اريد كلمات الاناشيد الاخوات بيغنوها في الافراح ضروري

[الؤلؤة]

 

السلام عليكم ورحمه الله وبركاته
والاخوات كانوا بيغنوا اناشيد بس مسمعتهاش قبل
حضرت فرح اسلامي وكان جميل كده
مثلا
(شفتوا العريس قال للعروسه ايه طب شفتو الجنه قالتلهم ايه ...
بس انا مش فاكره
ياريت الاخوات تكتب الاناشيد اللي بيغنوها
عشان عاوزها ضرور ي

[الؤلؤة]

?????????????????????????????/

[الؤلؤة]

اريد كلمات الاناشيد الي بتغنوها للاخو ات في الافراح

[ملكة أنا بنقابي]

وعليكم السلام ورحمة الله وبركاته

لا أعلم يا أختي والله
يمكن حد من البنات يدخل ويفيدك

[الؤلؤة]

جزاكي الله خيرا
انا افتكرت طلبي سهل في منتدي اسلامي

[الؤلؤة]

ارجو ان اجد طلبي
بارك الله فيكم

[الؤلؤة]

???????????????????????????????????

[مع الله]

حقيقي مش فاكرة أى كلمات
بس ممكن تحضري فرح تانى وتاخدى معاكى مسجل
او لو تعرفى حد من البنات المشتركات فى الفرق دي ممكن تسأليها
كنت أتمنى أفيدك

[ام الدرداء]

نفسى افادك
ان شاء الله ابنت عمى فى فرقة ان شاء الله اخلها تكتب لكِ الكلمات

[ملكة أنا بنقابي]

ازيك يا لؤلؤة

أنا دورت عالنت ونزلت لك بعض الكلمات للاناشيد اتمني ان تنال اعجابك

اول نشيد أول ما بدينا وبعديه ع طول هل تبدى القمر

أول ما بدينا باسم الله سمينا .. تاني ما بدينا ع النبي صلينا

تالت ما بدينا للجمع و جينا .. رابع ما بدينا شبكنا ايدينا
خامس ما بديناااااااااا للعريس هنينا

أول ما بدينا باسم الله سمينا .. تاني ما بدينا ع النبي صلينا
تالت ما بدينا للجمع و جينا .. رابع ما بدينا شبكنا ايدينا
خامس ما بديناااااااااا للعريس دعينا و قلنا له

إييييييييييييييييييييييه

هل تبدى القمر أم عريسنا ظهر ؟
ربنا يحفظه من عيون البشر

يا عريس ما شاء الله على حسنك الله الله

بنفدم تهانينا و نقول الله بارك الله
يا عريس تحية خد لك مني وصية
الزم طاعة المولى هتعيش عيشة هنية

حافظ معها ع الصلاة بالترفق و الأناة
بالرحمة و التعاون تحلى و الله الحياة
عريسنا كمل دينه برزوجة تقية تصونه
و اللي ما ياخد ذات الدين مسكين و الله يا عينه

نشيد " زفوا القمر "

زفوا القمر ع القمرايه و قولوا لهم مبروك ويايا

غالية و غالي يا فرحة تعالي

هنقدم لكم أحلى تهاني

إسلامنا صوته في العالي و عريسنا نجمه بيلالي

و عروسته عاشت ع التقوى ع السنة و على القرآن

الشرع لما يحكمنا الخير أكيد هيوصلنا

إسلامنا دستورنا الغالي بالنور هيرجع من تاني

يا رب تمم فرحتنا و اسعدنا و اسعد لمتنا

بالحب نغني في فرقتنا و الكل أهو سامع ألحاني

نشيد " نور ع نور "

نور على نور
على نور على نور

يا عريس يا اللي عليك الدور
لو نجوع و كفور هنعدي بحور و بحور

هنجي لك و نغني لك ده إحنا فريق الحور

هدي رسولنا فيه أحاديث كل شيء فيه غالي نفيس

علشان تسعد بقى يا عريس خلي هدي رسولنا جليس

نور على نور
على نور على نور

يا عريس يا اللي عليك الدور
لو نجوع و كفور هنعدي بحور و بحور

هنجي لك و نغني لكده إحنا فريق الحور

في زفافك أو كتب كتابك يا عروسة هنعلي جوابك

و إن كان كل الجمع حبايبك إحنا بقى من ضمن أحبابك

نور على نور
على نور على نور

يا عريس يا اللي عليك الدورلو نجوع
و كفور هنعدي بحور و بحور

هنجي لك و نغني لك ده إحنا فريق الحور

نشيد " فرحونا "

فرحونا فرحونا بالعروسة و بعريسها فرحونا

و اسمعونا و اسمعونا و اسمعونا و بعد منهم جوزونا

يا طيور السما غني و قربي

و انزلني عندنا صلي على النبي

دا الورد شاركنا الفرحة و قال

عروستنا اتخطبت لابن حلال

هو ده هو ده و عريسنا ده أيوه ده أيوه ده عريسنا ده هو ده
هيه آه .. هو ده

صقفي يا كفوف

و اندهي يا دفوف

على كل جيران علشان عروستنا تشوف

قمر العرسان في الناس فرحان

قاعد سلطان و الكل ضيوف

و الجمع الطيب مأنسنا بيغني و فرحان بعريسنا

و بيدعي المولى اللي حراسنا من أول سنة يدي له صبي

ده الورد ...

قرب يا نسيم هلل يا نسيم

و فل و طل ع المعازيم و ادع الرايحين و ادع الجايين

و ادع لنا و قول المولى كريم

ده فرح نصيب لبعيد و قريب

و بنفرح و المأذون في البيت

و عريسنا نصيبه في مسك و طيب

اللهم صلي عليك يا نبي

ده الورد ...

نشيد " أهوه يستاهلها "


أهو يستاهلها أهوه أهوه أهوه و أهي تستاهله هيه هيه

و نسبها أهوه أهوه أهوه أهوه شرف أهله هييييييييييييييييه

و السعد ضحك لها و ضحك له و الوعد نده لها و نده له

و أهو يستاهلها



ده عريسنا ده سألو أمه أم العريس

إيه رأيك في عروسته يا أمه يا أم العريس

قالت أمه .. أجمل وردة الله الله

راكعة و ساجدة الله الله

و هتربي ولادها على الحال ده



ده عريسنا أهم سألوا والده أبو العريس

إيه رأيك في عروسته يا والده يا أبو العريس

أم قال والده .. هتكون سعده الله الله

حافظة لعهده الله الله و تربي على القرآن ولده

و أهو يستاهلها

أهو يستاهلها أهوه أهوه أهوه و أهي تستاهله هيه هيه

و نسبها أهوه أهوه أهوه أهوه شرف أهله هييييييييييييييييه

و السعد ضحك لها و ضحك له و الوعد نده لها و نده له

و أهو يستاهلها



عروستنا سألوا والدتها آه والدتها إيه رأيك في عريسها يا والدة

قالت الوالدة .. ده مفيش أهدى الله الله

و لا فيش أندى الله الله

من سيرته و كل الناس شاهدة

و أهو يستاهلها



عروستنا دي سألوا أبوها

إيه رأيك في عريسها يا بوها

أم قال أبوها .. طيب و رزين الله الله

صابر و أمين الله الله

و في كل صلاة ويا الساجدين

و أهو يستاهلها

و نسبها أهوه أهوه أهوه أهوه شرف أهله هييييييييييييييييه

و السعد ضحك لها و ضحك له و الوعد نده لها و نده له

و أهو يستاهلها



يا أهل العروسين مبروك ليكم و يدوم الفرح

و أنتم يا أجمل عروسين يااللي اتجمعتوا على الدين

إحنا فريق الحور جايين

بورود مع فل و ياسمين


هنقول و نقول من تاني هنقول

أهو يستاهلها


اتمني ان تنال اعجابك

انتظري منى المزيد