[الشافعى الصغير]

 

١٤٠ دليل

كتب هيثم دبور
«أى خدمة تحت أمرك»
لو سمحت شوف لى نمرة
«جمهورية مصر» عندك؟
كان معايا الأولانى
غيّروه من ييجى فترة
أصل لما طلبته قاللى
غير صحيح اللى انت طالبه
واللى طالبه..
اترفع من أى خدمة
أيوه متأكد يا سيدى
اسمها آه «جمهورية»
أما عنوانها فناسيه
وأما حالتها فشاكك
إما منزل.. أو يجوز ترخيص تجارى
شوفها عندك
قاللى «آسف..
انقطع صوت اتصالك
ما الدقيقة بنص جندى
حاول المرة اللى جاية
ولآ أقول لك
وفر القرش اللى حيلتك
اللى عايزه مش مسجل رقمه عندى»