال الصحابة مميز فالتفسير بالمأثور قليل والاحق اخذ من السابق
ونقف على التفسير بالرأى والتفسير الاشارى نكمل فى مرة قادمة ان شاء الله ...سؤال اخير وناخد سنة تانية ان شاء الله ... نعم قول سؤالك
التابعين لبعدهم عن رسول الله , وكثرة اختلافهم رجح العلماء ان تكون اقوالهم ليست مأثورة لانهم اخذوا ايضاً عن من اسلم من اهل الكتاب
لما ناخد التفسير بالرأى هنوضحها شوية
نعم؟؟ مش حنقعد نضيع الوقت ..ماشى ربنا يبارك فيك
نعم سؤال ايه؟؟؟
لا لالالا يعنى حاول تكتب انا عايزك تكتب وتبقى مركز ...وخلاصة كده تبقى معاك
ان شاء الله هنبدأ سنة تانية ان شاء الله احنا كنا بدأنا سورة النور
سنة تانية نبدأ مع تانية علشان ما يظلموش كنا بدأنا فى سورة النور ونحاول ناخد النهاردة العشر ايات الاولى
اتفضل اللى يقوم يقوم ...سنة تانية ان شاء الله احنا طبعا عندنا سورة النور من السور المدنية واحنا كنا ركزنا على ان هذه السورة فيها اداب اجتماعية كثيرة و ضرورى ان يأتى سؤال فى السور المدنية, ضرورى ان يأتى سؤال فى السور المدنية عن مواصفات السور المدنية أو عن ما فى سورة النور من الاحكام هيقلك كده ايه عرف المكى والمدنى , سورة النور مدنية , اذكر من الصفات والضوابط ما يدل على كون السورة مدنية ..حنقول مرة اخيرة ومش هنعيد الكلام ده تانى
سورة النور مدنية تناولت احكام شرعية وفيها توجيهات اخلاقية تحافظ على الاسرة والمجتمع المسلم , سورة النور فيها ايه من الاحكام فيها ما شاء الله الاستأذان , فيها غض البصر , فيها حفظ الفروج , فيها حرمة اختلاط الرجال بالنساء الاجنبيات طبعا , وفيها صفات البيت المسلم وفيها حاجات كتير لعلنا مرة اخدنا
((ولا يبدين زينتهن )) شرحنا الاية دى مرة ولا لسة ما وصلناش اليها ...ما وصلناش اليها , كتاب مناهج المفسرين ان شاء الله هجيبلكم نسختين تلاتة هنا استعارة وتبقوا تنقلوا منهم الكلام اللى اخدناه عن الصحابة وابن عباس و...الخ .
بس لما ناخد جرعة قوية فى مناهج المفسرين , هجيبلكم كتابين تلاتة من النسخ وتبقى هنا اللى يصور منها يصور واللى ياخدها استعارة وينقل ياخدها استعارة وينقل ...ااه بديل تانى ...طيب ماشى
هو الحقيقة ظلمى لكم اننا ناخد اربع سنوات فى يوم واحد لان كل سنة عايزة ساعة كاملة فمحتاجين يوم تانى يوم لاولى وتانية لوحديهم ويوم تالتة ورابعة لوحدهم بس اهه يالا لعل الله