استشارة طبيبة بارك الله فيكم

[أم عبد الله]

السلام عليكم ورحمة الله وبركاته

اريد استشارة بارك الله فيكم أسباب انخفاض ضغط الدم والهبوط
الحاد الذي يحدث فجأة وأفضل طرق العلاج وجزاكم الله خيرا .  

[أم سُهَيْل]

بسم الله الرحمن الرحيم

وعليكم السلام ورحمة الله وبركاته

شفاكِ الله وعافاكِ ياحبيبة وحفظكِ

اللهم آمين

**************
السلام عليكم ورحمة الله وبركاته


ما أسباب انخفاض ضغط الدم؟ وهل هناك نوع غذاء معين؟

جزاكم الله خيرا.




الإجابــة


بسم الله الرحمن الرحيم


الأخت الفاضلة/ ؟ حفظها الله.


السلام عليكم ورحمة الله وبركاته وبعد،،،

فضغط الدم المنخفض هو الحالة التي تجري فيها دورة الدم في الجسم
تحت ضغط أقل من الضغط الطبيعي للإنسان.

وضغط الدم المنخفض عبارة عن اصطلاح وتعريف نسبي يكون تحديده مرهوناً بالشخص
الذي يحدث له هذا النوع من المرض، وإذا لم يصاحب ضغط الدم المنخفض أعراضا
إضافية مثل الإغماء أو نوبات الدوخة (الدوار)
ما بين حين وآخر فإنه لا يعد ضاراً بالصحة.

وفي معظم الحالات يعتبر ضغط الدم الانقباضي الذي ينقص عن 100 ملم من الزئبق
يعد ضغطاً منخفضاً في حدود النطاق السوي لضغط الدم في الجسم،

ويجب أن نعلم أن انخفاض ضغط الدم لا يعتبر مرضاً بل بالعكس فإن أصحاب الضغط
المنخفض يعيشون أطول من الناس الذين يكون الضغط عندهم طبيعيا أو مرتفعا في كثير
من الأحيان، لا يوجد سبب عضوي لانخفاض الضغط.

ومن أسباب انخفاض الضغط ما يلي:

1- بمرض اديسون (قصور الغدة الكظرية أو الفوق كليوية).

2- القصور الشديد في نشاط الغدة الدرقية.

3- فقر الدم المزمن.

4- بعض الأدوية.

5- النزف يسبب انخفاض حاد في الضغط.

6- الوقوف الطويل.

إن عدم وجود أعراض مرضية حال انخفاض قراءات ضغط الدم، أمر لا يدعو للقلق،
بل الشعور بالأمان والرضا، وهناك جملة من الأعراض التي تعكس بالدرجة الأولى
نقص تزويد أعضاء الجسم المهمة بالدم، كما قد تعكس بالدرجة الثانية
الأسباب المرضية لانخفاض الضغط، وتشمل:

ـ الشعور بالدوخة.

ـ الإغماء.

ـ عدم القدرة على التركيز الذهني، والاكتئاب، والشعور بالإرهاق.

ـ غشاوة في الإبصار أو زغللة العين.

ـ الغثيان، والإحساس بالعطش.

ـ برودة الأطراف أو شحوب لون الجلد عن اللون الوردي الطبيعي في كف اليد مثلاً.

ـ تسارع وتيرة التنفس وقلة عمق أخذ النفس.

تجرى بعض الفحوصات إن كان هناك أعراض.

أما علاج انخفاض الضغط فيتبع ما يلي في حالة وجود الأعراض السابقة،
أما إن لم توجد فلا حاجة لأي علاج:

تناول السوائل من ماء أو غيره عند ارتفاع درجات الحرارة أو ممارسة المجهود البدني،
الحرص على تناول الوجبات الصحية التي تشمل تناول الفواكه والخضار المحتوية
على السوائل والأملاح.

لبس الشرابات الطبية الضاغطة.

في بعض الحالات النادرة
قد يلجأ الطبيب إلى استخدام بعض الأدوية التي ترفع الضغط.

وبالله التوفيق.


المجيب الدكتور / محمد حمودة

 

[أم عبد الله]

اللهم آمين وجزاكِ الله عنا خير الجزاء.

ويجب أن نعلم أن انخفاض ضغط الدم لا يعتبر مرضاً بل بالعكس فإن أصحاب الضغط
المنخفض يعيشون أطول من الناس الذين يكون الضغط عندهم طبيعيا أو مرتفعا في كثير
من الأحيان،

سبحان الله عائلة أمي وأبي عائلة غير معمرة !

لا يوجد سبب عضوي لانخفاض الضغط.

سبحان الله !

بارك الله فيكِ يا أم سهيل وجزاكِ الله عني خير الجزاء اللهم آمين.

 

[د/ملاك الاسلام]

السلام عليكم ورحمه الله وبركاته

من المعلوم فى الامراض ان الاخطر هو النقص وليس الزياده

بمعنى ان انخفاض الضغط هو الاخطر من ارتفاعه ولكن الشائع هو الارتفاع علشان كده اغلب الناس بتعتقد ان الارتفاع هو الاخطر

وده مش صح لان انخفاض الضغط بيقلل الدم الواصل للمخ مما يسبب هبوط الدوره الدمويه والاغماء فى بعض الحالات

وده مش معناه ان ارتفاع الضغط مش خطر لكن اعتقد ان انخفاضه هو الاخطر

.............


اولا الضغط الطبيعى هو 120/80 للانسان الطبيعى

لو المريض احس بهبوط او دوخه وراح قاس الضغط فى الصيدليه او عند الطبيب ولاقاه منخفض ده مش معناه انه مريض بالضروره

امتى نحكم على الانسان انه مريض بانخفاض ضغط الدم ؟؟

يتقاس الضغط 5ايام الصبح وباليل (10مرات يعنى) فى نفس الوقت(ليكن 7صباحا و8مساءا) فى نفس الوضعيه (وهو قاعد او نايم او واقف )

وياريت قياس الضغط يكون بواسطه صيدلى او طبيب علشان اغلب الصيدليات اللى واقف فيها ممن لا ينتمون للفريق الطبى وهنا تكمن المشكله فالكل يفتى بما لا يعلم والمريض هو الضحيه فى النهايه

اذا كان الضغط منخفض طوال ال5ايام (يعنى مش حاله طارئه) لازم تروح لطبيب متخصص علشان يعرف السبب ويعالجه

اسال الله ان يشفيكى ويعطيكى العافيه

اما لو كان حاجه طارئه مثلا بعد مجهود الانسان شعر بدوخه وانه هيغمى عليه

لازم لو هو واقف يستلقى علشان الدم يوصل للمخ

وبلاش حكايه ان اللى يلاقى ضغطه منخفض يروح ياكل مخلل

ليه بقى ؟؟

هو اينعم ان الحجات الحادقه بترفع الضغط بسرعه بس ده عن طريق ان الملح بيتخزن فى الجسم فيحبس المايه جوه الجسم ويضغط على الاوعيه الدمويه فيرفع الضغط

طب ايه المشكله يعنى ؟؟

المشكله فى الكلى لان كتر الاملاح بتعمل حصوات وبتعمل احتباس فى البول

امال ايه الحل ؟؟

معلقه او معلقتين عسل نحل فى نص كوبايه مايه
او ممكن معلقه عسل تتحط تحت اللسان علشان تمتص بسرعه وتنشط الدوره الدمويه

بس طبعا ده ينفع فى الحالات الطارئه يعنى واحد عمل مجهود جامد وحاسس انه هبطان ودايخ
لكن مش ينفع كعلاج مستمر لانخفاض ضغط الدم

 

[د/ملاك الاسلام]

نسيت اقول حاجه

طبعا لو حد حس بهبوط وهو ماشى فى الشارع طبعا مش هيكون ماشى بعسل معاه

الحل ؟؟

يحط ملبسه تحت اللسان برضه

علشان كده اللى عارف نفسه بيهبط من المجهود يخلى دايما معاه ملبس علشان يكون مستعد دايما

 

[أم عبد الله]

وعليكِ السلام ورحمة الله وبركاته

جزاكِ الله خيرا أختي الفاضلة د/ملاك الإسلام

اولا الضغط الطبيعى هو 120/80 للانسان الطبيعى

انا ضغطي وقت الإنخفاض 70/60 إن شاء الله اقيس الضغط بالطريقة التي شرحتيها بارك الله فيكِ

اسال الله ان يشفيكى ويعطيكى العافيه

اللهم آمين وإياكِ

وقت الهبوط الحاد بشرب قهوة مغليه وفعلا بترفع الضغط .

المشكلة ليست في انخفاض الضغط المشكلة في الهبوط الحاد للضغط فجأة ،احيانا ضغطي ينخفض فجأة
ولا اشعر بعدم نبض القلب او ينبض نبضات خفيفة وتستمر لمدة ساعات .

معذرة أختي سااثقل عليكِ بالسؤال ما هى اسباب الهبوط الحاد للضغط وازاي اتجنب حدوثه ؟

وجزاكِ الله عنا خير الجزاء .  

[د/ملاك الاسلام]

المشاركة الأصلية كتبت بواسطة أم عبد الله

وعليكِ السلام ورحمة الله وبركاته

جزاكِ الله خيرا أختي الفاضلة د/ملاك الإسلام

وجزاكى المثل باذن الله

انا ضغطي وقت الإنخفاض 70/60 إن شاء الله اقيس الضغط بالطريقة التي شرحتيها بارك الله فيكِ

تمام قيسى الضغط بالطريقه دى وشوفى هو ثابت على كده ولا ايه


اللهم آمين وإياكِ

وقت الهبوط الحاد بشرب قهوة مغليه وفعلا بترفع الضغط .

المشاركة الأصلية كتبت بواسطة أم عبد الله

تمام فعلا القهوه بترفع الضغط بس مش بتنفع كعلاج لان كترها بيعمل حصوات برضه زى الشاى

يعنى تنفع ك حل سريع لكن متنفعش كعلاج بصوره دائمه

المشكلة ليست في انخفاض الضغط المشكلة في الهبوط الحاد للضغط فجأة ،احيانا ضغطي ينخفض فجأة
ولا اشعر بعدم نبض القلب او ينبض نبضات خفيفة وتستمر لمدة ساعات .

طبعا دى اسئله مبدئيه ممكن اعرف استنتج منها معلومات لكن طبعا ده لا يغنى عن الكشف الطبى عند طبيب متخصص علشان يعرف يشخص المرض- ان وجد -)

وعلشان اكون صريحه استحاله اى دكتور يقول لاى حد انت مريض ولا لا من مجرد اسئله من غير ما يكشف عليه ويعمل تحاليل وفحوصات

اول سؤال لازم يتسال (سؤال مش بتحبه النساء عموما :) )

سن حضرتك كام

الهبوط ده متكرر كل يوم ولا بيحصل كل فتره ؟؟

هل الهبوط مرتبط بالدوره الشهريه ولا لا ؟؟

بيحصلك الهبوط مع المجهود ولا من غير مجهود ؟؟؟

بتفطرى الصبح كويس ولا زيى بتنزلى من غير فطار؟؟ :)

كمان فيه ادويه تانيه بتاخديها ولا مفيش ؟؟

وعلى فكره فى ناس عايشه بضغط دم منخفض و مش عندهم مشكله مش بيحصلهم هبوط ولا دوخه

لكن مدام فيه هبوط وضربات القلب مش منتظمه يبقى

اولا لازم تروحى لطبيب متخصص فى القلب علشان تطمنى ان السبب مش من القلب

(طبعا الدكتور هيعمل اشعه ورسم قلب علشان يطمن ان القلب سليم )

وممكن يطلب منك تحللى هيموجلوبين وسكر

وحضرتك متقلقيش مش معنى انه طلب تحاليل او فحوصات ان لازم يكون فيه مشكله

الفحوصات دى للاطمئنان فقط فلا داعى للقلق او التوتر اطلاقا


معذرة أختي سااثقل عليكِ بالسؤال ما هى اسباب الهبوط الحاد للضغط وازاي اتجنب حدوثه

لا ابدا انا تحت امرك

الهبوط فى الدوره الدمويه والدوخه ليه اسباب كتيره

1-ممكن يكون نتيجه توتر عصبى او قلق

2- ممكن يكون نتيجه عمل مجهود عنيف والانسان مش واكل كويس

فالسكر بينخفض فى الدم فيعمل هبوط

3- ممكن يكون مشكله فى القلب ومع المجهود القلب مش بيقدر يضخ الدم بكفاءه فيشعر المريض بهبوط وصداع فى دماغه لان الدم مش عارف يوصل للمخ

4- ممكن نتيجه نقص الهيموجلوبين

5- ممكن يكون نتيجه نزول الدوره الشهريه

(نتيجه فقد كميه كبيره من الدم )

حجات كتير ممكن تسبب انخفاض الضغط فلازم الاول نعرف السبب وعلى اساسه نعرف نتجنب حدوثه ازاى

بس عامه نصائح بسيطه للهبوط

علطول معاكى ملبس علشان لولا قدر الله حسيتى بهبوط وانتى ماشيه تعرفى تتصرفى

الفطار وجبه اساسيه وهيا اللى بيعتمد عليها نشاط الجسم طول اليوم فاللى مش بيفطر معرض لحدوث الهبوط مع المجهود حتى لو هو سليم مفهوش حاجه

نبعد عن التوتر والقلق قدر الامكان

لو الوزن زائد نخففه حفاظا على القلب

وجزاكِ الله عنا خير الجزاء .

وجزاكى الله كل خير

ولو حضرتك محتاجه اى حاجه انا موجوده تحت امرك باذن الله

اسال الله العظيم ان يشفيكى ويعافيكى من كل سوء


من فضلك تطمنينى عليكى وعملتى ايه

 

[أم عبد الله]

جزاكِ الله خيرا د/ملاك

استفدت جدا من التشخيص المبدئي ربنا يجزيكِ خيرا فعلا انا عندي
نقص في الهيموجلوبين بسبب كنت بشرب شاي كتير وفعلا وجبة الافطار
مش اساسي والحمد لله معنديش مشكلة في القلب ولا وزن زائد .

أما التوتر والقلق الله المستعان!

جزيتِ خيرا وأسعدك ربي بالدارين ونفع بكِ الإسلام والمسلمين
اللهم آمين.

 

[د/ملاك الاسلام]

المشاركة الأصلية كتبت بواسطة أم عبد الله

جزاكِ الله خيرا د/ملاك

وجزاكى المثل باذن الله

استفدت جدا من التشخيص المبدئي ربنا يجزيكِ خيرا فعلا انا عندي
نقص في الهيموجلوبين بسبب كنت بشرب شاي كتير
حاولى تنقصى منه وطبعا متشربيهوش بعد الاكل مباشره استنى ساعتين على الاقل وبعدها اشربى براحتك

وفعلا وجبة الافطار
مش اساسي
انا برضه كده بنزل علطول الكليه من غير فطار (بنصح الناس وانا اللى محتاجه النصيحه :))

والحمد لله معنديش مشكلة في القلب ولا وزن زائد .
الحمد لله ربنا يبعد عنكى كل سوء

أما التوتر والقلق الله المستعان!

جزيتِ خيرا وأسعدك ربي بالدارين ونفع بكِ الإسلام والمسلمين
اللهم آمين.

اللهم امين ولكى المثل باذن الله