السلام عليكم ورحمة الله وبركاته
رسالتي إلى كل أخت تأخر زواجها وأيضا لكل أولياء أمور الأخوات
هممت أن أكتب هذا الموضوع من فترة إلا أن الله عزوجل قدر إن أنشغل أو يحدث
ظروف تمنعني من الكتابة ،والسبب إن قررارت لكتابة هذا الموضوع للحديث الشبة
يومي مع أخواتي في الله عن مشكلتها في تأخر زواجها مع اسرتها وعائلة ....إلخ.
مقدمة للموضوع :يا أخواتي في الله يا من أخترتي طريق الحق الطريق المستقيم
من أجل الأخرة وزهدتي في هذه الدنيا وفي كل شيء يبعدك عن الله عزوجل
اعلمي بارك الله فيكن وثبتكن على الطاعة إننا في عصر الفتن والقابض على دينه
كالقابض على الجمر ،علشان كده مش تضعفي أمام هذه الفتن فتسقطي فيها
-عياذً بالله- وعلشان أكون واقعة وبتكلم من الواقع والحل يكون واضح لكن أحب
أخبركم بعلمي بسيناريو محفوظ في كل بيت -إلا من رحم ربي-
تيجي البنت تسلك طريق الإلتزام واتغير حياتها وتختار طريق الحق وتبدء تغيير
لبسها وتمنع نفسها واتجاهد نفسها في كل صغيرة وكبير وتبدء تتعلم علم شرعي
وممكن تكون الوحيدة في بيتها ملتزمها لاء دا ممكن تكون في عيلتها كلها كمان
ويبدء الابتلاءات تشتد وتخرج من ابتلاء تلو الابتلاء مع رحمة ربنا عزوجل بيها
طبعا ويبتلى المرء على قدر دينه وما كان للمرء في دينه من صلابة اشتد له الابتلاء
ومن ضمن التغيير هو إختيار زوج المستقبل وتبدء الأخت تضع شروط ومواصفات
من الشرع لكي تتزوج الزوج الصالح وتسعد في الدنيا والأخرة ،وهذه المواصفات
تختلف جملة وتفصيلا عن قبل الالتزام ومن هنا يبدء صراع الحق مع الباطل ،
البنت تقدم لها عريس بيشرب سجائر غير ملتزم بشرع الله (صلاة زكاة بر الوالدين
صلة الارحام .....إلخ تبدء ترفض والأهل يعترضوا وتبدء ترفض عريس تلو
العريس ويصبح هذا حالها حتى يتقدم بها العمر ممكن سن المنتصف لا هى كبيره
ولا صغيرة وممكن يزداد ابتلاءها وتتقدم في السن لتصل سن العنوسة !
في هاتين الحالاتين يبدوا الأهل والناس وكل من هب ودب يدخل فيما يخصه وما
لا يخصه ويبدء الغمز واللمز على الطاهرات العفيفات والله المستعان! إنه البلاء
حقا ،ويحدث الآتي :تقدم عريس طبعا ليس على المواصفات كالعادة بالنسبة
للأخت الملتزمة وعريس ميه ميه بالنسبة للأهل والناس العادية تبدء ترفض
لكن هنا المحنة تبدء تسمع الأتي :1- الأم انتي بتستهبلي كل شوية ترفضي
مفيش حد عجبك انتي السكينة سرقكي الاصغر منك اتجوزوا والأكبر منك هو انتي
وحشة واللى بيره انتي مش حصلتي بنت فلانه ولا بنت علانه ميلتي بختك بيدك
انتي كل يوم بتكبري هاتخلفي امته كل الواحده لما بتكبر بيجلها عريس وحش
يجلها المتجوز واللي مطلق واللي معاه عيال ليه تتعيسي نفسك بيدك أنا يابنتي
كبرت وهاموت مين هايدخل عليكِ بعدي أخوكي هايجوز وهايبقى ليه بيته وعيله
ابئي قبليني لو عبرك غير ان الناس مش هايرحموكي يا بنتي ضل رجل ولا ضل
حيطه ! يا بنتي انتي حرة انا تعبت معاكي وذنبي في رقبتك انتي سبب مرضي!
2- يجي أخوها بئى انتي مالك فيكِ ايه خمسمئة عريس جالك مش عجبك هو انتي
السفيرة عزيزة واللى ايه انا مش قعدلك أنا هاسافر بره واللى عاوزاني قعد جنبك
ليل نهار احروصك كل شوية ترفضي ترفضي الناس دي كلها كفرة وانتي اللي
عندك إيمااااااااااااااان ماله الرجل رجل( محترم ال يعني ! )رجل وخد شهادة محترمة
وبيشتغل في وظيفة محترمة وعائلة الناس كلها عارفاهم ايه يعني بيشرب سجاير
بكره يبطلها وانتي فكرة اللي بدقنهم دول هم اللي عندهم ايمااااان انتي مش عارفه
حاجه أنا راجل وعارفهم اكتر منك دا معظمهم مش عندهم دين وبيحللوا لنفسهم
كل حاجه (والله المستعان!)بصي انا زهقت من كتر الكلام معاكي انتي الكلام مش
بيأثر فيكي أنا عارفك اصلا مخك طول عمره متركب شمال أنا مش هااوجع رأسي
معاكي أنا عندي شغل وأرفان من نفسي !.
3- الأب :يا بنتي كل الكلام ده مش أثر فيكي اختك اللي اصغر منك هاتتجوز قبلك
أنا هاأموت أنا وأمك مين هايعبرك طيب وأنا عايش محدش هايقدر يجي جنبك
ولا يمسلك على طرف وكل ما تطلبي حاجه تقوللي يا بابا عاوزه دي أقولك حاضر
علمتك أحسن تعليم وربتك أحسن تربية هو أنا أي واحد من الشارع كده هاأوفق
عليه هو اني هبلة !انتي بنتي وهاأخاف عليكي من أي واحد يبهدلك بعد ما أموت !
على العموم طول ما أنا عايش محدش هايقدر يغصبك عليكي والقرار قرارك وانتي
حرة !
-------------------------------------
بعد كل الكلام ده تلاقي البنت خلاص وصلت إلى حافة الهاوية يأما أن تثبت أو
تنتكس -عياذً بالله- وتتضعف وتوافق على أي زوج يكون عجب أهلها وطبعا الخلق
والدين بئى صعب تلاقيهم هذه الأيام صدقا وتتزوج وتسير في طريق الأحزان
والهموم والله اعلم بهايتها .
وخلاصة رسالتي اللي عملت لها كل هذه المقدمة
1- إنك مش تتضعفي مهما كانت الظروف المحيطة بيكي واطلب من الله عزوجل
الثبات على دينه.
2- إنك مهما وصل بكِ السن وتأخرتي في الزواج لازم تدققي في الإختيار وتذكري
المعانة التي تعايشي فيها لو أساءتي الإختيار وبصي على لمن حولك من المطلقات
والتعيسات.
3- جهدي نفسك بستمرار واعرفي إن مشكلتك ليست مشكلت زواج لاء مشكلة
دين وثقة في الله عزوجل وعمل يعني اهتمي بدينك يكفيكِ الله عزوجل أمر
دنياكِ ويدبرلك ويخترلك من أفضل عبادة وإعملي إن الله عزوجل غفور رحيم
ورحمة الله عزوجل قريب من المحسنين احسني في العمل .
4- اعلمي انك لم تخلقي من أجل الزواج ولكن خلقك الله عزوجل للعبادة وإن كان
قدر الله عزوجل ولم يكتب لكِ الزواج فهذا ليس نهاية الطريق ليجعلك تحزني
أخر الطريق الجنة ستكون مثواكِ إن أخلصتي وصدقتي إن شاء الله.
5-اعلمي ان رزقك في السماء وسيأتي لكِ سيأتي لكِ ولكن في وقت ما لعله أو لحكمة ولن يأخده غيرك .
6- واعلمي إن كل ما تتمنيه من مواصفات زواجك مستقبلا إن شاء الله تجديها
وزيادة إن صدقتي في نيتك .
وأذكرك بي جزء من آية جميل جدا وفيها من البشرى ما فيها المظلاله باللون الأحمر:
( يَا أَيُّهَا النَّبِيُّ قُلْ لِمَنْ فِي أَيْدِيكُمْ مِنَ الْأَسْرَىٰ إِنْ يَعْلَمِ اللَّهُ فِي قُلُوبِكُمْ خَيْرًا يُؤْتِكُمْ
خَيْرًا مِمَّا أُخِذَ مِنْكُمْ وَيَغْفِرْ لَكُمْ ۗ وَاللَّهُ غَفُورٌ رَحِيمٌ (70))الأنفال.
وللحديث بقية إن شاء الله مع رسالتي إلى أولياء الأمور لكل أخت ملتزمه
إن قدر لي ولكم اللقاء والبقاء إن شاء الله.