مين فينا معندهاش او عند حد غالى عندها مرض تتمنى من الله الشفاء منه
الرسول عليه الصلاة والسلام قال
داووا مرضاكم بالصدقه
مين فين مبتتمناش زوج صالح او طفل من ربنا
مين فينا مبتتمناش تشكر ربنا على نعمة الزوج الصالح او الابناء الصالحين
او البيت الهادىء
تيجو نشكر ربنا بالصدقه
ونداوى مرضانا ونتقرب الى الله
ونزود حسناتنا
بس من غير من ننقص فلوسنا
زى ما قال الحبيب ما نقص مال من صدقه
نشوف هنعمل ايه
نجيب حصاله او علبه عندنا وكل يوم
نحط فيها جنيه نصف جنيه
اللى ربنا يقدرنا عليه
بسيطه خالص اهه
مش كل يوم ملك بييجى يقول اللهم اعطى كل منفقا خلفا وكل ممسكا تلفا
يبقى طلعنا الصدقه فى الحصاله
وربنا يخلف علينا بالخير
والحسنه بعشرة امثالها والله يضاعف لمن يشاء
وبعدين نعمل ايه
نيجى بقا اخر الشهر معانا اكتر من عشرين جنيه تمام
نعمل بيهم ايه ال20 جنيه
فى كل جمعيه شرعيه
ايصال بعشرين جنيه
اسمو كفالة يتيم
تستمرى عليه كل شهر
بيوصل للطفل دا 20جنيه
وممكن تعرفى عنوانه من الجمعيه
وتساعديه هوا واخواتو وامه الارمله
قدر المستطاع
او ممكن نعمل ايه تانى بال 20
كل شهر
كل شهر مع مشترات البيت اجيب بالعشرين جنيه
كيس مكرونه وكيس رز وكيس لسان عصفور وكيس سكر او زيت وشاى على حسب الفلوس اللى فى الحصاله ما تكفى
واديهم لجارتى الارمله اللى بتربى ايتام
ومعندهم حد يعولهم
او اسره فقيره وحالتهم صعبه ورب الاسره مش موجود او مريض
او نعمل بال20 جنيه ايه تانى
اجيب مصحف واحطو فى مسجد
اخد ثواب كل واحد قرأ فيه بقدر كل حرف
او اعمل ايه تانى بال20 جنيه
اجيب 2 شبشب بال20جنيه
احطهم فى المسجد للناس تلبسهم يتوضو بيهم
يبقا اخدت ثواب كل واحد لبس الشبشب واتوضا بيه
او اعمل ايه تانى بال20 جنيه
اديهم لجمعيه شرعيه مساعده فى زواج الفتيات اليتيمات
او كفالة حافظى القرآن من الاطفال والكبار
وابقى اخدت ثواب كبير
او اعمل ايه تانى 20 جنيه
ادخل بيهم جمعيه واقبضهم فى رمضان
اعمل بيهم شنط
فيها سكر ورز وبلح ومكرونه
اللى اقدر عليه
واوزعهم على الفقراء اول رمضان
يبقى اخدت ثواب افطار صائم
ها من هيدخل مشروع الصدقه ام 20جنيه
يشكر بيها ربنا على نعمه
ويداوى بيها مرضاه
ويتقرب بها من الله
وربنا يخلف عليه بالخير
فى الدنيا والاخره
اللى عندها افكار تانيه حلوه للصدقه ام 20جنيه ياريت يقول وكلنا نفيد بعض
وجزاكم الله خيرا وتقبل الله منا ومنكم صالح الاعمال
منقول
التعديل الأخير تم بواسطة نصرة مسلمة ; 05-03-2012 الساعة 09:52 AM
سبب آخر: حذف الصور.