اللى فى الفاترينة ( لأ )
الله ... الطقم ده جميل اوووى
انهى ده ؟؟ ... اللى هناك فى الفاترينة ؟؟
آآآه اللى على المنيكانة ده ؟
آه هو فى غيره !!
انا هدخل اشتريه .... " لو سمحت بكام الطقم اللى على المنيكانة ده ؟؟ "
ده ب 150 جنيه ... " اممم طب ممكن اشوفه " ؟؟
( دى كانت آخر قطعة عندى اللى على المنيكانة و مفيش منه فى المخزن "
" طب ما اللى فى الفاترينة ده ممكن يكون مش نضيف لأنه بقاله كتير معروض و ممكن تكون العته أكلته كمان ... انا ايه اللى يضمن لى ؟؟ انا هبعد احسن "
خلاص متشكرة اوى مع السلامة ..... " طب يا آنسه ممكن تاخديه ب 100 جنيه دى آخر قطعة و عليها اوكازيون "
لالا شكرا ... طب جربى ؟؟,,, " امرى لله ورينى "
ايه ده !! ده كان شكله احلى بكتير و هو فى الفاترينه ... " ما علشان الإضاءة سيادتك " ..... و كان شكله انضف من كده كمان ..
( الظاهر انى اتخدعت فيه )
اممممم يا ترى مين اللى حاطة نفسها فى الفاترينة ؟؟؟ و فاكرة انها بكده الناس كلها هتشتريها ؟؟ هما هيبصوا عليكى آآه لكن يشتروا ( لأ ) .
اصلك ( للعرض فقط )
و يوم ما حد هييجى يشترى مش هيفكر ياخد اللى فى الفاترينة خاااالص و لازم يختار من اللى جواه اللى متغطى , اللى مصون , اللى محفوظ من أى اضاءه او تراب او عته ...
ليه حطيتى نفسك فى الفاترينة ؟؟ و علشان ايييه و ايه اللى يستاهل انك تعرضى نفسك و مفاتنك كده على الملأ ؟؟؟ جـــــاوبى بصراحة
1_ علشان دى الموضه و كل اصحابى بيلبسوا كده ولا زم اكون مواكبة للعصر ...
موضه ايه و عصر ايه بس يا بنتى ؟؟ الموضة دى هتنفعلك بإيه فى دنيتك ولا فى آخرتك ؟؟ انتى مسمعتيش حديث سيدنا النبى عليه الصلاة و السلام "( نساء كاسيات عاريات مائلات مميلات رءوسهن كأسنمة البخت المائلة لا يدخلن الجنة ولا يجدن ريحها) رواه أبو داود .
خدى بالك من " كاسيات عاريات " و التشبيه البليغ اللى فيها .. اهو انتى كده منـــهم ... ( ايه ده ازاااى ؟؟ لأ انا بحب ربنا و بحب النبى ...)
طب اللى بيحب حد بيزعله منه و بيعصيه ؟؟
( لأ اكيييييد ) طب ليه مسمعتيش كلام ربنا لما امرنا بالحجاب وقال تعالى : ( يَا أَيُّهَا النَّبِيُّ قُلْ لأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلابِيبِهِنَّ ذَلِكَ أَدْنَى أَنْ يُعْرَفْنَ فَلا يُؤْذَيْنَ وَكَانَ اللَّهُ غَفُوراً رَحِيماً ) الأحزاب/59
انتى مييييين علشان تقولى ( لأ) مش هنفذ ؟ انتى مين علشان تعصى ربنا ؟؟
بس رغم كده بيمهلك سبحانه و تعالى و بيسترى اصله ( رحيـــم اوووى و حليــم بينا اوووى )
2_ اصل العنوسة منتشرة اووووى اليومين دول و الواحد لازم يأمن مستقبله.
هقولك الزواج ده رزق من عند ربنا و ما عند الله ( لا ينال إلا بطاعته )
ما عند الله ( لا ينال بمعصيته )... و دى تحطيها حلقة فى ودنك
و حتى لو اتجوزتى يا بنتى تفتكرى هيكون زواجك سعيد ؟؟ او هيكون زوجك ملتزم يرضى ربنا فيكى ؟؟
اصل " الطيبون للطيبات " .... اصل ربنا مش هيساوى ما بين واحدة اطاعته و التزمت بأوامره و لبست الحجاب الشرعى و بين واحده عصيته علشان تاخد الرزق ده .. صح ولا انا غلطانة ؟؟
و افتكرى ان ( العقاب من جنس العمل )
نيجى بقا لنقطة مهمه جداااااا :_ انتى بلبسك ده بتاخدى سيئات فوق سيئات عصيانك لربنا .... كل شاب نظر ليكى نظرة بتاخدى سيئة ... كل شاب شم ريحة البرفان اللى انتى حطاه آخدتى انتى سيئة كمان .
اصل انتى بتفتنيهم و بتشغليهم عن ربنا بمنظرك ده ... تفتكرى الشاب ده لو راح يصلى بعد اما بص عليكى ... ممكن يكون فى خشوع فى صلاته ؟؟
اكيييييد لأ طبعااا لأن صورتك هتكون مش مفارقة خيالة و بيفكر فيها علطوول ؟؟؟
و افتكرى كويس ان " العين تزنى و زناها النظر" و انتى عارفة الاحوال الصعبة اليومين دول ( مفيش شقق , ولا إمكانيات ولا شغل اصلا )
فلما تكونى انتى السبب فى انه يقع فى الزنا و ليعاذ بالله تفتكرى هتاخدى ذنوب اد اييييييه ؟؟؟ ( حدث ولا حرج طبعا )
3_ هو ايه اللى يخليهم يبصوا ؟؟ هما اللى غلطانين مش انا اصلهم مش محترمين.
هقولك ( ينفع نحط البنزين جمب النار و تقول ايه اللى هيخليه يولع )
اصل ( البنزين ده مش محترم )
فووووقى يا حبيبتى انتى مش اد غضب ربنا عليكى ولا عقابه ولا الذنوب اللى انتى عمالة تاخديها فى كل خطوة بتمشيها ..
اووووعى تبيعى آخرتك بدنيتك .... اووووعى تعصى ربنا .
يلااا قومى و صلى ركعتين توبة لله و عاهدى ربنا انك هتغيرى كل لبسك اللى يغضبه باللبس اللى يرضيه ♥
بقلم أختك فى الله : حب و حياة ( نورهان )
بحبكم فى الله :)
اللى فى الفاتريـــنة ( لأ )
العرض العادي
