قصيدة كتبها طلاب طب المنصورة!!!

[ام عمار السلفية]

السلام عليكم ورحمة الله وبركاته

طلاب طب المنصورة كتبوا قصيده حلوه خاصه بطلاب الطب فحبيت انقلهالكم يارب تعجبكم



الانشوده


على قد ماضيعنا سنين من ايامنا وعمرنا فيه

على قد ماكلنا حاسين باطمئنان مش عارفين ليه

يمكن علشان اتخرجنا وتعبنا ده مرحش بلاش

ولا عشان م الطب خرجنا عقلنا فينا متجنناش

لسه الروح فينا وعايشين على قد ماضيعنا سنين

من اول مشوار مشيناه والفسيولجى تعبنا معاه

كملت بالتشريح والكيميا والهستولوجى ولا فهمناه

جاتلنا فارما ياناس م الفرما عقلنا بقا م البقره شورما

مهما ذاكرنا بفولوجى بذمه فى الأخر برضه بننساه

قولنا فى رابعه نشم نفسنا انف واذن صدع راسنا

رمد شرعى وفيهم احتسنا والكميونتى وا اسفاه

ياسلام سلم بقا ع الباطنه دى مكونتوش تسمعوا فيها صوتنا

ولا اطفال ولا نسا وجراحه لأ بصراحه احنا اتزبطنا

لينا الجنه قولوا امين على قد ماضيعنا سنين

كان مشوار متعب وطويل بس فى نفس الوقت جميل

رغم سهرناه طول الليل لسه الجاى اكتر بكتير

واحنا هنعمل فيه اللى علينا اما الباقى مهوش باايدينا

ربنا وحده اللى بيشفينا والطب يادوب فاعل خير

واحنا اختارنا يكون مهنتنا ولاعمرنا ننسى داكاترتنا


م . ن . ق . و . ل