|
|||||||
| القرآن الكريم [أفلا يتدبرون القرءان أم على قلوبٍ أقفالها] . |
 |
|
|
أدوات الموضوع | انواع عرض الموضوع |
|
#1
07-18-2010, 01:35 PM
|
|||
|
|||
برنامج قرائنى ســـر حياتى
 برنامج قرائنى ســـر حياتى تقدمة / ** نور الجنة ** في إحدى المنتديات تم نقله هنا للإفاده  مقدمة + الحلقة الأولــى  كلنا بنقرأ القرآن لكن .. هل بنقراه ونفهم معانيه صح ؟ هدفنـــــا اننا نفهم معانيه ومش بس كده نستشعر الآيه نحس فعلا انها سر حياتنا يعنى ايه؟ طيب هديكم مثال يعنى مثلا واحنا بنقرأ كتاب او قصه او مجله مش فى افكار من المجله دى بتيجى فى دماغنا فى افكار منها بنحب ننفذها مثال يوضح اكتر لو بنقرا مجله بتتكلم عن تنزيل برامج للكمبيوتر بتعمل ايه؟؟ بتطبق عملى وتفتح جهازك وتشتغل لو دخلت دماغك طيب لو بتتفرج على مسلسل درامى مش ببتفاعل بمشاعرك وبتحس انك داخل القصه ولما يبقى فى مشهد مضحك بتبتسم كأنه ليك انت ولما موقف محزن تبكى ما بالك بقى بكتاب فيه كل حاجه كتاب في كل المجالات + بيفتح لك مخك قرآنك مش كلام عادى ده من رب العالمين وغير كده ان قراءته بتدبر يعنى نتفكر فى معانيه ونستخرج منها حاجات نعيش بيها بيفتح المخ واحسن من قراءة مئة مكتبه !! غير كده فى آيات هتحس بيها هتلمسك آيات فرح هتفرحك وآيات عن زعل حبيبك ربك هتبكيك يلا مع بعض نبدأ سوا نفهم ونطبق ونستمتع بكلام حبيبنا الرحمن تعالوا نبدأ يلا افتح المصحف آيه فى سورة العنكبوت جميله اوى وهنستمع ليها ونفهمها ونجربها سوا ونستطعم جمالها سوا على فكره!! كل آيه من آيات القرآن بتكلمنا وبتعلمنا افتح بس لها اذنك وحسها من قلبك هتعرف ان كل آيه بتديك خبرة عمليه فى حياتك وبتعلمك حاجه بسم الله الرحمن الرحيم ((وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا ۚ وَإِنَّ اللَّهَ لَمَعَ الْمُحْسِنِينَ )آية 69 سورة العنكبوت التفسير قبل ما اقول التفسير تعالوا نفكر فى كلامها لوحدنا اقرأها تانى خلاص كده انت فهمت نصها ولو ماوصلتش لك اوى تعالى اقرأ التفسير وبعدين نتكلم من تفسير ابن كثير وَاَلَّذِينَ جَاهَدُوا فِينَا " يَعْنِي الرَّسُول صَلَّى اللَّه عَلَيْهِ وَسَلَّمَ وَأَصْحَابه وَأَتْبَاعه إِلَى يَوْم الدِّين " لَنَهْدِيَنَّهُمْ سُبُلنَا" أَيْ لَنُبَصِّرَنَّهُمْ سُبُلنَا أَيْ طُرُقنَا فِي الدُّنْيَا وَالْآخِرَة من تفسير الجلالين "لِنَهْدِيَنهمْ سُبُلنَا" أَيْ طُرُق السَّيْر إلَيْنَا "وَإِنَّ اللَّه لَمَعَ الْمُحْسِنِينَ" الْمُؤْمِنِينَ بِالنَّصْرِ وَالْعَوْن فهمت؟؟ لا ركز معايا دلوقتى ربك بيقول الذين جاهدوا فينا ؟ يعنى ايه جاهدوا فينا؟؟ مش عارف!! يعنى جاهد عشانا تخيل؟؟ برده مش فاهم؟؟ يعنى انت وانا وكلنا لما بنعمل معصيه بيحصل لك ايه؟؟ احيانا ببكى واحيانا ما بشعرش انها معصيه واحيانا بقول ايه الى خلانى اعمل كده والوم نفسي طيب تمام ماهو لومك لنفسك واحيانا بكائك ده جهاد لنفسك للمعصيه دى عارف يعنى مجاهد؟ اه المحارب شغال انت لما بتغلط بتحارب نفسك كل ده عشان مين؟ عشان ربنا مش بيحب العمل ده دى اول جزء يبقى دلوقتى ربنا بيخاطب مين بخاطبك انت وانا وكل الناس انت عارف ان كل ابن آدم خطاء بس الرسول قال خير الخطائين التوابون عارف تتوب ازاى لما تجاهد نفسك فى المعصيه وتقوله يارب سامحنى مش هعمل كده تانى هيعينك على انك فعلا ماتعملش تمام طب يعنى ايه لهنديهم سبلنا ؟؟ اهو ده الجزء التانى لما تجاهد نفسك عشان حبيبك هيرشدك لطريقه اقولك مثال: لما تروح تقول لصاحبك انا عملت المستحيل عشان اجيلك هيقولك ايه؟؟ الرد الطبيعى ليه بس تتعب نفسك لو قولتلى كنت جيتلك او بعت حد يجيبك بالعربيه صح؟ صح ولله المثل الاعلى اهو ربنا بيقولك لو انت جاهدت نفسك فى معصيه عشان تجيلى انا هفتحلك طرق توصلى بيها ايه ده بجد !!!!!!!! اها يعنى بيقولك بس جرب انت وانا هقربك ليا اقولك حاجه لو انت لسه الحمد لله فى بداية التوبه وخلاص رمضان شدك واشتغلت تمام جه موسم الحصاد اهو ؟؟ عارف حصادك ايه ان ربنا يقبلك يقبلك ازاى يوصلك ليه يفتح لك طرق خير تعملها تقربك منه وترفعك فى الجنه خلاص خلصنا فهم الآيه استنا !!!! ايه؟؟؟؟ نسينا جزء ((وان الله لمع المحسنين)) ايه ده مين المحسنين دول؟؟ المحسنين دول ناس حبوا ربنا بجد تفسيرها ككلمه الاحسان ليه كذا معنى واشهرها ان تعبد الله كأنك تراه برده يعنى ايه؟؟ تسمع عن مثل مصرى يقولك البعيد عن العين بعيد عن القلب؟؟ اها طيب شايف انه صح مع ربنا؟؟ طبعا لا ليه؟ مش عارف بس ما ينفعش نقول كده لان ربنا فى كل مكان فى قلوبنا وفى عيونا وفى كل شيئ فى دنيتنا اقولك انا ليه ما ينفعش؟ قول لأن زى مانت قولت ربنا فى قلوبنا فانت لما بتحب حد بتشوفه بقلبك قبل عينك انت بتحب ربنا ده اكيد لكن هل بتشوفه؟؟ طبعا لا طيب ربنا بقى بيقول المحسنين بيشفوه؟؟؟؟!!!!!!!!! عارف ازاى الاحسان فى اى عمل انك تتقنه لدرجه تشعرك ان العمل ده هو حياتك احسان فى بر الوالدين مش انك تعمل العمل بناء على طلبهم لا انك تعمل العمل من غير مايطلبوا حباً فيهم على نفس الطريقه الاحسان فى عباده ربك انك بتعملها عشان بتحبه مش عشان واجب وخلاص؟؟ تعرف تعمل كده؟؟ مممممم لا مش قوى اقولك على طريقه سهله تبقى بيها من المحسنين؟؟ قول لا مش دلوقتى فى الحلقة الجايه هقولك ازاى تكون من المحسنين مع آيه جديده استنى قبل ما امشي عايز اقولك حاجه؟؟ واجب عملى غمض عينك و... .......................  لا ماتنامش  حس الآيه اقرأها وغمض عينك وتخيلها وشوف بعدها هتطلع منها بايه الآيه فيها حكم كتيره بس هسيبك تكتشفها وتقولى الآيه دى علمتك ايه  تم تصغير هذه الصورة. إضغط هنا لرؤية الصورة كاملة. الحجم الأصلي للصورة هو 1000 * 1195. والى اللقاء فى حلقة جديدة من حلقات قرائنى سر حياتى 
|
|
#3
07-22-2010, 02:56 PM
|
|||
|
|||
اقتباس:
أسعدني مرورك الطيب وكلامك العطر يا أم مريم شكرا لك
|
|
#4
07-22-2010, 04:35 PM
|
|||
|
|||
|
الحلقه الثانيه
الحلقة الثانية
 فكرتوا معايا فى الآيه الى فاتت؟؟؟ استشعرتوا جمالها ؟؟ عملتوا ايه معاها ؟؟؟ دلوقتى بقى وقبل الحلقه عايزه اسمع منكم خدتم ايه من الآيه دى ؟؟؟؟؟؟ اكتبوها انتم عارفين ان احنا ممكن ناخد نوايا من كل آيه عارفين ازاى؟؟ لا مش عارفين ازاى؟ اقولكم انا كل واحد قبل مايجي يعمل اى عمل حتى لو هتروح مثلا تتغدى ممكن تاخد نيه والى هتعمله بدل ماكان هيبقى عادى هتاخد عليه ثواب والحسنات يذهبن السيئات يعنى كل نية بحسنه والحسنه بعشر امثالها والله يضاعف لمن يشاء شوف ماشاء الله صحيفتك ممكن تكون بيضاء؟؟!!! لا دى مبالغه شويه وافتكاسه من عندك!!! لا والله مش مبالغه ولا افتكاسه طب بص للمعادله دى نية +عادة=عبادة قريتها قبل كده؟؟ لا ابدا يعنى ايه تعالى نفك شفرتها سوا ياابنى ماتدخل فى الآيه على طول اصبر بس ماهو كلامى ده كله له علاقة بالآيه طيب بص يا سيدى نية يعنى تقول ليه انا بعمل كده عند كل حاجه يعنى اديك مثال انت دلوقتى رايح الكليه الصبح بدرى صاحى وجاهز كلت وشربت ونازل عشان المحاضره رايح ليه؟ عشان اتعلم برده ليه؟ عشان العلم نور!! برده ليه ؟ عشان ربنا بيحب الى بيطلب العلم والرسول قال نطلب العلم شغاااااال جدا شوف كام سيئة اتمسحت دلوقتى؟ هقولك انت قولت انا رايح الكليه عشان اتعلم ادى نية مسحت سيئة والحسنه بعشر امثالها يعنى 10 حسنات حلوا محل سيئه!! والله اعلم يمكن ربنا ضاعفها لك وقولت عشان العلم نور ادى نية تانيه ومسحت سيئة واتحطت 10 كمان !! وقولت عشان ربنا بيحب كده والرسول بيحب كده ومسحت سيئة وحل بدالها 10 كمان شوف يا سيدى مجموع حسناتك دلوقتى لو ماعندكش ولا حسنه فى حياتك 30 حسنه فى لحظة واحده متخيل!!! لا بجد!!! اه والله والله اعلم يمكن اكتر بفضل حبيبك الرحمن ده اول المعادله لنص التانى +عاده ايه هى العاده يا استاذ؟؟؟؟؟ العاده هى اى حاجه متعودين نعملها شغااااااال طيب قولى مثال انت بقى الى تقول مش على طول انا ارغى عايز اسمعك شويه والله هتعلم منك انت بتسخر ولا ايه؟؟ لا ابدا والله كل انسان بيتعلم من الى قدامه كلنا عقول ربنا خلقها وقلوب فيها خير وفيها ..... فبنتعلم من الخير سمعنى الخير منك مش معنى ان الانسان بيعصى انه وحش بالعكس انت قدوه لغيرك لما تنمى الخير الى جواك ماشي ياسيدى مقبوله بص العاده مثلا زى اننا بنفطر ونتغدى ونتعشى او مثلا اتوعدنا نصحى من النوم نفتح القرآن فى البيت او مثلا اتوعدنا نصحى الصبح نلبس ونروح تمرين الطايره فى النادى كل دى عادات شغااال طيب لو خليت للعاده دى نية وانا شرحتك النيه فوق تفتكر هتساوى ايه مانت قولت هتساوى حسنات يذهبن سيئات تمام لا قصدى هتساوى ايه كمان؟ اها زى مانت قولت = عباده عارف يعنى ايه عباده ؟ عندك عبادات كتيره مثل الصلاه والزكاه وووو ودول بتاخد عليهم ثواب كبير لكن بالمعادله دى مش هتخلى دقيقه فى حياتك الا ليها ثواب عظيم وسيئات تزووووووول ولو كانت جبال وربك كريم بيحبك فممكن يعفو عنك انا كده فهمت انت عايزنى اعمل كل حاجه وقبلها اقول لنفسي انا بعملك ليه؟ تمام اوى تفسيرها بتفسير الجلالين قَالَ هُمْ أُولَاءِ" أَيْ بِالْقُرْبِ مِنِّي يَأْتُونَ "عَلَى أَثَرِي وَعَجِلْت إلَيْك رَبّ لِتَرْضَى" عَنِّي : أَيْ زِيَادَة فِي رِضَاك وَقَبْل الْجَوَاب أَتَى بِالِاعْتِذَارِ حَسَب ظَنّه وَتَخَلُّف الْمَظْنُون لَمَّا مش فاهم اقولك انا ركز معايا سيدنا موسى بيقول لربه انا عجلت ليك فاهم يعنى ايه؟ يعنى ايه!! هديك مثال لما بتروح تقابل حد من صحابك بتحبه اوى او رايح تقابل شخصيه مشهوره بتعمل ايه؟؟ لو معادك مثلا معاه 9 صباحا مممممم بصحى الصبح على 7 البس واجهز وانزل 8 اوصل المكان بدرى قبله فى اتم الاستعداد شغال يعنى انت بتوصل بدرى عنه طب ليه؟ عشان ما يجيش هو ويستنانى انا استناه ده لانى اصلا ممكن ماعرفش انام ليلتها فبسرع عشان اشوفه اديك قولت بسرَّع عشان اشوفه يعنى على السريع بلبس وباكل وبنزل ولو تطلب الامر انى ماستناش موصلات واخد تاكسى هعمل صح؟ صح!! اهو سيدنا موسى رايح يقابل حد اعظم من كل دول بكتير جدا وهو ربنا وعشان هو بيحب ربنا اوووووووووى قاله يارب انا سرَّعت عشان اجيلك يارب انا سرَّعت عشان اكلمك واخذ رسالتى منك فهمتنى اها فهمت بس عايز افهم ايه علاقته بكلامنا الاولانى؟!! اقولك بص ياسيدى نرجع للمعادله قولهالى كده ؟؟ تمام ؟ تمام نيتنا الى عايزين نحطها سوا انا وانت وكل مشاهد للحلقه المره دى هى دى وعجلت اليك ربى لترضى يعنى لما تيجى ماما تنادى يا فلان قوم اغسل لى المواعين تردد فى نفسك وعجلت اليك ربى لترضى عجلت يعنى سرَّعت جرييييييييييت يعنى قوم بسرعه امسك الليفه والصابون واغسل قبل ما ماما تخلص الكلمه وكده نرجع لمرجوعنا غسل المواعين بقى عباده شفت!! لا بتهرج فى دى !! لا والله بتكلم جد سل المواعين لماما بقى عباده ويسلام لو سألت نفسك انا بعمل كده ليه هتطلع شوية نوايا ونمسح السيئات يلا يا ابنى خلينا نشتغل مسح وكنس للسيئات نهاااااااااائي يلا ؟؟ يلا موافق !! بس مستغرب في حاجه اسمها مواعين =عباده!! اها مش اتفقنا هنحط نوايا والواجب العملى يا فندم انك تقول وعجلت اليك ربى لترضى عند كل عمل غسل مواعين\ خروجه مع الاهل\خروجة مع الصحبه (بس فى الحلال يا استاذ ) \خروجه مع الاقارب\ عمل الاكل \مساعده ماما فى تحضير السفره\ داخل انام \مذااااااااااكره\ حتى القاعده على الانترنت (فى الحلال برده) انت بتهرج !! قاعده على الانترنت!! ثواب!! اه يابنى.. قول وعجلت ايك ربى لترضى وافتح جهازك وادخل على مواقع تتعلم منها هتلاقى ربنا فتح عليك افتكر الاآيه بتاعت الحلقه الاولى قولنا لو احنا جاهدنا نفسنا ربنا هيعمل لنا ايه؟؟ هيفتح لنا طرق الوصول لطاعته تماااااااااام وهو ده الى هيحصل ان شاء الله جرب بس واعمل الواجب الى اتفقنا عليه... ماشي اتفقنا .. صحيح بالمناسبه!! خير انت كنت قولت الحلقة الى فاتت انى اكون من المحسنين وهتعلمنى اكون ازاى؟ صح وايه المشكل؟ انت ماقولتش لا قولت فين ده وانتم كمان اقروا الآيه هتعرفوا ازاى هتبقوا من المحسنين وتعبد ربك كأنك تراه وهتشوفه بقلبك والحقلة الجايه هنعيش مع ... آيه تانيه .. بس قبل ما امشي الآيه الجايه لها علاقه بالاتين عارف ازاى؟؟ تعرف تقولى طريقه تثبت بيها بطاقة الخير الى جواك وتشتغل بيها مئه بالمئه مممممم لا طبعا انا هقولك بس الحلقة الجايه هتعرف ازاى تثبت على الخير دلوقتى بقى واجبك العملى تشتغل بالنيه دى وتبتكر فاكر لما قولت الصحابه كانوا تجار نوايا يلا تاجر بالنوايا واكنس السيئات بالحسنات وعشر امثالها وواجب تانى غمض عينك تانى!! اه تانى وده مع كل آيه عارف ليه لأنك مش هتعرف تشتغل اصلا الا لما تحس الآيه ومش هتحسها الا لما تقرأها وتقفل عينك وتتخيلها ماشى اوعدك هطبق حلقة انهرده ومتغبش الحلقة الجاية لأن انا حبيت الحلقات اوى  حاااضر يلا السلام عليكم ورحمة الله وبركاته وعليكم السلام ورحمة الله وبركاته
|
|
#5
07-26-2010, 03:54 PM
|
|||
|
|||
|
لا إله إلا الله محمد رسول الله
|
|
#6
07-26-2010, 04:03 PM
|
|||
|
|||
|
برنامج قرانى سر حياتى " حمله هنتغير بجد الا ايه؟؟السلام عليكم ورحمة الله وبركاته وهداه وعفوه ورضاه عاملين ايه؟؟ ايه اخبار الآيه واخبار النوايا؟؟؟ يلا ندخل على طول على الآيه المره دى مافيش مقدمه كل الى هقوله هفكركم فاكرين قولنا ايه قولنا اننا انهرده هعنرف ازاى نثبت على الطاعه ومايحصلش فتور وما يكونش حماسه وهبطت اكيد بنخلص الحلقه بنبقى شعله لكن لو سيبتك اسبوع لو كنت بتعمل 100 عمل فى اليوم هتكون بتعمل 50 ولو استنيت اسبوعين هلاقيك بتعمل عمل صح؟؟ ليه بس كده تهبطنى؟؟ لا مش بهبطك ده حال البشر كلهم مش لوحدك مافيش عمل كبير ممكن يستمر الا ... الا لما يكون فيه شرط اساسى تيجى نشوفه فى الآيه بتاعت اليوم؟؟ ممممممم طيب بسم الله الرحمن الرحيم ((وَسِيقَ الَّذِينَ اتَّقَوْا رَبَّهُمْ إِلَى الْجَنَّةِ زُمَرًا ۖ حَتَّىٰ إِذَا جَاءُوهَا وَفُتِحَتْ أَبْوَابُهَا وَقَالَ لَهُمْ خَزَنَتُهَا سَلَامٌ عَلَيْكُمْ طِبْتُمْ فَادْخُلُوهَا خَالِدِينَ) (73) سورة الزمر قبل تفسيرها اقرأها تانى بصوتك واغمض عينك للحظات خلاص افتح بقى شفت ايه وحسيت بايه؟؟؟ لسه ماحستش ؟؟ لسه ماحستش ؟؟ طب يلا بينا على التفسير وبعدين نتكلم جزء من تفسير ابن كثير وَهَذَا إِخْبَار عَنْ حَال السُّعَدَاء الْمُؤْمِنِينَ حِين يُسَاقُونَ عَلَى النَّجَائِب وَفْدًا إِلَى الْجَنَّة " زُمَرًا " أَيْ جَمَاعَة بَعْد جَمَاعَة : الْمُقَرَّبُونَ ثُمَّ الْأَبْرَار ثُمَّ الَّذِينَ يَلُونَهُمْ ثُمَّ الَّذِينَ يَلُونَهُمْ كُلّ طَائِفَة مَعَ مَنْ يُنَاسِبهُمْ : الْأَنْبِيَاء مَعَ الْأَنْبِيَاء وَالصِّدِّيقُونَ مَعَ أَشْكَالهمْ وَالشُّهَدَاء مَعَ أَضْرَابهمْ وَالْعُلَمَاء مَعَ أَقْرَانِهِمْ وَكُلُّ صِنْف مَعَ صِنْف كُلّ زُمْرَة تُنَاسِبُ بَعْضهَا بَعْضًا " جزء من تفسير الجلالين حَتَّى إذَا جَاءُوهَا وَفُتِحَتْ أَبْوَابهَا" الْوَاو فِيهِ لِلْحَالِ بِتَقْدِيرِ قَدْ "وَقَالَ لَهُمْ خَزَنَتهَا سَلَام عَلَيْكُمْ طِبْتُمْ" حَال "فَادْخُلُوهَا خَالِدِينَ" مُقَدِّرِينَ الْخُلُود فِيهَا وَجَوَاب إذَا مُقَدَّر أَيْ دُخُولهَا وَسَوْقهمْ وَفَتْح الْأَبْوَاب قَبْل مَجِيئِهِمْ تَكْرِمَة لَهُمْ جزء من تفسير الطبرى يَقُول تَعَالَى ذِكْره : وَحُشِرَ الَّذِينَ اِتَّقَوْا رَبّهمْ بِأَدَاءِ فَرَائِضه , وَاجْتِنَاب مَعَاصِيه فِي الدُّنْيَا , وَأَخْلَصُوا لَهُ فِيهَا الْأُلُوهَة , وَأَفْرَدُوا لَهُ الْعِبَادَة , فَلَمْ يُشْرِكُوا فِي عِبَادَتهمْ إِيَّاهُ شَيْئًا { إِلَى الْجَنَّة زُمَرًا } يَعْنِي جَمَاعَات , فَكَانَ سَوْق هَؤُلَاءِ إِلَى مَنَازِلهمْ مِنْ الْجَنَّة وَفْدًا فهمت ؟؟ ربنا بيقول فى كتابه العزيز الى اتقوه فى الدنيا من ترك معاصى وعمل على الخير الى كانوا ايد واحده الى شدوا ازر بعض هيدخلوا مع بعض هيدخلوا فين؟؟ فى الجنه ويتنعموا بنعيمها الزمره هى الجماعه زى ماقريت فى التفسير انت مش هتدخل لوحدك الجنه انا وهما وانتم معانا ان شاء الله؟ فاهم ازاى؟ ازاى؟!! مش احنا صحبه اتجمعنا عشان ربنا وعشان بنحبه وانت دلوقتى قاعد بتسمعنى عشان بتحب ربنا وعايز تقربله وانتم بتقروا كلامى عشان بتحبوا ربنا وعايزين تشدوا نفسكم وهممكم وتعلوا الهمه وتشتغلوا لله صح؟ صح شغال يبقى خلاص احنا مع بعض فى طريقنا لجنة النعيم ان شاء الله واستنى ما تسألش وتقولى وده ايه علاقته بالثبات على الطاعه اقولك ياسدي كام مره نزلت انت وصحابك ورحتوا السينما الفلانيه عشان فى فيلم فلانى عايزينه واهى خروجه وفسحه مع بعض يووووه ماتعدش خلينا ساكتين طب كام مره رحت انت وصحابك اتصلتوا ببعض واتفقنا الساه 6 بالدقيقه هنروح النادى عشان نرفه عن نفسنا؟؟ كتير بتدخل باب النادى وباب السينما لوحدك؟؟ لا بندخل سوا شغاااااااااال اهو ده الى انا عايز اقوله هندخل الجنه سوا عشان اتجمعنا على حب الله وطاعته اقولك وده كمان هيثبتك على الطاعه قولى الفرق بين لما تتفق انت و3 من صحابك بس على انكم انهرده هتصلوا الفجر جماعه فى المسجد المجاور والفرق بين لما تتفق انت و6 ولا 10 من صحابك على انكم انهرده من الساعه 10 مساءا امام مسرح كذا عشان حفلة الفنان الفلانى ؟؟ الفرق ان ده لله اما التانى ف...... شغال اديك قولتها لله تعرف ان ربنا بيبارك فى القليل؟ عرفت اقصد ايه بالى هيثبتك لا لسه بردو هقولك الى هيثبتك صحبه تختارها عايز تثبت على طاعه شوف حد يشدك وتشده ليها مش شرط الطاعه تكون عمل خيرى على فكره؟ مش مصدق الحقله الى فاتت قولنا العاده ازاى نخليها عباده بالنيه صح؟ صح طيب مش الجامعه والتعلم ده قولنا انها نيه جميله اها خلاص لما تروح الجامعه نقى الناس الشاطره الى تشدك فى الطاعه دى وتشدك فى كل حاجه تقربك من ربنا عايز اقولك خلى بالك مش صاحبك الى دخلت معاه السينما ده هو الى هيخليك تستمر على الطاعه ولو انت عملت طاعه واستمريت لوحدك ولو لشهر كامل شهرين تلاته هيجيلك وقت وتفتر همتك يعنى زى ماتقول كده عايز شحن للبطاريات عشان تكمل ومش هتعرف تكمل الا مع واحد يشدك لفوق فوق اوى كمان اختار صديقك الى هتلاقى هدفك معاه عارف ايه هدفك؟؟ انى اثبت على الطاعه شغال يبقى لازم تشوف صديق يشدك معاه وتشده معاك ولو واحد بس واحد ايدك ابيده للجنه احسن من 10 لل.... هو ده الى هيثبتك على الطاعه هو ده الى هيخليك تكمل اقولك تجربه خاصه بيا قول ؟؟ انا لى صديق كل مااحس بفتور فى طاعه او فتور فى اى عمل بعمله وهو برده طاعه انا بكلمه اقوله يا فلان انا بتصل عشان عايز اشحن بطيراتى اصلها فضيت وهو كمان وبفضل ربى ثم بفضله بنحقق طاعات كتييييييير يارب ربنا يقبلها منا دور على الى يشحن بطيراتك عشان تدخل معاه زمرا خلى بالك مش بس انت وهو الى هتدخلوا مع بعض هيدخل معاكم الى مثلكم لو سمعت عن مثل يقول هو ده الى هيحصل وهتقع على الى شكلك عايز تقع مع مين ؟؟؟؟؟؟ اختار واجبك العملى دعوة باليل انك تلاقى الصحبه الصالحه الى تعينك وتشدك وتشدها بس ده واجبك العملى وكلاكيت تالت مره غمض عينك قبل ما تعمل الواجب وحس الآيه تحب نقراها سوا تانى ((وَسِيقَ الَّذِينَ اتَّقَوْا رَبَّهُمْ إِلَى الْجَنَّةِ زُمَرًا ۖ حَتَّىٰ إِذَا جَاءُوهَا وَفُتِحَتْ أَبْوَابُهَا وَقَالَ لَهُمْ خَزَنَتُهَا سَلَامٌ عَلَيْكُمْ طِبْتُمْ فَادْخُلُوهَا خَالِدِينَ) (73) سورة الزمر تخيل نفسك مع الزمرا الى داخله الجنه وتخيل خزنة الجنه وهما بقلولك ويقلوا لصحبتك الطيبه سلام عليك يا فلان ويا صاحب فلان طبتم ادخلوا الجنه خالدين فيها الله شامم ريح الجنه دلوقتى يلا بينا ندخلها بس استنى !! ايه يابنى قطعت خيالى!! الجنه مش بالساهل لازم تشتغل عشانها اشتغل ازاى؟؟ هتعرف لما تعيش مع الآيه الجايه تاااااااانى ماتنساش واجبك العملى وواجبكم انتم كمان انهرده باليل مابين الساعه 2 للصلاة الفجر خلى على لسانك دعوه واحده يارب ارزقنى الصحبه الصالحه الى تقربنى منك
|
|
#7
08-02-2010, 07:44 PM
|
|||
|
|||
|
لاإله إلا الله محمد رسول الله
|
|
#8
08-03-2010, 08:47 AM
|
|||
|
|||
|
الدرس التاني بعد قليل
صلى الله على محمد صلى الله عليه وسلم
|
|
#9
08-03-2010, 09:31 AM
|
|||
|
|||
|
اقتباس:
اللهم صل على محمد وعلى آله وصحبه وسلم
|
|
#10
08-08-2010, 01:31 AM
|
|||
|
|||
|
لا إله إلا الله محمد رسول الله
|
|
| الكلمات الدلالية (Tags) |
| الأولـــى, الحــلقــة |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض العادي
