أختي الحبيبة الحالمة بالجنة - جعلكِ الله من أهلها-
أولاً اسمحى لى أن أرحب بكِ في منتداكِ وبين أخواتك في الله
اسأل الله أن تجدي بيننا الصحبة الصالحة والخير والمنفعة بإذن الله
حبيبتى والله أنا سعيدة جدا بكلماتك الجميلة التى كتبتيها
تبارك الله
يجب أن تشكرى الله عز وجل لأنه رزقكِ بشئ تُحسدي عليه وحُرم منه الكثيرات
وهو أنك تعرفى طريق الحق هكذا أحسبك
تعرفى أن النقاب حق وتعرفى أنه أمر الله وأنه الخير لكِ
أنتِ فى نعمة يا حبيبة لأن الله قذف فى قلبه حب طاعته والعمل لمرضاته والرغبة فى رضاه والفوز بجنته
كما أنك تملكى شئ جميل جداً وهى أنك تعرفى أن ما يثبط عزمك واقدامك على هذه الخطوة هى وسوسة الشيطان الرجيم ووسوسة نفسك الأمارة بالسوء
لكل منا نفس تأمره بالمعصية واجتناب الطاعات
ولكن يجب عليكِ الانتصار على هذه النفس
قوليلها لا انا عارفة انتى عايزة تودينى فين
أنا عارفة غرضك كويس
عايزة تثبتى من عزيمتى وتتبعى وسوسة الشيطان
لا وألف لا
أنا حبى لربى أكبر
ورغبتى فى طاعته أكبر
وحلمى بجنته أكبر
وسأنتصر عليكِ بالله
حبيبتى اعرفى ان الانسان ضعيف جدا
ضعيف وهو لوحده
لكن ربنا قاااااادر
قادر وقوى
استعينى بالله وانتى تنتصرى على وسوسة الشيطان
استعينى بالله قولى يارب أنا عايزة طاعتك ورضاك
يارب اعوذ بك من الشيطان الرجيم الخبيث الذى لا هدف له سوى بعدى عنك لأكون فى الجحيم مثله
يارب عايزة الجنة
يارب أنا ضعيفة
يارب اجبر كسرى
يارب قوى ايمانى
يارب ثبت قلبى
ادعى وابكى وانتى بتدعى
حتى لو مش حسه برغبة فى البكاء
تباكى حتى يعتاد قلبك على البكاء
حبيبتى أنا من كلامك حسيت انك عاقلة تبارك الله
وعارفه ومحددة انتى عايزة ايه
عايزة الجنة وعايزة تمشى فى الطريق اللى يوصلك ليها
تفتكرى ان كام جيبه وكام بادى وكام طرحه دول يستاهلوا انك تخسرى الجنة ؟؟؟
تفتكرى ان سعادتك بلبس هدومك أكبر ولا سعادتك وانتى فى الجنة مع أمهات المؤمنين والصحابيات رضى الله عنهم ومع نساء المؤمنين الصالحات لأنك تشبهتى بيهم فى الدنا
مش اللى بيحب حد بيقلده ؟
اصحاب الهوى واصحاب المعصية لما واحدة فيهم بتحب مطربة أو ممثلة بتعمل ايه ؟
بتقلدها بتحاول تكون زيها مش كدة
وهما على باطل
وعلى ضلال
احنا بنحب مين ؟
بنحب امهات المؤمنين
بنحب ستنا عائشة وفاطمة وخديجة وأم سلمة وجويرية وسمية
يبأه لازم نكون زيهم
مش بالمظهر بس
لكن بالمظهر والجوهر كمان
حبيبتى احب اقولك حاجة مهمة
مش معنى انك لبستى النقاب انك خلاص تذهدى فى لبسك وانك تهملى فى نفسك ,,, بالعكس
والله العظيم يا حبيبتى فى منتقبات كتييييييييييير أعرفهم بيلبسوا فى بيتهم أشيك لبس ويستخدموا فى بيتهم افضل برفانات وميك اب
وبتعمل كل اللي هيا عايزاه
بس فى بيتها
معظم الغير ملتزمات بتتشيك وهى خارجه لكن فى بيتها بتهمل فى نفسها
لكنى انتى هتكونى جوهرة مصونة برة بيتك محدش شايفك ولا حد يقدر يقرب منك
ملكة ماشية على الارض وجو بيتك اعملى كل اللى انتى عايزاه
حبيبتى الجنة
مش نفسك فيها
مش نفسك تقابلى النبى صلى الله عليه وسلم على الحوض وتقوليله يا رسول الله سمعت كلامك ولبست النقاب يا رسول الله
يا رسول الله انا بحبك وعايزة اكون معاك فى الجنة اشفعلى عند ربى لأن سمعت كلامك وأطعتك
وتلاقى رسول الله صلى الله عليه وسلم بيمد لك ايده تشربى من كفه الشريف شربه لا تظمأى بعدها ابدا
وتكون واقفة جمبك واحدة كانت بتعمل كل اللى هيا عايزاه وبتعصى ربنا
تقوله يا رسول الله اسقينى مثلها
الرسول صلى الله عليه وسلم يقولها سُحقاً سُحقاً ( أي بُعداً بُعداً )
هى لم تقدم شيئا فى دنياها فخسرت اخراها
حبيبتى والله بحبك جدا عشان حسيت من كلامك برغبة حقيقة فى الطاعة
حبيبتى مش تترددى
نفذى على طول
قومى حالا انزلى اشترى النقاب والبسيه
مش لازم تمهدى وتستنى
مش تخلى الشيطان يأثر عليكى
أنا لما فكرت انى البس النقاب كل شوية اقول لنفسى طب ءأجلها شوية
طب استنى شوية
طب لبسى
طب هدومى
طب الزواج
الاخر حسيت انى تايهه وعايزة اقف مع نفسى واقفة حازمة
فجأة قولت انا هستنى لحد امتى
انا هلبسه واللى يحصل يحصل
مش مهم اى حاجة المهم بس ربنا يرضى عنى
وطالما رضى عنى يبأه هيرزقنى بالخير
ما هو مش معقول مش يرزقنى بالخير
لانى اطاعته وسمعت كلامه وبحبه اوى ونفسى ااقرب منه ونفسى ادخل الجنة
اكيد ربنا هيحبنى واكيد هيرزقنى بالخير
وقد كان ولله الحمد
حبيبتى مش تترددى
انا عايزة بعد المشاركة دى الاقيكى بتقولى انا هنزل اشترى النقاب الان
او انا لبست النقاب الان
منتظرة مشاركتك يا حبيبه
فى انتظار ردك على أحر من الجمر
أحبك فى الله